ⵙⵙⴰⵡⴹⴻⵏ ⵢⵉⵎⴰⵙⵍⴰⴷⴻⵏ ⵏ ⵓⵊⵓⵎⵎⴰⵔ ⵏ ⵜⵏⴻⵀⵎⴰⵍⵜ ⵏ ⵜⴻⵎⵏⴰⵟ ⵏ ⵍⴻⵖⵡⴰⵟ ⴰⴷ ⵃⵙⴰⵔⴻⵏ ⵓⴳⴰⵔ ⵏ 21 ⵏ ⵡⴰⴳⵉⵎⴰⵏ ⵏ ⵜⵉⴳⵏⴰⵜⵉⵏ ⵏ ⵓⵙⴷⴻⵔⵡⵉⵃ ⵏ ⵡⴰⵏⴰⵡ "ⵒⵔⴻⴳⴰⴱⴰⵍⵉⵏ 300 ⵎⴳ" ⴷⴻⴳ ⴽⵔⴰⴷ ⵏ ⵜⵉⴳⴳⴰⵜⵉⵏ ⵢⴻⵎⴳⴰⵔⴰⴷⴻⵏ.
ⴷⴻⴳ ⵢⵉⵡⴻⵏ ⵏ ⵓⵙⵉⵡⴹ ⵏ ⵜⵏⴻⵀⵎⴰⵍⵜ ⵜⴰⵎⴰⵜⵓⵜ ⵏ ⵓⵊⵓⵎⵎⴰⵔ, ⴰⵙⵙ-ⴰ ⵏ ⵜⵜⵍⴰⵜⴰ, ⵢⴻⵏⵏⴰ-ⴷ ⴱⴻⵍⵍⵉ "ⴷⴻⴳ ⵓⴱⵔⵉⴷ ⵏ ⵓⵎⴰⵀⵉⵍ ⵏ ⵡⴰⵏⵏⴰⵔ ⵉ ⵉⵜⴻⴷⴷⵓⵏ, ⵉⵎⴰⵙⵍⴰⴷⴻⵏ ⵏ ⵓⵊⵓⵎⵎⴰⵔ ⵏ ⵜⵏⴻⵀⵎⴰⵍⵜ ⵏ ⵜⴻⵎⵏⴰⵟ ⵏ ⵍⴻⵖⵡⴰⵟ, ⵙ ⵓⵎⵙⴰⵙⴻⵢ ⴷ ⵢⵉⵎⴻⵥⵍⴰ ⵏ ⵜⵎⴰⵏⴻⴳⵜ ⵢⴻⵎⴳⴰⵔⴰⴷⴻⵏ, ⵙⵙⴰⵡⴹⴻⵏ ⴰⴷ ⵃⵙⴰⵔⴻⵏ 21.100 ⵏ ⵜⵉⴳⵏⴰⵜⵉⵏ ⵏ ⵓⵙⴷⴻⵔⵡⵉⵃ ⵏ ⵡⴰⵏⴰⵡ 'ⵒⵔⴻⴳⴰⴱⴰⵍⵉⵏ 300 ⵎⴳ' ⴷⴻⴳ ⴽⵔⴰⴷ ⵏ ⵜⵉⴳⴳⴰⵜⵉⵏ ⵢⴻⵎⴳⴰⵔⴰⴷⴻⵏ ⴷⴻⴳ ⵍⴶⴻⵍⴼⴰ, ⴳⴻⵟⵟⴰⵔⴰ ⴷ ⵖⴻⵔⴷⴰⵢⴰ. ⵜⵉⴳⵏⴰⵜⵉⵏ-ⴰⴳⵉ ⵍⵍⴰⵏⵜ ⵜⵜⵡⴰⴼⵔⴻⵏⵜ ⴷⴻⴳ ⵜⴽⴰⵔⵔⵓⵚⵉⵡⵉⵏ ⵏ ⵜⴼⴻⵙⵡⵉ ".
ⴰⵙⵉⵡⴹ ⵢⴻⵔⵏⴰ-ⴷ ⴱⴻⵍⵍⵉ "ⵜⵉⴳⴳⴰⵜⵉⵏ-ⴰⴳⵉ ⵙⵙⵉⵡⴹⴻⵏⵜ ⵖⴻⵔ ⵓⵃⵙⴰⵔ ⵏ ⵡⴰⵍⵍⴰⵍⴻⵏ ⵏ ⵓⵣⵓⵏⴻⵢ ⵢⴻⵜⵜⵓⵙⴻⵎⵔⴻⵙⴻⵏ, ⴷ ⵓⴽⵎⴰⵣ ⵏ ⵢⵉⵎⵛⴻⴽⴽⴰⵢⴻⵏ ⵓ ⴷ ⵓⵙⵙⴻⵔⵔⴻⵙ-ⵏⵙⴻⵏ ⵣⴷⴰⵜ ⵏ ⵜⵎⵓⵙⵏⵉⵡⵉⵏ ⵏ ⵜⵏⴻⴼⵔⵓⵜ ⵜⵓⴼⵔⵉⵏⵉⵏ".
ⵜⵉⴳⴳⴰⵜⵉⵏ-ⴰⴳⵉ ⵙⵏⴻⴽⴷⴻⵏⵜ ⵜⵓⵛⵛⵉⵜ ⵏ ⵢⵉⵊⵓⵎⵎⴰⵔ ⵏ ⵍⴻⵣⵣⴰⵢⴻⵔ ⵉ ⵓⴽⴻⵎⵎⴻⵍ ⵏ ⵓⵎⴻⵏⵏⵓⵖ ⵎⴳⴰⵍ ⵓⵣⵓⵏⴻⵢ ⵏ ⵜⴻⵢⵅⴰⵔ ⴷ ⵜⴽⴻⵔⵔⵉⵛⵜ ⵜⵓⵙⵙⵓⴷⴻⵙⵜ, ⵙ ⵓⵎⵙⴰⵙⴻⵢ ⴷ ⵢⵉⵢⴻⵙⴽⵉⵔⴻⵏ ⵏ ⵜⵎⴰⵏⴻⴳⵜ ⵎⴻⵕⵕⴰ.
ⴰⵔⵏⵓ ⵖⴻⵔ
