ⵢⴻⵜⵜⵡⴰⵔⴰⴵⵓ ⴰⴷ ⴷ-ⵡⵜⴻⵏ ⵢⵉⴳⴻⴼⵔⴰⵏ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ, ⴱⴷⵓ ⵙⴻⴳ ⵡⴰⵙⵙ-ⴰ ⵏ ⵍⵃⴻⴷ ⴰⵔⴰⵎⵎⴰ ⴷ ⴰⵙⵙ ⵏ ⵜⵍⴰⵜⴰ ⴷ-ⵉⵜⵜⴻⴷⴷⵓⵏ, ⴰⴽⴽⴻⵏ ⵉ ⵜ-ⵉⴷ-ⵢⴻⵏⵏⴰ ⵢⵉⵡⴻⵏ ⵏ ⵡⵓⵍⵖⵓ ⵓⵣⵣⵉⴳ ⵏ ⵓⵅⵅⴰⵎ ⴰⵖⴻⵍⵏⴰⵡ ⵏ ⵜⵉⴳⵏⴻⵡⵜ.
ⵓⵍⵖⵓ-ⴰ, ⵉ ⴷ-ⵢⴻⵍⵍⴰⵏ ⴷⴻⴳ ⵡⴻⵙⵡⵉⵔ ⵏ ⵜⵄⴻⵙⵙⴰⵙⵜ ⵙ ⵢⵉⵏⵉ "ⴰⵞⵉⵏⵉ", ⵢⴻⵄⵏⴰ ⵜⵉⵡⵉⵍⴰⵢⵉⵏ ⵏ: ⴱⵓⵔⴵ ⴱⵓⵄⵔⵉⵔⵉⴵ, ⵙⵟⵉⴼ, ⵎⵉⵍⴰ, ⵇⵙⴻⵏⵟⵉⵏⴰ, ⴳⴰⵍⵎⴰ, ⵙⵓⵇ ⴰⵀⵔⴰⵙ, ⵓⵎ ⵍⴻⴱⵡⴰⵇⵉ ⴰⴽⴽ ⴷ ⵍⴻⵎⵙⵉⵍⴰ, ⴰⵏⴷⴰ ⵜⵜⵡⴰⵔⴰⴵⵓⵏ ⵢⵉⴳⴻⴼⵔⴰⵏ ⴰⴷ ⴰⵡⴹⴻⵏ ⴳⴰⵔ 20 ⴷ 30 ⵏ ⵢⵉⵎⵉⵍⵉⵎⵉⵜⵔⴻⵏ, ⴰⵢⴰⴳⵉ ⴱⴷⵓ ⵙⴻⴳ ⵡⴰⵙⵙ-ⴰ ⵏ ⵍⵃⴻⴷ ⵖⴻⴼ 14:00 ⴰⵔⴰⵎⵎⴰ ⴷ 23:00.
ⴰⵎ ⴰⴽⴽⴻⵏ ⵢⴻⵄⵏⴰ ⵡⵓⵍⵖⵓ-ⴰ ⵜⵉⵡⵉⵍⴰⵢⵉⵏ ⵏ: ⵜⵍⴻⵎⵙⴰⵏ, ⵏⵏⵄⴰⵎⴰ, ⵙⵉⴷⵉ ⴱⴻⵍⵄⴻⴱⴱⴰⵙ, ⵙⵄⵉⴷⴰ, ⵜⵢⴰⵔⴻⵜ, ⵎⵄⴻⵙⴽⴻⵔ, ⵖⵉⵍⵉⵣⴰⵏ, ⵜⵉⵙⴻⵎⵙⵉⵍⵜ, ⵄⵉⵏ ⴷⴻⴼⵍⴰ, ⵛⵛⵍⴻⴼ, ⵍⴻⵎⴷⵉⵢⵢⴰ, ⵍⴻⴱⵍⵉⴷⴰ, ⵜⵓⴱⵉⵔⴻⵜ, ⵜⵉⵣⵉ ⵡⴻⵣⵣⵓ ⴰⴽⴽ ⴷ ⵓⴳⴰⴼⴰ ⵏ ⵍⴵⴻⵍⴼⴰ, ⴰⵏⴷⴰ ⵢⴻⵜⵜⵡⴰⵔⴰⴵⵓ ⴰⴷ ⴰⵡⴹⴻⵏ ⵢⵉⴳⴻⴼⵔⴰⵏ ⴳⴰⵔ 20 ⴷ 40 ⵏ ⵢⵉⵎⵉⵍⵉⵎⵉⵜⵔⴻⵏ, ⴰⵢⴰⴳⵉ ⴱⴷⵓ ⵙⴻⴳ 15:00 ⵏ ⵡⴰⵙⵙ-ⴰ ⴰⵔⴰⵎⵎⴰ ⴷ ⴰⵣⴻⴽⴽⴰ ⵏ ⵍⴻⵜⵏⴰⵢⴻⵏ ⵖⴻⴼ 06:00 ⵏ ⵜⵚⴻⴱⵃⵉⵜ.
ⵙⴻⴳ ⵢⵉⴷⵉⵙ-ⵏⵙⴻⵏ, ⴰⴷ ⴷ-ⵡⵜⴻⵏ ⵢⵉⴳⴻⴼⵔⴰⵏ ⴷⴻⴳ ⵜⵡⵉⵍⴰⵢⵉⵏ ⵏ: ⵜⵉⵒⴰⵣⴰ, ⵍⴷⵣⴰⵢⴻⵔ ⴰⴽⴽ ⴷ ⴱⵓⵎⴻⵔⴷⴰⵙ, ⵢⴻⵜⵜⵡⴰⵔⴰⴵⵓ ⴰⴷ ⴰⵡⴹⴻⵏ ⴳⴰⵔ 20 ⴷ 30 ⵏ ⵢⵉⵎⵉⵍⵉⵎⵉⵜⵔⴻⵏ, ⴰⵢⴰⴳⵉ ⴱⴷⵓ ⵙⴻⴳ ⵡⴰⵙⵙ-ⴰ ⵏ ⵍⵃⴻⴷ ⵖⴻⴼ 22:00 ⴰⵔⴰⵎⵎⴰ ⴷ ⴰⵣⴻⴽⴽⴰ ⵏ ⵍⴻⵜⵏⴰⵢⴻⵏ ⵖⴻⴼ 09:00 ⵏ ⵜⵚⴻⴱⵃⵉⵜ.
ⴰⵎ ⴰⴽⴽⴻⵏ ⵢⴻⵄⵏⴰ ⵡⵓⵍⵖⵓ-ⴰ ⴷⴰⵖⴻⵏ ⴰⵏⵥⵓⵍ ⵏ ⵄⵉⵏ ⵚⴰⵍⴻⵃ, ⴰⴳⴰⴼⴰ ⵏ ⵜⵎⴻⵏⵖⴰⵙⵜ, ⴵⴰⵏⴻⵜ ⴰⴽⴽ ⴷ ⵡⴻⵏⵥⵓⵍ ⵏ ⵢⵉⵍⵉⵣⵉ, ⴰⵏⴷⴰ ⵢⴻⵜⵜⵡⴰⵔⴰⴵⵓ ⵓⵖⴻⵍⵍⵓⵢ ⵏ ⵢⵉⴳⴻⴼⵔⴰⵏ ⴰⵔⴰ ⵢⴰⵡⴹⴻⵏ ⴳⴰⵔ 20 ⴷ 30 ⵏ ⵢⵉⵎⵉⵍⵉⵎⵉⵜⵔⴻⵏ, ⴰⵢⴰⴳⵉ ⴱⴷⵓ ⵙⴻⴳ ⵓⵣⴻⴽⴽⴰ ⵏ ⵍⴻⵜⵏⴰⵢⴻⵏ ⵖⴻⴼ 03:00 ⴰⵔⴰⵎⵎⴰ ⴷ ⴰⵙⵙ ⵏ ⵜⵍⴰⵜⴰ ⴷⴻⴳ ⵢⵉⵡⴻⵏ ⵏ ⵍⵡⴻⵇⵜ.
ⴰⵔⵏⵓ ⵖⴻⵔ
