Ooredoo ⵏ ⵍⴻⵣⵣⴰⵢⴻⵔ ⵜⴱⴻⵔⵔⴻⵃ-ⴷ ⵙ ⵓⵙⵓⴼⴼⴻⵖ ⵏ ⵜⵓⴷⴷⵙⴰ ⵜⵉⵙ ⴽⵔⴰⴹⵜ ⵏ ⵜⴻⵎⵣⵉⵣⴻⵍⵜ "ⵉⵜⵔⵉ ⵢⵓⵍⵉⵏ", ⵉ ⴷ-ⵢⵓⵙⴰⵏ ⵉ ⵢⵉⵏⴻⵍⵎⴰⴷⴻⵏ ⵏ ⵜⵓⵙⵙⵏⵉⵡⵉⵏ ⵏ ⵢⵉⵙⴰⵍⵍⴻⵏ, ⵜⴻⵢⵡⴰⵍⵜ ⴷ ⵜⵖⴰⵎⵙⴰ ⴷⴻⴳ ⵜⵎⵓⵔⵜ ⵎⴻⵕⵕⴰ.
ⵜⴻⵎⵣⵉⵣⴻⵍⵜ-ⴰⴳⵉ ⵜⴻⵍⵍⴰ ⴷⴻⴳ ⵓⵏⵏⴰⵔ ⵏ ⵓⵙⴻⴳⴳⴻⵎ ⵏ ⵓⵙⵡⵉⵔ ⵓⵙⵙⵏⴰⵏ ⴷ ⵓⵙⵙⴻⴽⵢⴻⴷ ⵏ ⵓⵙⵏⵓⵍⴼⵓ ⴷⴻⴳ ⵢⵉⵙⴰⵍⵍⴻⵏ. ⵉⵙⵡⵉ ⵏ "ⵉⵜⵔⵉ ⵢⵓⵍⵉⵏ" ⴷ ⴰⵙⵏⵉⵔⴻⵎ ⵏ ⵜⵎⵓⵙⵏⵉⵡⵉⵏ ⵜⵉⵎⴰⵢⵏⵓⵜⵉⵏ ⵉ ⴷ-ⵉⵜⵜⴰⵍⵉⵏ ⴷⴻⴳ ⵓⵃⵔⵉⵛ ⵏ ⵢⵉⵙⴰⵍⵍⴻⵏ, ⵉⵡⴰⴽⴽⴻⵏ ⴰⴷ ⴰⵙⴻⵏ-ⵜⴻⴼⴽ ⴰⵙⴰⵢⴻⵙ (plateforme) ⵉ ⵢⵉⵏⴻⵍⵎⴰⴷⴻⵏ ⵉ ⵉⵃⴻⵎⵎⵍⴻⵏ ⵉⵎⴰⵀⵉⵍⴻⵏ ⵏ ⵜⴻⵢⵡⴰⵍⵜ.
ⵜⴻⵎⵣⵉⵣⴻⵍⵜ ⵜⴻⵍⴷⴰⵊ ⵉ ⵢⵉⵏⴻⵍⵎⴰⴷⴻⵏ ⵏ ⵍⵉⵙⴰⵏⵙ, ⵎⴰⵙⵜⴻⵔ ⴷ ⴷⵓⴽⵜⵓⵕⴰ. ⵣⴻⵎⵔⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⴽⵓⵥ (4) ⵏ ⵜⴰⴳⴳⴰⵢⵉⵏ ⵏ ⵜⵖⴰⵎⵙⴰ: ⵉⵙⴰⵍⵍⴻⵏ ⵢⵓⵔⴰⵏ, ⵉⵙⴰⵍⵍⴻⵏ ⵏ ⵔⵔⴰⴷⵢⵓ, ⵉⵙⴰⵍⵍⴻⵏ ⵏ ⵜⵉⵍⵉⵥⵔⵉ, ⴰⴽⴽⴻⴷ ⵢⵉⵙⴰⵍⵍⴻⵏ ⵏ ⵓⵟⵟⵓⵏ.
ⴷⴻⴳ ⵜⵓⴷⴷⵙⴰ-ⴰⴳⵉ ⵜⵉⵙ ⴽⵔⴰⴹⵜ, Ooredoo ⵜⴻⴼⴽⴰ-ⴷ ⴰⵙⴻⵏⵜⴻⵍ ⵉ ⵢⵉⵏⴻⵍⵎⴰⴷⴻⵏ:
"ⵜⵉⴼⵔⵉⵜ ⵜⵓⵙⵏⵉⵙⵜ (IA) ⴷ ⵢⵉⵎⴰⵍ ⵏ ⵢⵉⵙⴰⵍⵍⴻⵏ ⴷⴻⴳ ⵍⴻⵣⵣⴰⵢⴻⵔ: ⵉⵔⴰⵢⴻⵏ ⴷ ⵢⵉⵙⵓⴼⴰ"
ⴷ ⴰⵙⴻⵏⵜⴻⵍ ⵉ ⴷ-ⵢⵓⵙⴰⵏ ⴷ ⵓⴱⴻⴷⴷⴻⵍ ⵎⴻⵇⵇⵔⴻⵏ ⵉ ⵉⴹⴻⵔⵔⵓⵏ ⴷⴻⴳ ⵓⵃⵔⵉⵛ ⵏ ⵢⵉⵙⴰⵍⵍⴻⵏ. ⵏⴻⵙⵙⵓⵜⵓⵔ-ⴰⵙⴻⵏ ⵉ ⵡⵉⴷ ⴰⵔⴰ ⵜⵜⴻⴽⴽⵉⵏ ⴰⴷ ⴷ-ⴰⴼⴻⵏ ⴰⵎⴻⴽ ⵉ ⵜⴱⴻⴷⴷⵉⵍ ⵜⵜⴻⴽⵏⵓⵍⵓⵊⵉⵜ ⵜⴰⵎⴰⵢⵏⵓⵜ ⴰⵙⵓⴼⴼⴻⵖ ⴷ ⵓⵙⵙⴻⴷⵔⴻⵄ ⵏ ⵢⵉⵙⴰⵍⵍⴻⵏ, ⴰⴽⴽⴻⴷ ⵡⵓⴳⵓⵔⴻⵏ ⵏ ⵜⵜⴻⴱⵉⵢⴰ ⴷ ⵓⵅⴻⴷⴷⵉⵎ ⵏ ⵜⵖⴰⵎⵙⴰ.
ⴰⵜⵜⴻⴽⴽⵉ ⴷⴻⴳ ⵜⴻⵎⵣⵉⵣⴻⵍⵜ ⴰⴷ ⵢⵉⵍⵉ ⵙⴻⴳ 31 ⵏ ⵎⴻⵖⵔⴻⵙ ⵖⴻⵔ 31 ⵏ ⵎⴰⵢⵢⵓ 2026. ⴰⵢⴰⴳⵉ ⴰⴷ ⴰⵙⴻⵏ-ⵢⴻⴼⴽ ⵍⵡⴻⵇⵜ ⵉ ⵢⵉⵏⴻⵍⵎⴰⴷⴻⵏ ⵉⵡⴰⴽⴽⴻⵏ ⴰⴷ ⴷ-ⵀⴻⴳⴳⵉⵏ ⵉⵅⴻⴷⴷⵉⵎⴻⵏ-ⵏⵙⴻⵏ ⵏ ⵓⵙⵏⵓⵍⴼⵓ.
ⵢⴰⵍ ⴰⵏⴻⵍⵎⴰⴷ ⴰⴷ ⴷ-ⵢⴰⵣⴻⵏ ⵢⵉⵡⴻⵏ ⵏ ⵓⵅⴻⴷⴷⵉⵎ ⵙ ⵢⵉⵎⴰⵏ-ⵉⵙ, ⵢⵓⵔⴰ ⵙ ⵢⵉⵡⴻⵜ ⵏ ⵜⵓⵜⵍⴰⵢⵜ ⴳⴰⵔ-ⴰⵙⴻⵏⵜ: ⵜⴰⵄⵔⴰⴱⵜ, ⵜⴰⵎⴰⵣⵉⵖⵜ, ⵜⴰⴼⵔⴰⵏⵙⵉⵙⵜ ⵏⴻⵖ ⵜⴰⴳⵍⵉⵣⵉⵜ, ⵙ ⵓⴱⵔⵉⴷ ⵏ ⵓⵙⴰⵢⴻⵙ ⵏ ⵡⴻⴱ:
https://ore.do/etoile-montante-participation ⵏⴻⵖ ⵙ ⵢⵉⵎⴰⵢⵍ: etoilemontante@ooredoo.dz
ⵣⴻⵎⵔⴻⵏ ⴷⴰⵖⴻⵏ ⴰⴷ ⴷ-ⴰⴼⴻⵏ ⵍⵇⴰⵏⵓⵏ ⵏ ⵜⴻⵎⵣⵉⵣⴻⵍⵜ ⴷⴻⴳ ⵓⵙⴰⵢⴻⵙ: www.ooredoo.dz, ⴷⴻⴳ ⵓⵃⵔⵉⵛ "ⵉⵜⵔⵉ ⵢⵓⵍⵉⵏ".
ⵙ ⵜⴻⵎⵣⵉⵣⴻⵍⵜ-ⴰⴳⵉ, Ooredoo ⵜⴻⵙⵙⵉⵀⴻⵍ ⵉ ⵜⵉⴽⴻⵍⵜ ⵏⵏⵉⴹⴻⵏ ⴱⴻⵍⵍⵉ ⴰⴷ ⵜⴻⵇⵇⵉⵎ ⴷ ⵜⴰⵍⵍⴻⵍⵜ ⵉ ⵢⵉⵏⴻⵍⵎⴰⴷⴻⵏ ⵉⵡⴰⴽⴽⴻⵏ ⴰⴷ ⵙⵏⴻⵔⵏⵉⵏ ⵜⴰⵎⵓⵙⵏⵉ-ⵏⵙⴻⵏ, ⵢⴻⵔⵏⴰ ⴰⴷ ⵜⴻⴽⴽⵉ ⴷⴻⴳ ⵓⵙⵏⴻⵔⵏⵉ ⵏ ⵢⵉⵙⴰⵍⵍⴻⵏ ⵉⵎⴰⵢⵏⵓⵜⵉⵏ ⵉ ⵉⵇⴻⴷⴷⵔⴻⵏ ⵜⴰⵔⵔⴰⵢⵉⵏ ⵏ ⵓⵅⴻⴷⴷⵉⵎ ⴷ ⵜⵜⴻⴽⵏⵓⵍⵓⵊⵉⵜ.
ⴰⵔⵏⵓ ⵖⴻⵔ
