ⵢⴻⵔⵣⴰ ⵓⵏⴻⵖⵍⴰⴼ, ⵍⵡⴰⵍⵉ ⵏ ⵍⴻⵣⵣⴰⵢⴻⵔ, ⵄⴰⴱⴷ ⴻⵏⵏⵓⵔ ⵔⴰⴱⵃⵉ, ⵉⵡⴰⴽⴽⴻⵏ ⴰⴷ ⵢⴻⵙⵙⴻⵏⵇⴻⴷ ⴰⵙⴻⵏⴼⴰⵔ ⵏ ⵓⵙⴰⵍⵉ ⵏ ⵜⴰⵛⵔⵉⴼⵜ ⵏ ⵓⵎⵔⴰⵃ ⵏ ⵓⵙⴰⴳⴻⵏ ⵏ ⵢⵉⵙⴻⵍⵎⴰⵏ, ⴰⴽⴽⴻⴷ ⵡⴰⵍⵍⵓⵙ ⵏ ⵓⵀⴻⵢⵢⵉ ⵏ ⵓⵙⴰⵢⵙ ⵏ ⵢⵉⵎⴻⵖⵔⴰⵙⴻⵏ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⵉⵡⴻⵍ ⵏ ⵍⵡⵉⵍⴰⵢⴰ ⴰⵙⵙ-ⴰ ⵏ ⵍⵃⴻⴷ.
ⵉⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ ⴰⵙⴻⵏⴼⴰⵔ-ⴰⴳⵉ "ⵢⴻⵜⵜⵏⴰ ⴰⴷ ⵢⴻⵣⴷⵉ ⴰⵙⴰⵢⵙ ⵏ ⵢⵉⵎⴻⵖⵔⴰⵙⴻⵏ ⴷ ⵓⵎⵔⴰⵃ ⵏ ⵓⵙⴰⴳⴻⵏ ⵏ ⵢⵉⵙⴻⵍⵎⴰⵏ, ⵉ ⵢⴻⵣⵔⴻⵏ ⵍⴻⵇⴷⵉⵛⴰⵜ ⵉⵡⴰⴽⴽⴻⵏ ⴰⴷ ⴷ-ⵍⴷⵉⵏ ⵢⴰⵍ ⴰⵃⵔⵉⵛ-ⵉⵙ, ⴷⴻⴼⴼⵉⵔ ⵎⵉ ⴷ-ⵢⴻⵍⴷⴰ ⵓⵃⵔⵉⵛ ⴰⵎⴻⵏⵣⵓ ⵉ ⵢⵉⵎⴻⵣⴷⴰⵖ, ⵙ ⵓⵣⴳⴻⵔ ⵙⴳ ⵢⵉⴷⴰⵀⴰⵍⵉⵣ ⵏ ⴷⴷⴰⵡ ⵜⵎⵓⵔⵜ ⴷ ⵡⴰⵎⵎⴰⵙ ⵏ ⵓⵣⴻⵏⵣⵉ".
ⴷⴻⴳ ⵜⵎⴻⵔⵣⵉⵡⵜ-ⵉⵙ, ⵔⴰⴱⵃⵉ ⵢⴻⴱⴷⴻⴷ, ⵙ ⵜⵉⵍⵉⵏ ⵏ ⵓⵎⴰⵙⵡⴰⵢ ⵏ ⵎⵓⵊⴻⵎⵎⴰⵄ "ⴽⵓⵙⵉⴷⴰⵔ", ⵖⴻⴼ ⵍⴻⵇⴷⵉⵛ ⵏ ⵜⴰⵛⵔⵉⴼⵜ ⵉ ⴷ-ⵢⴻⵜⵜⵎⵓⵇⵓⵍⴻⵏ ⵖⴻⴼ ⵓⵎⵔⴰⵃ ⴷ ⵓⵎⴽⴰⵏ ⵏ ⵜⴽⴰⵔⵓⵙⴰⵜ ⵉ ⵢⴻⵜⵜⴰⵡⵉⵏ 400 ⵏ ⵍⵎⴰⵔⴽⴰⴱⴰⵜ. ⵢⴻⵙⵍⴰ ⴷⵉⵖⴻⵏ ⵉ ⵓⵙⴻⴽⵏⴻⵢ ⵖⴻⴼ ⵡⴰⵍⵍⵓⵙ ⵏ ⵓⵙⴰⵢⵙ ⵏ ⵢⵉⵎⴻⵖⵔⴰⵙⴻⵏ (ⵢⴻⵙⵄⴰⵏ 7986 ⵏ ⵍⵎⵉⵜⵔⴰⵜ), ⴰⵏⴷⴰ ⴰⴷ ⴷ-ⵢⵉⵍⵉ ⵓⵀⴻⵢⵢⵉ-ⵏⵏⴻⵙ ⴽⴰⵎⴻⵍ, ⵙ ⵓⵙⴰ ⵏ ⵢⵉⴱⴻⵔⴷⴰⵏ ⵏ ⵣⴰⵊ ⵏⴻⵏⵏⵉⴳ ⵏ ⵜⵉⴳⵔⴻⵙⵜ ⵏ ⵣⵉⴽ ⵉⵡⴰⴽⴽⴻⵏ ⵉⵏⴻⵔⵣⴰⴼⴻⵏ ⴰⴷ ⵜⴻⵏ-ⵡⴰⵍⵉⵏ, ⵔⵏⵓ ⵖⴻⵔ-ⵙⴻⵏ ⵙⵉⵏ ⵏ ⵢⵉⵙⴰⵍⴰⵢⴻⵏ ⵏ ⵜⵔⵉⵙⵉⵜⵉ ⵉⵡⴰⴽⴽⴻⵏ ⴰⴷ ⵣⴷⵉⵏ ⴰⵙⴰⵢⵙ ⴷ ⵓⵎⵔⴰⵃ ⵏ ⵓⵙⴰⴳⴻⵏ.
ⴰⵙⴻⴽⵏⴻⵢ-ⴰⴳⵉ ⵢⴻⵡⵡⵉ-ⴷ ⴷⵉⵖⴻⵏ ⵖⴻⴼ ⵢⵉⵙⴻⵏⴼⴰⵔⴻⵏ ⵏ ⵓⵀⴻⵢⵢⵉ ⵏ ⵢⵉⵎⵓⴽⴰⵏ ⵏ ⵓⵣⵀⵓ ⴰⵔⵎⵉ ⴷ ⵓⵎⴽⴰⵏ ⵏ ⵜⴽⴰⵔⵓⵙⴰⵜ «ⵎⵓⵚⵟⴰⴼⴰ ⴱⵓⵏⵟⴰ», ⴰⵏⴷⴰ ⴰⴷ ⴷ-ⵉⵍⵉⵏ ⵍⴻⵎⴹⴰⵄⴻⵎ ⴷ ⵢⵉⵎⵓⴽⴰⵏ ⵏ ⵓⵙⴳⵓⵏⴼⵓ ⴷⴻⴳ ⵜⴻⵎⵏⴰⴹⵜ ⵉ ⴷ-ⵢⴻⴳⵔⴰⵏ ⴷⴻⴼⴼⵉⵔ ⵎⵉ ⵀⴻⴷⴷⵎⴻⵏ ⵍⴻⴱⵏⵉ ⵏ ⵣⵉⴽ, ⵙⴻⴳ ⵍ'ⴰⵎⵉⵔⴰⵓⵜé ⴰⵔⵎⵉ ⴷ ⵡⵓⵍ ⵏ ⵜⴻⵎⴷⵉⵏⵜ ⵏ ⵍⴻⵣⵣⴰⵢⴻⵔ.
ⴰⵔⵏⵓ ⵖⴻⵔ
