ⵜⴱⴻⴳⴳⴻⵏ-ⴷ ⵍⴻⵣⵣⴰⵢⴻⵔ ⵍⵇⴻⴹⵄ-ⵉⵙ ⴷ ⵓⵇⴻⴹⵄ-ⵉⵙ ⴰⵎⴻⵇⵇⵔⴰⵏ ⵏ ⵜⵓⴽⴽⵔⴻⵏⵜ ⵉ ⴷ-ⵢⴻⵜⵜⵓⵢⴰⵍⴻⵏ ⵉ ⵅⴻⴷⴷⵎⴻⵏ ⵢⵉⵎⵙⵉⵜⴰⵎⴻⵏ ⵉⵙⵔⴰⵢⵉⵍⵉⵢⴻⵏ ⵎⴳⴰⵍ ⵉⵎⴻⵣⴷⴰⵖ ⵏ ⵜⵓⴷⴷⴰⵔ ⴷ ⵜⵎⴷⵉⵏⵉⵏ ⵏ ⴼⵉⵍⵉⵙⵟⵉⵏ ⴷⴻⴳ ⵜⵓⴼⴼⵖⴰ ⵜⵓⵜⵔⵉⵎⵜ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵜⵏⴻⵖⵍⴰⴼⵜ ⵏ ⵜⴰⵎⵙⴰⵍⵉⵢⵉⵏ ⵏ ⴱⴻⵔⵔⴰ.
ⵢⵓⵔⴰ-ⴷ ⴷⴻⴳ ⵓⴷⵢⴰⵏ-ⵏⵏⵉ: "ⵜⵇⴻⴹⵄⴻⵏ ⵍⴻⵣⵣⴰⵢⴻⵔ ⵙ ⵍⴶⴻⵀⴷ ⵢⴻⵔⵏⴰ ⵜⵏⵓⵎⵎⵔⴻ-ⴷ ⵜⴰⵏⴻⴽⴽⵔⴰ ⵉ ⴷ-ⵢⴻⵜⵜⵓⵢⴰⵍⴻⵏ ⵏ ⵢⵉⵎⵙⵉⵜⴰⵎⴻⵏ ⵉⵙⵔⴰⵢⵉⵍⵉⵢⴻⵏ ⵎⴳⴰⵍ ⵉⵎⴻⵣⴷⴰⵖ ⵏ ⵜⵓⴷⴷⴰⵔ ⴷ ⵜⵎⴷⵉⵏⵉⵏ ⵏ ⴼⵉⵍⵉⵙⵟⵉⵏ ⴷⴻⴳ ⵜⵓⴼⴼⵖⴰ ⵜⵓⵜⵔⵉⵎⵜ ⴷ ⵡⴰⵢⵍⴰ-ⵏⵙⴻⵏ."
ⵢⴻⵏⵏⴻⵔⵏⴰ-ⴷ ⵓⴷⵢⴰⵏ-ⵏⵏⵉ: "ⵍⴻⵣⵣⴰⵢⴻⵔ ⵜⵡⴰⵍⴰ ⵜⴰⵔⵔⴰⵢⵜ-ⴰⴳⵉ ⵏ ⵍⵡⴻⵃⵛ ⴷ ⵓⴼⵔⴰⴳ, ⴷ ⴰⵙⴻⵍⵍⴻⴽ ⵏ ⵜⵙⴻⵔⵜⵉⵜ ⵏ ⵡⴻⵙⵏⴻⵔⵏⵉ ⵏ ⵓⵏⴻⴽⵛⵓⵎ ⵉⵙⵔⴰⵢⵉⵍⵉ ⵢⴻⵔⵏⴰ ⴷ ⵓⴼⵔⵓⵔⵉ ⵏ ⵍⴶⴻⵀⴷ ⵉ ⵓⵀⴻⴳⴳⵉ ⵏ ⵓⴱⵔⵉⴷ ⵏ ⵍⵀⴻⵏⵏⵉ, ⴷⴻⴳ ⵜⵓⵛⴹⴰ ⵏ ⵍⵍⵙⴰⵙ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ ⴷ ⵔⵔⴰⵢⴻⵏ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ (ⵓⵏⵓ)."
"ⴷⴰⵖⴻⵏ, ⵍⴻⵣⵣⴰⵢⴻⵔ ⵜⴻⵙⵙⴻⵏⵜⴻⵎ ⵔⵔⴰⵢ-ⵉⵙ ⵉⴶⴻⵀⴷⴻⵏ ⵉ ⴷ-ⵢⴻⵜⵜⴰⴽⴽⴻⵏ ⵜⴰⵍⵍⴻⵍⵜ ⵉ ⵢⵉⵣⴻⵔⴼⴰⵏ ⵏ ⵓⵖⵔⴻⴼ ⵓⴼⵉⵍⵉⵙⵟⵉⵏⵉ ⵏ ⵍⵃⴻⵇⵇ ⵓⵔ ⵏⴻⵣⵎⵉⵔ ⴰⴷ ⵏⴻⵔⴽⵓⵙ, ⵙ ⵓⵇⴻⵔⵔⵓ-ⵏⵙⴻⵏ ⵍⵃⴻⵇⵇ-ⵉⵙ ⵉ ⵓⵙⴰⵍⵉ ⵏ ⵜⵎⵓⵔⵜ-ⵉⵙ ⵜⵉⵎⵓⵏⴻⵏⵜ ⵙ ⵍⵇⵓⴷⵙ ⴷ ⵜⴰⵎⴰⵏⴻⵖⵜ."
ⴰⵔⵏⵓ ⵖⴻⵔ
