ⴰⵏⴻⵖⵍⴰⴼ ⴰⵎⴻⵣⵡⴰⵔⵓ, ⵎⴰⵙⵙ ⵙⴰⵉⴼⵉ ⴳⵀⴰⵔⵉⴱ, ⵢⴻⵔⵎⴻⵙ ⴰⵙⵙ ⵏ ⵍⵃⴻⴷⴷ, ⴰⵏⴻⵎⵀⴰⵍ ⵓⵏⵏⵉⴳ ⵏ ⵓⵙⴻⵍⵡⴰⵢ ⵏ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵏ ⵎⴰⵔⵉⴽⴰⵏ, ⵢⴻⵜⵜⵡⴰⴽⴻⵍⵍⴼⴻⵏ ⵙ ⵜⴻⵎⵙⴰⵍ ⵏ ⵜⴻⴼⵔⵉⵇⵜ, ⵜⴰⵄⵔⴰⴱⵜ ⴷ ⵡⴻⴳⵎⵓⴹ ⴰⵍⴻⵎⵎⴰⵙ, ⵎⴰⵙⵙ ⵎⵓⵙⴰⴰⴷ ⴱⴰⵓⵍⵓⵙ, ⵉ ⵍⴰ ⵉⵅⴻⴷⴷⵎⴻⵏ ⵜⵉⵔⵣⵉ ⵜⵓⵏⵚⵉⴱⵜ ⵖⴻⴼ ⵍⴷⵣⴰⵢⴻⵔ, ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵍⴼⴰⵢⴷⴰ ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ.
ⴷⴻⴳ ⵓⵎⵢⴰⴳⴻⵔ-ⴰ, ⵙⵉⵏ-ⴰ ⵏ ⵢⵉⴷⵉⵙⴰⵏ ⵏⵏⴰⵏ-ⴷ « ⵓⵔⵕⴻⵃⵃⴻⵏ-ⵏⵙⴻⵏ ⵙ ⵜⴷⵉⵏⴰⵎⵉⵜ ⵜⵓⵙⵍⵉⴳⵜ ⴰⵢ ⴷ-ⵜⴻⵙⵙⴻⴼⵔⴰ ⵜⵉⵛⵛⵓⵔⴽⴰ ⵜⵓⵛⵔⵉⴽⵜ ⴳⴰⵔ ⵍⴷⵣⴰⵢⴻⵔ ⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵏ ⵜⴻⵎⵔⵉⴽⵜ ⴷⴻⴳ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ, ⵎⴰⵛⵉ ⴷ ⵜⵉⵏ ⵜⴰⴷⴰⵎⵙⴰⵏⵜ ».
ⵙⵙⴰⵡⵍⴻⵏ ⴷⴰⵖ ⵢⵉⴷⵉⵙⴰⵏ-ⴰ ⵖⴻⴼ « ⵉⴱⴻⵔⴷⴰⵏ ⵉⵡⴰⵜⴰⵏ ⵉ ⵓⵙⵙⴻⵍⵖⵓ ⵏ ⵡⴻⵎⵄⴰⵡⴻⵏ ⵓⵛⵔⵉⴽ ⴷ ⵓⵙⵙⴻⵎⴳⴻⵔⵔⴰⴷ-ⵏⵏⴻⵙ ⴰⴽⴽⴻⵏ ⴰⴷ ⴷ-ⵢⴻⵙⴷⵓⴽⴽⴻⵍ ⵉⴳⵣⵓⵎⴻⵏ ⵉⵎⴰⵢⵏⵓⵜⴻⵏ, ⴳⴰⵔ-ⴰⵙⴻⵏ ⴰⵙⵏⴻⵔⵏⵉ ⵏ ⵜⵉⵍⵉⵏ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵎⴰⵔⵉⴽⴰⵏⵉⵢⵉⵏ ⴷ ⵓⵙⵙⴻⵎⵖⴻⵔ ⵏ ⵢⵉⵙⴻⴼⵜⵉⵢⴻⵏ-ⵏⵙⴻⵏⵜ ⴷⴻⴳ ⵍⴷⵣⴰⵢⴻⵔ ⴷ ⵓⵜⵜⴻⴽⴽⵉ ⴷⴻⴳ ⵓⵙⵏⴻⵔⵏⵉ ⵏ ⵍⵇⵉⴷⴰⵔ ⵏ ⵜⵏⴻⵣⵣⵓⵜ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⵜⵉⵎⴻⴷⴷⵓⴽⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.
ⴰⵔⵏⵓ ⵖⴻⵔ
