ⵢⴻⵙⵙⴻⵍⵡⴰⵢ ⵓⵏⴻⵖⵍⴰⴼ ⵏ ⵓⵎⴹⴰⵎⴰⵏ ⴰⵖⴻⵍⵏⴰⵡ, ⵜⴰⵡⴰⵛⵓⵍⵜ ⴷ ⵜⴻⵎⵙⴰⵍ ⵏ ⵜⵎⴻⵟⵟⵓⵜ, ⵎⴰⵙⵙⴰ ⵙⵓⵔⴰⵢⴰ ⵎⵓⵓⵍⵓⵓⴷⵊⵉ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵚⵚⴱⴻⵃ, ⴰⵍⴷⴰⵢ ⵏ ⵡⴰⵎⵎⴰⵙ ⵓⴼⵔⵉⵏ ⵉ ⵓⵃⵔⴰⵣ ⵏ ⵡⵉⴷ ⵢⵓⴹⵏⴻⵏ ⵙ ⵜⵓⵣⵣⵢⴰ ⵏ ⵓⵜⵉⵣⵎ ⴷⴻⴳ ⵜⵡⵉⵍⴰⵢⵜ ⵏ ⵡⴰⵀⵔⴰⵏ. ⴰⵎⵎⴰⵙ-ⴰⴳⵉ ⴷ ⴰⵎⴰⵢⵏⵓⵜ ⵉ ⵓⵏⴰⴳⵔⴰⵡ ⴰⴷⵉⴳⴰⵏ ⵏ ⵓⵃⵔⴰⵣ ⵙ ⵜⵎⵓⵖⵍⵉ ⵖⴻⵔ ⵢⵉⵎⵓⴽⴰⵏ ⵏ ⵓⵙⴻⵍⵎⴻⴷ ⴷ ⵓⵊⵊⴻⵢ ⵉⵕⴻⵙⵙⴰⵏⴻⵏ ⴷ ⵡⴰⵍⵍⴰⵍⴻⵏ ⵉⵎⴰⵢⵏⵓⵜⴻⵏ ⵉ ⴷ-ⵢⴻⵡⵡⵉ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⴼⵓⵍⴻⵍ ⴷ ⵓⵙⴻⵣⵔⴻⵖ ⵏ ⵢⵉⵎⵓⴹⴰⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵀⵍⴰⴼⵜ.
ⴰⵙⵉⵡⴹ ⵢⴻⵔⵏⴰ-ⴷ ⴱⴻⵍⵍⵉ ⵜⵏⴻⵖⵍⴰⴼⵜ ⵜⵣⴻⴷⴷⴰ ⴷⴻⴳ ⵜⵉⵔⵣⵉ-ⴰⴳⵉ ⵖⴻⴼ ⵢⴰⴽⴽ ⵜⵉⵣⴻⵖⵡⴰ ⵏ ⵡⴰⵎⵎⴰⵙ ⵉⵡⴰⴽⴽⴻⵏ ⴰⴷ ⵜⴻⵥⴻⵔ ⴰⴷⴷⴰⴷ ⵏ ⵓⵀⴻⴳⴳⵉ-ⵏⵙⴻⵏⵜ; ⵙⴻⴳ ⵜⵉⵣⴻⵖⵡⴰ ⵏ ⵓⵙⴻⵍⵎⴻⴷ ⵉⵕⴻⵙⵙⴰⵏ ⵙ ⵢⵉⵍⵓⴳⴰⵏ ⵉⵎⴰⵢⵏⵓⵜⴻⵏ, ⵖⴻⵔ ⵢⵉⵎⵓⴽⴰⵏ ⵏ ⵓⵙⴻⵣⵔⴻⵖ ⵏ ⵜⵎⵓⵖⵍⵉ ⴷ ⵜⵉⴽⵍⵉ (sensoriel et comportemental) ⵉ ⴷ-ⵉⵜⵜⵓⵙⴱⴻⴷⴷⴻⵏ ⵉ ⵜⵓⴽⴽⵉⵙⵉⵡⵉⵏ ⵏ ⵢⴰⵍ ⴰⵇⵛⵉⵛ, ⵓⵄⴻⴷⴷⵉ ⵙ ⵢⵉⵎⴻⵥⵍⴰ ⵏ ⵜⴰⵔⵜⵓⴼⵓⵏⵢⵜ ⴷ ⵓⵊⵊⴻⵢ ⵏ ⵜⵏⴻⴼⵙⵉⵜ ⴷ ⵓⵎⵓⵙⵙⵓ ⵉ ⵢⴻⵍⵍⴰⵏ ⴷ ⵍⵍⵙⴰⵙ ⵏ ⵓⵊⵊⴻⵢ ⵓⴼⵔⵉⵏ, ⴰⵔⵎⵉ ⴷ ⵜⵉⵣⴻⵖⵡⴰ ⵏ ⵓⵙⴰⵜⵉⴳ ⴷ ⵓⵙⴼⵓⵍⴻⵍ ⵉ ⴷⴻⴳ ⵍⵍⴰⵏ ⵡⴰⵍⵍⴰⵍⴻⵏ ⵉⵜⵉⴽⵏⵉⴽⴻⵏ ⵉⴶⴻⵀⴷⴻⵏ.
ⵉⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ ⴰⵙⴻⵏⴼⴰⵔ-ⴰⴳⵉ ⴷ ⴰⵙⴻⵍⴽⴻⵎ ⵏ ⵜⵓⵔⴰⴹ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵉ ⵓⵙⴱⴻⴷⴷⵉ ⵏ ⵢⵉⵡⴻⵏ ⵏ ⵓⵣⴻⵟⵟⴰ ⵢⴻⴷⴷⵓⴽⴽⵍⴻⵏ ⵏ ⵡⴰⵎⵎⴰⵙⴻⵏ ⵓⴼⵔⵉⵏⴻⵏ ⴷⴻⴳ ⵢⴰⴽⴽ ⵜⵉⵡⵉⵍⴰⵢⵉⵏ ⵏ ⵜⵎⵓⵔⵜ. ⴰⵢⴰⴳⵉ ⵢⴻⵎⵎⴰⵍ-ⴷ ⵓⴱⴻⴷⴷⴻⵍ ⵖⴻⵔ ⵜⴰⵔⵔⴰⵢⵜ ⵏ ⵜⵎⵓⵙⵏⵉⵡⵉⵏ ⵉⴶⴻⵀⴷⴻⵏ ⵓ ⵏⴼⴰⵄⴻⵏ ⴷⴻⴳ ⵓⵃⵔⴰⵣ ⵏ ⵡⴰⵟⵟⴰⵏ ⵏ ⵓⵜⵉⵣⵎ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⴻⴷⵔⴻⵡ ⵙⴻⴳ ⵓⵖⵔⵉⵎ ⴷ ⵓⵙⵙⴻⵎⵖⴻⵔ ⵏ ⵓⵖⵓⵎⵎⵓ ⵏ ⵢⵉⵎⴻⵥⵍⴰ.
ⴷⴻⴳ ⵜⴰⴳⴳⴰⵔⴰ, ⴰⵙⵉⵡⴹ ⵉⵙⵙⴻⴽⵏⴻⴷ ⴱⴻⵍⵍⵉ ⴰⵎⵎⴰⵙ ⵏ ⵡⴰⵀⵔⴰⵏ ⵢⵓⵙⴰ-ⴷ ⵙⴻⵍⴷ ⴰⵎⵎⴰⵙ ⵏ ⴱⴻⵛⵛⴰⵔ ⵉ ⴷ-ⵜⴻⵍⴷⴰⴷ ⵉⴹⴻⵍⵍⵉ, ⴷ ⵜⴰⵍⵍⵉⵜ ⵜⵉⵙ ⵙⵏⴰⵜ ⴷⴻⴳ ⵓⴱⵔⵉⴷ-ⴰⴳⵉ ⵏ ⵓⴼⵔⴰⵇ ⵏ ⵜⵓⴷⴷⵙⵉⵡⵉⵏ-ⴰⴳⵉ ⴷⴻⴳ ⵜⵎⵓⵔⵜ ⵎⴻⵕⵕⴰ ⵓⵇⴱⴻⵍ ⴰⵏⴻⴽⵛⵓⵎ ⵏ ⵓⵖⴻⵔⴱⴰⵣ ⵉ ⴷ-ⵉⵜⵜⴻⴷⴷⵓⵏ. ⵜⵏⴻⵖⵍⴰⴼⵜ ⵜⴻⵄⵍⴻⵎ-ⴷ ⴷⴰⵖⴻⵏ ⴱⴻⵍⵍⵉ ⵍⵍⴰⵏ-ⴷ ⵡⴰⵎⵎⴰⵙⴻⵏ ⴷ ⵢⵉⴼⵓⵔⴽⴰⵏ ⵏⵏⵉⴹⴻⵏ ⵉ ⵀⴻⴳⴳⴰⵏ ⴰⵔⴰ ⵢⴻⵍⴹⵉⵏ ⵜⵉⵡⵡⵓⵔⴰ-ⵏⵙⴻⵏ ⴷⴻⴳ ⵜⴰⵍⵍⵉⵜ ⵏ ⵓⵖⴻⵔⴱⴰⵣ 2026-2027 ⴷⴻⴳ ⵜⵡⵉⵍⴰⵢⵉⵏ ⵏ ⵜⴱⴻⵙⵜ, ⵜⵉⵒⴰⵣⴰ ⴷ ⵍⴻⵣⵣⴰⵢⴻⵔ.
ⴰⵔⵏⵓ ⵖⴻⵔ
