ⵏⵏⵄⴰⵎⴰ – ⵎⵎⵓⵜ ⵢⵉⵡⴻⵏ ⵓⵎⴷⴰⵏ ⵢⴻⵔⵏⴰ ⵊⴻⵔⵔⵃⴻⵏ 29 ⵏⵏⵉⴹⴻⵏ ⴷⴻⴳ ⵢⵉⵡⴻⵏ ⵓⴽⵙⴰⵔ ⵏ ⵜⴽⴰⵔⵔⵉⵙⵜ ⵏ ⵡⴰⵙⵙⴰⵢ ⵏ ⵢⵉⵎⴻⵣⴷⴰⵯ ⵉ ⴷ-ⵢⴻⴹⵔⴰⵏ ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵜⵖⵉⵡⴰⵏⵜ ⵏ ⵎⵖⵔⴰⵔ, ⵜⴰⵎⵏⴰⵟ ⵏ ⵏⵏⵄⴰⵎⴰ. ⴰⵢⴰ ⵉ ⴷ-ⵢⴻⵏⵏⴰ ⵡⴰⵍⵯⵓ ⵏ ⵜⵖⴻⵍⵜ ⵏ ⵢⵉⵙⴰⵍⵍⴻⵏ ⵏ ⵓⵃⴰⴷⴰⵔ ⴰⵎⴰⴷⴰⵏ.
ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵯⵓ-ⵏⵏⵉ, ⴰⴽⵙⴰⵔ-ⴰⴳⵉ ⵢⴻⴹⵔⴰ-ⴷ ⵉⵎⵉ ⵜⴻⴼⴼⴻⵯ ⵢⴻⵔⵏⴰ ⵜⴻⴳⵔⴻⵔ ⵢⵉⵡⴻⵜ ⵏ ⵜⴽⴰⵔⵔⵉⵙⵜ ⵏ ⵡⴰⵙⵙⴰⵢ ⵏ ⵢⵉⵎⴻⵣⴷⴰⵯ ⵉ ⵢⴻⵇⴷⴻⵛⴻⵏ ⴳⴰⵔ ⵜⵡⵉⵍⴰⵢⵉⵏ ⵏ ⴱⴻⵛⵛⴰⵔ ⴷ ⵛⵛⵍⴻⴼ. ⵍⵍⴰⵏ ⴷⴻⴳ-ⵙ 30 ⵏ ⵢⵉⵎⴷⴰⵏⴻⵏ. ⵜⴰⵡⴰⵖⵉⵜ-ⴰⴳⵉ ⵜⴻⴹⵔⴰ-ⴷ ⴷⴻⴳ ⵓⴱⵔⵉⴷ ⴰⵯⴻⵍⵏⴰⵡ ⵓⵟⵟⵓⵏ 6 ⴳⴰⵔ ⵎⵖⵔⴰⵔ ⴷ ⵄⵉⵏ ⵚⵚⴻⴼⵔⴰ. ⵢⴻⵊⵊⴰ-ⴷ ⵍⵎⵓⵜ ⵏ ⵢⵉⵡⴻⵜ ⵏ ⵜⵎⴻⵟⵟⵓⵜ ⵉⵎⵉⵔⴻⵏ ⴽⴰⵏ ⴷ ⵓⵊⴻⵔⵔⴻⵃ ⵏ 29 ⵏ ⵢⵉⵎⴷⴰⵏⴻⵏ ⵍ lⵄⴻⵎⵔ-ⵏⵙⴻⵏ ⴳⴰⵔ ⴽⵔⴰⴹ (03) ⴷ 64 ⵏ ⵢⵉⵙⴻⴳⴳⴰⵙⴻⵏ.
ⵢⵉⴳⵔⴰⵡⴻⵏ ⵏ ⵓⵃⴰⴷⴰⵔ ⴰⵎⴰⴷⴰⵏ, ⵙ ⵜⴰⵍⵍⴻⵍⵜ ⵏ ⵜⴼⵓⵔⴽⵉⵏ ⵏ ⵚⴼⵉⵚⵉⴼⴰ ⴷ ⵄⵉⵏ ⵚⵚⴻⴼⵔⴰ, ⵇⴷⴻⵛⴻⵏ ⵉ ⵡⴰⴽⴽⴻⵏ ⴰⴷ ⴼⴽⴻⵏ ⵍ lⵄⴻⵏⴰⵢⴰ ⵜⴰⵣⵡⴰⵔⴰⵏⵜ ⵉ ⵢⵉⵊⴻⵔⵔⵉⵃⴻⵏ ⴷⴻⴳ ⵓⵎⴽⴰⵏ-ⵏⵏⵉ ⵉⵎⵉⵔⴻⵏ ⴽⴰⵏ. ⵎⴱⴰⵄⴻⴷ ⵡⵡⵉⵏ-ⵜⴻⵏ ⵖⴻⵔ ⵡⴰⵎⵎⴰⵙ ⵏ ⵓⴷⴰⵡⵉ ⵏ ⵎⵖⵔⴰⵔ ⴷ ⵓⵙⴳⵏⴰⴼ (ⵙⴱⵉⵜⴰⵔ) ⴰⴳⴷⵓⴷⴰⵏ "ⵎⵓⵃⴰⵎⴻⴷ ⴱⵓⴹⵢⴰⴼ" ⴷⴻⴳ ⵄⵉⵏ ⵚⵚⴻⴼⵔⴰ.
ⵜⴰⴳⴳⴰⵔⴰ, ⵢⵉⴳⵔⴰⵡⴻⵏ ⵏ ⵍⴰⵎⴰⵏ ⵍⴷⵉⵏ ⵢⵉⵡⴻⵏ ⵓⵏⴰⴷⵉ ⵉ ⵡⴰⴽⴽⴻⵏ ⴰⴷ ⵡⵉⵙⴻⵏ ⵙ ⵜⴼⴰⵡⵜ ⵙⴻⴱⴱⴰ ⵏ ⵓⴽⵙⴰⵔ-ⴰⴳⵉ ⵢⴻⵙⵙⴻⴳⴳⴼⴻⵏ.
ⴰⵔⵏⵓ ⵖⴻⵔ
