ⵍⵃⴻⴶ 1447 ⵀ: ⴱⴻⵍⵎⴻⵀⴷⵉ ⵉⵙⵙⴻⵃⵔⴻⵙ ⴷⴻⴳ ⵜⴻⵎⴷⵉⵏⵜ ⵜⴰⴱⴰⵕⴰⴽⵜ ⵖⴻⴼ ⵡⴰⵣⴰⵍ ⵏ ⵓⵙⴰⵍⵉ ⵏ ⵍⵎⴻⴶⵀⵓⴷⴰⵜ ⵉ ⵓⵃⵔⴰⵣ ⵓⴼⵔⵉⵏ ⵏ ⵢⵉⵃⵓⴶⴶⴰⴶ
ⵉⵙⵙⴻⵃⵔⴻⵙ ⵓⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴷⴷⵉⵏ ⴷ ⵍⵡⴻⵇⴼ, ⴰⵙⴻⵍⵡⴰⵢ ⵏ ⵓⴱⵉⵕⵓ ⵏ ⵜⴻⵎⵙⴰⵍ ⵏ ⵢⵉⵃⵓⴶⴶⴰⴶ ⵏ ⵍⴻⵣⵣⴰⵢⴻⵔ, ⵎⴰⵙⵙ ⵢⵓⵓⵛⴻⴼ ⴱⴻⵍⵎⴻⵀⴷⵉ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵜⴻⵎⴷⵉⵏⵜ ⵜⴰⴱⴰⵕⴰⴽⵜ (ⵎⴻⴷⵉⵏⴰ), ⵖⴻⴼ ⵡⴰⵣⴰⵍ ⵏ ⵓⵙⴰⵍⵉ ⵏ ⵍⵎⴻⴶⵀⵓⴷⴰⵜ ⵉ ⵓⵟⵎⴰⵏ ⵏ ⵓⵃⵔⴰⵣ (prise en charge) ⵓⴼⵔⵉⵏ ⵏ ⵢⵉ習ⵓⴶⴶⴰⴶ, ⵙ ⵓⵙⴻⵍⴽⴻⵎ ⵏ ⵜⵓⵔⴰⴹ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ.
ⴷⴻⴳ ⵢⵉⵡⴻⵜ ⵏ ⵜⵎⴻⵙⵍⴰⵢⵜ ⵉ ⵢⴻⵅⴷⴻⵎ ⵙⴻⴳ ⵓⴱⵉⵕⵓ ⵏ ⵜⵎⴰⵣⴰⵏⵜ (ⴱⴻⵄⵝⴰ) ⵜⴰⵣⵣⴰⵢⵔⵉⵜ ⵏ ⵍⵃⴻⴶ ⴷⴻⴳ ⵜⴻⵎⴷⵉⵏⵜ ⵜⴰⴱⴰⵕⴰⴽⵜ, ⵙⴻⵍⴷ ⵎⵉ ⴷ-ⵢⴻⵡⵡⴻⴹ ⵉ ⵓⵙⴼⵓⵍⴻⵍ ⵏ ⵓⵀⴻⴳⴳⵉ ⵏ ⵜⴰⵍⵍⵉⵜ ⵏ ⵍⵃⴻⴶ (1447 ⵀ / 2026 ⵎ), ⴱⴻⵍⵎⴻⵀⴷⵉ ⵉⵙⵙⴻⴽⵏⴻⴷ ⴱⴻⵍⵍⵉ "ⵉⵙⵡⵉ ⵉⵕⴻⵙⵙⴰⵏ ⵏ ⵓⵎⴰⵀⵉⵍ ⵏ ⵜⵎⴰⵣⴰⵏⵜ ⴷ ⵓⵎⴻⵥⵍⵓ ⵏ ⵢⵉⵃⵓⴶⴶⴰⴶ ⵍⴻⵣⵣⴰⵢⵔⵉⵢⴻⵏ ⴷ ⵓⵟⵎⴰⵏ ⵏ ⵜⵉⴳⴳⴰⵜⵉⵏ-ⵏⵙⴻⵏ (ⵎⴰⵏⴰⵙⵉⴽ) ⴷⴻⴳ ⵜⴻⴳⵏⴰⵜⵉⵏ ⵢⴻⵍⵀⴰⵏ, ⵙ ⵓⵇⴰⴷⴻⵔ ⵏ ⵜⵓⵔⴰⴹ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉ ⵉⵙⵙⴻⵃⵔⴻⵙⴻⵏ ⴱⴻⵍⵍⵉ ⵓⵎⴻⵥⵍⵓ ⵏ ⵢⵉⴳⴻⵔⴷⴰⵏ ⵏ ⵕⴻⴱⴱⵉ ⴷ ⵏⴻⵜⵜⴰ ⵉ ⴷ ⵜⴰⵣⵡⴰⵔⵜ ⵏ ⵜⴻⵡⵜⵉⵍⵉⵏ".
ⵉⵙⴼⵓⵍⴻⵍ ⴷⴰⵖⴻⵏ ⴱⴻⵍⵍⵉ ⵉⵎⴰⵙⵍⴰⴷⴻⵏ ⵏ ⵜⵎⴰⵣⴰⵏⵜ ⵉⵍⴰⵇ ⴰⴷ ⵙⵏⴻⵔⵏⵉⵏ ⵍⵎⴻⴶⵀⵓⴷⴰⵜ-ⵏⵙⴻⵏ ⴷⴻⴳ ⵜⴰⵍⵍⵉⵜ ⵉ ⴷ-ⵉⵜⵜⴻⴷⴷⵓⵏ, ⵍⴰⴷⵖⴰ ⵉⵎⵉ ⵉ ⴷ-ⵜⴻⵇⵇⵔⴻⴱ ⵜⵉⴷⴷⵉ ⵏ ⵢⵉⵃⵓⴶⴶⴰⴶ ⵖⴻⵔ ⵢⵉⵎⵓⴽⴰⵏ ⵓⴼⵔⵉⵏⴻⵏ, ⵢⴻⵔⵏⴰ ⵢⴻⵏⵏⴰ-ⴷ ⴱⴻⵍⵍⵉ "ⴰⵢⴻⵏ ⵉ ⴷ-ⵢⵉⵍⵍⴰ ⴰⵔ ⵜⵓⵔⴰ ⵉⵟⵟⴰⴽ-ⴷ ⴰⵙⵙⵉⵔⴻⵎ ⵉ ⵢⵉⵡⴻⵜ ⵏ ⵜⴰⵣⵡⴰⵔⴰ ⵢⴻⵍⵀⴰⵏ ⵏ ⵜⴰⵍⵍⵉⵜ ⵏ ⵍⵃⴻⴶ ".
ⴷⴻⴳ ⵓⵏⵏⴰⵔ-ⴰⴳⵉ, ⴱⴻⵍⵎⴻⵀⴷⵉ ⵉⵡⴰⵍⴰ ⴱⴻⵍⵍⵉ ⵔⵔⴻⴱⴻⵃ ⵏ ⵜⵎⴰⵣⴰⵏⵜ ⵉⵛⵓⴷⴷ ⴷ ⵏⴼⴰⵄ ⵏ ⵢⵉⵃⵓⴶⴶⴰⴶ ⴷ ⵓⵡⴻⵣⵣⵉ ⵏ ⵜⵉⴳⴳⴰⵜⵉⵏ-ⵏⵙⴻⵏ ⵙ ⵓⴼⵙⵓⵙ, ⵉⵙⵎⴻⴽⵜⵉ-ⴷ ⴱⴻⵍⵍⵉ ⵜⴰⵎⴰⵣⴰⵏⵜ ⵜⴰⵣⵣⴰⵢⵔⵉⵜ ⵜⴻⵙⵄⴰ ⴰⵎⴽⴰⵏ ⵓⴼⵔⵉⵏ ⴳⴰⵔ ⵜⵎⴰⵣⴰⵏⵉⵏ ⵏⵏⵉⴹⴻⵏ, ⴷ ⴰⵢⴻⵏ ⵉ ⵉⵙⵙⵓⵜⵜⵓⵔⴻⵏ "ⵓⵃⵔⴰⵣ ⵏ ⵓⴷⴻⵎ ⵏ ⵍⴻⵣⵣⴰⵢⴻⵔ ⵙ ⵜⵖⴰⵔⴰ ⵏ ⵢⵉⵎⴻⵥⵍⴰ ⵉ ⴷ-ⵉⵜⵜⵓⵏⴻⴼⴽⴻⵏ ⵉ ⵢⵉⵃⵓⴶⴶⴰⴶ".
ⴷⴻⴳ ⵢⵉⵡⴻⵜ ⵏ ⵜⵎⵓⵖⵍⵉ, ⴰⵏⴻⵖⵍⴰⴼ ⵉⵙⵙⴻⵃⵔⴻⵙ ⵖⴻⴼ ⵓⵇⴰⴷⴻⵔ ⵏ ⵢⵉⵙⵓⴷⴷⵉⵙⴻⵏ ⴷ ⵜⴰⵔⵔⴰⵢⵉⵏ ⵉ ⴷ-ⵡⵡⴰⵏ ⵢⵉⵎⴹⴻⴱⴱⵔⴻⵏ ⵉⵙⵄⵓⴷⵉⵢⴻⵏ, ⵢⴻⵔⵏⴰ ⵉⵙⵍⴻⵎ-ⴷ ⵙ ⵡⴰⵍⵍⴰⵍⴻⵏ ⵏ ⵓⴼⵙⵉⵙ ⵉ ⴷ-ⵜⴻⴼⴽⴰ ⵜⴳⴻⵍⴷⴰ ⵉ ⵓⵙⵔⴻⴱⴻⵃ ⵏ ⵜⴰⵍⵍⵉⵜ ⵏ ⵍⵃⴻⴶ .
ⵉⵍⴰⵇ ⴰⴷ ⵏⵣⴻⵔ ⴱⴻⵍⵍⵉ ⴰⵎⵎⴰⴳⴻⵔ-ⴰⴳⵉ ⵢⴻⵍⵍⴰ-ⴷ ⵙ ⵜⵉⵍⵉⵜ ⵏ ⵓⵎⴰⵙⵓⵏ ⵏ ⵍⴻⵣⵣⴰⵢⴻⵔ ⴷⴻⴳ ⵜⴳⴻⵍⴷⴰ ⵏ ⵜⵄⵔⴰⴱⵜ ⵜⴰⵙⵄⵓⴷⵉⵜ, ⵎⴰⵙⵙ ⵡⴰⵍⵉⴷ ⵛⵀⴻⵔⵉⴼ, ⴷ ⵓⵎⵙⴻⵜⵏⴻⴼ ⴰⵎⴰⵜⵓ ⴷⴻⴳ ⵊⵉⴷⴷⴰ, ⵎⴰⵙⵙ ⵎⵓⵀⴰⵎⴻⴷ ⴻⵍ ⵀⴰⴱⵉⴱ ⵣⴰⵀⴰⵏⴰ.
ⴰⵎⴹⴰⵏ ⵏ ⵢⵉⵃⵓⴶⴶⴰⴶ ⵍⴻⵣⵣⴰⵢⵔⵉⵢⴻⵏ ⴷⴻⴳ ⵜⴰⵍⵍⵉⵜ-ⴰⴳⵉ ⵢⴰⵡⴻⴹ 41.300 ⵏ ⵢⵉⵃⵓⴶⴶⴰⴶ. ⵜⵉⵏⵉⴳⵉⵏ ⵜⵉⵎⴻⵏⵣⵓⵜⵉⵏ ⴽⴽⴰⵏⵜ ⵢⴰⴽⴰⵏ ⵖⴻⵔ ⵢⵉⵎⵓⴽⴰⵏ ⵓⴼⵔⵉⵏⴻⵏ ⴷⴻⴳ 29 ⵢⴻⴱⵔⵉⵔ ⵢⴻⵣⵔⵉⵏ, ⴷⴻⴳ ⵢⵉⵡⴻⵏ ⵏ ⵡⴰⵀⵉⵍ ⵉ ⴷⴻⴳ 144 ⵏ ⵜⵉⵏⵉⴳⵉⵏ, ⵉ ⵢⴻⴱⴹⴰⵏ ⴷⴻⴳ 12 ⵏ ⵢⵉⵙⴰⴳⵏⴻⵏ ⵏ ⵓⵙⴰⴼⴰⴳ ⵏ ⵜⵎⵓⵔⵜ. ⵜⵉⵏⵉⴳⵉⵏ ⵏ ⵓⵕⵓⵃ ⴰⴷ ⴼⵓⴽⴽⴻⵏⵜ ⴷⴻⴳ 21 ⵎⴰⵢⵓ, ⵎⴰ ⴷ ⵜⵉⴷ ⵏ ⵓⵖⴰⵍ ⴰⴷ ⴱⴷⵓⵏⵜ ⴷⴻⴳ ⵓⵎⴻⵏⵣⵡⴰⵔ ⵏ ⵢⵓⵏⵢⵓ ⵉ ⴷ-ⵉⵜⵜⴻⴷⴷⵓⵏ.
ⴰⵔⵏⵓ ⵖⴻⵔ
