ⵅⴰⵍⵉⴷⴰ ⴱⵓⴼⴷⴻⵛ ⵜⴻⵅⴷⴻⵎ ⴰⴳⵔⴰⵡ ⴷⴻⴳ ⴱⴻⵍⴳⵔⴰⴷ ⴰⴽⴽⴻⴷ ⵜⵎⴻⴷⴷⴰⴽⴽⵓⵍⵜ-ⵉⵙ ⵏ ⵚⴻⵔⴱⵉⵢⴰ

ⵜⴰⵙⴻⵍⵡⴰⵢⵜ ⵏ ⵓⵙⴻⵇⴰⵎⵓ ⴰⵖⴻⵍⵏⴰⵡ ⵏ ⵛⵛⴰⵄⴱ (APN), ⵅⴰⵍⵉⴷⴰ ⴱⵓⴼⴷⴻⵛ, ⵜⴻⵅⴷⴻⵎ ⴰⵙⵙ-ⴰ ⵏ ⵓⵜⵍⴰⵜⴰ ⴷⵉ ⴱⴻⵍⴳⵔⴰⴷ, ⴰⴳⵔⴰⵡ ⴰⴽⴽⴻⴷ ⵜⵙⴻⵍⵡⴰⵢⵜ ⵏ ⵓⵙⴻⵇⴰⵎⵓ ⴰⵖⴻⵍⵏⴰⵡ ⵏ ⵚⴻⵔⴱⵉⵢⴰ, ⴰⵏⴰ ⴱⴻⵔⵏⴰ ⴱⵉⵜⵛ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵍⴱⴰⵢⴰⵏ ⵏ ⵓⵙⴻⵇⴰⵎⵓ.

ⴰⴳⵔⴰⵡ-ⴰⴳⵉ ⵢⴻⵍⵍⴰ-ⴷ ⵎⵉ ⵜⴻⴽⴽⴰ ⵎⴰⵙⵙⴰ ⴱⵓⴼⴷⴻⵛ ⴷⴻⴳ ⵓⴳⵔⴰⵡ ⵓⵏⵏⵉⴳ ⵏ ⵓⵙⵎⴻⴽⵜⵉ ⵡⵉⵙ 65 ⵏ ⵓⵙⵙⴻⴱⴷⴻⴷ ⵏ ⵒⴰⵔⴰⴽⴰ ⵏ ⵍⴰⴷⵎ ⵍⵉⵏⵢⵉⵢⴰⵣ (Non-Aligned Movement), ⵙ ⵜⵓⵎⵔⵉⵏ ⵏ ⵓⵙⴻⵍⵡⴰⵢ ⵄⴰⴱⴷⴻⵍⵎⴰⵊⵉⴷ ⵜⴻⴱⴱⵓⵏ.

ⴷⴻⴳ ⵓⴳⵔⴰⵡ-ⴰⴳⵉ, ⵙⵉⵏ ⵢⵉⴷⵉⵙⴰⵏ ⵡⴰⵍⴰⵏ ⴰⵙⵡⵉⵔ ⵏ ⵡⴰⵙⵙⴰⵖⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵚⴻⵔⴱⵉⵢⴰ, ⵍⴰⴷⵖⴰ ⴰⵎⵢⴰⵡⴰⵙ ⴳⴰⵔ ⵢⵉⵙⴻⵇⴰⵎⵓⵜⴻⵏ (ⴰⴱⴰⵔⵍⴰⵎⴰⵏ), ⴷ ⵓⵙⴻⵊⵀⵉⴷ ⵏ ⵓⵎⵛⴰⵡⴰⵔ ⴷ ⵜⵉⵎⵓⵖⵍⵉⵡⵉⵏ ⵉⵡⴰⴽⴽⴻⵏ ⴰⴷ ⵇⴰⴷⵔⴻⵏ ⵍⴼⴰⵢⴷⴰ ⵢⴻⵣⴷⵉⵏ ⴳⴰⵔ-ⴰⵙⴻⵏⵜ ⵢⴻⵔⵏⴰ ⴰⴷ ⵙⵙⴻⵊⵀⵉⴷⴻⵏ ⴰⴷⴷⵢⴰⵍⵉ ⵖⴻⴼ ⵜⵖⴰⵡⵙⵉⵡⵉⵏ ⵉ ⵢⴻⵣⴷⵉⵏ ⵙⵏⴰⵜ ⵏ ⵜⵎⵓⵔⴰ.

ⴷⴻⴳ ⵜⴻⴳⵏⵉⵜ-ⴰⴳⵉ, ⵜⴰⵙⴻⵍⵡⴰⵢⵜ ⵏ ⵚⴻⵔⴱⵉⵢⴰ ⵜⴻⵙⵙⴻⴼⴻⴼ-ⴷ ⵍⵇⵉⵎⴰ ⵏ ⵡⴰⵙⵙⴰⵖⴻⵏ-ⴰⴳⵉ ⵢⴻⵔⵏⴰ ⵜⴻⵏⵏⴰ-ⴷ ⴱⴻⵍⵍⵉ ⵢⴻⵍⵍⴰ ⵍⴻⴱⵖⵉ ⴰⵎⴻⵇⵇⵔⴰⵏ ⵉⵡⴰⴽⴽⴻⵏ ⴰⴷ ⵣⵉⴷⴻⵏ ⴰⴷ ⵙⵙⴻⵊⵀⵉⴷⴻⵏ ⴰⵎⵢⴰⵡⴰⵙ-ⴰⴳⵉ ⴷⴻⴳ ⵢⵉⵃⵔⵉⵛⴻⵏ ⵎⴻⵕⵕⴰ.