ⵜⴻⵄⵍⴻⵏ-ⴷ ⵜⵙⵏⵓⵔⴻⴼⵜ ⵜⴰⵖⴻⵍⵏⴰⵡⵜ ⵏ ⵓⵙⴻⵎⵔⴻⵙ ⴷ ⵓⵙⴻⴷⴱⴻⵔ ⵏ ⵢⵉⵙⴰⴳⵏⴻⵏ ⵏ ⵍⵇⴰⵄⴰ ⵉ ⵓⵄⴻⴱⴱⵉ ⵏ ⵢⵉⵎⵙⴰⴼⵔⴻⵏ "ⵙⵓⴳⵔⴰⵍ", ⴰⵙⵙ-ⴰ ⵏ ⵍⵀⴻⴷ ⴷⴻⴳ ⵢⵉⵡⴻⵏ ⵏ ⵓⵙⵉⵡⴹ, ⵖⴻⴼ ⵓⵙⴱⴻⴷⴷⵉ ⵏ 2200 ⵏ ⵜⵉⵏⵉⴳⵉⵏ ⵏ ⵓⴹⵎⴰⵏ ⴷⴻⴳ ⵜⵎⵓⵔⵜ ⵎⴻⵕⵕⴰ, ⵉ ⵓⵀⴻⴳⴳⵉ ⵉ ⵍⵄⵉⴷ ⵏ ⵜⵎⴻⵖⵔⴰ ⵉ ⴷ-ⵉⵜⵜⴻⴷⴷⵓⵏ.
ⵜⴰⵙⵏⵓⵔⴻⴼⵜ ⵜⴻⵙⵙⴻⴼⵀⴻⵎ-ⴷ ⴱⴻⵍⵍⵉ ⵜⴻⵙⵙⴻⵔⵔⴻⵙ ⵢⵉⵡⴻⵏ ⵏ ⵡⴰⵀⵉⵍ ⵓⴼⵔⵉⵏ ⵉ ⴷⴻⴳ ⵍⵍⴰⵏⵜ 2200 ⵏ ⵜⵉⵏⵉⴳⵉⵏ ⵜⵉⵎⴰⵢⵏⵓⵜⴻⵏ, ⴰⵢⴻⵏ ⵉⵄⴻⴷⵍⴻⵏ 103 ⵏ ⵡⴰⴳⵉⵎⴰⵏ ⵏ ⵢⵉⵎⵓⴽⴰⵏ (sièges) ⵏ ⵓⴹⵎⴰⵏ ⴷⴻⴳ ⵢⵉⵙⴰⴳⵏⴻⵏ ⵏ ⵍⵇⴰⵄⴰ ⵢⴻⵎⴳⴰⵔⴰⴷⴻⵏ. ⴰⵢⴰⴳⵉ ⵉⵡⴰⴽⴽⴻⵏ ⴰⴷ ⴷ-ⵜⴻⵔⵔ ⵉ ⵜⵓⴽⴽⵉⵙⵉⵡⵉⵏ ⵏ ⵢⵉⵎⴻⵣⴷⴰⵖ ⵉ ⵉⵜⴻⴷⴷⵓⵏ ⴷⴻⴳ ⵓⵏⵏⴰⵔ ⵏ ⵓⵣⵓⵏⴻⵢ ⴷⴻⴳ ⵜⴰⵍⵍⵉⵜ ⵏ ⵍⵄⵉⴷ, ⵙ ⵓⵇⴰⴷⴻⵔ ⵏ ⵜⵓⵔⴰⴹ ⵏ ⵜⵏⴻⵖⵍⴰⴼⵜ ⵏ ⴷⴰⵅⴻⵍ, ⵜⵓⴷⴷⵙⵉⵡⵉⵏ ⵜⵉⴷⵉⴳⴰⵏⵉⵏ ⴷ ⵓⵣⵓⵏⴻⵢ.
ⵜⴰⵏⴻⵖⵍⴰⴼⵜ ⵜⵓⵔⴰ-ⴷ — ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵙⵉⵡⴹ — ⵜⵓⵔⴰⴹ ⵉ ⵢⴰⴽⴽ ⵜⵎⵓⵙⵏⵉⵡⵉⵏ ⵏ ⵓⵄⴻⴱⴱⵉ ⵏ ⵢⵉⵎⵙⴰⴼⵔⴻⵏ ⵢⴻⵟⵟⴰⴼⴰⵔⴻⵏ ⴰⵎⵓⵍⵍⵉ ⵏ ⵓⵣⵓⵏⴻⵢ ⵏ ⵍⵇⴰⵄⴰ "ⵜⵔⴰⵏⵙⵜⴻⵠ" ⵉⵡⴰⴽⴽⴻⵏ ⴰⴷ ⴷⴷⵓⴽⴽⵍⴻⵏ ⵍⵎⴻⴶⵀⵓⴷⴰⵜ-ⵏⵙⴻⵏ ⴷⴻⴳ ⵓⴹⵎⴰⵏ ⵏ ⵜⵉⵏⵉⴳⵉⵏ ⵏ ⵓⴹⵎⴰⵏ. ⴷⴰⵖⴻⵏ, ⴼⴽⴰⵏ ⵜⵓⵔⴰⴹ ⵉ ⵜⵏⴻⵀⵎⴰⵍⵉⵏ ⵏ ⵓⵣⵓⵏⴻⵢ ⵏ ⵜⵡⵉⵍⴰⵢⵉⵏ ⵉ ⵓⵡⵡⵉ ⵏ ⵜⵙⵉⵔⴰ ⴼⵔⵉⵏⴻⵏ ⵉ ⵢⴰⴽⴽ ⵜⵎⵓⵙⵏⵉⵡⵉⵏ ⵜⵉⴳⴷⵓⴷⴰⵏⵉⵏ ⴷ ⵜⵉⵅⵓⵚⵉⵢⵉⵏ ⵉⵡⴰⴽⴽⴻⵏ ⴰⴷ ⴷ-ⵜⴻⴽⴽⵉⵢⴻⵏⵜ ⴷⴻⴳ ⵓⴱⵔⵉⴷ-ⴰⴳⵉ ⵓ ⴰⴷ ⴹⴻⵎⵏⴻⵏⵜ ⵜⵉⴷⴷⵉ ⵏ ⵢⵉⵎⵙⴰⴼⵔⴻⵏ ⴷⴻⴳ ⵜⴻⴳⵏⴰⵜⵉⵏ ⵢⴻⵍⵀⴰⵏ.
ⴰⵀⵉⵍ-ⴰⴳⵉ ⵏ ⵓⴹⵎⴰⵏ ⴰⴷ ⵉⴽⴻⵎⵎⴻⵍ ⵓⵍⴰ ⵙⴻⵍⴷ ⵍⵄⵉⴷ, ⵉⵡⴰⴽⴽⴻⵏ ⴰⴷ ⴷ-ⵓⵖⴰⵍⴻⵏ ⵢⵉⵎⵙⴰⴼⵔⴻⵏ ⵙ ⵍⴻⵀⵏⴰ. ⵜⴰⵙⵏⵓⵔⴻⴼⵜ ⵜⴻⵙⵙⴻⴽⵏⴻⴷ ⴱⴻⵍⵍⵉ ⴰⴷ ⴷ-ⵢⵉⵍⵉ ⵓⵏⴰⴳⵔⴰⵡ ⵏ ⵜⴰⵏⵓⴱⴰⵜ (shift system) ⴷⴻⴳ ⵡⵓⵙⵙⴰⵏ ⵏ ⵍⵄⵉⴷ ⵙ ⵓⵎⵙⴰⵙⴻⵢ ⴷ ⵜⵏⴻⵀⵎⴰⵍⵉⵏ ⵏ ⵓⵣⵓⵏⴻⵢ.
ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵎⴻⵥⵍⵓ (service) ⵉⴼⴰⵣⴻⵏ ⵉ ⵢⵉⵎⵙⴰⴼⵔⴻⵏ, ⵓⵙⴻⴷⴱⴻⵔ ⵏ "ⵙⵓⴳⵔⴰⵍ" ⵉⵙⵃⴻⴱⴱⴻⵙ ⵢⴰⴽⴽ ⵜⵓⵔⴰⴹ ⵏ ⵔⵔⴰⵃⴰ ⵏ ⴷⴷⵓⵕⵜ ⴷ ⵜⵉⴷ ⵏ ⵓⵙⴻⴳⴳⴰⵙ ⵉ ⵢⵉⵎⴰⵀⵍⴰⵏⴻⵏ, ⵍⴰⴷⵖⴰ ⵡⵉⴷ ⵏ ⵢⵉⵙⴼⴰⵢⵍⴻⵏ ⵏ ⵓⵣⴻⵏⵣⵉ (guichets), ⵡⵉⴷ ⵏ ⵓⵙⵉⵣⴷⴻⴳ ⴷ ⵡⵉⴷ ⵏ ⵜⵎⴰⵏⴻⴳⵜ.
ⴷⴻⴳ ⵓⵏⵏⴰⵔ-ⴰⴳⵉ, ⵜⵙⵏⵓⵔⴻⴼⵜ "ⵙⵓⴳⵔⴰﻟ" ⵜⴻⵙⵙⴻⵔⵔⴻⵙ-ⴷ ⵢⵉⵡⴻⵜ ⵏ ⵓⵎⴻⵥⵍⵓ ⴰⵇⵎⵉ ⴰⵎⴰⵢⵏⵓⵜ ⵉ ⵢⴻⴶⴶⴰⵏ ⵉⵎⵙⴰⴼⵔⴻⵏ, ⵙⴻⴳ ⴷⴷⵓⵕⵜ ⵉⵄⴻⴷⴷⴰⵏ, ⴰⴷ ⴷ-ⴰⵖⴻⵏ ⵜⴰⵏⵙⵉⵡⵉⵏ (billets) ⵏ ⵓⴱⵔⵉⴷ "ⵓⵖⴰⵍ-ⴰⵙⵔⵉⴷ" (aller-retour) ⵙ ⵉⵏⵜⴻⵔⵏⴻⵜ. ⴰⵎⴻⵥⵍⵓ-ⴰⴳⵉ, ⴷⴻⴳ ⵓⵃⵔⵉⵛ-ⵉⵙ ⴰⵎⴻⵣⵡⴰⵔⵓ, ⵢⴻⵄⵏⴰ ⵜⵉⵏⵉⴳⵉⵏ ⵉ ⴷ-ⵉⵟⵟⴻⴼⴼⵖⴻⵏ ⵙⴻⴳ ⵓⵙⴰⴳⴻⵏ ⵏ ⵍⴻⵣⵣⴰⵢⴻⵔ ⵖⴻⵔ ⴱⵉⵙⴽⵔⴰ, ⵙⵟⵉⴼ ⴷ ⵜⵍⴻⵎⵙⴰⵏ, ⵙⴻⵍⴷ ⴰⴷ ⵢⴻⵜⵜⵓⵙⴻⵎⵖⴻⵔ ⵖⴻⵔ ⵢⴰⴽⴽ ⵢⵉⵙⴰⴳⵏⴻⵏ ⵏ ⵜⵎⵓⵔⵜ ⵛⵡⵉⵟ ⵛⵡⵉⵟ.
ⵉⵡⴰⴽⴽⴻⵏ ⴰⴷ ⵜⵏⴻⵔⵏⵉ ⵜⵖⴰⵔⴰ ⵏ ⵢⵉⵎⴻⵥⵍⴰ ⵉ ⵓⵖⵔⵉⵎ ⵓ ⴰⴷ ⵜⵉⴼⵙⵓⵙ ⵜⵉⴷⴷⵉ-ⵏⵙⴻⵏ ⵙ ⵓⴱⴻⵄⵄⴻⴷ ⵖⴻⴼ ⵓⵃⵙⴰⵔⵜⵙⵏⵓⵔⴻⴼⵜ ⵜⴻⵙⵙⴻⵔⵔⴻⵙ 375 ⵏ ⵢⵉⵙⴼⴰⵢⵍⴻⵏ ⵏ ⵓⵣⴻⵏⵣⵉ ⵏ ⵜⴰⵏⵙⵉⵡⵉⵏ ⴷⴻⴳ ⵜⵎⵓⵔⵜ ⵎⴻⵕⵕⴰ, ⴷⴻⴳ-ⵙⴻⵏ 152 ⵏ ⵢⵉⵙⴼⴰⵢⵍⴻⵏ ⵙⵄⴰⵏ ⴰⵍⵍⴰⵍⴻⵏ ⵏ ⵓⵅⴻⵍⵍⴻⵚ ⴰⵍⵉⴽⵜⵔⵓⵏⴰⵏ (ⵜⵒⴻ).
ⴰⵙⵉⵡⴹ ⵉⵙⵙⴻⴽⵜⵉ-ⴷ ⴷⴰⵖⴻⵏ ⴰⵙⵏⴻⴼⵍⵉ ⵏ ⵓⵙⵏⴰⵙ "ⵎⴰⵃⴰⵟⵟⴰⵜⵉ" ⵉⵡⴰⴽⴽⴻⵏ ⴰⴷ ⴷ-ⵢⴰⵡⵉ 62 ⵏ ⵢⵉⵙⴰⴳⵏⴻⵏ ⵏ ⵍⵇⴰⵄⴰ ⵉ ⵜⵙⴻⴷⴷⴻⵔ "ⵙⵓⴳⵔⴰⵍ", ⴰⵢⴻⵏ ⴰⵔⴰ ⵢⴻⴶⴶⴻⵏ ⵉⵎⵙⴰⴼⵔⴻⵏ ⴰⴷ ⴷ-ⴰⵖⴻⵏ ⵜⴰⵏⵙⵉⵡⵉⵏ-ⵏⵙⴻⵏ ⵎⴻⴱⵍⴰ ⵎⴰ ⵏⵏⴰⵏ-ⴷ ⴷⴷⵉⵇ ⵏ ⵜⵉⴷⴷⵉ ⵖⴻⵔ ⵢⵉⵙⴰⴳⵏⴻⵏ. "ⵙⵓⴳⵔⴰⵍ" ⵜⴻⵙⵙⴻⴽⵏⴻⴷ ⴱⴻⵍⵍⵉ ⵣⵣⴻⵏⵣⴻⵏ ⵓⴳⴰⵔ ⵏ 423 ⵏ ⵡⴰⴳⵉⵎⴰⵏ ⵏ ⵜⴰⵏⵙⵉⵡⵉⵏ ⵙ ⵓⴱⵔⵉⴷ ⴰⵇⵎⵉ ⵙⴻⴳ ⵡⴰⵙⵎⵉ ⵉ ⵢⴻⴱⴷⴰ ⵓⵎⴻⵥⵍⵓ-ⴰⴳⵉ, ⵙ ⵓⵙⴻⵎⵔⴻⵙ ⵏ ⵜⴽⴰⵔⴹⵉⵢⵉⵏ ⵏ ⵍⴱⴰⵔⵉⴷ ⴷ ⵜⵉⴷ ⵏ ⵜⴱⴰⵏⵉⴽⵉⵏ. ⴰⵎ ⴰⴽⴽⴻⵏ ⵉ ⴷ-ⵊⵔⴻⴷⴷⴻⵏ ⴰⵣⴰⵍ ⵏ ⵙⵉⵏ ⵏ ⵢⵉⵎⵍⵢⴰⵢⴻⵏ ⵏ ⵓⵊⴻⵔⵔⴻⴷ (downloads) ⵏ ⵓⵙⵏⴰⵙ-ⴰⴳⵉ.
ⴰⵔⵏⵓ ⵖⴻⵔ
