ⵎⵎⵓⵜⴻⵏ 5 ⵏ ⵢⴻⵎⴷⴰⵏⴻⵏ ⵢⴻⵔⵏⴰ ⵜⵜⵡⴻⵊⵔⵃⴻⵏ 211 ⵏⵏⵉⴹⴻⵏ ⴷⴻⴳ ⵢⵉⵙⴻⵀⵡⵉⵢⴻⵏ ⵏ ⵓⴱⵔⵉⴷ ⵉ ⴷ-ⵢⴻⵜⵜⵡⴰⵊⴻⵔⴷⴻⵏ ⴷⴻⴳ 24 ⵏ ⵜⵙⴰⵄⵜⵉⵏ ⵜⵉⵏⴻⴳⴳⵓⵔⴰ ⵖⴻⴼ ⵡⴰⵟⴰⵙ ⵏ ⵜⴻⵎⵏⴰⴹⵉⵏ ⵏ ⵜⵎⵓⵔⵜ, ⴰⴽⴽⴻⵏ ⵉ ⵜ-ⵉⴷ-ⵜⴻⵡⵡⵉ, ⴰⵙⵙ-ⴰ ⵏ ⵍⵃⴻⴷ, ⵜⴻⴳⵔⵓⵎⵎⴰ ⵏ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵓⵃⵓⴷⴷⵓ ⴰⵖⴰⵔⵉⵎ.
ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵖⴱⴰⵍⵓ-ⴰ, ⵜⵉⴳⵔⴰⵡⵉⵏ ⵏ ⵓⵃⵓⴷⴷⵓ ⴰⵖⴰⵔⵉⵎ ⵊⴻⵔⴷⴻⵏ-ⴷ ⴷⴻⴳ 24 ⵏ ⵜⵙⴰⵄⵜⵉⵏ ⵢⴻⵣⵔⵉⵏ 164 ⵏ ⵢⵉⵏⴻⴽⴽⵛⵓⵎⴻⵏ, ⵉ ⴷ-ⵢⴻⴳⵍⴰⵏ ⵙ 5 ⵏ ⵍⵎⴻⴳⴳⵜⵉⵏ ⴷ 211 ⵏ ⵡⵉⴷ ⵢⴻⵜⵜⵡⴻⵊⵔⵃⴻⵏ ⵙ ⵜⵉⵅⴻⵚⵚⴰⵔⵉⵏ ⵢⴻⵎⵅⴰⵍⴰⴼⴻⵏ, ⴼⴽⴰⵏ-ⴰⵙⴻⵏ ⵜⴰⵍⵍⴻⵍⵜ ⵢⴻⵔⵏⴰ ⵜⴽⴻⵍⵍⴼⴻⵏ ⵢⵉⵙ-ⵙⴻⵏ.
ⵙⵉ ⵜⴰⵎⴰ ⵏⵏⵉⴹⴻⵏ, ⵉⵡⵡⴻⴽⴽⴻⴷ-ⴷ ⵓⵖⴱⴰⵍⵓ-ⴰ ⴷ ⴰⴽⴽⴻⵏ ⵉⵇⴻⴷⴷⵉⵛⴻⵏ ⵏ ⵓⵃⵓⴷⴷⵓ ⴰⵖⴰⵔⵉⵎ ⴽⴻⵛⵎⴻⵏ-ⴷ ⴷⴻⴳ ⵢⵉⵡⴻⵏ ⵏ ⵍⵡⴻⵇⵜ ⵉⵡⴰⴽⴽⴻⵏ ⴰⴷ ⴼⴽⴻⵏ ⵉⵙⴻⵄⴼⴰⵡⴻⵏ ⵉⵎⴻⵣⵡⵓⵔⴰ ⵉ 3 ⵏ ⵢⴻⵎⴷⴰⵏⴻⵏ ⵙⴻⵍⴷ ⵎⵉ ⵓⵣⵣⵖⴻⵏ ⵍⵖⴰⵣ ⵏ ⵓⵏⵓⴽⵙⵉⴷ ⵏ ⵓⴽⴰⵕⴱⵓⵏ ⵉ ⴷ-ⵉⵜⴻⴼⴼⵖⴻⵏ ⵙⴻⴳ ⵢⵉⵙⴻⵃⵎⴰⵢⴻⵏ ⴷ ⵡⴰⵔⵔⴰⵜⴻⵏ ⵏ ⵓⵙⴻⵃⵎⵓ ⵏ ⵡⴰⵎⴰⵏ ⴷⴰⵅⴻⵍ ⵏ ⵢⵉⵅⵅⴰⵎⴻⵏ-ⵏⵙⴻⵏ.
ⴰⵔⵏⵓ ⵖⴻⵔ
