ⴰⵙⴻⵍⵡⴰⵢ ⴰⵏⴻⴳⴳⴰⵔⵓ ⵏ ⵜⴽⴻⴱⴱⴰⵏⵉⵜ ⵏⴰⴼⵟⴰⵍ, ⴶⴰⵎⴰⵍ ⵛⴻⵔⴷⵓⴷ, ⵢⴻⵙⵜⴻⵇⴱⴻⵍ ⴰⵙⵙ-ⴰ ⵏ ⵓⵜⵍⴰⵢⴰ ⴷⴻⴳ ⵓⵇⴻⵔⵔⵓ ⵏ ⵜⴽⴻⴱⴱⴰⵏⵉⵜ, ⴰⵎⴹⴻⴱⴱⴻⵔ ⴰⵎⴰⵜⵓ ⵏ ⵜⴽⴻⴱⴱⴰⵏⵉⵜ ⵏ ⵏⵏⵉⵊⴻⵔ ⵙⵓⵏⵉⴷⵉⴱ (SONIDEP), ⵄⴰⵍⵉ ⵙⵉⴱⵓ ⵃⴰⵙⴰⵏⵉ, ⵉⵡⴰⴽⴽⴻⵏ ⴰⴷ ⵙⵙⴻⵊⵀⵉⴷⴻⵏ ⴰⵎⵢⴰⵡⴰⵙ ⴷ ⵜⴰⵎⴷⵔⴰⵡⵜ ⴳⴰⵔ ⵙⵏⴰⵜ ⵏ ⵜⵎⴻⵔⵙⴻⵍⵉⵏ.
ⴰⴳⵔⴰⵡ-ⴰⴳⵉ ⵢⴻⵍⵍⴰ-ⴷ ⴷ ⵜⴰⴳⵏⵉⵜ ⵉⵡⴰⴽⴽⴻⵏ ⴰⴷ ⵡⴰⵍⵉⵏ ⴰⵙⵡⵉⵔ ⵏ ⵢⵉⵙⴻⵏⴼⴰⵔⴻⵏ ⵢⴻⵣⴷⵉⵏ ⴳⴰⵔ-ⴰⵙⴻⵏ, ⵍⴰⴷⵖⴰ ⴷⴻⴳ ⵓⵃⵔⵉⵛ ⵏ ⵓⵛⵃⴻⵏ ⴷ ⵓⴱⵔⵓⵣ ⵏ ⵢⵉⴼⴰⵔⵉⵙⴻⵏ ⵏ ⵍⴱⴰⵜⵔⵓⵍ, ⴰⵙⵏⴻⴼⵍⵉ ⵏ ⵜⵎⵓⵔⵙⵉⵡⵉⵏ, ⴰⴽⴽⴻⴷ ⵓⵙⴻⵍⵎⴻⴷ ⴷ ⵓⴱⴻⴷⴷⴻⵍ ⵏ ⵜⵎⵓⵙⵏⵉⵡⵉⵏ.
ⵡⴰⵍⴰⵏ ⴷⴰⵖⴻⵏ ⴰⴱⵔⵉⴷ ⵏ ⵓⵙⴻⵊⵀⵉⴷ ⵏ ⵜⴰⵎⴷⵔⴰⵡⵜ ⵉⵡⴰⴽⴽⴻⵏ ⴰⴷ ⵙⵏⴻⵔⵏⵉⵏ ⵜⵉⵣⴻⵎⵔⴰ ⵏ ⵓⵛⵃⴻⵏ ⴷ ⵓⴱⵔⵓⵣ, ⵢⴻⵔⵏⴰ ⴰⴷ ⴼⴰⵢⴷⵉⵏ ⴳⴰⵔ-ⴰⵙⴻⵏ ⵙⴻⴳ ⵜⵉⵔⵎⵉⵜⵉⵏ ⵏ ⵢⴰⵍ ⵜⴰⴽⴻⴱⴱⴰⵏⵉⵜ ⵉⵡⴰⴽⴽⴻⵏ ⴰⴷ ⵍⴷⵉⵏ ⵉⴱⴻⵔⴷⴰⵏ ⵏ ⵓⵎⵢⴰⵡⴰⵙ ⴰⵎⴰⵢⵏⵓ.
ⴷⴻⴳ ⵜⴰⴳⴰⵔⴰ ⵏ ⵓⴳⵔⴰⵡ, ⵎⵙⴻⴼⵀⴰⵎⴻⵏ ⴰⴷ ⵅⴷⴻⵎⴻⵏ ⴰⴳⵔⴰⵡ ⵡⵉⵙ ⵙⵉⵏ ⴰⵙⵙ ⵏ ⵓⵜⵍⴰⵢⴰ ⵉ ⴷ-ⵉⵜⴻⴷⴷⵓⵏ ⵙ ⵜⴻⵇⵏⵉⵜ ⵏ ⵓⴱⵄⵉⴷ, ⵉⵡⴰⴽⴽⴻⵏ ⴰⴷ ⴼⵔⵓⵏ ⵍⵓⵎⵓⵔ ⵏ ⵢⵉⵙⴻⵏⴼⴰⵔⴻⵏ ⵉ ⴷ-ⵢⴻⵍⵍⴰⵏ ⴷⴻⴳ ⵓⵎⵛⴰⵡⴰⵔ ⵏ ⵓⵎⵢⴰⵡⴰⵙ ⴳⴰⵔ ⵍⴻⵣⵣⴰⵢⴻⵔ ⴷ ⵏⵏⵉⵊⴻⵔ.
ⴰⵔⵏⵓ ⵖⴻⵔ
