ⵜⴻⵅⴷⴻⵎ ⵍⴻⵣⵣⴰⵢⴻⵔ ⵢⵉⵡⴻⵏ ⵏ ⵓⵙⵓⵔⵉⴼ ⴰⵎⴻⵣⵔⴰⵢ ⵙ 68 ⵏ ⵢⵉⵙⵡⵉⵔⴻⵏ ⴷ ⴰⵢⴻⵏ ⵉ ⵜⵜ-ⵢⴻⴶⴶⴰⵏ ⴰⴷ ⴷ-ⵜⴻⴽⴽⵉ ⴷⴻⴳ ⵡⵓⵎⵓⵖ ⵏ 50 ⵏ ⵜⴻⵎⴷⵉⵏⵉⵏ ⵓⴼⵔⵉⵏⴻⵏ ⴷⴻⴳ ⵓⵎⴰⴹⴰⵍ ⵖⴻⴼ ⵜⴰⵣⵣⵍⴰ ⵏ ⵉⵏⵜⴻⵔⵏⴻⵜ ⵏ ⵓⵙⵉⵔ ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⵏ ⵍⴱⵉⵔⵉⴹ ⴷ ⵜⴻⵢⵡⴰⵍⵜ ⴰⵙⵙ-ⴰ ⵏ ⵍⵀⴻⴷ.
ⵙ ⵓⵏⴰⵎⴻⴽ ⵏ ⵓⵙⵉⵡⴹ ⴰⵏⴻⴳⴳⴰⵔⵓ ⵏ ⵡⴰⴳⴳⵓⵔ ⵏ ⵜⴻⵙⴰⵍⵜ "Oⵓⴽⵍⴰ" ⵜⴰⵎⴰⴹⵍⴰⵏⵜ ⵉ ⵓⴽⴰⵢⴰⴷ ⵏ ⵜⴰⵣⵣⵍⴰ ⵏ ⵉⵏⵜⴻⵔⵏⴻⵜ ⴷⴻⴳ ⵜⴻⵎⴷⵉⵏⵉⵏ ⵏ ⵓⵎⴰⴹⴰⵍ, ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ ⵜⴻⵍⵍⴰ-ⴷ ⴷⴻⴳ "ⵡⴻⵎⴽⴰⵏ ⵡⵉⵙ 48". ⴰⵢⴰⴳⵉ ⴷ ⴰⵏⴻⴽⵛⵓⵎ ⵖⴻⵔ ⵡⵓⵎⵓⵖ ⵏ 50 ⵏ ⵜⴻⵎⴷⵉⵏⵉⵏ ⵉⴼⴰⵣⴻⵏ, ⵙⴻⵍⴷ ⵎⵉ ⵜⴻⵍⵍⴰ ⴷⴻⴳ ⵡⴻⵎⴽⴰⵏ ⵡⵉⵙ 116 ⴷⴻⴳ ⵡⴰⴳⴳⵓⵔ ⵏ ⵛⵜⴻⵎⴱⴻⵔ ⵢⴻⵣⵔⵉⵏ.
ⵓⵖⴱⴰⵍⵓ-ⵏⵏⵉ ⵉⵙⵙⴻⴽⵏⴻⴷ-ⴷ ⴱⴻⵍⵍⵉ ⵜⴰⵎⴰⵏⴰⵖⵜ ⵏ ⵍⴻⵣⵣⴰⵢⴻⵔ "ⵜⴻⵙⵙⴰⵡⴻⴹ ⴷⴻⴳ ⴽⵔⴰ ⵏ ⵡⴰⵢⵢⵓⵔⴻⵏ ⴽⴰⵏ ⴰⴷ ⵜⴻⵣⴻⴳ ⵜⵉⴷⴷⵉ ⵏ ⵓⵕⴰⵜⵜⵉ (ranking) ⵙ 68 ⵏ ⵢⵉⵙⵡⵉⵔⴻⵏ, ⴷⴻⴳ-ⵙⴻⵏ 11 ⵏ ⵢⵉⵙⵡⵉⵔⴻⵏ ⵉ ⴷ-ⵜⴻⵡⵡⵉ ⴷⴻⴳ ⵓⴱⴻⴷⴷⴻⵍ ⴰⵏⴻⴳⴳⴰⵔⵓ ⴽⴰⵏ".
ⵙ ⵓⵏⴰⵎⴻⴽ ⵏ ⵢⵉⵙⴰⵍⴰⵏ ⵏ ⵓⵎⵓⵖ ⴰⵎⴰⴹⵍⴰⵏ ⵏ ⵜⴻⵎⴷⵉⵏⵉⵏ, "ⴰⵣⴻⵟⵟⴰ ⵏ ⵓⵙⵉⵔ ⴷⴻⴳ ⵜⴰⵎⴰⵏⴰⵖⵜ ⵢⴻⵡⵡⴻⴹ ⵜⴰⵣⵣⵍⴰ ⵏ 163.31 ⵎⴱⵒⵙ ⴷⴻⴳ ⵓⵣⵢⴻⴷ (download), ⵎⴰ ⴷ ⴰⵙⵓⴼⴼⴻⵖ (upload) ⵢⴰⵡⴻⴹ 24.30 ⵎⴱⵒⵙ, ⵙ ⵡⴰⴽⵓⴷ ⵏ ⵜⵔⵉⵔⵉⵜ ⵏ 18 ⵎⵙ". ⴰⵢⴰⴳⵉ ⵢⴻⵎⵎⴰⵍ-ⴷ "ⵏⴼⴰⵄ ⵉⵄⵍⴰⵢⴻⵏ ⴷ ⵡⵓⵔⴰⴽⵓ ⴰⵎⴻⵇⵇⵔⴰⵏ ⵏ ⵓⵣⴻⵟⵟⴰ".
ⵉⵙⵙⴻⴽⵜⵉ-ⴷ ⴷⴰⵖⴻⵏ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ ⴰⵙⵏⴻⴼⵍⵉ-ⴰⴳⵉ "ⵓⵔ ⵉⵕⵉⵙ ⴰⵔⴰ ⴽⴰⵏ ⴷⴻⴳ ⵓⵣⴻⵟⵟⴰ ⵏ ⵓⵙⵉⵔ, ⵍⴰⵎⴻⵄⵏⴰ ⵢⴻⵡⵡⵉ ⵓⵍⴰ ⴷ ⵉⵏⵜⴻⵔⵏⴻⵜ ⵉⵕⴻⵙⵙⴰⵏ
, ⴰⵏⵉⴷⴰ ⵜⴰⵎⴰⵏⴰⵖⵜ ⵜⴻⵔⵏⴰ ⵙ 11 ⵏ ⵢⵉⵙⵡⵉⵔⴻⵏ, ⵙ ⵜⴰⵣⵣⵍⴰ ⵏ ⵓⵣⵢⴻⴷ ⵏ 92.44 ⵎⴱⵒⵙ ⴷ ⵜⴰⵣⵣⵍا ⵏ ⵓⵙⵓⴼⴼⴻⵖ ⵏ 42.21 ⵎⴱⵒⵙ. ⴰⵢⴰⴳⵉ ⵢⵓⵙⴰ-ⴷ ⵙ ⵓⵙⵏⴻⴼⵍⵉ ⵉ ⵉⵜⴻⴷⴷⵓⵏ ⵏ ⵓⵣⴻⵟⵟⴰ ⵏ ⵓⴱⴻⴶⵔⴰⵡ (ⴼⵉⴱⵔⴻ ⵓⵒⵜⵉⵇⵓⴻ)", ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⴰⵔⵏⵓ ⵖⴻⵔ
