ⴰⵟⴰⵙ ⵏ ⵢⵉⵃⵔⵉⵛⴻⵏ ⵏ ⵜⵓⴷⴻⵔⵜ ⴷⴻⴳ ⵍⵎⴰⵔⵓⴽ ⵍⵍⴰⵏ ⴷⴻⴳ ⵜⵓⴳⴷⵉ ⵜⴰⵎⴰⵜⵓⵜ ⴷ ⵜⵓⴳⵔⵉⵡⵉⵏ ⵉⵊⴻⵀⴷⴻⵏ, ⴰⵢⴰ ⴷ ⴰⵃⴻⵜⵜⴻⵜ ⵎⴳⴰⵍ ⵜⵉⵡⵏⴻⴳⵉⵡⵉⵏ ⵏ ⵜⵏⴻⴱⴱⴰⴹⵜ ⵏ ⵍⵎⴰⴽⵒⵣⴻⵏ. ⵍⵃⴰⵍⴰ ⵏ ⵜⵎⵓⵔⵜ ⴰⴷ ⵜⵉⵊⵀⵉⴷ ⵓⴳⴰⵔ ⵙⴻⴳ ⵡⴰⵙⵙ ⵏ ⵍⴰⵔⴱⵄⴰ ⵉ ⴷ-ⵢⴻⴷⴷⵓⵏ.
ⵜⵉⵙⵏⴻⴱⴹⴰⵢⵉⵏ ⵏ ⵍⵎⴰⵔⵓⴽ ⵍⵍⴰⵏⵜ ⴷⴻⴳ ⵜⵓⴳⴷⵉ ⵜⴰⵎⴰⵜⵓⵜ ⵙⴻⴳ ⵡⴰⵙⵙ ⵏ ⵍⴻⵜⵏⵉⵢⴻⵏ, ⵉⵎⵉ ⵉⵎⵙⵜⴰⵏⴻⵏ (ⵍⴰⵡⵢⴻⵔⵙ) ⴱⴷⴰⵏ ⵜⵓⴳⵔⵉⵡⵜ ⵏ ⵢⵉⵎⴰⵍ ⴽⴰⵎⴻⵍ. ⴰⵃⴻⵜⵜⴻⵜ-ⴰⴳⵉ ⵢⴻⴹⵔⴰ-ⴷ ⵎⴳⴰⵍ ⴰⵙⴻⵏⴼⴰⵔ ⵏ ⵍⵇⴰⵏⵓⵏ ⴰⵎⴰⵢⵏⵓ ⵏ ⵜⵎⵓⵙⵏⵉ-ⵏⵙⴻⵏ ⴷ ⵡⴰⵎⴻⴽ ⵉ ⵜⵜⴻⴷⴷⵓ ⵜⵏⴻⵖⵍⴰⴼⵜ ⵏ ⵍⵃⴻⵇⵇ. ⵉⵎⵙⵜⴰⵏⴻⵏ ⵢⴻⴷⴷⵓⴽⴽⵍⴻⵏ ⴳⴳⴰⵏ ⴰⴳⴰⵍⴷ ⵉ ⵡⴰⴽⴽⴻⵏ ⴰⴷ ⵃⴻⴷⵔⴻⵏ ⵜⴰⵎⵓⵙⵏⵉ-ⵏⵙⴻⵏ ⵎⴳⴰⵍ ⵍⴱⴰⵟⴻⵍ. ⵉⵎⵙⵜⴰⵏⴻⵏ ⵉⵍⵎⴻⵣⵢⴻⵏ ⴰⴷ ⴱⴻⴷⴷⴻⵏ ⴰⵣⴻⴽⴽⴰ ⵏ ⵍⴰⵔⴱⵄⴰ ⴷⴰⵜ ⵜⵏⴻⵖⵍⴰⴼⵜ ⵏ ⵍⵃⴻⵇⵇ ⴷⴻⴳ ⵔⵔⴱⴰⵟ, ⵓⵇⴱⴻⵍ ⵜⵓⴳⵔⵉⵡⵜ ⵜⴰⵎⴻⵇⵇⵔⴰⵏⵜ ⴷⴰⵜ ⵓⴳⵔⴰⵡ ⵏ ⵢⵉⵎⴱⴻⵇⵇⴰⵙ ⴷⴻⴳ ⵡⴰⵙⵙ ⵏ 06 ⴼⵓⵔⴰⵔ ⵉ ⵡⴰⴽⴽⴻⵏ ⴰⴷ ⴰⴷⵔⴻⵏ ⵉⵣⴻⵔⴼⴰⵏ-ⵏⵙⴻⵏ.
ⵙⴻⴳ ⵍⵊⵉⵀⴰ ⵏⵏⵉⴹⴻⵏ, ⴷⴰⵜ ⵓⴳⵔⴰⵡ ⵏ ⵢⵉⵎⴱⴻⵇⵇⴰⵙ, ⵉⵙⴻⵍⵎⴰⴷⴻⵏ ⵏ ⵜⴻⵔⴱⵉⵢⵜ ⵜⴰⵣⵡⴰⵔⴰⵏⵜ ⴳⴳⴰⵏ ⵜⵓⴳⵔⵉⵡⵜ ⵉⴹⴻⵍⵍⵉ ⵏ ⵍⴻⵜⵏⵉⵢⴻⵏ. ⵙⵙⵓⴼⵖⴻⵏ-ⴷ ⴰⵡⴰⵍ ⵉⵊⴻⵀⴷⴻⵏ ⵎⴳⴰⵍ ⵜⴰⵏⴻⴱⴱⴰⴹⵜ ⵉ ⵢⴻⵙⴻⵇⴷⴰⵛⴻⵏ ⵉⵙⴻⵍⵎⴰⴷⴻⵏ ⵙ ⵜⵎⴰⵖⵓⵏⵉⵏ ⵢⴻⵛⵛⵓⵔⴻⵏ ⴷ ⵍⴱⴰⵟⴻⵍ ⵢⴻⵔⵏⴰ ⵓⵔ ⵇⴰⴷⵔⴻⵏⵜ ⵉⵍⵓⴳⴰⵏ ⵏ ⵓⵎⴰⵀⵉⵍ ⴷ ⵜⵎⴻⵏⵙⴰⵢⵜ.
ⴰⵃⵔⵉⵛ ⵏ ⵜⵣⵎⴻⵔⵜ ⵓⵍⴰ ⴷ ⵏⴻⵜⵜⴰ ⴰⴷ ⵢⴻⴳ ⴰⵙⴽⵔⴻⴼ (Sit-in) ⴰⵙⵙ ⵏ ⵍⴽⴻⵎⵉⵙ ⴷⴰⵜ ⵡⴰⵙⵉⵔⴰ ⵏ ⵜⵣⵎⴻⵔⵜ ⴷⴻⴳ ⵢⵉⵏⵣⴳⴰⵏ. ⵜⴰⵙⴷⴰⵡⵉⵜ ⵏ ⵜⵣⵎⴻⵔⵜ ⵜⴻⴱⵢⴻⵏ-ⴷ ⴰⵖⵉⵍⵉⴼ-ⵉⵙ ⵖⴻⴼ ⵡⴰⵎⴻⴽ ⵉⵅⴻⴷⴷⴰⵎⴻⵏ ⴷ ⵢⵉⵎⵓⴹⴰⵏ ⵢⴻⵜⵜⵓⵜⵢⴰ ⵍⴰⵎⴰⵏ-ⵏⵙⴻⵏ ⵙ ⵡⴰⵍⴰⵜⴻⵏ ⵏ ⵓⵄⴰⵙⵙ (Cameras) ⵢⴻⵔⵏⴰ ⵜⴰⵏⴻⴱⴱⴰⴹⵜ ⵜⴻⴱⵯⴰ ⴰⴷ ⵜⴻⵙⵙⴻⴳⴳⴻⴷ ⵡⵉⴷ ⵢⴻⵜⵜⵏⴰⴹⵉⵏ ⵖⴻⴼ ⵓⵙⴻⴳⴳⴻⵎ ⵏ ⵍⵃⴰⵍⴰ.
ⵜⴰⴳⴳⴰⵔⴰ, ⴰⵃⴻⵜⵜⴻⵜ-ⴰⴳⵉ ⵢⴻⵙⴽⴰⵏⴰⵢ-ⴷ ⴱⴻⵍⵍⵉ ⵉⵎⴻⵣⴷⴰⵖ ⵏ ⵍⵎⴰⵔⵓⴽ ⵓⵔ ⵇⴱⵉⵍⴻⵏ ⴰⵔⴰ ⵍⴱⴰⵟⴻⵍ ⵏ ⵜⵏⴻⴱⴱⴰⴹⵜ-ⵏⵙⴻⵏ ⵢⴻⵔⵏⴰ ⵡⴻⵊⵊⴷⴻⵏ ⴰⴷ ⴽⴻⵎⵎⵍⴻⵏ ⴰⴱⵔⵉⴷ ⵏ ⵜⵓⴳⵔⵉⵡⵉⵏ ⴰⵍⴰⵎⵎⴰ ⵡⵡⵉⵏ ⵉⵣⴻⵔⴼⴰⵏ-ⵏⵙⴻⵏ ⴷ ⵜⵍⴻⵍⵍⵉ-ⵏⵙⴻⵏ.
