ⵢⴻⵜⵜⴻⴽⴽⵉ ⵡⴰⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵢⵉⵎⵔⵓⵔⵖⴻⵏ ⴷ ⵢⵉⵎⵖⵉⴹⴻⵏ, ⵎⵓⵃⴻⵎⵎⴻⴷ ⵄⴻⵔⵇⴰⴱ, ⴰⵙⵙ-ⴰ ⵏ ⵍⵃⴻⴷ ⵙ ⵜⵜⴰⵡⵉⵍ ⵏ ⵜⴻⵎⵍⵉⵍⵉⵜ ⵙ ⵜⵎⵓⵖⵍⵉ ⵙⵉ ⵍⴱⴻⵄⴷ, ⴷⴻⴳ ⵜⴻⵎⵍⵉⵍⵉⵜ ⵏ ⵓⵙⴻⵎⵙⴰⵡⵉ ⵏ ⵜⴻⴳⵔⴰⵡⵜ ⵏ ⵜⵎⴰⵏⵢⴰ ⵏ ⵜⵎⵓⵔⴰ ⵉ ⴷ-ⵢⴻⵙⵜⴻⵏⵢⴰⵏ ⵖⴻⴼ ⵡⴻⵍⵖⵓ ⵏ ⵓⵎⵢⴰⵡⴻⵙ (OPEP+) ⵉ ⴷ-ⵢⴻⵙⵙⵓⴼⵓⵖⴻⵏ ⵉⴱⴻⴷⴷⵉⵍⴻⵏ ⵏ ⵍⴻⴱⵖⵉ ⴷⴻⴳ ⵓⴼⴰⵔⴻⵙ, ⴷ ⵜⵉ: ⵍⴻⵣⵣⴰⵢⴻⵔ, ⵜⴰⴳⴻⵍⴷⴰ ⵜⴰⵄⵔⴰⴱⵜ ⵜⴰⵙⴰⵄⵓⴷⵉⵜ, ⵜⵉⴳⴻⵍⴷⵉⵢⵉⵏ ⵜⵉⵄⵔⴰⴱⵉⵏ ⵢⴻⴷⴷⵓⴽⵍⴻⵏ, ⵍⵄⵉⵔⴰⵇ, ⴽⴰⵣⴰⵅⵉⵙⵜⴰⵏ, ⵍⴽⵓⵢⵜ, ⵄⵓⵎⴰⵏ ⴷ ⵔⵓⵙⵢⴰ, ⴰⴽⴽⴻⵏ ⵉ ⵜ-ⵉⴷ-ⵢⴻⵡⵡⵉ ⵢⵉⵡⴻⵏ ⵏ ⵡⴻⵍⵖⵓ ⵏ ⵜⵏⴻⵖⵍⴰⴼⵜ.
ⵜⴻⴽⵛⴻⵎ ⵜⴻⵎⵍⵉⵍⵉⵜ-ⴰ, ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴻⵍⵖⵓ "ⴷⴻⴳ ⵡⴰⵀⵉⵍ ⵏ ⵓⴹⴼⴰⵔ ⴰⵎⴻⵣⵖⵉ ⵏ ⵜⴻⵎⵀⴰⵣⵜ ⵏ ⵙⵙⵓⵇ ⵏ ⵍⴱⵉⵜⵔⵓⵍ ⵏ ⵓⵎⴰⴹⴰⵍ, ⵜⴻⵙⵄⴰ ⵉⵙⵡⵉ ⴰⴷ ⵜⵙⵏⴻⵔⵏⵉ ⴰⵙⴻⵎⵙⴰⵡⵉ ⴳⴰⵔ ⵜⵎⴰⵏⵢⴰ ⵏ ⵜⵎⵓⵔⴰ-ⴰ ⵢⴻⵄⵏⴰⵏ ⵜⴰⵍⵓⴼⵜ ⵉⵡⴰⴽⴽⴻⵏ ⴰⴷ ⵙⴹⴻⵎⵏⴻⵏ ⴰⵔⴻⴽⴷⵉ ⵏ ⵙⵙⵓⵇ ⴷ ⵓⵎⵢⴰⵙⴰ-ⵉⵏⴻⵙ. ⴷⴻⴳ ⵜⴻⵎⵍⵉⵍⵉⵜ-ⴰ, ⵅⴻⴷⵎⴻⵏ ⵢⵉⵏⴻⵖⵍⴰⴼⴻⵏ ⴰⵙⴽⴰⵙⵉ ⵍⵇⴰⵢⴻⵏ ⵢⴻⵔⵏⴰ ⴷ ⴰⵎⴻⵙⴽⴰⵔ ⵖⴻⴼ ⵢⵉⵙⵡⵉⵢⴻⵏ ⵏ ⵍⵡⴻⵇⵜ ⴰⵡⴻⵣⵍⴰⵏ ⵏ ⵙⵙⵓⵇ ⵏ ⵍⴱⵉⵜⵔⵓⵍ ⵏ ⵓⵎⴰⴹⴰⵍ, ⵙ ⴷⴷⴰⵡ ⵏ ⵢⵉⵡⴻⵜ ⵏ ⵜⵡⴻⵏⵏⴰⴹⵜ ⵜⴰⴷⴰⵎⵙⴰⵏⵜ ⵉ ⴷⴻⴳ ⵎⴰⵣⴰⵍ ⵢⴻⵍⵍⴰ ⵛⵛⴻⴽⴽ, ⵎⴻⵄⵏⴰ ⵜⴻⵙⵙⴻⴱⴳⴰⵏ-ⴷ ⵉⵙⴽⴰⵏⴻⵏ ⵉⵙⵙⴻⴼⵔⴰⵃⴻⵏ ⵖⴻⴼ ⵓⵙⴻⴳⴳⴻⵎ ⵢⴻⵜⵜⴽⴻⵎⵎⵉⵍⴻⵏ ⵛⵡⵉⵟ ⵛⵡⵉⵟ".
ⵙⵙⴻⴱⴳⴻⵏ-ⴷ ⵢⵉⵏⴻⵖⵍⴰⴼⴻⵏ, ⵢⴻⵔⵏⴰ-ⴷ ⵡⴻⵍⵖⵓ, "ⴷ ⴰⴽⴽⴻⵏ ⴰⵍⵍⵓⵢ ⴷ ⵓⵚⵓⴱⴱⵓ ⵉ ⴷ-ⵢⴻⵜⵜⵡⴰⵊⴻⵔⴷⴻⵏ ⵜⵓⵔⴰ ⴷⴻⴳ ⵓⵙⵓⵜⴻⵔ, ⵉ ⵉⵛⵓⴷⴷⴻⵏ ⵍⴰⴷⵖⴰ ⵖⴻⵔ ⵜⵎⴻⵏⵜⴰⵍ ⵏ ⵍⵡⴻⵇⵜ (les saisons), ⵢⴻⵜⵜⵓⵔⴰⴵⵓ ⴰⴷ ⵢⴻⵅⵙⵉ ⵛⵡⵉⵟ ⵛⵡⵉⵟ, ⴰⵢⴻⵏ ⴰⵔⴰ ⵢⴻⵍⴷⵉⵏ ⴰⴱⵔⵉⴷ ⵉ ⵜⵔⵉⵔⵉⵜ ⵏ ⵔⵔⵓⵃ ⵛⵡⵉⵟ ⵛⵡⵉⵟ ⴷⴻⴳ ⵢⵉⵙⵡⵉⵔⴻⵏ ⵏ ⵓⵙⴻⵇⴷⴻⵛ ⴷⴻⴳ ⵡⴰⴳⴳⵓⵔⴻⵏ ⴷ-ⵉⵜⴻⴷⴷⵓⵏ".
ⴷⴻⴳ ⵜⴰⴳⴳⴰⵔⴰ ⵏ ⵜⴻⵎⵍⵉⵍⵉⵜ, ⴷⴷⴰⵏ ⵢⵉⵏⴻⵖⵍⴰⴼⴻⵏ ⴰⴷ ⴱⴷⵓⵏ, ⴷⴻⴳ ⵡⴰⴳⴳⵓⵔ ⵏ ⵢⴻⴱⵔⵉⵔ, "ⴷⴻⴳ ⵔⵔⵏⴰⵢⴰ ⵙ ⵜⴻⴳⵔⴰⵡⵜ ⵉ ⵓⴼⴰⵔⴻⵙ ⵙ ⵡⴰⵣⴰⵍ ⵏ 206 ⵏ ⵢⵉⴳⵉⵎⴰⵏ (ⴰⵍⴰⴼ) ⵏ ⵜⴱⴻⵔⵎⵉⵍⵉⵏ ⵢⴰⵍ ⴰⵙⵙ".
ⵎⴰ ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⵍⴻⵣⵣⴰⵢⴻⵔ, ⴰⴷ ⵜⵉⵍⵉ ⵜⵙⵓⵔⵉⴼⵜ-ⴰ ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴻⵍⵖⵓ "ⵙ ⵔⵔⵏⴰⵢⴰ ⵏ 6 ⵏ ⵢⵉⴳⵉⵎⴰⵏ (ⴰⵍⴰⴼ) ⵏ ⵜⴱⴻⵔⵎⵉⵍⵉⵏ ⵢⴰⵍ ⴰⵙⵙ ⴷⴻⴳ ⵡⴰⴳⴳⵓⵔ-ⵏⵏⵉ"
ⴰⵎ ⵡⴰⴽⴽⴻⵏ ⵉ ⴷ-ⵙⵙⴻⴽⴼⴻⵏ ⵢⵉⵎⵜⵜⴻⴽⴽⵉⵢⴻⵏ, ⴷⴻⴳ ⵜⴰⴳⴳⴰⵔⴰ ⵏ ⵍⴻⵇⴷⵉⵛ-ⵏⵙⴻⵏ, "ⵍⵄⴰⵀⴻⴷ-ⵏⵙⴻⵏ ⵉⵡⴰⴽⴽⴻⵏ ⴰⴷ ⴽⴻⵎⵎⵍⴻⵏ ⴰⵙⴽⴰⵙⵉ ⵢⴻⵜⵜⴽⴻⵎⵎⵉⵍⴻⵏ ⴷ ⵓⵇⴻⴷⴷⴻⵛ ⵙ ⵡⵓⴷⴻⵎ ⵏ ⵜⵎⴰⵙⵉⵜ, ⵏ ⵓⵙⴻⵎⵙⴰⵡⵉ ⴷ ⵓⵣⵡⵉⵔ, ⴰⵢⴻⵏ ⴰⵔⴰ ⵉⴹⴻⵎⵏⴻⵏ ⴰⵃⴰⴷⴻⵔ ⵖⴻⴼ ⵓⵔⴻⴽⴷⵉ ⵏ ⵙⵙⵓⵇ ⵏ ⵍⴱⵉⵜⵔⵓⵍ ⵏ ⵓⵎⴰⴹⴰⵍ ⴷ ⵓⵎⵢⴰⵙⴰ-ⵉⵏⴻⵙ".
ⴰⵔⵏⵓ ⵖⴻⵔ
