ⵢⴻⵄⵍⴻⵎ-ⴷ ⵓⵏⴻⵖⵍⴰⴼ ⵏ ⵜⴻⵎⴳⵓⵔⵉ ⵜⴰⵙⴰⴼⴰⵔⴰⵏⵜ, ⵎⴰⵙⵙ ⵡⴰⵙⵙⵉⵎ ⴽⵓⵓⵉⴷⵔⵉ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵡⵍⴰⴷ ⵊⴻⵍⵍⴰⵍ, ⵖⴻⴼ ⵢⵉⵡⴻⵏ ⵏ ⵓⵙⴻⵏⴼⴰⵔ ⵉ ⵓⵙⴱⴻⴷⴷⵉ ⵏ ⵜⴼⴰⴱⵔⵉⴽⵜ ⵏ ⵢⵉⵙⴰⴼⴰⵔⴻⵏ ⴷⴻⴳ ⵜⵡⵉⵍⴰⵢⵜ-ⴰⴳⵉ.
ⵉⵙⵙⴻⴼⵀⴻⵎ-ⴷ ⵓⵏⴻⵖⵍⴰⴼ ⴷⴻⴳ ⵔⵔⵉⴼ ⵏ ⵜⵉⵔⵣⵉ-ⵉⵙ ⵏ ⵓⵎⴰⵀⵉⵍ ⴷ ⵓⵣⴻⵟⵟⴻⴹ ⵖⴻⵔ ⵜⵡⵉⵍⴰⵢⵜ-ⴰⴳⵉ ⴱⴻⵍⵍⵉ ⵜⴰⴼⴰⴱⵔⵉⴽⵜ-ⴰⴳⵉ, ⵉ ⴷ-ⵉⵜⵜⵓⵏⴻⵎⵍⴻⵏ ⴰⴷ ⵜⴻⵎⵎⴻⴷ ⴷⴻⴳ 16 ⵏ ⵡⴰⵢⵢⵓⵔⴻⵏ, ⴰⴷ ⴷ-ⵜⴻⵙⵙⵓⴼⴼⴻⵖ ⵢⵉⵙⴰⴼⴰⵔⴻⵏ ⵙ ⵓⵙⴻⵎⵔⴻⵙ ⵏ ⵜⵉⴽⴽⵙⵉⵡⵉⵏ (extraits) ⵏ ⵜⵉⵏⵉ.
ⴰⵏⴻⵖⵍⴰⴼ, ⵉ ⴷ-ⵉⵎⵓⵏⵏⴻⵏ ⴷ ⵍⵡⴰⵍⵉ ⵏ ⵡⵍⴰⴷ ⵊⴻⵍⵍⴰⵍ, ⵎⴰⵙⵙ ⴰⴱⴷⴻⵍⵔⴰⵀⵎⴰⵏⴻ ⴷⴻⵀⵉⵎⵉ, ⴷ ⵓⵙⴻⵍⵡⴰⵢ ⴰⵎⴹⴻⴱⴱⴻⵔ ⴰⵎⴰⵜⵓ ⵏ ⵓⵎⵓⵍⵍⵉ ⵏ ⵙⴰⵉⴷⴰⵍ, ⵎⴰⵙⵙ ⵎⵓⵓⵔⴰⴷ ⴱⴻⵍⴽⵀⴻⵍⴼⴰ, ⵢⴻⵍⴷⴰ ⵜⴰⵚⴰⵢⴷⴻⵍⵜ ⵜⴰⵎⴻⵏⵣⵡⵓⵜ ⵏ ⵓⵎⵓⵍⵍⵉ ⴰⴳⴷⵓⴷⴰⵏ ⵙⴰⵉⴷⴰⵍ ⴷⴻⴳ ⵜⴻⵎⴷⵉⵏⵜ ⵏ ⵡⵍⴰⴷ ⵊⴻⵍⵍⴰⵍ.
ⵎⴰⵙⵙ ⴽⵓⵓⵉⴷⵔⵉ ⵢⴻⵏⵏⴰ-ⴷ ⴱⴻⵍⵍⵉ ⵜⴰⵚⴰⵢⴷⴻⵍⵜ-ⴰⴳⵉ ⵜⵓⵙⴰ-ⴷ ⴷⴻⴳ ⵓⵣⴻⵏⵣⵉⵖ ⵏ 829 ⵏ ⵜⵚⴰⵢⴷⵍⵉⵏ ⵉ ⵢⴻⴱⴹⴰⵏ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ, ⴰⵏⵉⴷⴰ ⵅⴻⴷⴷⵎⴻⵏ 900 ⵏ ⵢⵉⵎⵚⴰⵢⴷⴻⵍⵏ. ⵜⵉⵚⴰⵢⴷⵍⵉⵏ-ⴰⴳⵉ ⵍⵍⴰⵏⵜ ⵣⵉⴽ ⵙ ⴷⴷⴰⵡ ⵏ ⵜⵎⵓⵙⵏⵉ ⵜⴰⵖⴻⵍⵏⴰⵡⵜ ⵏ ⵓⴼⵔⴰⵇ ⵏ ⵢⵉⵙⴰⴼⴰⵔⴻⵏ "Eⵏⴷⵉⵎⴻⴷ Sⵒⴰ", ⵓ ⴷ ⴰⵎⵓⵍⵍⵉ ⵏ ⵙⴰⵉⴷⴰⵍ ⵉ ⵜⴻⵏⵜ-ⵉⴷ-ⵢⴻⵔⵔⴰⵏ ⵜⵓⵔⴰ ⵙ ⵓⴼⵓⵙ-ⵉⵙ.
ⵉⵙⵙⴻⴽⵏⴻⴷ-ⴷ ⴱⴻⵍⵍⵉ ⵓⵍⴷⴰⵢ ⵏ ⵜⵚⴰⵢⴷⴻⵍⵜ-ⴰⴳⵉ ⵉⵜⴻⴷⴷⵓ ⴷⴻⴳ ⵓⴱⵔⵉⴷ ⵏ ⵓⵄⴰⵡⴻⴷ ⵏ ⵓⵙⴻⴷⴷⴻⵔ ⵏ ⵓⵎⴰⵀⵉⵍ ⵏ ⵜⵚⴰⵢⴷⵍⵉⵏ ⵜⵉⴳⴷⵓⴷⴰⵏⵉⵏ, "ⵙ ⵓⵙⴻⵍⴽⴻⵎ ⵏ ⵜⵓⵔⴰⴹ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ ⵉ ⵓⵃⵔⴰⵣ ⵏ ⵢⵉⵎⵓⴽⴰⵏ ⵏ ⵓⵎⴰⵀⵉⵍ ⴷ ⵓⵙⴱⴻⴷⴷⵉ ⵏ ⵡⵉⵢⴰⴹ ⵉⵎⴰⵢⵏⵓⵜⴻⵏ, ⵍⴰⴷⵖⴰ ⴷⴻⴳ ⵜⵡⵉⵍⴰⵢⵉⵏ ⵏ ⵓⵏⵥⵓⵍ".
ⴰⵏⴻⵖⵍⴰⴼ ⵢⴻⵏⵏⴰ-ⴷ ⴱⴻⵍⵍⵉ ⵜⴰⵚⴰⵢⴷⴻⵍⵜ-ⴰⴳⵉ, ⵓⴼⴼⵉⵔ ⵏ ⵓⵣⴻⵏⵣⵉ ⵏ ⵢⵉⵙⴰⴼⴰⵔⴻⵏ, ⴰⴷ ⴷ-ⵜⴻⴼⴽ ⴰⵟⴰⵙ ⵏ ⵢⵉⵎⴻⵥⵍⴰ ⴰⵎ ⵓⵟⵎⴰⵏ ⵏ ⵓⵙⴼⵓⵍⴻⵍ ⴰⵙⴰⴼⴰⵔⴰⵏ ⵉ ⵢⵉⵎⵓⴹⴰⵏ.
ⴰⵔⵏⵓ ⵖⴻⵔ
