ⴱⴷⴰⵏ ⵢⵉⵎⴻⵥⵍⴰ ⵏ ⵜⴻⵃⵔⴰⵣⵜ ⵜⴰⵎⴰⴷⴰⵏⵜ ⴰⵙⴻⵍⵍⴻⴽ ⵏ ⵢⵉⵎⴻⵀⵍⴰⵏ ⵏ ⵓⵃⵔⴰⵣ ⵉ ⵓⵙⵓⴼⴼⴻⵖ ⵏ ⵢⵉⵎⴻⵣⴷⴰⵞ ⵏ ⵜⵓⵎⵏⴰⵏⵜ ⵏ ⵙⵔⴰⵢⴷⵉ ⴷⴻⴳ ⵜⵡⵉⵍⴰⵢⵜ ⵏ ⵄⴻⵏⵏⴰⴱⴰ, ⵙⴷⴻⴼⴼⵉⵔ ⵜⵉⵎⴻⵙ ⵏ ⵜⵥⴻⴳⵡⴰ ⵉ ⴷ-ⵢⴻⵍⵍⴰⵏ ⴷⴻⴳ ⵜⴻⵖⵉⵡⴰⵏⵜ-ⴰⴳⵉ. ⵙⵙⴰⵏⵜⵎⴻⵏ ⵓⵙⴻⵔⵙ ⵏ ⴰⴽⴽ ⵡⴰⵍⵍⴰⵍⴻⵏ ⵏ ⵓⵎⴷⴰⵏ ⴷ ⵜⴼⴻⴽⵡⵉⵏ ⵉⵡⴰⴽⴽⴻⵏ ⴰⴷ ⵙⴼⴻⵔⵣⴻⵏ ⵜⴻⴳⵏⵉⵜ ⵢⴻⵔⵏⴰ ⴰⴷ ⵃⴻⵔⵣⴻⵏ ⵉⵎⴻⵣⴷⴰⵞ ⴷ ⵡⴰⵢⵍⴰ-ⵏⵙⴻⵏ, ⴰⴽⴽⴻⵏ ⵉ ⴷ-ⵢⵓⵔⴰ ⵡⴰⵙⵙ ⵏ ⵜⵜⵍⴰⵜⴰ ⴷⴻⴳ ⵓⴷⵢⴰⵏ ⵏ ⵜⵏⴻⵎⵀⴰⵣⵜ ⵜⴰⵎⴰⵜⵓⵜ ⵏ ⵜⴻⵃⵔⴰⵣⵜ ⵜⴰⵎⴰⴷⴰⵏⵜ.
ⵢⵓⵔⴰ-ⴷ ⴷⴻⴳ ⵓⴷⵢⴰⵏ-ⵏⵏⵉ: "ⵙⴷⴻⴼⴼⵉⵔ ⵜⵉⵎⴻⵙ ⵏ ⵜⵥⴻⴳⵡⴰ ⵉ ⵜⴻⵜⵜⵉⴷⵉⵔ ⵜⴻⵖⵉⵡⴰⵏⵜ ⵏ ⵙⵔⴰⵢⴷⵉ ⴷⴻⴳ ⵄⴻⵏⵏⴰⴱⴰ, ⵉ ⴷ-ⵢⴻⵔⵏⴰⵏ ⵙ ⵓⴱⵔⵉⴷ ⵏ ⵜⴻⴳⵏⴰⵜⵉⵏ ⵏ ⵜⴻⴳⵏⴻⵡⵜ ⵜⵓⵙⵍⵉⴳⵉⵏ (ⴰⵣⵖⴰⵍ ⴷ ⵡⴰⴹⵓ ⵉⵞⴻⵀⴷⴻⵏ), ⵙⴱⴻⴷⴷⴻⵏ ⵢⴻⵔⵏⴰ ⵙⵙⴻⵔⵙⴻⵏ ⴰⴽⴽ ⵡⴰⵍⵍⴰⵍⴻⵏ ⵏ ⵜⴻⵃⵔⴰⵣⵜ ⵜⴰⵎⴰⴷⴰⵏⵜ, ⵙ ⵓⵏⵢⵓⴷⴷⵓ ⴰⴽⴽⴻⴷ ⵜⵙⵓⴷⴰ ⵏ ⵜⵎⵓⵔⵜ, ⴷ ⵜⵜⴻⴽⴽⵉ ⵏ ⵢⵉⵀⴻⵢⵢⵓⵍⴰ ⵏ ⵍⵄⴻⵙⴽⴻⵔ ⴰⵖⴻⵍⵏⴰⵡ ⴰⵎⴰⴳⴷⴰⵢ (ⴰⵏⵃ) ⴷ ⵢⵉⵎⴻⵥⵍⴰ ⵏ ⵓⴼⵔⴰⴳ ⵏⵏⵉⴹⴻⵏ".
ⴷⴻⴳ ⵓⴱⵔⵉⴷ-ⴰⴳⵉ, ⵉⵎⴻⵥⵍⴰ ⵉ ⵎⵄⵏⵉⵢⴻⵏ ⴱⴷⴰⵏ ⴰⵙⵓⴼⴼⴻⵖ ⵏ ⵢⵉⵎⴻⵣⴷⴰⵞ ⵙⴻⴳ ⵜⴰⵎⵉⵡⵉⵏ ⵉ ⴷⴻⴳ ⵢⴻⵍⵍⴰ ⵢⵉⵎⵉⵣⵉ (ⴷⴰⵏⴳⴻⵔ), ⵙ ⵜⵎⴻⵔⵏⵉⵡⵜ ⵏ ⵓⵙⵙⴻⴱⴷⴻⴷ ⵏ ⵢⵉⵎⵓⴹⴰⵏ ⵏ ⵓⵙⵡⴰⵙ (ⴰⵙⴱⵉⵟⴰⵔ) ⵏ ⵙⵔⴰⵢⴷⵉ ⵖⴻⵔ ⵢⵉⵎⵓⴽⴰⵏ ⴰⵎⵓⴼⴼⵉⵔⴻⵏ ⴷⴻⴳ ⵜⴻⴳⵏⴰⵜⵉⵏ ⵏ ⵓⵙⵓⴷⴷⴻⵙ ⵉⵚⴻⵃⵃⴰⵏ.
ⵉⵎⴻⵀⵍⴰⵏ ⵏ ⵓⵎⴻⵏⵏⵓⵖ ⵎⴳⴰⵍ ⵜⵉⵎⴻⵙ ⵎⴰⵣⴰⵍ-ⵉⵜⴻⵏ ⵙ ⵓⴱⵔⵉⴷ ⵏ ⵢⵉⵎⴻⵀⵍⴰⵏⴻⵏ ⵏ ⵍⵇⴰⵄⴰ ⴷ ⵡⴰⵍⵍⴰⵍⴻⵏ ⵏ ⵜⴻⴳⵏⴰⵡⵜ.
ⵜⴰⵏⵉⵎⴻⵣⴷⴰⴳⵜ ⵜⴰⵎⴰⵜⵓⵜ ⵏ ⵜⴻⵃⵔⴰⵣⵜ ⵜⴰⵎⴰⴷⴰⵏⵜ ⵜⴻⵙⵙⴻⵏⵜⴻⵎ ⴱⴻⵍⵍⵉ "ⴰⴽⴽ ⵉⵏⴰⴳⵔⴰⵡⴻⵏ ⵉ ⴷ-ⵢⴻⵜⵜⵡⴰⵙⴻⵔⵙⴻⵏ ⵜⵜⴻⴷⴷⵓⵏ ⵙ ⵓⵏⵢⵓⴷⴷⵓ ⴷ ⵓⴹⴼⴰⵔ ⵏ ⵡⴰⵏⵏⴰⵔ ⵏ ⴷⴰⵢⴻⵎ".
ⵜⴻⵙⵙⴰⵡⴻⵍ ⵜⴻⵃⵔⴰⵣⵜ ⵜⴰⵎⴰⴷⴰⵏⵜ ⵉ ⵢⵉⵎⴻⵣⴷⴰⵞ ⵉⵡⴰⴽⴽⴻⵏ ⴰⴷ ⵙⵄⵓⵏ ⵚⵚⴱⴻⵕ ⴷ ⵓⴼⵔⴰⴳ, ⴰⴷ ⵇⴰⴷⵔⴻⵏ ⵢⵉⵏⴻⵔⵡⴰⵢⴻⵏ ⵏ ⵜⵙⵓⵍⵟⴰⵏⵉⵏ, ⵢⴻⵔⵏⴰ ⵓⵔ ⵜⵜⴻⴷⴷⵓⵏ ⴰⵔⴰ ⵖⴻⵔ ⵢⵉⵎⵓⴽⴰⵏ ⵏ ⵜⵎⴻⵙ.
ⴰⵔⵏⵓ ⵖⴻⵔ
