ⴰⴷ ⵉⵍⵉⵏ ⵓⵙⵙⴰⵏ ⵏ ⵍⴰⵔⴻⴱⴻⵄ, ⵍⴻⵅⵎⵉⵙ ⴷ ⵍⴶⴻⵎⵄⴰ ⵉ ⴷ-ⵉⵜⵜⴻⴷⴷⵓⵏ ⴷ ⵉⵎⵓⵔⴰⵙ ⵙ ⵓⵅⴻⵍⵍⴻⵚ ⵉ ⵢⴰⴽⴽ ⵢⵉⵎⴰⵀⵍⴰⵏⴻⵏ ⵏ ⵜⵏⴻⴼⴼⵓⵢⵉⵏ ⵜⵉⴳⴷⵓⴷⴰⵏⵉⵏ, ⵜⵉⵎⵓⵙⵏⵉⵡⵉⵏ ⴷ ⵢⵉⵙⵉⵔⴻⵎⴻⵏ ⴰⴳⴷⵓⴷⴰⵏⴻⵏ ⴷ ⵡⵉⴷ ⵓⴼⵔⵉⵏⴻⵏ ⴷⴻⴳ ⵢⴰⴽⴽ ⵢⵉⵏⵏⴰⵔⴻⵏ, ⴷⴻⴳ ⵓⵏⵏⴰⵔ ⵏ ⵍⵄⵉⴷ ⵏ ⵜⵎⴻⵖⵔⴰ. ⴰⵢⴰⴳⵉ ⵉ ⴷ-ⵢⵓⵔⴰ ⴷⴻⴳ ⵢⵉⵡⴻⵏ ⵏ ⵓⵙⵉⵡⴹ ⴰⵎⴻⵣⴷⴰⵢ ⵏ ⵜⵏⴻⵖⵍⴰⴼⵜ ⵏ ⵓⵎⴰⵀⵉⵍ, ⵓⵙⴻⵍⵍⴻⴽ ⴷ ⵓⵎⴹⴰⵎⴰⵏ ⵏ ⵜⵎⴻⵜⵜⵉ ⴷ ⵜⵏⴻⵀⵎⴰⵍⵜ ⵜⴰⵎⴰⵜⵓⵜ ⵏ ⵜⴰⵏⵎⴻⵥⵍⴰ ⵜⴰⴳⴷⵓⴷⴰⵏⵜ ⴷ ⵓⵙⵏⴻⴼⵍⵉ ⵏ ⵜⵓⴷⴷⵙⴰ, ⴰⵙⵙ-ⴰ ⵏ ⵍⵀⴻⴷ.
ⵉⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ "ⵙ ⵓⴱⵔⵉⴷ ⵏ ⵍⵄⵉⴷ ⵏ ⵜⵎⴻⵖⵔⴰ, ⵓ ⵙ ⵓⵇⴰⴷⴻⵔ ⵏ ⵜⴰⵔⵔⴰⵢⵉⵏ ⵏ ⵓⵙⴰⴷⵓⴼ ⵡⵓⵟⵟⵓⵏ 63-278 ⵏ 26 ⵢⵓⵍⵢⵓ 1963 ⵉ ⴷ-ⵢⴻⵡⵡⵉⵏ ⵡⵓⵎⵓⵖ ⵏ ⵢⵉⴼⴰⵙⴽⵉⵡⴻⵏ ⴰⵙⴰⴷⵓⴼⴰⵏⴻⵏ, ⵓⵙⵙⴰⵏ ⵏ ⵍⴰⵔⴻⴱⴻⵄ (ⵡⵉⵙ ⵎⵔⴰⵡ), ⵍⴻⵅⵎⵉⵙ (ⵡⵉⵙ ⵎⵔⴰⵡ ⴷ ⵢⵉⵡⴻⵏ) ⴷ ⵍⴶⴻⵎⵄⴰ (ⵡⵉⵙ ⵎⵔⴰⵡ ⴷ ⵙⵉⵏ) ⵏ ⵡⴰⴳⴳⵓⵔ ⵏ ⴷⵀⵓ ⴰⵍ-ⵀⵉⵊⵊⴰⵀ 1447, ⵉ ⴷ-ⵢⴻⵎⵎⵓⴳⵔⴻⵏ ⴷ 27, 28 ⴷ 29 ⵎⴰⵢⵓ 2026, ⴰⴷ ⵉⵍⵉⵏ ⴷ ⵉⵎⵓⵔⴰⵙ ⵙ ⵓⵅⴻⵍⵍⴻⵚ ⵉ ⵢⴰⴽⴽ ⵢⵉⵎⴰⵀⵍⴰⵏⴻⵏ ⵏ ⵜⵎⵓⵙⵏⵉⵡⵉⵏ ⴷ ⵜⵏⴻⴼⴼⵓⵢⵉⵏ ⵜⵉⴳⴷⵓⴷⴰⵏⵉⵏ ⴷ ⵢⵉⵙⵉⵔⴻⵎⴻⵏ ⵓⴼⵔⵉⵏⴻⵏ, ⴷ ⵢⵉⵎⴰⵀⵍⴰⵏⴻⵏ ⵏ ⵜⵎⵓⵙⵏⵉⵡⵉⵏ ⴷⴻⴳ ⵢⴰⴽⴽ ⵢⵉⵏⵏⴰⵔⴻⵏ, ⴰⵎⴰ ⵙ ⵓⵙⵡⵉⵔ-ⵏⵙⴻⵏ ⴰⵙⴰⴷⵓⴼⴰⵏ, ⵓⵍⴰ ⴷ ⵡⵉⴷ ⵉⵅⴻⴷⴷⵎⴻⵏ ⵙ ⵡⴰⵙⵙ ⵏⴻⵖ ⵙ ⵜⵙⴰⵄⵜⴻⵜ".
ⵍⴰⵎⴻⵄⵏⴰ "ⵉⵍⴰⵇ ⵉ ⵜⵎⵓⵙⵏⵉⵡⵉⵏ ⴷ ⵜⵏⴻⴼⴼⵓⵢⵉⵏ ⴷ ⵢⵉⵙⵉⵔⴻⵎⴻⵏ ⵉ ⴷ-ⵏⴻⴱⴷⴻⵔ ⵓⵇⴱⴻⵍ, ⴰⴷ ⴷ-ⵓⵡⵢⴻⵏ ⵢⴰⴽⴽ ⵜⴰⵔⵔⴰⵢⵉⵏ ⵉⵕⴻⵙⵙⴰⵏⴻⵏ ⵉ ⵓⵟⵎⴰⵏ ⵏ ⵓⴽⴻⵎⵎⴻⵍ ⵏ ⵓⵎⴻⵥⵍⵓ ⴷⴻⴳ ⵢⵉⵎⴻⵥⵍⴰ ⵉ ⵉⵅⴻⴷⴷⵎⴻⵏ ⵙ ⵓⵏⴰⴳⵔⴰⵡ ⵏ ⵜⴰⵏⵓⴱⴰⵜ , ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵙⵉⵡⴹ-ⵏⵏⵉ.
ⴰⵔⵏⵓ ⵖⴻⵔ
