ⵉⵙⵇⴻⵔⴷⴻⵛ ⵓⵏⴻⵖⵍⴰⴼ ⵏ ⵜⴻⵎⴳⵓⵔⵉ ⵜⴰⵙⴰⴼⴰⵔⴰⵏⵜ, ⵎⴰⵙⵙ ⵡⴰⵙⵙⵉⵎ ⴽⵓⵓⵉⴷⵔⵉ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⴷ ⵓⵎⵙⴻⴳⵍⴰⵡⴰⵢ ⵏ ⵓⵡⴰⵏⴰⴽ ⵢⴻⵄⵏⴰⵏ ⵜⴰⵏⴻⵣⵣⵓⵜ ⴷⴻⴳ ⵜⵏⴻⵖⵍⴰⴼⵜ ⵏ ⵢⵉⵙⵙⴻⵜⵎⴰⵔⴻⵏ, ⵜⴰⵏⴻⵣⵣⵓⵜ ⴷ ⵜⴻⵎⴳⵓⵔⵉ ⵏ ⵜⴻⴳⴷⵓⴷⴰ ⵏ ⴽⵉⵏⵢⴰ, ⵎⴰⵙⵙⴰ ⵔⴻⴳⵉⵏⴰ ⴰⴽⵓⵜ ⵓⵎⴱⴰⵎ, ⵜⴰⵔⵔⴰⵢⵉⵏ ⵏ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴷ ⵜⴷⵓⴽⵍⵉ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⴷⴻⴳ ⵓⵏⵏⴰⵔ ⵏ ⵜⴻⵎⴳⵓⵔⵉ ⵜⴰⵙⴰⴼⴰⵔⴰⵏⵜ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⵉⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ ⴷ ⵜⴰⴳⵏⵉⵜ ⵉ ⵓⵙⴼⵓⵍⴻⵍ ⵏ ⵢⵉⵙⵏⵉⵢⴰⵍⴻⵏ ⵏ ⵓⵎⵢⴻⵛⵛⴻⵔ ⵏ ⵙⵉⵏ, ⵍⴰⴷⵖⴰ ⵙ ⵓⵏⴼⴰⵄ ⵏ ⵜⵎⵓⵔⵜ ⵏ ⴽⵉⵏⵢⴰ ⵙⴻⴳ ⵜⵎⵓⵖⵍⵉ ⵜⴰⵣⵣⴰⵢⵔⵉⵜ ⴷⴻⴳ ⵓⴼⴰⵔⵉⵙ ⵏ ⵢⵉⵙⴰⴼⴰⵔⴻⵏ (الأدوية) ⵉⵎⴰⵢⵏⵓⵜⴻⵏ ⴷ ⵡⵉⴷ ⵉⴱⵓⵉⵍⵓⵊⵉⵢⴻⵏ ⵙ ⴷⴷⴰⵡ ⵏ ⵢⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ ⵉⵕⴻⵙⵙⴰⵏⴻⵏ.
ⴷⴰⵖⴻⵏ, ⵉⵎⴻⵙⵍⴰⵢⴻⵏ ⵡⵡⵉⵏ-ⴷ ⵖⴻⴼ ⵜⴰⵔⵔⴰⵢⵉⵏ ⵏ ⵓⵙⵙⴻⵎⵖⴻⵔ ⵏ ⵓⵎⵢⴻⵛⵛⴻⵔ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⵙ ⵓⴷⴻⴳⴳⴻⵔ ⵏ ⵢⵉⵎⵉⴳⴰⵡⴻⵏ ⵉⴷⴰⵎⵙⴰⵏⴻⵏ ⵍⴻⵣⵣⴰⵢⵔⵉⵢⴻⵏ ⵉⵡⴰⴽⴽⴻⵏ ⴰⴷ ⵙⵙⴻⵜⵎⵔⴻⵏ ⴷⴻⴳ ⴽⵉⵏⵢⴰ ⵙ ⵓⵙⴱⴻⴷⴷⵉ ⵏ ⵜⴻⵣⵡⵉⵍⴰ (units) ⵏ ⵓⴼⴰⵔⵉⵙ ⴰⵙⴰⴼⴰⵔⴰⵏ. ⴰⵢⴰⴳⵉ ⴰⴷ ⵉⵄⴰⵡⴻⵏ ⴷⴻⴳ ⵓⵏⵉⴳ ⵏ ⵜⵎⵓⵖⵍⵉ ⴷ ⵢⵉⵔⵎⵉⵜⴻⵏ ⵏ ⵍⴻⵣⵣⴰⵢⴻⵔ ⴷ ⵓⵙⴻⴶⵀⴻⴷ ⵏ ⵓⵙⵉⴷⵔⴻⵡ ⴰⵎⴳⵓⵔⵉⵢⴰⵏ ⴷⴻⴳ ⵜⴻⴼⵔⵉⵇⵜ.
ⴷⴻⴳ ⵓⵏⵏⴰⵔ-ⴰⴳⵉ, ⵎⴰⵙⵙ ⴽⵓⵓⵉⴷⵔⵉ ⵉⵙⵙⴻⴽⵏⴻⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵡⵊⴻⴷ ⵉ ⵓⵙⴼⵓⵍⴻⵍ ⵏ ⵓⴱⵔⵉⴷ-ⴰⴳⵉ, ⴰⵎⴰ ⵙ ⵓⵙⵓⴼⴼⴻⵖ ⵏ ⵢⵉⵙⴰⴼⴰⵔⴻⵏ ⵢⴻⵜⵜⵡⴰⵇⴻⴷⵎⴻⵏ ⴷⴻⴳ ⵜⵎⵓⵔⵜ ⵏⴻⵖ ⵙ ⵓⵙⴱⴻⴷⴷⵉ ⵏ ⵢⵉⵙⴻⵏⴼⴰⵔⴻⵏ ⵏ ⵓⵙⵙⴻⵜⵎⴻⵔ ⵉⵎⴻⵣⴷⴰⵢⴻⵏ ⵉ ⵏⴼⴰⵄ ⵏ ⵙⵏⴰⵜ ⵏ ⵜⵎⵓⵔⴰ.
ⴷⴻⴳ ⵡⴰⵢⴻⵏ ⵢⴻⵄⵏⴰⵏ ⴰⵎⵢⴻⵛⵛⴻⵔ ⵏ ⵜⵎⵓⵙⵏⵉⵡⵉⵏ, ⴰⵏⴻⵖⵍⴰⴼ ⵏ ⵜⴻⵎⴳⵓⵔⵉ ⵜⴰⵙⴰⴼⴰⵔⴰⵏⵜ ⵉⵙⵙⵉⵡⴻⵍ ⵉ ⵓⵀⴻⴳⴳⵉ ⵏ ⵢⵉⵡⴻⵜ ⵏ ⵜⵓⴽⴽⵉⵙⵜ ⵏ ⵡⴻⴼⵀⴰⵎ (mémorandum d'entente) ⴳⴰⵔ ⵜⴰⵙⵏⵓⵔⴻⴼⵜ ⵜⴰⵖⴻⵍⵏⴰⵡⵜ ⵏ ⵡⴰⵍⵍⴰⵍⴻⵏ ⵉⵙⴰⴼⴰⵔⴰⵏⴻⵏ ⴷ ⵜⵉⵏ ⵏ ⴽⵉⵏⵢⴰ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⵏⴻⴼⵍⵉ ⵏ ⵓⵎⵢⴻⵛⵛⴻⵔ ⴷ ⵓⵎⵓⴱⴱⴰⴷⴷⴻⵍ ⵏ ⵜⵎⵓⵖⵍⵉⵡⵉⵏ ⴳⴰⵔ-ⴰⵙⴻⵏⵜ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ.
ⴰⵔⵏⵓ ⵖⴻⵔ
