ⵎⵎⵓⵜⴻⵏ 30 ⵏ ⵎⴻⴷⴷⴻⵏ ⵓ ⴶⴻⵔⵃⴻⵏ 1593 ⵏⵏⵉⴹⴻⵏ ⴷⴻⴳ 1329 ⵏ ⵢⵉⵙⵓⵢⵎⵉⵙ ⵏ ⵡⴻⴱⵔⵉⴷ ⵉ ⴷ-ⵢⴻⵜⵜⵓⵊⴻⵔⵔⴷⴻⵏ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ, ⴷⴻⴳ ⵜⴰⵍⵍⵉⵜ ⴳⴰⵔ 3 ⴷ 9 ⵎⴰⵢⵓ. ⴰⵢⴰⴳⵉ ⵉ ⴷ-ⵜⴻⴽⴰ ⵜⵉⵣⵉ ⵏ ⵜⵏⴻⵀⵎⴰⵍⵜ ⵜⴰⵎⴰⵜⵓⵜ ⵏ ⵜⵃⵓⴷⴷⵓⵡⵜ ⵏ ⵓⵖⵔⵉⵎ (ⵒⵔⵓⵜⴻⵛⵜⵉⵓⵏ ⵛⵉⵠⵉⵍⴻ) ⴰⵙⵙ-ⴰ ⵏ ⵜⵜⵍⴰⵜⴰ.
ⵉⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ ⴰⵣⴰⵎⵓⵍ ⵉⵥⴰⵢⴻⵏ ⵢⴻⵍⵍⴰ-ⴷ ⴷⴻⴳ ⵜⵡⵉⵍⴰⵢⵜ ⵏ ⵜⵢⴰⵔⴻⵜ, ⴰⵏⵉⴷⴰ ⵎⵎⵓⵜⴻⵏ 4 ⵏ ⵎⴻⴷⴷⴻⵏ ⵓ ⴶⴻⵔⵃⴻⵏ 50 ⵏⵏⵉⴹⴻⵏ ⴷⴻⴳ 22 ⵏ ⵢⵉⵙⵓⵢⵎⵉⵙ ⵏ ⵡⴻⴱⵔⵉⴷ.
ⵙⴻⴳ ⵜⴰⵎⴰ ⵏ ⵏⵏⵉⴹⴻⵏ, ⵜⴰⵙⴻⴷⴷⴰⵔⵉⵏ ⵏ ⵜⵃⵓⴷⴷⵓⵡⵜ ⵏ ⵓⵖⵔⵉⵎ ⵅⴻⴷⵎⴻⵏⵜ, ⴷⴻⴳ ⵢⵉⵡⴻⵜ ⵏ ⵜⴰⵍⵍⵉⵜ, 937 ⵏ ⵜⵉⴳⴳⴰⵜⵉⵏ (interventions) ⵉ ⴷⴻⴳ ⵙⵙⴻⵅⵙⵉⵏⵜ 547 ⵏ ⵍⵃⴰⵔⵉⵇⴰⵜ (ⵉⵅⵅⴰⵎⵎⴻⵏ, ⵜⵉⵎⴳⵓⵔⵉ ⴷ ⵜⵉⵢⴰⴹ). ⵜⵉⴷ ⵉⵕⴻⵙⵙⴰⵏⴻⵏ ⵍⵍⴰⵏⵜ-ⴷ ⴷⴻⴳ ⵜⵡⵉⵍⴰⵢⵉⵏ ⵏ ⵍⴻⵣⵣⴰⵢⴻⵔ (53 ⵏ ⵍⵃⴰⵔⵉⵇ), ⵡⴰⵀⵔⴰⵏ (38) ⴷ ⵍⴻⴱⵍⵉⴷⴰ (25).
ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⵉⵙⵓⵢⵎⵉⵙ ⵏ ⵓⵙⴻⵎⵎⴻⵜ ⵙ ⵍⴳⴰⵣ ⵏ "ⵓⵃⴰⴷⵉ ⵓⴽⵙⵉⴷ ⵏ ⵍⴽⴰⵕⴱⵓⵏ" ⵉ ⴷ-ⵢⴻⴼⴼⵖⴻⵏ ⵙⴻⴳ ⵡⴰⵍⵍⴰⵍⴻⵏ ⵏ ⵓⵙⴻⵔⵢⴻⴷ ⴷ ⵡⴰⵍⵍⴰⵍⴻⵏ ⵏ ⵓⵙⴻⵔⵢⴻⴷ ⵏ ⵡⴰⵎⴰⵏ, ⵉⵎⴻⵣⵍⴰ ⵏ ⵜⵃⵓⴷⴷⵓⵡⵜ ⵏ ⵓⵖⵔⵉⵎ ⵅⴻⴷⵎⴻⵏ ⵙⴰ (07) ⵏ ⵜⵉⴳⴳⴰⵜⵉⵏ ⵉ ⴷⴻⴳ ⴼⴽⴰⵏ ⵜⴰⵍⵍⴰⵍⵜ ⵜⴰⵎⴻⵏⵣⵓⵜ ⵉ ⵎⵔⴰⵡ (10) ⵏ ⵎⴻⴷⴷⴻⵏ ⵉ ⵜⵜⵓⵡⵡⵉⵏ ⵖⴻⵔ ⵙⴱⵉⵜⴰⵔⴰⵜ, ⵙ ⵓⵊⴻⵔⵔⴻⴷ ⵏ ⵍⵎⵓⵜ ⵏ ⵢⵉⵡⴻⵏ ⵏ ⵓⵎⴷⴰⵏ ⴷⴻⴳ ⵜⵡⵉⵍⴰⵢⵜ ⵏ ⴱⴳⴰⵢⴻⵜ.
ⴰⵔⵏⵓ ⵖⴻⵔ
