ⵉⴱⴻⴳⴳⴻⵏ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵖⴻⴼ ⵓⵎⵓⵜⴻⴳ ⵏ ⴷⵣⴰⵢⴻⵔ ⴰⴽⴽⴻⵏ ⴰⴷ ⵜⴻⵙⵙⴻⵊⵀⴻⴷ ⵉⴱⵍⴰⴳⴻⵏ-ⵏⵏⴻⵙ ⴷ ⵎⴻⵏⵏⴰⵡ ⵏ ⵜⵎⵓⵔⴰ ⵙ ⵢⵉⵙⴻⵏⴼⴰⵔⴻⵏ ⵢⴻⵎⴳⴻⵔⵔⴰⴷⴻⵏ

ⴷⵣⴰⵢⴻⵔ ⵜⴰⵎⴰⵏⴻⵖⵜ – ⵉⴱⴻⴳⴳⴻⵏ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ, ⵎⵉ ⵢⴻⵙⵙⴻⵍⵡⵉ ⴰⵙⵙ ⵏ ⵓⵢⵏⴰⵙ ⴷⴻⴳ ⵓⴳⴻⵎⵎⵉⵡ ⵏ ⵜⵣⵉⴽⴽⵏⵉⵏ ⴷⴻⴳ ⴷⵣⴰⵢⴻⵔ ⵜⴰⵎⴰⵏⴻⵖⵜ, ⴰⵔⵥⴰⵎ ⵏ ⵢⵉⵎⴰⵀⵉⵍⴻⵏ ⵏ ⵜⴻⵥⵔⵉⴳⵜ ⵜⵉⵙ 57 ⵏ ⵜⵎⵓⴳⴻⵔⵜ ⵜⴰⴳⵔⴰⵖⵍⴰⵏⵜ ⵏ ⴷⵣⴰⵢⴻⵔ, ⵖⴻⴼ ⵓⵎⵓⵜⴻⴳ ⵏ ⴷⵣⴰⵢⴻⵔ ⴰⴽⴽⴻⵏ ⴰⴷ ⵜⴻⵙⵙⴻǧⵀⴻⴷ ⵉⴱⵍⴰⴳⴻⵏ-ⵏⵏⴻⵙ ⵉⴷⴰⵎⵙⴰⵏⴻⵏ ⴷ ⵎⴻⵏⵏⴰⵡ ⵏ ⵜⵎⵓⵔⴰ ⵙ ⵢⵉⵙⴻⵏⴼⴰⵔⴻⵏ ⵏ ⵓⵙⴼⵓⴽⵜⵉ ⵢⴻⵎⴳⴻⵔⵔⴰⴷⴻⵏ.

ⴷⴻⴳ ⵜⴰⵣⵡⴰⵔⴰ ⵏ ⵜⴻⵔⵣⵉ-ⵏⵏⴻⵙ ⵖⴻⴼ ⵜⵎⴻⵙⵔⵉⵜ-ⴰ, ⵉⴱⴻⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵖⴻⴼ ⵜⵙⴻⵏⴼⴻⵔⵜ ⵏ ⵙⵒⴻⵏⵢⵓⵍ, ⵉⵏⴻⴱⴳⵉ ⵏ ⵓⵙⴻⵔⵀⵓ ⴷⴻⴳ ⵜⴻⴷⵢⴰⵏⵜ-ⴰ ⵏ ⵓⵙⴻⴳⴳⴰⵙ-ⴰ, ⴰⴷⵔⴰⵡ ⵏ ⵙⵒⴻⵏⵢⵓⵍ ⵢⴻⵙⵙⴽⴰⵏⴰⵢ-ⴷ ⴰⵣⴰⵍ ⵢⴻⵍⵀⴰⵏ ⴷⴻⴳ ⵡⴰⵙⵙⴰⵖⴻⵏ ⴳⴰⵔ ⴷⵣⴰⵢⴻⵔ ⴷ ⵙⵒⴻⵏⵢⵓⵍ ⴷⴻⴳ ⵜⴰⵍⵍⵉⵜ-ⴰ ⵜⴰⵏⴻⴳⴳⴰⵔⵓⵜ ⵢⴻⵔⵏⵓ ⵜⴻⵜⵜⴰⴽⴼ-ⴷ ⵜⴰⵍⴻⵍⴻⵎⵎⵉⵥⵜ ⵉ ⵓⵙⵙⴻǧⵀⴻⴷ ⵏ ⵓⵏⵎⵉⵔⴻⴳ ⴰⵙⵉⵏⴷⵉⵙⴰⵏ ⴷ ⵓⵏⴰⴷⵉ ⵖⴻⴼ ⵢⵉⴳⵍⴰⵏ ⵉⵜⵔⴰⵔⴻⵏ ⵉ ⵉⴱⵍⴰⴳⴻⵏ ⴳⴰⵔ ⵜⵙⵓⴷⴰ ⵏ ⵙⵏⴰⵜ-ⴰ ⵏ ⵜⵎⵓⵔⴰ ⴷⴻⴳ ⵎⴻⵏⵏⴰⵡ ⵏ ⵢⴻⴳⵣⵓⵎⴻⵏ ⵉⵙⵏⵓⴷⴷⵙⴰⵏⴻⵏ.
ⵉⵍⵎⴻⵏⴷ ⵏ ⵜⴱⴻⴷⴷⵉⵜ-ⵏⵏⴻⵙ ⵖⴻⴼ ⵜⵏⴻⴼⵙⴻⵔⵜ ⵏ ⵜⵙⴻⵍⵟⴰⵏⵜ ⵏ ɛⵓⵎⴰⵏ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⴳⵔⴻ-ⴷ ⵜⵉⵖⵔⵉ-ⴷ ⵜⵙⵓⴷⴰ ⵜⵉⴷⴰⵎⵙⴰⵏⵉⵏ ⵜⵎⵓⵔⵜ-ⴰ ⵜⴰⵡⴻⵍⵜⵎⴰⵜ ⴰⴽⴽⴻⵏ ⴰⴷ ⴰⴷⴼⴻⵏⵜ ⵖⴻⵔ ⵓⴳⵣⵓⵎ ⵏ ⵓⵎⵓⵙⵙⵓ-ⴰ ⵢⴻⵍⵍⴰⵏ ⴷⴻⴳ ⵓⴳⵣⵓⵎ ⵏ ⵓⴼⴰⵔⴻⵙ ⵏ ⵡⵓⵣⵣⴰⵍ ⴷⴻⴳ ⴷⵣⴰⵢⴻⵔ, ⵍⴰⴷⵖⴰ ⵉⵎⵉ, ⴰⴽⴽⴻⵏ ⵉ ⴷ-ⵢⴻⵏⵏⴰ, ⵜⴰⵡⵡⵓⵔⵜ ⵏ ⵓⵏⵎⵉⵔⴻⴳ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ « ⵜⴻⵔⵥⴻⵎ ⵙ ⵡⴰⵟⴰⵙ ». ⵢⴻⵔⵏⵉ ⵢⵉⵙⵙⴻⵏɛⴻⵜ ⵜⵓⵎⴻⵔⵜ-ⵏⵏⴻⵙ ⵙ ⵡⴻⵙⵡⵉⵔ ⵏ ⵓⵏⵎⵉⵔⴻⴳ ⵉ ⵡⵡⴹⴻⵏ ⵡⴰⵙⵙⴰⵖⴻⵏ ⵉⴷⵣⵉⵔⴻⵢⴻⵏ-ⵉɛⵓⵎⴰⵏⵉⵢⴻⵏ.
ⴷⴻⴳ ⵜⵏⴻⴼⵙⴻⵔⵜ ⵏ ⵜⴻⴳⴷⵓⴷⴰ ⵏ ⵜⵞⴰⴷ, ⵉⵡⴻⴽⴽⴻⴷ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⵎⵉⵔⴻⵡ ⵏ ⴷⵣⴰⵢⴻⵔ ⴰⴽⴽⴻⵏ ⴰⴷ ⵜⴻⵙⵙⵎⵉⵔ ⵢⴻⵔⵏⴰ ⴰⴷ ⵜⴻⴷⵀⴻⵍ ⵉⵙⴻⵏⴼⴰⵔⴻⵏ ⵉⵖⴻⴼ ⵎⵙⴻⴳⵣⴰⵏ ⵙⵉⵏ-ⴰ ⵏ ⵢⵉⴷⵉⵙⴰⵏ ⴷⴻⴳ ⵜⴰⵍⵍⵉⵜ-ⴰ ⵜⴰⵏⴻⴳⴳⴰⵔⵓⵜ, ⵍⴰⴷⵖⴰ ⴰⵎⵎⴰⴷ ⵡⵓⵔⵔⵉⴳ ⴷ ⵓⵒⵉⵜⵕⵓⵍ ⴷⴻⴳ ⵜⵞⴰⴷ ⵙ ⵓⴱⵍⴰⴳ ⴷ ⴷⵣⴰⵢⴻⵔ, ⵔⵏⵓ-ⴰⵙ ⴰⵎⵎⴰⴷ ⵏ ⵜⵍⴰⵅⴻⵜ ⵢⴻⵜⵜⵡⴰⵖⴷⴻⵏ ⵉ ⵓⴼⴰⵔⴻⵙ ⵏ ⵓⵙⵉⵎⴰⵏ. ⵢⵓⵍⴻⵙ ⵉⵡⴻⴽⴽⴻⴷ-ⴷ ⴰⵎⵓⵜⴻⴳ ⵏ ⴷⵣⴰⵢⴻⵔ ⴰⴽⴽⴻⵏ ⴰⴷ ⵜⴻⵜⵜⴻⴽⴽⵉ ⴷⴻⴳ ⵓⵙⴻⴹⵔⵓ ⵏ ⵍⵍⵓⵣⵉⵏ ⵏ ⵓⵙⵉⵎⴰⵏ ⵙ ⵓⴽⴻⵜⵜⵓⵔ ⵏ ⵓⴼⴰⵔⴻⵙ ⵉ ⴷ-ⵙⵙⵓⵜⵓⵔⴻⵏ ⵢⵉⴷⵓⴱⴰ ⵏ ⵜⴻⴳⴷⵓⴷⴰ ⵏ ⵜⵞⴰⴷ.
ⴷⴻⴳ ⵢⵉⵡⴻⵏ ⵏ ⵜⵏⴻⴼⵙⴻⵔⵜ-ⵏⵏⵉ, ⵢⴻⴱⴷⴻⵔ-ⴷ ⴷⴰⵖ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⵙⴻⵏⴼⴰⵔⴻⵏ ⵏⵉⴹⴻⵏ ⵓⴱⵍⵉⴳⴻⵏ ⵉⵖⴻⴼ ⵎⵙⴻⴳⵣⴰⵏⵜ ⵙⵏⴰⵜ-ⴰ ⵏ ⵜⵎⵓⵔⴰ, ⴳⴰⵔ-ⴰⵙⴻⵏⵜ ⴰⵙⴱⴻⴷⴷⵉ ⵏ ⵢⵉⵡⴻⵜ ⵏ ⵜⵖⴻⵢⵢⴰⵣⵜ ⵏ ⵓⵒⵉⵟⵔⵓⵍ ⴷⴻⴳ ⵜⵞⴰⴷ ⴷ ⵓⵙⵙⴻǧⵀⴻⴷ ⵏ ⵓⵥⴻⴹⵡⵓ ⵏ ⵜⵔⵉⵙⵉⵜⵉ ⴷⴻⴳ ⵜⵎⵓⵔⵜ-ⴰ ⵜⴰⵡⴻⵍⵜⵎⴰⵜ, ⵙ ⵜⴰⵍⵍⴰⵍⵜ ⵏ ⴷⵣⴰⵢⴻⵔ, ⵉⴱⴻⴳⴳⵏⴻ-ⴷ ⵖⴻⴼ ⵜⴷⵉⵏⴰⵎⵉⵜ ⵏ ⵡⴰⵙⵙⴰⵖⴻⵏ ⵉⵙⵉⵏⴷⵉⵙⴰⵏⴻⵏ, ⵍⴰⴷⵖⴰ ⵙⴷⴻⴼⴼⴻⵔ ⵏ ⵓⵛⵉⵔⵉ ⵏ ⵓⵣⵉⵔⵉⴳ ⴰⴳⴻⵏⵏⴰⵏ ⴳⴰⵔ ⵏ ⴷⵣⴰⵢⴻⵔ ⵜⴰⵎⴰⵏⴻⵖⵜ ⴷ ⵏ’ⴷⵊⴰⵎⴻⵏⴰ.
ⴷⴻⴳ ⵜⴻⵔⵣⵉ-ⵏⵏⴻⵙ ⵖⴻⴼ ⵜⵏⴻⴼⵙⴻⵔⵜ ⵏ ⵓⵡⴰⵏⴰⴽ ⵏ ⴼⴰⵍⴻⵙⵟⵉⵏ ⵜⴰⵡⴻⵍⵜⵎⴰⵜ, ⵉⴱⴻⴳⴳⴻⵏ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵜⵓⵎⴻⵔⵜ-ⵏⵏⴻⵙ ⵖⴻⴼ ⵓⴷⵔⴰⵡ ⴰⴼⴰⵍⴻⵙⵟⵉⵏⵉ, ⴰⵎ ⵡⴰⴽⴽⴻⵏ ⵉ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⵜⵉⵥⵓⵔⵉⵡⵉⵏ ⵜⵉⴼⴰⵍⴻⵙⵟⵉⵏⵉⵢⵉⵏ, ⴰⴼⴰⵔⴻⵙ ⴰⵎⴳⵓⵔⴰⵏ, ⴷ ⵓⵏⴻⵙⵢⴰⵏ ⴰⴼⴰⵍⴻⵙⵟⵉⵏⵉ ⵢⴻⵙⵙⴽⴰⵏⴰⵢⴻ-ⴷ ⵜⴰⵍⵇⴰⵢⵜ ⵜⴰⴷⴻⵍⵙⴰⵏⵜ ⵏ ⴼⴰⵍⴻⵙⵟⵉⵏ. ⵢⴻⴱⴷⴻⵔ-ⴷ ⴷⴰⴽⴽⴻⵏ ⵓⵍⴰ ⵎⴰ ⵢⴻⵍⵍⴰ-ⴷ ⵓⵙⴻⵔⴷⴻⵎ ⴷⴻⴳ ⵖⴻⵣⵣⴰ, « ⵜⴻⵍⵍⴰ ⵜⵓⴷⴻⵔⵜ ⴷ ⵓⵙⵉⵔⴻⵎ ⵏ ⵓⵙⵙⴻⵍⵀⵓ ⵏ ⵜⴻⴳⵏⴰⵜⵉⵏ ».
ⵢⴻⵔⵏⴰ-ⴷ : « ⵖⴰⵙ ⵎⴰ ⵏⴻⵇⵇⵉⵎ ⵡⴻⵃⴷ-ⵏⴻⵖ ⴷⴻⴳ ⵡⴻⵏⵔⴰⵔ, ⴼⴰⵍⴻⵙⵟⵉⵏ ⵓⵔ ⵜⴻⵜⵜⵎⵓⴽⴽⵉⵙ ⴰⵔⴰ ⵢⴻⵔⵏⴰ ⴰⴷ ⵜⴻⵇⵇⵉⵎ ⵜⴻⴱⴷⴻⴷ ⴰⵔⵎⴰ ⵉ ⵜⴻⵡⵡⵉ ⴰⵣⴰⵔⵓⴳ ⵓⵎⵎⵉⴷ ».
ⵎⴰ ⴷⴻⴳ ⵜⵏⴻⴼⵙⴰⵔⵜ ⵏ ⵜⵓⵏⴻⵙ, ⵢⵓⵎⴻⵍ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⵙⵡⵉⵔ ⵏ ⵡⴰⵙⵙⴰⵖⴻⵏ ⵓⴱⵍⵉⴳⴻⵏ ⵢⴻⵍⵍⴰⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⵜⵉⵢⴻⴻⵙⵎⴰⵜⵉⵏ, ⴰⵎ ⵡⴰⴽⴽⴻⵏ ⵉ ⴷ-ⵉⴳⴻⵔ ⵜⴰⵊⵎⵉⵍⵜ ⵉ ⵜⵉⵖⴻⵙⵜ ⵜⴰⴷⵓⵙⴰⵏⵜ ⵏ ⵓⵙⴻⵍⵡⴰⵢ ⴰⵜⵓⵏⵙⵉ ⴽⴰⵉⵙ ⵙⴰⵉⴻⴷ ⴰⴽⴽⴻⵏ ⴰⴷ ⴷ-ⵢⴻⵔⵔ ⵜⵓⴷⴻⵔⵜ ⵉ ⵜⴷⴰⵎⵙⴰ ⵜⴰⵜⵓⵏⵙⵉⵜ.
ⵙⴻⴳ ⵢⵉⴷⵉⵙ-ⵏⵉⴹⴻⵏ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵔⵣⴰ ⴷⴰⵖ ⵖⴻⴼ ⵜⵏⴻⴼⵙⴻⵔⵜ ⵏ ⵓⵖⵍⵉⴼ ⵏ ⵓⵎⵣⴰⵖ ⴰⵖⴻⵍⵏⴰⵡ, ⵎⴰⵏⵉ ⵉ ⴷ-ⵢⵓⵎⴻⵍ ⴰⵙⵡⵉⵔ ⵉⵖⴻⵔ ⵜⵡⵡⴻⴹ ⵜⴻⵎⴳⵓⵔⵉ ⵜⴰⵔⴻⴷⵙⴰⵏⵜ ⵜⴰⵖⴻⵍⵏⴰⵡⵜ. ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵙⴻⵣⵡⴻⵔ ⴷ ⵓⵙⵙⵍⵓⵎⵎⴻⵙ ⵖⴻⴼ ⵓⴼⴰⵔⴻⵙ ⴰⵖⴻⵍⵏⴰⵡ ⴷ ⵓⵙⴻⵏⵇⴻⵚ ⴰⴷ ⵏ ⵡⴰǧⴰⵡ ⵏ ⵜⵙⴰⵡⵉⵢⵉⵏ ⵏ ⵓⵙⴻⵏⴼⴻⵍ ⵡⴰⵔ ⵜⵉⵡⵜⵉⵍⵉⵏ ⵀⵓⵍⵍⴰⵏ, ⵉⵎⵉ ⵉ ⵍⵍⴰⵏ ⵢⵉⵊⴻⵏⵢⵓⵔⴻⵏ ⵏ ⴷⵣⴰⵢⴻⵔ ⴰⵢ ⵢⴻⵙɛⴰⵏ ⵜⴰⵔⵎⵉⵜ ⴷ ⵜⵎⵓⵙⵙⵉⵏ ⵜⴰⵖⴰⵔⴰⵏⵜ, ⵢⵔⵏⵉ ⵉⴳⴻⵔ-ⴷ ⵜⴰⵎⴰⵡⵜ ⴷⴰⴽⴽⴻⵏ « ⵢⴻⵡⵡⴻⴹ-ⴷ ⵡⴰⴽⵓⴷ ⴰⴽⴽⴻⵏ ⴰⴷ ⴰⵙⴻⵏ-ⵏⴻⴼⴽ ⵜⴰⵍⴻⵎⵎⵉⵥⵜ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵓⵙⵏⴻⴳⵎⵓ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ».
ⴷⴻⴳ ⵜⵏⴻⴼⵙⴻⵔⵜ ⵏ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵜⴻⵣⵔⴰⵡⵉⵏ ⴷ ⵓⴹⴼⴰⵔ ⵏ ⵓⵙⴻⴹⵔⵓ ⵏ ⵢⵉⵙⴼⵓⴽⵜⵉⵢⴻⵏ ⵉⴱⵔⵓⵣⵣⵍⴰⵏⴻⵏ (ⴰⵏⵙⴻⵔ), ⵉⵡⴻⴽⴽⴻⴷ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵖⴻⴼ ⵜⵉⵅⵓⵜⴻⵔⵜ ⵏ ⵢⵉⵙⴻⵏⴼⴰⵔⴻⵏ ⵉⴱⵔⵓⵣⵣⵍⴰⵏⴻⵏ ⵉ ⵍⴰ ⴷ-ⵢⴻⵜⵜⵉⵍⵉⵏ ⴰⵙⵙ-ⴰ ⴷⴻⴳ ⵓⴽⴰⵜⴰⵔ ⵏ ⵓⵙⵏⴻⴳⵎⵓ ⵏ ⵜⵎⵓⵔⵜ.
ⵉ ⵓⵙⵎⴻⴽⵜⵉ, ⵜⴰⵥⵔⵉⴳⵜ ⵜⵉⵙ 57 ⵏ ⵜⵎⵓⴳⴻⵔⵜ ⵜⴰⴳⵔⴰⵖⵍⴰⵏⵜ ⵏ ⴷⵣⴰⵢⴻⵔ, ⵉ ⵢⴻⵜⵜⵡⴰⵙⵙⵓⴷⴷⵙⴻⵏ ⴰⵙⴻⴳⴳⴰⵙ-ⴰ ⵙ ⵓⵙⴻⵏⵜⴻⵍ ⵏ « ⵜⴰⴼⵍⴻⵙⵜ ⴷ ⵓⵔⴽⴰⴷ ⵉ ⵍⵎⴻⵏⴷ ⵏ ⵓⵙⵏⴻⴳⵎⵓ ⵓⵏⵣⵉⴳ », ⴷ ⵜⵉⵏ ⵉⴷⴻⴳ ⴷⴻⵔⵡⴻⵏⵜ 781 ⵏ ⵜⴻⵕⵎⵉⵙⵉⵏ ⵜⵉⵖⴻⵍⵏⴰⵡⵉⵏ ⴷ ⵜⵉⵡⴻⵔⴷⴰⵏⵉⵢⵉⵏ ⵉ ⴷ-ⵢⴻⵜⵜⴳⴻⵏⵙⴰⵙⴻⵏ 36 ⵏ ⵜⵎⵓⵔⴰ, ⴳⴰⵔ-ⴰⵙⴻⵏⵜ ⵙⵒⴻⵏⵢⵓⵍ ⵉ ⵢⴻⵜⵜⵡⴰⴼⴻⵔⵏⴻⵏ ⴷ ⵜⵉⵏⴻⴱⴳⵉⵜ ⵏ ⵓⵙⴻⵔⵀⵓ ⵏ ⵜⵎⵓⴳⴻⵔⵜ-ⴰ ⴰⵔⵎⴰ ⴷ ⴰⵙⵙ ⵏ 27 ⵢⵓⵏⵢⵓ.