ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵙⴻⵍⵡⴰⵢ ⵓⵏⵖⵍⴰⴼ ⵏ ⵜⵣⵎⴻⵔⵜ ⴷ ⵜⵣⵎⴰⵔ ⵜⵉⵎⴰⵢⵏⵓⵜⵉⵏ, ⵎⴰⵙⵙ ⵎⵓⵔⴰⴷ ⵄⴻⵊⵊⴰⵍ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵍⵣⵣⴰⵢⴻⵔ ⵜⴰⵎⴰⵏⴻⵖⵜ, ⵢⵉⵡⴻⵜ ⵏ ⵜⵉⵎⵍⵉⵍⵉⵜ ⵢⴻⵔⵣⴰⵏ ⴰⵏⴰⴷⵉ ⵏ ⵡⴰⵟⴰⵙ ⵏ ⵢⵉⴼⴰⵢⵍⴻⵏ ⵢⴻⵇⵇⵏⴻⵏ ⵖⴻⵔ ⵓⵡⴰⵀⵉⵍ ⴰⵖⴻⵍⵏⴰⵡ ⵉ ⵓⵙⴻⵇⴷⴻⵛ ⵏ ⵜⵣⵎⴻⵔⵜ ⵙ ⵍⵎⴻⵏⵜⴻⵇ ⴷ ⵓⵙⴰⵍⴰⵢ ⵏ ⵜⵣⵎⴰⵔ-ⵉⵙ. ⴰⵢⴰ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵏⴻⵖⵍⴰⴼⵜ.
ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⴰⵍⵍⵓ-ⵏⵏⵉ, ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ-ⴷ ⴷⴻⴳ ⵡⴰⵏⵏⴰⵔ ⵏ ⵓⴹⴰⴼⴻⵔ ⵏ ⵍⴻⵇⴷⵉⵛ ⵏ ⵓⵃⵔⵉⵛ, ⵉⵎⵉ ⵢⴻⵙⵏⴻⵊⵎⴰⵄ ⵓⵏⵖⵍⴰⴼ ⴷ ⵢⵉⵎⴻⵇⵇⵔⴰⵏⴻⵏ ⵏ ⵜⵏⴻⵖⵍⴰⴼⵜ. ⵙⵙⴰⵡⵍⴻⵏ ⵖⴻⴼ ⵡⴰⵎⴻⴽ ⵉⵜⴻⴷⴷⵓ ⵓⵙⴻⴷⵎⴻⵔ ⵏ ⵢⵉⵙⵓⵔⴰ ⵢⴻⵔⵣⴰⵏ ⵓⵃⴰⴷⴰⵔ ⵏ ⵜⵣⵎⴻⵔⵜ ⴷ ⵓⵙⴻⴳⴳⴻⵎ ⵏ ⵓⴼⴰⵔⵉⵙ ⴰⵟⴰⵇⴰⵡⵉ
ⴷⴻⴳ ⵜⴳⵏⵉⵜ-ⴰⴳⵉ, ⵎⴰⵙⵙ ⵄⴻⵊⵊⴰⵍ ⵢⴻⵙⵍⴰ ⵖⴻⵔ ⵢⵉⵙⴻⴼⵔⴻⵯⵏ ⵢⴻⵛⵛⵓⵔⴻⵏ ⵖⴻⴼ ⵢⵉⴼⴰⵢⵍⴻⵏ ⵢⴻⵍⵍⴰⵏ ⴷⴻⴳ ⵡⴰⵀⵉⵍ ⵏ ⵓⵎⴰⵀⵉⵍ, ⵎⴱⴰⵄⴻⴷ ⵢⴻⴼⴽⴰ ⵜⵉⵏⴻⴹⴰⴼ ⴷ ⵡⴻⵡⴻⵍⵍⴻⵀⴻⵏ ⵉⵊⴻⵀⴷⴻⵏ ⵉ ⵡⴰⴽⴽⴻⵏ ⴰⴷ ⵇⴷⴻⵛⴻⵏ ⵙ ⵜⵎⵓⵙⵏⵉ ⵖⴻⴼ ⵜⵎⵉⵙⴰⵍ-ⴰⴳⵉ ⵢⴻⵜⵜⵡⴰⵡⴰⵍⴻⵏ.
ⵜⴰⴳⴳⴰⵔⴰ, ⵍⴻⵇⴷⵉⵛ-ⴰⴳⵉ ⵢⴻⵙⴽⴰⵏⴰⵢ-ⴷ ⵜⴰⵢⵏⵉⵜ ⵉ ⵢⴻⵜⵜⴰⴽⴽ ⵓⵡⴰⵏⴰⴽ ⴰⵣⵣⴰⵢ ⵉ ⵓⵙⴻⵇⴷⴻⵛ ⵙ ⵍⵎⴻⵏⵜⴻⵇ ⵏ ⵜⵔⴻⵣⵡⴰ ⵏ ⵜⵣⵎⴻⵔⵜ ⵢⴻⵔⵏⴰ ⴰⴷ ⵜⴻⵇⵇⵉⵎ ⵍⵣⵣⴰⵢⴻⵔ ⴷ ⵜⴰⴷⴻⵊⵊⴰⵢⵜ ⴷⴻⴳ ⵓⵃⵔⵉⵛ-ⴰⴳⵉ ⴷⴻⴳ ⵓⵎⴰⴹⴰⵍ ⴽⴰⵎⴻⵍ.
ⴰⵔⵏⵓ ⵖⴻⵔ
