ⵍⴻⵣⵣⴰⵢⴻⵔ-ⵏⵏⵉⴶⴻⵔ: ⴰⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴱⴻⵕⵕⴰ ⵏ ⵏⵏⵉⴶⴻⵔ ⵉⵙⵙⴻⴽⵏⴻⴷ ⴰⵣⴰⵍ ⵏ ⵜⵉⴷⴷⵢ ⵉⴶⴻⵀⴷⴻⵏ ⴷⴻⴳ ⵓⵙⴻⵍⴽⴻⵎ ⵏ ⵢⵉⵎⵜⴰⵡⴰⵏ ⵏ ⵙⵉⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ

ⵉⵙⵍⴻⵎ-ⴷ ⵓⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴱⴻⵕⵕⴰ, ⴰⵎⵢⴻⵛⵛⴻⵔ ⴷ ⵢⵉⵏⵏⵉⴶⵔⵉⵢⴻⵏ ⵏ ⴱⴻⵕⵕⴰ, ⵎⴰⵙⵙ ⴱⴰⴽⴰⵔⵢ ⵢⴰⵓⵓ ⵙⴰⵏⴳⴰⵔé, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵙ ⵜⵉⴷⴷⵢ ⵉⴶⴻⵀⴷⴻⵏ ⵉ ⵢⴻⵣⵔⴰ ⵓⵙⴻⵍⴽⴻⵎ ⵏ ⵢⵉⵎⵜⴰⵡⴰⵏ ⵏ ⵙⵉⵏ ⵉ ⵜⵜⵓⵙⵜⴻⵏⵢⴰⵏ ⴷⴻⴳ ⵜⵙⴻⵎⵎⵓⵏⵜ ⵏ ⵜⴻⵙⵇⴰⵎⵓⵜ ⵜⴰⵎⴻⵣⴷⴰⵢⵜ ⵜⴰⵎⴻⵇⵇⵔⴰⵏⵜ ⵜⴰⵣⵣⴰⵢⵔⵉⵜ-ⵜⴰⵎⵏⵉⴶⵔⵉⵜ ⵉ ⴷ-ⵢⴻⵍⵍⴰⵏ ⴷⴻⴳ ⵏⵢⴰⵎⴻⵢ ⴷⴻⴳ ⵡⴰⴳⴳⵓⵔ ⵏ ⵎⴻⵖⵔⴻⵙ ⵉⵄⴻⴷⴷⴰⵏ.

ⴷⴻⴳ ⵢⵉⵡⴻⵜ ⵏ ⵜⵎⴻⵙⵍⴰⵢⵜ ⵉ ⵢⴻⵅⴷⴻⵎ ⵉ ⵜⵏⴻⵖⵎⴰⵙⵜ ⵙⴻⵍⴷ ⵎⵉ ⵜⴻⵏ-ⵉⵙⴻⵍⵍⴻⵎ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵉ ⵜⴰⵔⴱⴰⵄⵜ ⵏ ⵏⵏⵉⴶⴻⵔ ⵉ ⴷⴻⴳ ⵍⵍⴰⵏ ⵓⵍⴰ ⴷ ⴰⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⴷⴰⵅⴻⵍ ⴷ ⵜⵎⴰⵏⴻⴳⵜ ⵜⴰⵎⴰⵜⵓⵜ ⴷ ⵓⵙⴻⴷⴱⴻⵔ ⵏ ⵜⵎⴻⵏⵏⴰⵟ ⵏ ⵜⴻⴳⴷⵓⴷⴰ ⵏ ⵏⵏⵉⴶⴻⵔ, ⴰⵍⵡⴰ  ⵎⵓⵀⴰⵎⴻⴷ ⵜⵓⵓⵎⴱⴰ, ⵎⴰⵙⵙ ⵙⴰⵏⴳⴰⵔé ⵉⵙⵙⴻⴼⵀⴻⵎ-ⴷ ⴱⴻⵍⵍⵉ ⵜⵉⵔⵣⵉ-ⴰⴳⵉ ⵏ ⵜⴰⵔⴱⴰⵄⵜ ⵏ "ⵓⵙⵡⵉⵔ ⵉⵄⵍⴰⵢⴻⵏ" ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵓⵙⴼⵓⵍⴻⵍ ⵏ ⵢⵉⴳⴻⵎⵎⴰⴹ ⵏ ⵢⵉⵎⴰⵀⵉⵍⴻⵏ ⵏ ⵜⴻⵙⵇⴰⵎⵓⵜ ⵜⴰⵎⴻⵣⴷⴰⵢⵜ ⵜⴰⵎⴻⵇⵇⵔⴰⵏⵜ.

ⵉⵙⵎⴻⴽⵜⵉ-ⴷ ⵜⵉⵔⵣⵉ ⵉ ⵢⴻⵅⴷⴻⵎ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵏ ⵏⵏⵉⴶⴻⵔ, ⵓⵇⴻⵔⵔⵓ ⵏ ⵓⵡⴰⵏⴰⴽ, ⴰⴼⴰⵔⵉⵇ ⴰⴱⴷⵓⵓⵔⴰⵀⴰⵎⴰⵏⴻ ⵜⵉⴰⵏⵉ, ⵖⴻⵔ ⵍⴻⵣⵣⴰⵢⴻⵔ ⴷⴻⴳ ⵡⴰⴳⴳⵓⵔ ⵏ ⴼⵓⵔⴰⵔ ⵉⵄⴻⴷⴷⴰⵏ, ⵉ ⴷ-ⵢⴻⴹⴼⴻⵔ ⵓⵏⵓⵎⴻⵍ ⵏ ⵜⴻⵙⵇⴰⵎⵓⵜ ⵜⴰⵎⴻⵣⴷⴰⵢⵜ ⵜⴰⵎⴻⵇⵇⵔⴰⵏⵜ ⵉ ⴷⴻⴳ ⵙⵜⴻⵏⵢⴰⵏ ⴰⵣⴰⵍ ⵏ ⵎⵔⴰⵡ (20) ⵏ ⵢⵉⵎⵜⴰⵡⴰⵏ.

ⵉⵙⵔⴻⵚ-ⴷ ⴷⴻⴳ ⵓⵏⵏⴰⵔ-ⴰⴳⵉ ⴰⵣⴰⵍ ⵏ ⵜⵉⵍⵉⵜ ⵏ "ⵜⴰⵔⵔⴰⵢⵜ ⵏ ⵓⵙⴼⵓⵍⴻⵍ ⵉ ⵉⵜⴻⴷⴷⵓⵏ ⵉ ⵓⵟⵎⴰⵏ ⵏ ⵓⵙⴻⵍⴽⴻⵎ ⵏ ⵜⵉⴷⴻⵜ ⵏ ⵢⵉⴳⴻⵎⵎⴰⴹ ⵏ ⵜⴻⵙⵇⴰⵎⵓⵜ-ⴰⴳⵉ", ⵉⵙⵙⴻⴽⵏⴻⴷ ⴱⴻⵍⵍⵉ ⵙⵏⴰⵜ ⵏ ⵜⵎⵓⵔⴰ ⵙⴱⴻⴷⴷⴻⵏⵜ ⵢⵉⵡⴻⵜ ⵏ ⵜⴰⵔⵔⴰⵢⵜ ⵏ ⵓⵙⴼⵓⵍⴻⵍ ⵉⵕⴻⵙⵙⴰⵏ ⵖⴻⴼ "ⵓⵎⵓⴱⴱⴰⴷⴷⴻⵍ ⵏ ⵜⵉⵔⵣⵉⵡⵉⵏ ⵙ ⵓⵇⴰⴷⴻⵔ ⵉⵡⴰⴽⴽⴻⵏ ⴰⴷ ⵜⵜⵓⵙⴰⵜⴳⴻⵏ ⵢⵉⵙⵡⵉⵔⴻⵏ ⵏ ⵓⵙⴻⵍⴽⴻⵎ".

ⴰⵏⴻⵖⵍⴰⴼ ⵏ ⵏⵏⵉⴶⴻⵔ ⵉⵙⵙⴻⴽⵏⴻⴷ ⵍⴼⴻⵕⵃ ⵏ ⵜⵎⵓⵔⵜ-ⵉⵙ ⵖⴻⴼ "ⵓⵖⵉⵡⴻⵍ ⵉ ⴷⴻⴳ ⵜⵜⴻⴷⴷⵓ ⵜⵎⵓⵀⴻⵍ ⵏ ⵓⵙⴻⵍⴽⴻⵎ ⵏ ⵢⵉⵎⵜⴰⵡⴰⵏ", ⵉⵙⵏⴻⴽⵏⴰⴷ-ⴷ ⴱⴻⵍⵍⵉ "ⵢⴰⴽⴽ ⵉⵎⵜⴰⵡⴰⵏ-ⴰⴳⵉ ⴽⴻⵛⵎⴻⵏ ⵓⵏⵏⴰⵔ ⵏ ⵓⵙⵏⴻⵙ, ⵓ ⴽⵔⴰ ⴷⴻⴳ-ⵙⴻⵏ ⵜⵜⴻⴷⴷⵓⵏ ⵙ ⵜⵉⴷⴷⵢ ⵉ ⵉⵣⴻⴳⵔⴻⵏ ⴰⵢⴻⵏ ⵉ ⵏⴻⵙⵙⴻⵔⴰⵎ ⵙ ⵍⴶⴻⵀⴷ".

ⵉⵙⵙⴻⴽⵜⵉ-ⴷ ⴷⴰⵖⴻⵏ ⴱⴻⵍⵍⵉ ⵉⵎⴰⵙⵍⴰⴷⴻⵏ ⵏ ⵙⵏⴰⵜ ⵏ ⵜⴰⵔⴱⴰⵄⵉⵏ ⵅⴻⴷⵎⴻⵏ, ⴷⴻⴳ ⵔⵔⵉⴼ ⵏ ⵓⵎⵎⴰⴳⴻⵔ, ⵜⵉⵖⵉⵎⵉⵢⵉⵏ ⵏ ⵓⵎⴰⵀⵉⵍ ⵏ ⵙⵉⵏ "ⵉⵡⴰⴽⴽⴻⵏ ⴰⴷ ⵡⴰⵍⵉⵏ ⵙ ⵜⵎⵓⵖⵍⵉ ⵍⵇⴰⵢⴻⵏ ⴰⴷⴷⴰⴷ ⵏ ⵢⵉⵙⴻⵏⴼⴰⵔⴻⵏ ⵎⴻⵕⵕⴰ ⵢⴻⵍⵍⴰⵏ ⴷⴻⴳ ⵡⴰⵀⵉⵍ ⵏ ⵓⵎⵢⴻⵛⵛⴻⵔ".

ⵢⴻⵔⵏⴰ-ⴷ ⵢⴻⵏⵏⴰ ⴱⴻⵍⵍⵉ ⵜⴰⵔⴱⴰⵄⵜ-ⴰⴳⵉ ⵜⵓⵙⴰ-ⴷ ⵖⴻⵔ ⵍⴻⵣⵣⴰⵢⴻⵔ ⵉⵡⴰⴽⴽⴻⵏ "ⴰⴷ ⴷ-ⵜⴻⵙⴽⴻⵏ ⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⵙⵏⴻⴼⵍⵉ ⵉ ⴷ-ⵢⵉⵍⵍⴰⵏ ⵓ ⴰⴷ ⴷ-ⵜⴰⵡⵉ ⵜⵓⵔⴰⴹ-ⵉⵙ ⵖⴻⴼ ⵜⵎⵓⵖⵍⵉⵡⵉⵏ ⵜⵉⵎⴰⵢⵏⵓⵜⵉⵏ", ⴷ ⵓⵡⵡⵉ ⵏ "ⵍⴻⴱⵖⵉ ⵏ ⵓⵙⴻⵍⵡⴰⵢ ⵏ ⵏⵏⵉⴶⴻⵔ ⵉ ⵓⵙⵏⵉⵔⴻⵎ ⵏ ⵜⵎⵓⵖⵍⵉⵡⵉⵏ ⵜⵉⵎⴰⵢⵏⵓⵜⴻⵏ ⵏ ⵓⵎⵢⴻⵛⵛⴻⵔ".

ⴷⴻⴳ ⵜⴰⴳⴳⴰⵔⴰ, ⵎⴰⵙⵙ ⴱⴰⴽⴰⵔⵢ ⵢⴰⵓⵓ ⵙⴰⵏⴳⴰⵔé ⵉⵙⵙⴻⴽⵏⴻⴷ ⴱⴻⵍⵍⵉ ⵜⴰⵔⴱⴰⵄⵜ "ⵜⴻⴼⴽⴰ ⴰⵙⵉⵡⴹ-ⵉⵙ ⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉ ⴷ-ⵢⴻⴼⴽⴰⵏ ⵜⵉⵡⴰⵍⵍⵉⵣⵉⵏ-ⵉⵙ, ⵢⴻⵔⵏⴰ ⵉⵙⵓⵜⵜⴻⵔ-ⴷ ⴰⴷ ⵉⵙⵉⵡⴹ ⵙⵙⵍⴰⵎ-ⵉⵙ ⴷ ⵓⵇⴰⴷⴻⵔ-ⵉⵙ ⵉ ⴳⵎⴰ-ⵙ ⴰⴼⴰⵔⵉⵇ ⴰⵎⴻⵏⵣⵓ ⴰⴱⴷⵓⵓⵔⴰⵀⴰⵎⴰⵏⴻ ⵜⵉⴰⵏⵉ".