ⵙⵙⴰⵡⴹⴻⵏ ⵢⵉⵎⵓⵀⴻⵍⵍⴻⵏ ⵏ ⵜⵙⴻⴷⴷⴰⵔⵜ ⵏ ⵍⴱⵓⵍⵉⵙ ⵏ ⵓⵣⴻⵔⴼ (ⵒⵓⵍⵉⵛⴻ ⵊⵓⴷⵉⵛⵉⴰⵉⵔⴻ) ⵏ ⴱⵓⴼⴰⵔⵉⴽ, ⵜⵡⵉⵍⴰⵢⵜ ⵏ ⵍⴻⴱⵍⵉⴷⴰ, ⴰⴷ ⴽⴻⵎⵣⴻⵏ ⵢⵉⵡⴻⵏ ⵏ ⵓⵎⴷⴰⵏ ⵉ ⵉⵜⵜⴻⴽⴽⴻⵏ ⴷⴻⴳ ⵢⵉⵡⴻⵏ ⵏ ⵓⵙⵓⵢⵎⵉⵙ ⵏ ⵡⴻⴱⵔⵉⴷ ⵉ ⴷ-ⵢⴻⴶⴶⴰⵏ ⵍⵎⵓⵜ ⵏ ⵡⴻⵇⵛⵉⵛ ⵓⵔ ⵏⴻⵣⴳⴰⵔ ⴰⵔⴰ ⵙⵉⵏ ⵢⵉⵙⴻⴳⴳⴰⵙⴻⵏ ⵏ ⵍⴻⵄⵎⴻⵔ-ⵉⵙ, ⴰⴽⴽⴻⵏ ⵉ ⴷ-ⵢⴻⴼⴼⴰⵖ ⴰⵙⵙ-ⴰ ⵏ ⵍⵀⴻⴷ ⴷⴻⴳ ⵢⵉⵡⴻⵜ ⵏ ⵓⵙⵉⵡⴹ.
ⴰⵙⵉⵡⴹ ⵉⵙⵙⴻⴼⵀⴻⵎ-ⴷ ⴱⴻⵍⵍⵉ ⵜⴰⵍⵓⴼⵜ-ⴰⴳⵉ ⵜⴻⴹⵔⴰ-ⴷ ⴷⴰⵅⴻⵍ ⵏ ⵢⵉⵡⴻⵜ ⵏ ⵓⴼⵓⵇⵇⴰⵙ ⴷⴻⴳ ⵡⴻⴱⵔⵉⴷ "ⴰⵃⵎⴻⴷ ⴱⵓⵓⴳⴰⵔⴰ" ⴷⴻⴳ ⴱⵓⴼⴰⵔⵉⴽ ⴳⴰⵔ ⵙⵏⴰⵜ ⵏ ⵜⴽⴰⵔⵔⵓⵚⵉⵡⵉⵏ. ⵢⵉⵡⴻⵏ ⵏ ⵡⴻⵇⵛⵉⵛ ⵢⴻⵍⵍⴰⵏ ⴷ ⵢⵉⵎⴰⵡⵍⴰⵏ-ⵉⵙ ⵉⴶⴻⵔⵃ ⵙ ⵍⴶⴻⵀⴷ ⴷⴻⴳ ⵓⵇⴻⵔⵔⵓ-ⵉⵏⴻⵙ, ⵎⴰ ⴷ ⴰⵎⴷⴰⵏ ⵏⵏⵉⴹⴻⵏ ⵉⴶⴻⵔⵃ ⵛⵡⵉⵟ ⴷⴻⴳ ⵡⵓⴷⴻⵎ.
ⵓⵖⴱⴰⵍⵓ-ⵏⵏⵉ ⵢⴻⵔⵏⴰ-ⴷ ⴱⴻⵍⵍⵉ ⴰⵎⴷⴰⵏ-ⵏⵏⵉ ⵉ ⵉⴶⴻⵔⵃⴻⵏ ⵜⵓⵙⴰ-ⴷ ⵙⴻⴳ-ⵙ ⵔⵔⵉⵃⴰ ⵏ ⵍⴰⵍⴽⵓⵍ, ⵢⴻⵔⵏⴰ ⵙⴻⵍⴷ ⵓⴽⴰⵢⴰⴷ (ⵜⴻⵙⵜ) ⵏ ⵍⵇⴻⴷⴷ ⵏ ⵍⴰⵍⴽⵓⵍ, ⵜⴱⴰⵏ-ⴷ ⴱⴻⵍⵍⵉ ⵉⴷⴰⵎⵎⴻⵏ-ⵉⵙ ⵞⵞⵓⵔⴻⵏ ⵢⵉⵙ-ⵙ. ⵙⴻⵍⴷ ⵎⵉ ⵄⴻⵍⵎⴻⵏ ⴰⵎⴻⵍⵍⴰⵍ ⵏ ⵜⴻⴳⴷⵓⴷⴰ (ⵒⵔⵓⵛⵓⵔⴻⵓⵔ) ⴷⴻⴳ ⵜⵏⴻⴼⵔⵓⵜ ⵏ ⴱⵓⴼⴰⵔⵉⴽ, ⵏⵏⴰⵏ-ⴷ ⴱⴻⵍⵍⵉ ⴰⵇⵛⵉⵛ-ⵏⵏⵉ ⵢⴻⵎⵎⵓⵜ ⵙ ⵍⵇⴻⵕⵃ-ⵉⵙ.
ⴷⴻⴳ ⵜⴰⵍⵍⵉⵜ ⵏ ⵓⵏⴰⴷⵉ , ⴰⵎⴷⴰⵏ ⵡⵉⵙ ⵙⵉⵏ ⵢⴻⵏⵏⴰ-ⴷ ⴱⴻⵍⵍⵉ ⵓⵔ ⵢⴻⵍⵍⵉ ⴰⵔⴰ ⴷ ⵏⴻⵜⵜⴰ ⵉ ⵉⵏⴻⴷⴷⵔⴻⵏ (ⵛⵓⵏⴷⵓⵉⵜⴻ) ⵜⴰⴽⴰⵔⵔⵓⵚⵜ, ⵍⴰⵎⴻⵄⵏⴰ ⵢⴻⵍⵍⴰ ⴷ ⵓⵎⴻⴷⴷⴰⴽⴽⴻⵍ ⵏ ⵡⵉⵏ ⵓⵎⵉ ⵙⴻⵎⵎⴰⵏ (ⵅ.ⵎ) ⵉ ⵢⴻⵍⵍⴰⵏ ⴷⴻⴳ ⵍⵃⴰⵍⴰ ⵉⵡⴻⵄⵔⴻⵏ ⵏ ⵓⵛⴻⵔⵔⴻⴱ ⵢⴻⵔⵏⴰ ⵢⴻⵔⵡⴻⵍ ⵙⴻⴳ ⵡⴻⵎⴽⴰⵏ ⵏ ⵓⵙⵓⵢⵎⵉⵙ.
ⵙ ⴷⴷⴰⵡ ⵏ ⵜⵎⵓⵖⵍⵉ ⵏ ⵜⵏⴻⴼⵔⵓⵜ ⵏ ⴱⵓⴼⴰⵔⵉⴽ, ⵙⵙⵓⴼⴼⴻⵖⴻⵏ-ⴷ ⵢⵉⵡⴻⵏ ⵏ ⵓⵙⵉⵡⴻⵍ (ⴰⵒⵒⴻⵍ) ⵉ ⵍⵖⴰⵛⵉ ⴷⴻⴳ ⵜⵜⴰⵡⵉⵍⴰⵜ ⵏ ⵓⵙⴰⵍⴰⵏ ⵉⵡⴰⴽⴽⴻⵏ ⴰⴷ ⴷ-ⵜⴻⴽⴽⵉⵢⴻⵏⵜ ⴷⴻⴳ ⵓⴽⵎⴰⵣ ⵏ ⵓⵎⵛⴻⴽⴽⴰⵢ-ⴰⴳⵉ ⵉ ⵢⴻⴼⴼⵔⴻⵏ ⴷⴻⴳ ⵜⵥⴻⴳⵡⴰ ⵉ ⴷ-ⵢⴻⵣⵣⵉⵏ ⵉ ⵜⴻⵎⴷⵉⵏⵜ. ⵙ ⵓⵎⵙⴰⵙⴻⵢ ⴳⴰⵔ ⵢⵉⵎⴻⵥⵍⴰ ⵏ ⵜⵎⴰⵏⴻⴳⵜ ⵏ ⴱⵓⴼⴰⵔ , ⵜⴰⵙⴻⴷⴷⴰⵔⵜ ⵏ ⵍⴱⵓⵍⵉⵙ ⵏ ⵓⵣⴻⵔⴼ ⵜⴻⵙⵙⴻⵔⵔⴻⵙ ⵢⵉⵡⴻⵏ ⵏ ⵓⵣⴻⵏⵣⵉⵖ ⵏ ⵜⵎⴰⵏⴻⴳⵜ ⵉ ⵢⴻⴶⴶⴰⵏ ⴰⴷ ⴷ-ⵯⵟⵟⴼⴻⵏ ⴰⵎⴷⴰⵏ-ⵏⵏⵉ.
ⵙⴻⵍⴷ ⴰⵏⵏⴻⵛⵜ-ⴰ, ⴰⵎⵛⴻⴽⴽⴰⵢ-ⴰⴳⵉ ⵢⴻⵜⵜⵓⵏⴻⵎⵍⴻⵏ ⵣⴷⴰⵜ ⵏ ⵜⵏⴻⴼⵔⵓⵜ ⵏ ⴱⵓⴼⴰⵔⵉⴽ ⵖⴻⴼ ⵜⵎⵙⴰⵍ ⵏ ⵜⵉⵎⴻⵏⵖⵉⵡⵜ ⵙ ⵓⵖⵍⴰⴹ ⵜⴰⵏⴻⴷⴷⴰⵏⵜ ⴷⴻⴳ ⵍⵃⴰⵍⴰ ⵏ ⵓⵛⴻⵔⵔⴻⴱ ⴷ ⵓⵔⴻⴳⴳⴻⵔ (ⴷⴻⵍⵉⵜ ⴷⴻ ⴼⵓⵉⵜⴻ).
ⴰⵔⵏⵓ ⵖⴻⵔ
