ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵎⵎⵓⵜⴻⵏ 38 ⵏ ⵢⵉⵎⴷⴰⵏⴻⵏ ⵢⴻⵔⵏⴰ ⵊⴻⵔⵔⵃⴻⵏ 1448 ⵏⵏⵉⴹⴻⵏ ⴷⴻⴳ 1195 ⵏ ⵓⴽⵙⴰⵔⴻⵏ ⵏ ⵓⴱⵔⵉⴷ ⵉ ⴷ-ⵢⴻⴹⵔⴰⵏ ⴷⴻⴳ ⵡⴰⵟⴰⵙ ⵏ ⵜⵎⴻⵏⵏⴰⴹⵉⵏ ⵏ ⵜⵎⵓⵔⵜ, ⴳⴰⵔ ⵡⴰⵙⵙ ⵏ 08 ⴷ 14 ⴼⵓⵔⴰⵔ ⴰⵎⴻⴳⴳⴰⵣ. ⴰⵢⴰ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵏⴻⴱⴷⴰⴷⵜ ⵜⴰⵎⴰⵜⵓⵜ ⵏ ⵉⵖⴰⵍⵍⴻⵏ ⵏ ⵓⵙⵍⴻⴽ ⴰⵙⵙ-ⴰ ⵏ ⵜⵜⵍⴰⵜⴰ.
ⵢⴻⵙⴼⴻⵔⵔⴻⵯ-ⴷ ⵡⴰⵍⵖⵓ-ⵏⵏⵉ ⴱⴻⵍⵍⵉ ⵜⴰⵎⵏⴰⵟ ⵏ ⵜⴱⴻⵙⵙⴰ ⵜⴻⵡⵡⵉ ⴰⵎⵓⵔ ⴰⵎⴻⵇⵇⵔⴰⵏ ⵏ ⵍⵎⵓⵜ ⴷⴻⴳ ⵢⵉⵎⴰⵍ-ⴰⴳⵉ, ⵉⵎⵉ ⴷⴻⴳ-ⵙ ⵎⵎⵓⵜⴻⵏ 5 ⵏ ⵢⵉⵎⴷⴰⵏⴻⵏ ⵢⴻⵔⵏⴰ ⵊⴻⵔⵔⵃⴻⵏ 22 ⵏⵏⵉⴹⴻⵏ ⴷⴻⴳ 18 ⵏ ⵓⴽⵙⴰⵔⴻⵏ ⵏ ⵓⴱⵔⵉⴷ.
ⵙⴻⴳ ⵍⵊⵉⵀⴰ ⵏⵏⵉⴹⴻⵏ, ⵢⵉⴳⵔⴰⵡⴻⵏ ⵏ ⵓⵃⴰⴷⴰⵔ ⴰⵎⴰⴷⴰⵏ ⴳⴳⴰⵏ 896 ⵏ ⵍⴻⵇⴷⵉⵛⴻⵏ ⵉ ⵡⴰⴽⴽⴻⵏ ⴰⴷ ⵙⵙⴻⵏⵙⴻⵏ 541 ⵏ ⵜⵉⵎⵙⵉⵡⵉⵏ (ⵍⵄⴰⴼⵉⵜ). ⵜⵉⵎⵙⵉⵡⵉⵏ-ⴰⴳⵉ ⵍⵍⴰⵏⵜ ⴷⴻⴳ ⵢⵉⵅⴰⵎⵎⴻⵏ, ⴷⴻⴳ ⵜⵎⴻⵔⵙⴻⵍⵉⵏ ⵏ ⵜⵎⴻⴳⵓⵔⵉ ⵏⴻⵖ ⴷⴻⴳ ⵢⵉⵎⴽⴰⵏⴻⵏ ⵏⵏⵉⴹⴻⵏ. ⵜⴰⵎⵏⴰⵟ ⵏ ⵍⵣⵣⴰⵢⴻⵔ ⵜⴰⵎⴰⵏⴻⵖⵜ ⵜⴻⵙⵄⴰ 81 ⵏ ⵜⵉⵎⵙⵉⵡⵉⵏ, ⵍⴱⵍⵉⴷⴰ 39, ⵎⴰ ⴷ ⵄⴻⵏⵏⴰⴱⴰ 23.
ⴷⴻⴳ ⵢⵉⵡⴻⵏ ⵓⵣⵎⴻⵣ, ⵉⵅⴻⴷⴷⴰⵎⴻⵏ ⵏ ⵓⵃⴰⴷⴰⵔ ⴰⵎⴰⴷⴰⵏ ⴳⴳⴰⵏ 8571 ⵏ ⵍⴻⵇⴷⵉⵛⴻⵏ ⵎⴰⵕⵕⴰ ⴷⴻⴳ ⵜⵎⵓⵔⵜ. ⵙⴻⵍⵍⴽⴻⵏ 672 ⵏ ⵢⵉⵎⴷⴰⵏⴻⵏ ⵉ ⵢⴻⵍⵍⴰⵏ ⴷⴻⴳ ⵓⵎⵉⵞⵉ ⵢⴻⵔⵏⴰ ⴳⴳⴰⵏ 7417 ⵏ ⵍⴻⵇⴷⵉⵛⴻⵏ ⵏ ⵓⵙⴻⵍⵍⴻⴽ ⴷ ⵓⴷⴰⵡⵉ ⵏ ⵢⵉⵎⵓⴹⴰⵏ.
ⵖⴻⴼ ⵡⴰⵢⴻⵏ ⵢⴻⵔⵣⴰⵏ ⴰⵙⵎⴻⵎⵎⵉ ⵏ ⵓⴳⴰⵣ (ⴰⴽⵙⵉⴷ ⵏ ⵍⴽⴰⵔⴱⵓⵏ) ⵉ ⴷ-ⵉⵜⴻⴼⴼⵓⵖⵓⵏ ⵙⴻⴳ ⵡⴰⵍⴰⵜⴻⵏ ⵏ ⵓⵃⵎⵓ ⴷ ⵢⵉⵙⵉⵏⵏⵉⵡⴻⵏ ⵏ ⵡⴰⵎⴰⵏ, ⵢⵉⴳⵔⴰⵡⴻⵏ ⵏ ⵓⵃⴰⴷⴰⵔ ⴰⵎⴰⴷⴰⵏ ⴳⴳⴰⵏ 34 ⵏ ⵍⴻⵇⴷⵉⵛⴻⵏ. ⵙⴻⵍⵍⴽⴻⵏ 80 ⵏ ⵢⵉⵎⴷⴰⵏⴻⵏ ⵢⴻⵔⵏⴰ ⴼⴽⴰⵏ-ⴰⵙⴻⵏ ⵍ lⵄⴻⵏⴰⵢⴰ ⵜⴰⵣⵡⴰⵔⴰⵏⵜ, ⵎⴻⵄⵏⴰ ⵎⵎⵓⵜⴻⵏ 4 ⵏⵏⵉⴹⴻⵏ ⴷⴻⴳ ⵜⵡⵉⵍⴰⵢⵉⵏ ⵏ ⴱⵓⵎⴻⵔⴷⴰⵙ, ⵍⵣⵣⴰⵢⴻⵔ ⴷ ⵜⵓⴱⵉⵔⵜ (ⴱⵓⵢⵉⵔⴰ).
ⵜⴰⴳⴳⴰⵔⴰ, ⴰⵃⴰⴷⴰⵔ ⴰⵎⴰⴷⴰⵏ ⵢⴻⵙⵙⴻⴽⵜⴰ-ⴷ ⵉⵎⴻⵣⴷⴰⵖ ⴰⴽⴽⴻⵏ ⴰⴷ ⵃⴰⴷⵔⴻⵏ ⵉⵎⴰⵏ-ⵏⵙⴻⵏ ⵢⴻⵔⵏⴰ ⴰⴷ ⵄⴻⵙⵙⴻⵏ ⵡⴰⵍⴰⵜⴻⵏ ⵏ ⵓⵃⵎⵓ ⴷⴻⴳ ⵢⵉⵅⴰⵎⵎⴻⵏ-ⵏⵙⴻⵏ ⵉ ⵡⴰⴽⴽⴻⵏ ⴰⴷ ⵅⴹⵓⵏ ⵉ ⵢⵉⵎⵉⵞⵉⵢⴻⵏ ⵏ ⵓⴳⴰⵣ.
ⴰⵔⵏⵓ ⵖⴻⵔ
