ⵜⴰⵏⴻⵖⵍⴰⴼⵜ ⵏ ⵓⵎⴹⴰⵎⴰⵏ ⴰⵖⴻⵍⵏⴰⵡ, ⵜⴰⵡⴰⵛⵓⵍⵜ ⴷ ⵜⴻⵎⵙⴰⵍ ⵏ ⵜⵎⴻⵟⵟⵓⵜ, ⵎⴰⵙⵙⴰ ⵙⵓⵔⴰⵢⴰ ⵎⵓⵓⵍⵓⵓⴷⵊⵉ, ⵜⵓⵙⴰ-ⴷ ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵢⵉⵡⴻⵜ ⵏ ⵜⵉⵔⵣⵉ ⵏ ⵓⵎⴰⵀⵉⵍ ⵖⴻⵔ ⵜⵡⵉⵍⴰⵢⵜ ⵏ ⴱⵓⵎⴻⵔⴷⴰⵙ ⵉ ⵓⵙⴼⵓⵍⴻⵍ ⵏ ⵢⵉⵙⴻⵏⴼⴰⵔⴻⵏ ⵏ ⵓⵏⵏⴰⵔ ⴷ ⵓⵙⴻⴶⵀⴻⴷ ⵏ ⵢⵉⵎⴻⵥⵍⴰ ⵏ ⵓⵃⵔⴰⵣ ⵏ ⵜⵏⴻⴼⵙⵉⵜ ⴷ ⵓⵙⴻⵍⵎⴻⴷ ⵉ ⵢⵉⴳⴻⵔⴷⴰⵏ ⵢⴻⵙⵄⴰⵏ ⵜⵓⴽⴽⵉⵙⵉⵡⵉⵏ ⵉⵕⴻⵙⵙⴰⵏ.
ⴷⴻⴳ ⵜⵉⵔⵣⵉ-ⴰⴳⵉ, ⵜⴻⵍⵍⴰ-ⴷ ⵙ ⵜⵎⵓⵖⵍⵉ ⵏ ⵍⵡⴰⵍⵉ ⵏ ⵜⵡⵉⵍⴰⵢⵜ, ⵎⴰⵙⵙⴰ ⴼⴰⵡⵣⵉⴰ ⵏⴰⴰⵎⴰ, ⵉⵡⴰⴽⴽⴻⵏ ⴰⴷ ⵡⴰⵍⵉⵏⵜ ⵢⴰⴽⴽ ⵢⵉⵙⴻⵏⴼⴰⵔⴻⵏ ⵏ ⵓⵙⵙⴻⵜⵎⴻⵔ ⵏ ⵓⵏⵏⴰⵔ. ⵜⴻⴱⴷⴰ ⵙ ⵓⵙⴼⵓⵍⴻⵍ ⵏ ⵢⵉⵡⴻⵏ ⵏ ⵓⵙⴻⵏⴽⴻⴷ ⵖⴻⴼ ⵜⵎⵓⵀⴰⵍ ⵉ ⵉⵜⴻⴷⴷⵓⵏ, ⴷ ⵓⵕⵓⵚⵓ ⵏ ⵓⴱⵍⴰⴹ ⵏ ⵍⵍⵙⴰⵙ ⵏ ⵡⴰⵎⵎⴰⵙ ⵏ ⵜⵏⴻⴼⵙⵉⵜ ⴷ ⵓⵙⴻⵍⵎⴻⴷ ⴷⴻⴳ ⵜⵖⵉⵡⴰⵏⵜ ⵏ ⴱⵓⴷⵡⴰⵡ, ⴷ ⵓⵄⴰⵡⴻⴷ ⵏ ⵓⵣⵉⵣⵣⴻⴷ ⵏ ⵡⴰⵎⵎⴰⵙ ⵏ ⵜⵉⵊⴰⵍⴰⴱⵉⵏ. ⵉⵙⵡⵉ ⵏ ⵜⵉⴳⴳⴰⵡⵜ-ⴰⴳⵉ ⴷ ⴰⵙⵙⴻⴷⵔⴻⵡ ⵏ ⵢⵉⵎⴻⵥⵍⴰ ⵙⴻⴳ ⵢⵉⵎⴻⵣⴷⴰⵖ ⴷ ⵓⵙⴻⴶⵀⴻⴷ ⵏ ⵓⵣⴻⵟⵟⴰ ⵏ ⵜⵓⴷⴷⵙⵉⵡⵉⵏ ⵓⴼⵔⵉⵏⴻⵏ.
ⵎⴰⵙⵙⴰ ⵎⵓⵓⵍⵓⵓⴷⵊⵉ ⵜⵡⴰⵍⴰ ⴷⴰⵖⴻⵏ ⴰⵙⴻⵏⴼⴰⵔ ⵏ ⵓⵙⵙⴻⵎⵖⴻⵔ ⵏ ⵡⴰⵎⵎⴰⵙ ⵏ ⵜⵏⴻⴼⵙⵉⵜ ⴷ ⵓⵙⴻⵍⵎⴻⴷ ⴷⴻⴳ ⵜⵖⵉⵡⴰⵏⵜ ⵏ ⵜⵏⵉⵢⴰ - ⵙⵖⵉⵔⴰⵜ. ⵜⴳⴻⵔ ⵜⴰⵎⴰⵡⵜ ⵖⴻⴼ ⵜⴻⴳⵏⴰⵜⵉⵏ ⵏ ⵓⵃⵔⴰⵣ ⴷ ⵡⴰⵎⴻⴽ ⵉ ⵉⵜⴻⴷⴷⵓ ⵓⵙⴻⵏⴼⴰⵔ ⵏ ⵓⵙⵙⴻⵎⵖⴻⵔ ⵉ ⵢⴻⴱⵖⴰⵏ ⴰⴷ ⵢⴻⵙⵏⴻⵔⵏⵉ ⵜⴰⵣⵎⴻⵔⵜ ⵏ ⵓⵃⵔⴰⵣ ⴷ ⵜⵖⴰⵔⴰ ⵏ ⵢⵉⵎⴻⵥⵍⴰ ⵉ ⴷ-ⵉⵜⵜⵓⵏⴻⴼⴽⴻⵏ. ⵜⴻⵙⵎⴻⵃⵙⴻⵍ ⵉ ⵢⵉⵙⴻⴳⵣⴰⵢⴻⵏ ⵖⴻⴼ ⵡⴰⵣⴰⵍ ⵏ ⵓⵙⴻⵏⴼⴰⵔ ⵉ ⵓⵟⵎⴰⵏ ⵏ ⵢⵉⵎⵓⴽⴰⵏ ⵏⵏⵉⴹⴻⵏ ⵉⵕⴻⵙⵙⴰⵏ ⵉ ⵡⴰⵀⵉⵍⴻⵏ ⵏ ⵓⵙⴻⵍⵎⴻⴷ, ⴷ ⵓⵙⵏⴻⵔⵏⵉ ⵏ ⵜⴻⴳⵏⴰⵜⵉⵏ ⵏ ⵓⵎⵎⴰⴳⴻⵔ ⴷ ⵓⵃⵔⴰⵣ ⵏ ⵡⴰⵟⴰⵙ ⵏ ⵜⵎⵓⵀⴰⵍ.
ⴷⴻⴳ ⵢⴰⵍ ⵜⴰⵍⵍⵉⵜ, ⵜⵏⴻⵖⵍⴰⴼⵜ ⵜⴻⵙⴻⵀⵔⴻⵙ ⵖⴻⴼ ⵡⴰⵣⴰⵍ ⵏ ⵓⵇⴰⴷⴻⵔ ⵏ ⵢⵉⵍⵓⴳⴰⵏ ⵏ ⵓⵜⵉⴽⵏⵉⴽ ⴷ ⵜⵀⴰⵏⴷⴻⵙⵜ ⴷ ⵓⵟⵎⴰⵏ ⵏ ⵜⵖⴰⵔⴰ ⵏ ⵡⴰⵍⵍⴰⵍⴻⵏ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵢⵉⵡⴻⵏ ⵏ ⵓⵎⴽⴰⵏ ⵉⵃⴻⵔⵣⴻⵏ ⵉ ⵢⵉⴳⴻⵔⴷⴰⵏ ⵓ ⴰⴷ ⴷ-ⵢⵉⵍⵉ ⵓⵙⵉⴷⵔⴻⵡ-ⵏⵙⴻⵏ ⵙ ⵍⴻⴽⵎⴰⵍ ⴷⴻⴳ ⵜⵎⴻⵜⵜⵉ.
ⵜⵉⵔⵣⵉ-ⴰⴳⵉ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵓⵙⴼⵓⵍⴻⵍ ⵏ ⵓⵙⵏⴻⴼⵍⵉ ⵏ ⵜⵓⴷⴷⵙⵉⵡⵉⵏ ⵏ ⵜⵎⴻⵜⵜⵉ ⵉ ⵢⴻⵄⵏⴰⵏ ⵜⴰⴳⵔⵓⵎⵎⴰ-ⴰⴳⵉ ⵓⴼⵔⵉⵏⴻⵏ, ⵉ ⵓⵟⵎⴰⵏ ⵏ ⵓⵃⵔⴰⵣ ⵢⴻⵍⵀⴰⵏ ⴷ ⵓⵙⴻⴶⵀⴻⴷ ⵏ ⵓⵣⴻⵟⵟⴰ ⵏ ⵜⵎⵓⵙⵏⵉⵡⵉⵏ ⵏ ⵜⵎⴻⵜⵜⵉ ⴷⴻⴳ ⵜⵡⵉⵍⴰⵢⵜ ⵙ ⵡⴰⵍⵍⴰⵍⴻⵏ ⵓⴼⵔⵉⵏⴻⵏ.
ⴰⵔⵏⵓ ⵖⴻⵔ
