ⵜⴻⵔⴽⴻⴱ ⵜⵙⴻⴷⴷⴰⵔⵜ ⵜⴰⵖⴻⵍⵏⴰⵡⵜ ⵏ ⵓⵙⵉⵍⴻⵖ ⴷ ⵓⵏⴻⴽⵛⵓⵎ ⵏ ⵜⵃⵓⴷⴷⵓⵡⵜ ⵏ ⵓⵖⵔⵉⵎ ⵉⵎⴰⵀⵉⵍⴻⵏ ⵏ ⵓⵙⴼⴻⴳⴳⴻⵔ ⵏ ⵜⵎⴻⴽⵜⵉ ⵜⵉⵙ ⵎⵔⴰⵡ ⴷ ⵅⴻⵎⵙⴰ (15) ⵏ ⵓⵍⴷⴰⵢ ⵏ ⵜⵉⴳⴳⴰⵡⵜ ⵏ ⵡⴰⵎⵎⴰⵙⴻⵏ ⵏ ⵜⵣⴻⵎⵎⴰⵔ (ⵛⴻⵏⵜⵔⴻⵙ ⴷ’ⴻⵅⵛⴻⵍⵍⴻⵏⵛⴻ) ⵏ ⵜⴷⵓⴽⵍⴰ ⵏ ⵜⵓⵔⵓⴼⵜ ⵉ ⵓⵃⵔⴰⵣ ⵙⴻⴳ ⵢⵉⵎⵉⵀⵉⵢⴻⵏ ⵏ ⵢⵉⵙⴰⴼⴰⵔⴻⵏ ⵉⴽⵉⵎⵢⴰⵏⴻⵏ, ⵉⴱⵓⵉⵍⵓⵊⵉⵢⴻⵏ, ⵉⵥⴻⵕⴽⴰⵏⵉⵏ ⴷ ⵡⵉⴷ ⵏ ⵏⵓⵜⵓⵏⵢⴰ (NRBC), ⴷ ⵜⵎⴻⴽⵜⵉ ⵜⵉⵙ ⵎⵔⴰⵡ (10) ⵏ ⵓⵙⴱⴻⴷⴷⵉ ⵏ ⵓⴱⵉⵕⵓ ⵏ ⵜⴻⵎⵏⴰⵟ ⵏ ⵜⴻⴼⵔⵉⵇⵜ ⵏ ⵓⴳⴰⴼⴰ ⴷ ⵙⵙⴰⵀⴻⵍ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⵏ ⴷⴰⵅⴻⵍ, ⵜⵓⴷⴷⵙⵉⵡⵉⵏ ⵜⵉⴷⵉⴳⴰⵏⵉⵏ ⴷ ⵓⵣⵓⵏⴻⵢ.
ⴷⵔⴰⵏ-ⴷ ⴷⴻⴳ ⵢⵉⵎⴰⵀⵉⵍⴻⵏ-ⴰⴳⵉ, ⴰⵎⴹⴻⴱⴱⴻⵔ ⴰⵎⴰⵜⵓ ⵏ ⵜⵃⵓⴷⴷⵓⵡⵜ ⵏ ⵓⵖⵔⵉⵎ, ⴰⴽⵉⴷ (ⵛⵓⵍⵓⵏⴻⵍ) ⴱⵓⵓⴰⵍⴻⵎ ⴱⵓⵓⴳⵀⵍⴰⴼ, ⴷ ⵓⵎⴹⴻⴱⴱⴻⵔ ⴰⵎⴰⵜⵓ ⵏ ⵡⴰⵙⵙⴰⵖⴻⵏ ⵏ ⵡⴰⵟⴰⵙ ⵏ ⵜⴰⵎⵉⵡⵉⵏ ⴷⴻⴳ ⵜⵏⴻⵀⵍⴰⴼⵜ ⵏ ⵜⴻⵎⵙⴰⵍ ⵏ ⴱⴻⵕⵕⴰ, ⴷ ⵓⵎⴰⵣⴰⵏ ⴰⵖⴻⵍⵏⴰⵡ ⵏ ⵢⵉⵎⵉⵀⵉⵢⴻⵏ ⵉⵎⴻⵇⵇⵔⴰⵏⴻⵏ, ⴷ ⵢⵉⵎⴰⵣⴰⵏ ⵏ ⵜⵏⴻⵀⵍⴰⴼⵜ ⵏ ⴷⴰⵅⴻⵍ, ⵙ ⵜⴰⵎⴰ ⵏ ⵡⴰⵟⴰⵙ ⵏ ⵢⵉⵎⵛⴻⴷⴷⵉⵡⴻⵏ ⴷ ⵜⵓⴷⴷⵙⵉⵡⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⵉⴷ ⵏ ⵜⵎⴻⵏⵏⴰⵟ.
ⴷⴰⵖⴻⵏ, ⴷⵔⴰⵏ-ⴷ ⵢⵉⵎⴰⵙⵓⵏⵏⴻⵏ ⴷ ⵢⵉⵎⴰⵣⴰⵏ ⵏ ⵜⴷⵉⵒⵍⵓⵎⴰⵙⵉⵜ, ⵉⵎⴰⵣⴰⵏ ⵏ ⵜⴷⵓⴽⵍⵉ ⵏ ⵜⵓⵔⵓⴼⵜ ⴷⴻⴳ ⵍⴻⵣⵣⴰⵢⴻⵔ, ⴰⵎⴰⵄⵀⴻⴷ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵏⴰⴷⵉ ⵖⴻⴼ ⵜⴽⴻⵔⵔⵉⵛⵜ ⴷ ⵜⵏⴻⴼⵔⵓⵜ (UNICRI), ⵜⵉⵎⴰⵀⵍⴰⵜⵉⵏ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵍⴻⵣⵣⴰⵢⴻⵔ, ⵜⴰⴷⵓⴽⵍⵉ ⵏ ⵜⴻⴼⵔⵉⵇⵜ, ⴰⵎⵓⵀⴰⵡ ⵏ ⵜⵎⴻⵔⵔⵉ ⵜⴰⵡⵓⵜⴰⵎⴰⵏⵜ, ⵉⵎⵓⵣⵣⴰⴳⴻⵏ ⵏ ⵜⴻⵎⵏⴰⵟ, ⴰⵎⴹⴻⴱⴱⴻⵔ ⵏ ⵓⴱⵉⵕⵓ ⵏ ⵜⴻⴼⵔⵉⵇⵜ ⵏ ⵓⴳⴰⴼⴰ ⴷ ⵙⵙⴰⵀⴻⵍ, ⴷ ⵢⵉⵎⵓⴽⴰⵏ ⵏ ⵜⴻⵢⵡⴰⵍⵜ ⵜⴰⵖⴻⵍⵏⴰⵡⵜ ⵏ ⵜⵎⵓⵔⴰ ⵜⵉⵙⵏⵉⵡⵉⵏ, ⵙ ⵜⴰⵎⴰ ⵏ ⵢⵉⵎⴰⵣⴰⵏ ⵏ ⵜⵓⴷⴷⵙⵉⵡⵉⵏ ⵜⵉⵙⴻⵔⴷⴰⵙⵉⵏ ⴷ ⵜⵉⴷ ⵏ ⵜⵎⴰⵏⴻⴳⵜ.
ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ ⴷ ⵜⴰⵍⵍⵉⵜ ⵉⵕⴻⵙⵙⴰⵏ ⵉ ⵓⵙⴰⵜⵉⴳ ⵏ ⵓⴱⵔⵉⴷ ⵏ ⵓⵎⵢⴻⵛⵛⴻⵔ ⵏ ⵜⴻⵎⵏⴰⵟ ⴷ ⵡⵉⵏ ⴰⴳⵔⴻⵖⵍⴰⵏ ⴷⴻⴳ ⵓⵏⵏⴰⵔ ⵏ ⵓⵃⵔⴰⵣ ⵙⴻⴳ ⵢⵉⵎⵉⵀⵉⵢⴻⵏ ⵉⴽⵉⵎⵢⴰⵏⴻⵏ, ⵉⴱⵓⵉⵍⵓⵊⵉⵢⴻⵏ, ⵉⵥⴻⵕⴽⴰⵏⵉⵏ ⴷ ⵡⵉⴷ ⵏ ⵏⵓⵜⵓⵏⵢⴰ. ⴰⵢⴰⴳⵉ ⵉ ⵓⵙⴻⴶⵀⴻⴷ ⵏ ⵓⵎⵙⴰⵙⴻⵢ ⴷ ⵓⵎⵓⴱⴱⴰⴷⴷⴻⵍ ⵏ ⵢⵉⵔⵎⵉⵜⴻⵏ ⴷ ⵓⵙⴱⴻⴷⴷⵉ ⵏ ⵜⵣⴻⵎⵎⴰⵔ, ⵉⵡⴰⴽⴽⴻⵏ ⴰⴷ ⵉⵙⴰⵍⵉ ⵓⵙⵡⵉⵔ ⵏ ⵜⴰⵡⵊⵉⴷⵉ ⵏ ⵜⵎⵓⵔⴰ ⵣⴷⴰⵜ ⵏ ⵢⵉⵎⵉⵀⵉⵢⴻⵏ ⴷ ⵜⵉⵍⵓⴼⴰ ⵉⵡⴻⵄⵔⴻⵏ.
ⵙⵏⴻⴽⴷⴻⵏ ⴷⴰⵖⴻⵏ ⴰⵎⴰⵀⵉⵍ ⵏ ⵍⴻⵣⵣⴰⵢⴻⵔ, ⵙ ⵓⴱⵔⵉⴷ ⵏ ⵜⵃⵓⴷⴷⵓⵡⵜ ⵏ ⵓⵖⵔⵉⵎ ⵜⴰⵣⵣⴰⵢⵔⵉⵜ, ⵎⵉ ⵜⴻⵙⵙⴻⵃⵔⴻⵙ ⵓⵙⴻⴷⴱⴻⵔ ⵏ ⵓⴱⵉⵕⵓ ⵏ ⵜⴻⵎⵏⴰⵟ ⵏ ⵜⴻⴼⵔⵉⵇⵜ ⵏ ⵓⴳⴰⴼⴰ ⴷ ⵙⵙⴰⵀⴻⵍ ⴰⵣⴰⵍ ⵏ ⵎⵔⴰⵡ ⵏ ⵢⵉⵙⴻⴳⴳⴰⵙⴻⵏ, ⵓⵇⴱⴻⵍ ⴰⴷ ⵏⵄⴻⴷⴷⵉⵏⵜ ⵜⵎⵓⵀⴰⵍ-ⵉⵙ ⵖⴻⵔ ⵜⵎⴰⵏⴷⵓⴱⵉⵜ ⵜⴰⵖⴻⵍⵏⴰⵡⵜ ⵏ ⵢⵉⵎⵉⵀⵉⵢⴻⵏ ⵉⵎⴻⵇⵇⵔⴰⵏⴻⵏ. ⵍⵎⴻⴶⵀⵓⴷⴰⵜ-ⴰⴳⵉ ⵄⴰⵡⵏⴻⵏⵜ ⴷⴻⴳ ⵓⴷⴻⴳⴳⴻⵔ ⵏ ⵡⴰⵀⵉⵍⴻⵏ ⵏ ⵓⵙⵉⵍⴻⵖ, ⴰⵙⵏⴻⴼⵍⵉ ⵏ ⵡⴰⵀⵉⵍⴻⵏ ⵏ ⴷⴷⵉⵇ, ⴷ ⵓⵙⵓⴷⴷⴻⵙ ⵏ ⵓⴽⴰⵢⴰⴷ ⴷ ⵓⵙⴻⴶⵀⴻⴷ ⵏ ⵜⵣⴻⵎⵎⴰⵔ ⵏ ⵓⵏⴻⴽⵛⵓⵎ ⴷ ⵓⵎⵙⴰⵙⴻⵢ ⴳⴰⵔ ⵢⵉⵎⵉⴳⴰⵡⴻⵏ ⵎⴻⵕⵕⴰ.
ⴰⵔⵏⵓ ⵖⴻⵔ
