ⵎⴰⵙⵙ ⵏⴰⵙⵔⵉ: ⴰⵙⵙⴰⵖⴻⵏ ⵏ ⴷⵣⴰⵢⴻⵔ-ⵇⴰⵟⴰⵔ ⴷ « ⴰⵎⴻⴷⵢⴰ ⵉ ⵓⵏⵎⵉⵔⴻⴳ ⴰⵄⵕⴰⴱ ⴰⵏⴱⴰⵖⵓⵔ »

ⵉⵡⴻⴽⴽⴻⴷ-ⴷ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ, ⵎⴰⵙⵙ ⴰⵣoⵓⵣ ⵏⴰⵙⵔⵉ, ⴰⵙⵙ ⵏ ⵓⵙⵉⵏⴰⵙ (ⵜⵜⵍⴰⵜⴰ) ⴷⴰⴽⴽⴻⵏ ⴰⵙⵙⴰⵖⴻⵏ ⴳⴰⵔ ⴷⵣⴰⵢⴻⵔ ⴷ ⵇⴰⵟⴰⵔ ⴷ « ⴰⵎⴻⴷⵢⴰ ⵏ ⵓⵏⵎⵉⵔⴻⴳ ⴰɛⵕⴰⴱ ⴰⵏⴱⴰⵖⵓⵔ », ⵢⴻⵔⵏⵓ ⵢⵓⵎⴻⵍ-ⴷ « ⴰⵙⵏⴻⴳⵎⵓ-ⵏⵙⴻⵏ ⵢⴻⵜⵜⴽⴻⵎⵎⵉⵍⴻⵏ » ⴷⴻⴳ ⵡⴰⴽⴽ ⵉⵙⵡⵉⵔⴻⵏ ⵢⴻⵎⴳⴻⵔⵔⴰⴷⴻⵏ.

ⵢⴻⵙⵙⴻⴳⵣⴰ-ⴷ ⵎⴰⵙⵙ ⵏⴰⵙⵔⵉ ⴷⴻⴳ ⵢⵉⵡⴻⵏ ⵏ ⵓⵍⵖⵓ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵇⴰⵟⴰⵔ, ⴷⴻⴳ ⵢⵉⵊⵉⴼⴻⵕ ⵏ ⵓⴷⵔⴰⵡ-ⵏⵏⴻⵙ ⴷⴻⴳ ⵢⵉⵎⴰⵀⵉⵍⴻⵏ ⵏ ⵜⵇⴰⵛⵓⵛⵜ ⵜⴰⵏⵎⴰⴹⴰⵍⵜ ⵜⵉⵙ ⵙⵏⴰⵜ ⵏ ⵓⵙⵏⴻⴳⵎⵓ ⴰⵏⵎⴻⵜⵜⵉ ⴷⴻⴳ ⴷⵓⵃⴰ, ⴷ ⴰⴳⴻⵏⵙⴰⵙ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ, ⴷⴰⴽⴽⴻⵏ ⴰⵙⵙⴰⵖⴻⵏ ⴳⴰⵔ ⴷⵣⴰⵢⴻⵔ ⴷ ⵇⴰⵟⴰⵔ ⴷ « ⴰⵎⴻⴷⵢⴰ ⵉ ⵓⵏⵎⵉⵔⴻⴳ ⴰɛⵔⴰⴱ ⴰⵏⴱⴰⵖⵓⵔ ⴷ ⵓⵎⵙⴻⴳⵣⵓ ⴷ ⵓⵎⵢⴻⴷⵀⴻⵍ », ⵢⵓⵎⴻⵍ-ⴷ ⵎⴰⵜⵜⴰ ⵢⴻⵍⵍⴰⵏ ⴷⴻⴳ-ⵙⴻⵏ ⵙⴻⴳ « ⵓⵙⵏⴻⴳⵎⵓ ⵢⴻⵜⵜⴽⴻⵎⵎⵉⵍⴻⵏ ⵖⴻⴼ ⵢⴻⵙⵡⵉⵔⴻⵏ ⵢⴻⵎⴳⴻⵔⵔⴰⴷⴻⵏ ⵙ ⵍⵎⴻⵏⴷⴰⴷ ⵏ ⵢⵉⵙⴻⵏⴷⴰⵀ ⴷ ⵜⵎⵓⵖⵍⵉⵡⵉⵏ ⵏ ⵙⵉⵏ ⵏ ⵢⴻⵏⵥⴰⴹⴻⵏ ⵏ ⵙⵏⴰⵜ ⵏ ⵜⵎⵓⵔⴰ ».
ⵢⴻⵔⵏⴰ-ⴷ ⴷⴰⴽⴽⴻⵏ ⵙⵏⴰⵜ-ⴰ ⵏ ⵜⵎⵓⵔⴰ ⴱⴹⴰⵏⵜ « ⵢⵉⵡⴻⵜ ⵏ ⵜⵎⵓⵖⵍⵉ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴷⵀⴰⵍ ⵏ ⵜⴻⵎⵙⴰⵍ ⵏ ⵓⵙⵏⴻⴳⵎⵓ ⵓⵏⵣⵉⴳ ⴷ ⵓⵎⴰⵀⵉⵍ ⴰɛⵔⴰⴱ ⵓⴱⵍⵉⴳ », ⴰⵎ ⵡⴰⴽⴽⴻⵏ ⵉ ⴷ-ⵉⵡⴻⴽⴽⴻⴷ ⵖⴻⴼ ⵜⵉⵅⵓⵜⴻⵔⵜ ⵏ « ⵓⵙⴷⵓⵙⵓ ⵏ ⵓⵏⵎⵉⵔⴻⴳ ⴷ ⵓⵙⴻⵎⵢⵓⴷⴷⴻⵙ ⴰⵡⴰⵎⵏⵉ ⴷ ⵓⴷⵉⵒⵍⵓⵎⴰⵜⵉ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⵙ ⵎⴰⵜⵜⴰ ⴰⵔⴰ ⵢⴻⵙⵙⴻǧⴻⵀⴷⴻⵏ ⵜⴰⵖⴻⵍⵍⵉⵙⵜ, ⴰⵔⴽⴰⴷ ⴷ ⵜⵏⴻⴽⵍⵉⵡⵜ ⴷⴻⴳ ⵜⴻⵎⵏⴰⴹⵜ-ⴰ ⴷ ⵓⵎⴰⴹⴰⵍ ».
ⵎⴰⵙⵙ ⵏⴰⵙⵙⴻⵔⵉ ⵢⴻⴱⴷⴻⵔ ⵙⴻⴳ ⵢⵉⴷⵉⵙ-ⵏⵉⴹⴻⵏ, ⴷⴰⴽⴽⴻⵏ ⴷⵣⴰⵢⴻⵔ « ⵜⴻⵙⵙⵎⴻⵎⵎⵉ ⵜⵉⵙⴻⵔⵜⵉⵢⵉⵏ ⵜⵉⵎⵓⵜⴰ ⵏ ⵜⴻⵍⵖⴰ ⵜⴰⵏⵎⴻⵜⵜⵉⵜ ⵜⴰⴼⵔⴰⵔⵢⵜ ⵉ ⵢⴻⵙɛⴰⵏ ⵉⵙⵡⵉ ⵏ ⵓⴹⴽⴰⵍ ⵏ ⵜⴷⴰⵡⵙⴰ ⴷ ⵓⵙⵙⴻⵍⵎⴻⴷ ⴷ ⵓⴷⵀⴰⵍ ⵏ ⵢⵉⵍⴻⵎⵥⵉⵢⴻⵏ ⴷ ⵜⵙⴻⴷⵏⴰⵏ », ⴰⵎ ⵡⴰⴽⴽⴻⵏ ⵉ ⴷ-ⵉⴳⴻⵔ ⵜⴰⵎⴰⵡⵜ ⴷⴰⴽⴽⴻⵏ « ⵓⴳⴰⵔ ⵏ 12 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵏⴻⵍⵎⴰⴷⴻⵏ ⵉⴷⵣⴰⵢⵔⵉⵢⴻⵏ ⵉ ⵢⴻⵙⴼⴰⵢⴷⵉⵏ ⵙⴻⴳ ⵓⵙⵙⴻⵍⵎⴻⴷ, ⴰⵎⴻⵙⵏⵉ, ⵓⵞⵞⵉ ⴷ ⵓⴹⴽⴰⵍ ⴰⴷⴰⵡⵙⴰⵏ ».
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴷⵔⴰⵡ ⵏ ⴷⵣⴰⵢⴻⵔ ⴷⴻⴳ ⵓⵙⴰⵔⴰⴳ-ⴰ, ⵢⴻⵙⵙⴻⴳⵣⴰ-ⴷ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ ⴷⴰⴽⴽⴻⵏ ⴰⵢⴰ ⵢⵓⵙⴻ-ⴷ ⴷⴻⴳ ⵓⴽⴰⵜⴰⵔ ⵏ « ⵓⵙⴻⵃⴱⵉⴱⴻⵔ ⵏ ⴷⵣⴰⵢⴻⵔ ⴰⴽⴽⴻⵏ ⴰⴷ ⵜⴻⵜⵜⴻⴽⴽⵉ ⵙ ⵍǧⴻⵀⴷ ⴷⴻⴳ ⵡⵓⵙⵙⵉⵙⴻⵏ ⵉⴳⵔⴰⵖⵍⴰⵏⴻⵏ ⵢⴻⵍⵍⴰⵏ ⵉⵙⵡⵉ ⵏ ⵓⵙⵎⴰⵍ ⴷ ⵓⵙⴷⵓⵙⵓ ⵏ ⵓⵏⴻⴳⵎⵓ ⴰⵏⵎⴻⵜⵜⵉ ⴷ ⵓⵙⵉⵡⴻⴹ ⵖⴻⵔ ⵜⴻⵖⴷⴻⵎⵜ ⴷ ⵜⴳⴰⴷⴷⴰ ⴳⴰⵔ ⵢⵉⵖⴻⵔⴼⴰⵏ ».