ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⵊⵉⴷ ⵜⴰⴱⵓⵏ, ⴷⴻⴳ ⵜⵙⴻⵍⵡⵉⵜⵉⵙ, ⴰⵙⵙ ⵏ ⵍⵃⴻⴷⴷ, ⵜⵉⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ, ⵢⴻⵙⵏⴻⵎⵎⴻⵔ ⴰⴱⵔⵉⴷ ⵙ ⵜⵖⴰⵡⵍⴰ ⵙ ⵡⴰⵛⵓ ⵉ ⴷⵜⵜⵡⴰⵅⴻⴷⵎⴻⵏ ⵢⵉⵃⴻⵣⵣⵉⴱⴻⵏ ⵏ ⵓⵄⴰⵇⴻⴱ ⵏ ⵢⵉⵎⴻⵖⵏⴰⵙⴻⵏ ⵏ ⵜⵎⴻⵙ, ⵉⵎⵉ ⵉ ⴷⵢⴻⴼⴽⴰ ⵍⴰⵎⴻⵕ ⵉ ⵓⵏⴰⴱⴰⴹ ⴰⴽⴽⴻⵏ ⴰⴷ ⵉⴽⴻⵎⵎⴻⵍ ⴰⵄⴰⵇⴻⴱ ⴰⵏⴻⴳⴳⴰⵔⵓ ⵉ ⴷⵢⴻⵇⵇⵉⵎⴻⵏ ⵏ ⵓⵏⴻⵖⵍⴰⴼ ⵏ ⴽⵔⴰ ⵏ ⵜⴻⵎⵀⴰⵍ ⵏ ⵓⵄⴰⵡⴻⴷ ⵏ ⵓⵡⴰⵏⴰⴽ, ⵎⴰ ⵢⴻⵍⵍⴰ.
ⴰⵖⴱⴰⵍⵓⵏⵏⵉ ⴽⴰⵏ ⵢⴻⵙⵙⴻⴼⵀⴻⵎⴷ ⴷⴰⴽⴽⴻⵏ Aselway ⵏ Tegduda « ⵢⴻⵙⵏⴻⵎⵎⴻⵔ ⴰⴱⵔⵉⴷ ⵙ ⵜⵖⴰⵡⵍⴰ ⴰⵢⴷⴻⴳ ⵜⵜⵡⴰⴹⴹⴼⴻⵏ ⵢⵉⵃⴻⵣⵣⵉⴱⴻⵏ ⵏ ⵓⵙⵙⴻⴱⴷⴻⴷ ⵏ ⵢⵉⵎⴻⵃⴱⴰⵙ ⵏ ⵜⵎⴻⵙ, ⵍⴰⴷⵖⴰ ⴷⴻⴳ ⵓⵡⴰⵏⴰⴽ ⵏ Gigel, ⴰⵎ ⵡⵉⴷ ⴰⵢ ⵢⴻⵜⵜⵡⴰⵃⵓⵣⴰⵏ ⵓⴳⴰⵔ, ⵢⴻⵙⵏⴻⵎⵎⴻⵔ ⵢⴻⵔⵏⴰ ⵢⴻⵙⵙⴻⴱⵖⴰⵙ ⵉⵄⴻⴳⴳⴰⵍⴻⵏ ⵏ ⵓⵏⴰⴱⴰⴹ ⵙ ⵓⵎⴰⵜⴰ ⵖⴻⴼ ⵡⵓⵙⵙⵉⵙⴻⵏⵏⵙⴻⵏ, ⵍⴰⴷⵖⴰ ⵡⵉⴷ ⴰⵢ ⵢⴻⵍⵍⴰⵏ ⵙ ⵓⵙⵔⵉⴷ ⵙ ⵜⵎⴻⵥⴷⵉⵢⵉⵏⴰ ».
ⵜⴻⵙⵙⵓⵜⴻⵔ ⴷⴰⵖ, ⴷⴻⴳ ⵓⴽⴰⵜⴰⵔⵏⵏⵉ ⴽⴰⵏ, « ⴰⴷ ⵜⵜⵡⴰⴽⴻⵎⵍⴻⵏⵜ ⵜⵖⴰⵡⵙⵉⵡⵉⵏ ⵜⵉⵏⴻⴳⴳⵓⵔⴰ ⵏ ⵜⵎⴻⵏⴹⴰⵡⵜ ⴰⵢ ⴷⵢⴻⵇⵇⵉⵎⴻⵏ, ⵎⴰ ⵢⴻⵍⵍⴰ ⵍⵍⴰⵏⵜ, ⵢⴻⵔⵏⴰ ⵙ ⵜⵖⴰⵡⵍⴰ ».
ⵎⴰⵙⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵙⵙⴻⵊⵀⴻⴷ ⵍⴻⴱⵖⵉⵏⵏⴻⵙ ⴷⴰⴽⴽⴻⵏ « ⴰⵎⵛⵉⵡⴻⵕⴰ ⴰⵖⴻⵔⴼⴰⵏ ⴷ ⵓⵏⴰⴱⴰⴹ, ⵢⴻⵣⵎⴻⵔ ⵍⵃⴰⵍ ⵢⴻⵙⵙⴻⵏⵇⴻⵙ ⴽⵔⴰ ⵏ ⵍⵃⴻⵕⵙ ⵏ ⵢⵉⵎⴻⵊⵔⴰⵃ ⵢⴻⵜⵜⵡⴰⵃⴻⵇⵔⴻⵏ, ⴰⵢ ⵢⴻⵃⵓⵣⴰⵏ ⵉⵖⴻⵔⵎⴰⵏⴻⵏⵏⵏⴻⵖ ⴷⴻⴳ ⴽⵔⴰ ⵏ ⵢⵉⵡⴰⵏⴰⴽⴻⵏ ⵏ ⵜⵎⵓⵔⵜⵏⵏⴻⵖ ⴰⵢ ⵢⴻⵜⵜⵡⴰⵙⴼⴻⴹⴹⴻⵏ, ⵢⴻⵔⵏⵓ ⵢⴻⵙⵙⴽⴰⵏⴰⵢⴷ ⵙ ⵍⵊⴻⵀⴷ ⴷⴰⴽⴽⴻⵏ ⴰⵡⴰⵏⴰⴽⵏⵙⴻⵏ ⵉⴱⴻⴷⴷ ⵢⴻⵔⵏⴰ ⴰⴷ ⵢⴻⵇⵇⵉⵎ ⴷⵉⵎⴰ ⵖⴻⵔ ⵢⵉⴷⵉⵙⵏⵙⴻⵏ », ⴰⵎ ⵡⴰⴽⴽⴻⵏ ⴰⵢ ⴷⵢⴻⵙⵎⴻⴽⵜⵉ.
ⴰⵔⵏⵓ ⵖⴻⵔ
