ⵉⴱⴻⵔⵔ-ⴷ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵍⵃⴻⵞ ⴷ ⵍⵄⵓⵎⵔⴰ, ⵡⴰⵙⵙ-ⴰ ⵏ ⵍⴰⵔⴻⴱⵄⴰ, ⵖⴻⴼ ⵜⴻⴱⵞⵉⵔⵜ ⵜⴰⵎⴻⵏⵣⵓⵜ ⵏ ⵜⵏⴻⵣⵣⴰⵢⵉⵏ ⵏ ⵜⵎⴻⵔⵔⵉⵡⵜ ⴷ ⵢⵉⵏⵉⴳ ⵉ ⵢⴻⵣⵎⵔⴻⵏ ⴰⴷ ⵙⴱⴻⴷⴷⴻⵏⵜ ⴰⵎⴻⵀⵍⴰⵏ ⵏ ⵍⵃⴻⵞ ⵉ ⵜⴰⵍⵍⵉⵜ ⵏ 1448 ⵀ / 2027 ⵎ, ⵉ ⴷⴻⴳ ⵍⵍⴰⵏⵜ 53 ⵏ ⵜⵏⴻⵣⵣⴰⵢⵉⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵡⴰⵎⵎⴰⵙ.
ⵉⵙⴻⴳⵣⵉ-ⴷ ⵡⵓⵏⴰⴱⴰⵖ-ⴰⴳⵉ ⴱⴻⵍⵍⵉ ⵉⵍⵎⴻⵏⴷ ⵏ ⵔⵔⴰⵢ ⵓⵟⵟⵓⵏ 156 ⵏ ⵡⴰⵙⵙ ⵏ 13 ⵢⵓⵍⵢⵓ 2026 ⵉ ⴷ-ⵢⴻⴼⴼⵖⴻⵏ ⵙ ⵓⴼⵓⵙ ⵏ ⵓⵏⴻⴱⴷⴰⴷ ⴰⵎⴰⵜⵓ ⵏ ⵡⴰⵎⵎⴰⵙ, ⵉ ⵢⴻⵇⵇⵏⴻⵏ ⵖⴻⵔ ⵓⵙⴰⵍⵉ ⵏ ⵜⵙⴻⵇⵇⵓⵎⵜ ⵏ ⵓⴼⵔⴰⵏ ⴷ ⵓⵙⴻⴷⴷⴻⵙ ⵏ ⵜⵏⴻⵣⵣⴰⵢⵉⵏ ⵏ ⵜⵎⴻⵔⵔⵉⵡⵜ ⵢⴻⴱⵖⴰⵏ ⴰⴷ ⵜⵜⴻⴽⴽⵉⵏ ⴷⴻⴳ ⵓⵙⴻⴷⴷⴻⵙ ⵏ ⵓⵎⴻⵀⵍⴰⵏ ⵏ ⵍⵃⴻⵞ ⵉ ⵜⴰⵍⵍⵉⵜ ⵏ 1448 ⵀ / 2027, ⴰⵎⵎⴰⵙ ⴰⵖⴻⵍⵏⴰⵡ ⵏ ⵍⵃⴻⵞ ⴷ ⵍⵄⵓⵎⵔⴰ ⵉⴱⴻⵔⵔ-ⴷ ⵙ ⵜⴻⴱⵞⵉⵔⵜ-ⴰⴳⵉ ⵜⴰⵎⴻⵏⵣⵓⵜ ⵉ ⴷⴻⴳ ⵍⵍⴰⵏⵜ 53 ⵏ ⵜⵏⴻⵣⵣⴰⵢⵉⵏ.
ⵓⴷⵢⴰⵏ-ⵏⵏⵉ ⵢⴻⵏⵏⴰ-ⴷ ⴱⴻⵍⵍⵉ ⵜⵉⴽⴻⴱⴱⴰⵏⵢⵉⵏ ⵏ ⵜⵎⴻⵔⵔⵉⵡⵜ ⵣⴻⵎⵔⴻⵏⵜ ⴰⴷ ⴷ-ⴼⴽⴻⵏⵜ ⵉⵙⵓⵜⵔⴻⵏ ⵏ ⵓⵇⴻⴹⵄⵉ (ⵔⴻⵛⵓⵓⵔⵙ) ⵙ ⵜⵉⵔⴰ ⵖⴻⴼ ⵢⵉⴳⵎⴰⴷ-ⴰⴳⵉ ⵙⴻⴳ 23 ⴰⵔ 25 ⵢⵓⵍⵢⵓ 2026, ⴷⴻⴳ ⵜⵉⵣⵉ ⵏ ⵡⴰⵙⵙ (12:00). ⵉⵙⵓⵜⵔⴻⵏ-ⴰⴳⵉ ⵉⵍⴰⵇ ⴰⴷ ⵜⵜⵡⴰⴼⴻⵔⵏⴻⵏ ⴷⴰⵅⴻⵍ ⵏ ⵜⴻⵍⵢⴰⵡⵜ ⵢⴻⵜⵜⵡⴰⵖⴻⵍⵇⴻⵏ, ⴰⵔⴰ ⴷ-ⵢⴰⵣⵏⴻⵏ ⵉ ⵓⵏⴻⵖⵍⴰⴼ ⵏ ⵜⴰⵎⵙⴰⵍⵉⵢⵉⵏ ⵏ ⴷⴷⵉⵏ ⴷ ⵍⵡⴰⵇⴼ, ⵢⴻⵔⵏⴰ ⴰⴷ ⵜⵜⵡⴰⵙⵉⵣⴷⴻⵔⴻⵏ ⴷⴻⴳ ⵢⵉⵎⴻⵥⵍⴰ ⵏ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵍⵃⴻⵞ ⴷ ⵍⵄⵓⵎⵔⴰ (ⵜⴰⴷⵉⵔⴻⴽⵙⵉⵢⵓⵏ ⵏ ⵓⵏⴰⵔⵎⴰⴷ ⵏ ⵍⵃⴻⵞ - ⵇⵓⴱⴱⴰ).
ⴰⵔⵏⵓ ⵖⴻⵔ
