ⵢⴻⵙⵙⴻⵍⵡⴰⵢ ⵓⵏⴻⵖⵍⴰⴼ ⵏ ⵜⵏⴻⵣⵣⵓⵜ ⵏ ⴱⴻⵕⵕⴰ ⴷ ⵓⵙⵏⴻⵔⵏⵉ ⵏ ⵢⵉⵎⵓⴼⴼⴻⵖⴻⵏ, ⵎⴰⵙⵙ ⴽⴰⵎⴰⵍ ⵔⴻⵣⵉⴳ, ⴷ ⵜⵏⴻⵖⵍⴰⴼⵜ ⵏ ⵜⵏⴻⵣⵣⵓⵜ ⴷ ⵜⴻⵎⵎⴻⵔⵔⵉⵜ ⵏ ⵎⵓⵔⵉⵟⴰⵏⵢⴰ, ⵎⴰⵙⵙⴰ ⵣⴻⵉⵏⴻⴱ ⴱⵉⵏⵜ ⴰⵀⵎⴻⴷⵏⴰⵀ, ⴰⵙⵙ-ⴰ ⵏ ⵜⵜⵍⴰⵜⴰ, ⴰⵍⴷⴰⵢ ⵏ ⵢⵉⵎⴰⵀⵉⵍⴻⵏ ⵏ ⵜⵙⴻⵎⵎⵓⵏⵜ ⵜⵉⵙ ⵎⵔⴰⵡ (10) ⵏ ⵓⵙⵇⴰⵎⵓ ⵏ ⵢⵉⵎⵙⴻⵜⵎⴰⵔⴻⵏ ⴰⵣⵣⴰⵢⵔⵉ-ⴰⵎⵓⵔⵉⵟⴰⵏⵉ. ⴷⵉⵏⵏⴰ ⵉ ⴷ-ⵜⴻⵄⵍⴻⵏ ⵖⴻⴼ ⵜⴰⵣⵡⴰⵔⴰ ⵏ ⵜⵉⵎⴻⵏⵢⴰⵏⵉⵏ (négociations) ⵉⵡⴰⴽⴽⴻⵏ ⴰⴷ ⵙⵜⴻⵏⵢⴰⵏ ⵢⵉⵡⴻⵏ ⵏ ⵓⵎⵜⴰⵡⴰ ⵏ ⵜⵏⴻⵣⵣⵓⵜ ⵓⴼⵔⵉⵏ ⵉ ⵢⴻⵄⵏⴰⵏ 20 ⵏ ⵢⵉⴼⴰⵔⴰⵙⴻⵏ ⵉ ⴷ-ⵉⵣⴻⵡⵡⵉⵔⴻⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⴰⵍⴷⴰⵢ ⵏ ⵜⵙⴻⵎⵎⵓⵏⵜ ⵢⴻⵍⵍⴰ-ⴷ ⴷⴻⴳ ⵓⴱⵉⵕⵓ ⵏ ⵜⵏⴻⵖⵍⴰⴼⵜ ⵙ ⵜⵉⵍⵉⵜ ⵏ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵓⵙⴻⴷⴷⴻⵔ ⴰⴷⴰⵎⵙⴰⵏ ⴰⵣⵣⴰⵢⵔⵉ (CREA), ⵎⴰⵙⵙ ⴽⴰⵎⴻⵍ ⵎⵓⵓⵍⴰ, ⴷ ⵓⵙⴻⵍⵡⴰⵢ ⵏ ⵜⴷⵓⴽⵍⴰ ⵜⴰⵖⴻⵍⵏⴰⵡⵜ ⵏ ⵢⵉⵎⴰⵡⵍⴰⵏ ⵏ ⵓⵎⴰⵀⵉⵍ ⵏ ⵎⵓⵔⵉⵟⴰⵏⵢⴰ, ⵎⴰⵙⵙ ⵎⵓⵀⴰⵎⴻⴷ ⵣⴻⵉⵏ ⴻⵍ ⴰⴱⵉⴷⵉⵏⴻ ⵓⵓⵍⴷ ⵛⵀⴻⵉⴽⵀ ⴰⵃⵎⴻⴷ, ⴷ ⵢⵉⵙⴻⵍⵡⴰⵢⴻⵏ ⵏ ⵓⵙⵇⴰⵎⵓ ⵏ ⵢⵉⵎⵙⴻⵜⵎⴰⵔⴻⵏ ⴰⵣⵣⴰⵢⵔⵉ-ⴰⵎⵓⵔⵉⵟⴰⵏⵉ, ⵢⵓⵓⵛⴻⴼ ⴻⵍ ⴳⵀⴰⵣⵉ ⵙⴻⴳ ⵜⴰⵎⴰ ⵏ ⵍⴻⵣⵣⴰⵢⴻⵔ ⴷ ⵎⵓⵀⴰⵎⴻⴷ ⴻⵍ ⴰⴼⴷⴰⵍ ⵓⵓⵍⴷ ⴱⴻⵜⵜⴰⵃ ⵙⴻⴳ ⵜⴰⵎⴰ ⵏ ⵎⵓⵔⵉⵟⴰⵏⵢⴰ, ⵔⵏⵉ-ⴷ ⴼⴻⵍⵍ-ⴰⵙⴻⵏ ⵉⵎⵉⴳⴰⵡⴻⵏ ⵉⴷⴰⵎⵙⴰⵏⴻⵏ ⴷ ⵢⵉⵔⴳⴰⵣⴻⵏ ⵏ ⵢⵉⵎⴰⵀⵉⵍⴻⵏ ⵏ ⵙⵏⴰⵜ ⵏ ⵜⵎⵓⵔⴰ.
ⴷⴻⴳ ⵢⵉⵎⴰⵀⵉⵍⴻⵏ ⵏ ⵜⵙⴻⵎⵎⵓⵏⵜ-ⴰⴳⵉ, ⵄⵍⴻⵏ-ⴷ ⵙⵉⵏ ⵏ ⵢⵉⵏⴻⵖⵍⴰⴼⴻⵏ ⵖⴻⴼ "ⵜⴰⵣⵡⴰⵔⴰ ⵏ ⵜⵉⵎⴻⵏⵢⴰⵏⵉⵏ ⵉⵡⴰⴽⴽⴻⵏ ⴰⴷ ⵙⵜⴻⵏⵢⴰⵏ ⴰⵎⵜⴰⵡⴰ ⵏ ⵜⵏⴻⵣⵣⵓⵜ ⵓⴼⵔⵉⵏ ⵉ 20 ⵏ ⵢⵉⴼⴰⵔⴰⵙⴻⵏ ⵉ ⴷ-ⵉⵣⴻⵡⵡⵉⵔⴻⵏ ⴳⴰⵔ ⵙⵏⴰⵜ ⵏ ⵜⴰⵎⵉⵡⵉⵏ. ⵢⵉⴼⴰⵔⴰⵙⴻⵏ-ⴰⴳⵉ ⴰⴷ ⵎⵓⴱⴱⴰⴷⴷⴻⵍⴻⵏ ⴷⴻⴳ ⵓⵣⴻⵏⵣⵉⵖ ⵏ ⵍⴼⴰⵢⴷⴰⵜ ⵏ ⵓⵊⵓⵎⵎⴰⵔ (préférences douanières), ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⴷⴻⴳⴳⴻⵔ ⵏ ⵢⵉⵎⵓⴼⴼⴻⵖⴻⵏ ⴷ ⵓⴼⵙⵉⵙ ⵏ ⵓⵏⴻⴽⵛⵓⵎ ⵏ ⵢⵉⴼⴰⵔⴰⵙⴻⵏ ⵖⴻⵔ ⵉⴳⴻⴷⴻⵣⴻⵏ ⵏ ⵙⵏⴰⵜ ⵏ ⵜⵎⵓⵔⴰ", ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵖⴱⴰⵍⵓ-ⵏⵏⵉ.
ⴷⴰⵖⴻⵏ, ⵙⵙⴻⵔⵙⴻⵏ-ⴷ ⵢⵉⵡⴻⵜ ⵏ ⵜⴻⴳⵔⵓⵎⵎⴰ ⵏ ⵜⵉⵡⴰⵍⵍⵉⵣⵉⵏ (recommendations) ⴷ ⵢⵉⵙⵙⵓⵎⵔⴻⵏ ⵉ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴰⴷⴰⵎⵙⴰⵏ ⴷ ⵡⵉⵏ ⵏ ⵜⵏⴻⵣⵣⵓⵜ ⴳⴰⵔ ⵙⵏⴰⵜ ⵏ ⵜⵎⵓⵔⴰ, ⴷ ⵓⵙⴰⵍⵉ ⵏ ⵜⴷⵓⴽⵍⵉⵡⵉⵏ ⴳⴰⵔ ⵢⵉⵎⵉⴳⴰⵡⴻⵏ ⵉⵡⴰⴽⴽⴻⵏ ⴰⴷ ⵙⵏⴻⵔⵏⵉⵏ ⵉⵎⵓⴱⴱⴰⴷⴷⴻⵍⴻⵏ ⵏ ⵜⵏⴻⵣⵣⵓⵜ. ⴷⴻⴳ ⵜⴰⴳⴳⴰⵔⴰ ⵏ ⵢⵉⵎⴰⵀⵉⵍⴻⵏ, ⵙⵜⴻⵏⵢⴰⵏ ⵖⴻⴼ ⵡⴰⵔⵔⴰⵜ ⵏ ⵜⴻⵎⵍⵉⵍⵉⵜ ⵏ ⵜⵙⴻⵎⵎⵓⵏⵜ ⵜⵉⵙ 10 ⵏ ⵓⵙⵇⴰⵎⵓ ⵏ ⵢⵉⵎⵙⴻⵜⵎⴰⵔⴻⵏ ⴰⵣⵣⴰⵢⵔⵉ-ⴰⵎⵓⵔⵉⵟⴰⵏⵉ.
ⴰⵔⵏⵓ ⵖⴻⵔ
