ⵢⴻⵍⵍⴰ-ⴷ ⵜⴰⵙⴻⴱⴱⵃⵉⵜ ⵏ ⵡⴰⵙⵙ-ⴰ ⵏ ⵍⵀⴻⴷ ⴷⴻⴳ ⵓⴱⵉⵕⵓ ⵏ ⵜⵏⴻⵖⵍⴰⴼⵜ ⵏ ⵡⴰⴷⴷⴰⵍ, ⵓⵙⵜⴻⵏⵢⵉ ⵏ ⵢⵉⵡⴻⵏ ⵏ ⵓⵎⵜⴰⵡⴰ ⵏ ⵓⵣⴻⵏⵣⵉⵖ ⵉ ⵜⴷⵓⴽⵍⵉ ⴷ ⵓⵎⵢⴻⵛⵛⴻⵔ ⴳⴰⵔ ⵜⵏⴻⵖⵍⴰⴼⵜ ⵏ ⵡⴰⴷⴷⴰⵍ ⴷ ⵜⵏⴻⵀⵎⴰⵍⵜ ⵜⴰⵎⴰⵜⵓⵜ ⵏ ⵜⵎⴰⵏⴻⴳⵜ ⵜⴰⵖⴻⵍⵏⴰⵡⵜ. ⵉⵙⵡⵉ ⵏ ⵜⵉⴳⴳⴰⵡⵜ-ⴰⴳⵉ ⴷ ⴰⴷⴻⴳⴳⴻⵔ ⴷ ⵓⵙⵏⴻⴼⵍⵉ ⵏ ⵜⵉⴳⴳⴰⵜⵉⵏ ⵏ ⵍⴶⴻⵜ ⴷ ⵡⴰⴷⴷⴰⵍ ⵉ ⵏⴼⴰⵄ ⵏ ⵢⵉⵎⴰⵙⵍⴰⴷⴻⵏ ⵏ ⵙⵉⵏ ⵏ ⵢⵉⵏⵏⴰⵔⴻⵏ-ⴰⴳⵉ. ⴰⵢⴰⴳⵉ ⵉⵜⴻⴷⴷⵓ ⴷⴻⴳ ⵓⴱⵔⵉⴷ ⵏ ⵓⵙⴻⵍⴽⴻⵎ ⵏ ⵜⵙⴻⵔⵜⵉⵜ ⵏ ⵓⵡⴰⵏⴰⴽ ⵉ ⵢⴻⴱⵖⴰⵏ ⴰⵙⴰⵍⵉ ⵏ ⵓⵙⵡⵉⵔ ⵏ ⵡⴰⴷⴷⴰⵍ ⴷ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴳⴰⵔ ⵜⵎⵓⵙⵏⵉⵡⵉⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵎⴰⵏⴻⴳⵜ ⵜⴰⵖⴻⵍⵏⴰⵡⵜ.
ⵙ ⴷⴷⴰⵡ ⵏ ⵓⵖⴱⴰⵍⵓ-ⵏⵏⵉ, ⴰⵎⵜⴰⵡⴰ-ⴰⴳⵉ ⵙⵜⴻⵏⵢⴰⵏ ⴼⴻⵍⵍ-ⴰⵙ ⵓⵎⴰⵏⴰⵢ ⴰⵎⴰⵜⴰ ⵏ ⵜⵏⴻⵖⵍⴰⴼⵜ ⵏ ⵡⴰⴷⴷⴰⵍ, ⵎⴰⵙⵙ ⴼⵓⵓⴰⴷ ⵎⴰⴽⵀⵍⵓⵓⴼ, ⴷ ⵓⵎⴹⴻⴱⴱⴻⵔ ⴰⵎⴰⵜⵓ ⵏ ⵜⵎⴰⵏⴻⴳⵜ ⵜⴰⵖⴻⵍⵏⴰⵡⵜ, ⵎⴰⵙⵙ ⵄⵍⵉ ⴱⴰⴷⴰⵡⵉ, ⵙ ⵜⵉⵍⵉⵜ ⵏ ⵓⵏⴻⵖⵍⴰⴼ ⵏ ⵡⴰⴷⴷⴰⵍ, ⵎⴰⵙⵙ ⵡⴰⵍⵉⴷ ⵚⴰⴷⵉ, ⴷ ⵢⵉⵎⴹⴻⴱⴱⵔⴻⵏ ⵏ ⴷⴰⵅⴻⵍ ⵏ ⵙⵏⴰⵜ ⵏ ⵜⴰⵎⵉⵡⵉⵏ.
ⵉⵙⵡⵉ ⵏ ⵓⵎⵜⴰⵡⴰ-ⴰⴳⵉ ⴷ ⴰⵙⴱⴻⴷⴷⵉ ⵏ ⵢⵉⵡⴻⵏ ⵏ ⵓⵣⴻⵏⵣⵉⵖ ⵏ ⵓⵎⴰⵀⵉⵍ ⵉ ⵓⵎⵙⴰⵙⴻⵢ ⴷ ⵓⵎⵢⴻⵛⵛⴻⵔ ⴷⴻⴳ ⵢⵉⵏⵏⴰⵔⴻⵏ ⵏ ⵓⵙⵉⵍⴻⵖ ⴷ ⵓⵙⴼⵓⵍⴻⵍ ⴰⵙⴰⴼⴰⵔⴰⵏ, ⴷ ⵓⵙⵓⴷⴷⴻⵙ ⵏ ⵢⵉⵎⵣⵉⵣⵡⴻⵔ ⴷ ⵜⴼⴰⵙⴽⵉⵡⵉⵏ ⵏ ⵡⴰⴷⴷⴰⵍ, ⵎⴻⴱⵍⴰ ⵎⴰ ⵏⴻⵜⵜⵓ ⴰⵎⵓⴱⴱⴰⴷⴷⴻⵍ ⵏ ⵜⵎⵓⵖⵍⵉⵡⵉⵏ ⵉ ⵓⵙⵏⴻⵔⵏⵉ ⵏ ⵜⵎⴰⴳⵉⵜ ⵏ ⵡⴰⴷⴷⴰⵍ ⴷ ⵓⵕⵓⵚⵓ ⵏ ⵡⴰⵣⴰⵍⴻⵏ ⵏ ⵜⴰⵏⵉⵜ ⵏ ⵓⵖⵔⵉⵎ (citoyenneté) ⴷ ⵓⵏⴹⵉⴱⴰⵜ ⴷ ⵓⵎⴰⵀⵉⵍ ⴰⵎⴻⵣⴷⴰⵢ.
ⴷⴰⵖⴻⵏ, ⵜⴰⴷⵓⴽⵍⵉ-ⴰⴳⵉ ⴷ ⴰⵙⵓⵔⵉⴼ ⵉⵕⴻⵙⵙⴰⵏ ⵉ ⵓⵙⵙⴻⵎⵖⴻⵔ ⵏ ⵓⵙⴻⵎⵔⴻⵙ ⵏ ⵡⴰⴷⴷⴰⵍ ⴷⴻⴳ ⵜⵎⴻⵜⵜⵉ ⵉⵡⴰⴽⴽⴻⵏ ⴰⴷ ⵢⵓⵖⴰⵍ ⴷ ⵓⴱⵔⵉⴷ ⵏ ⵜⵓⴷⴻⵔⵜ (mode de vie), ⵓ ⴰⴷ ⴷ-ⵢⵉⵍⵉ ⵓⴼⵓⵙ ⵏ ⵜⴰⵍⵍⴻⵍⵜ ⵉ ⵍⵎⴻⴶⵀⵓⴷⴰⵜ ⵏ ⵓⵡⴰⵏⴰⴽ ⴷⴻⴳ ⵓⵙⵏⴻⵔⵏⵉ ⵏ ⵜⴰⵣⵣⵉⵜ ⵜⴰⴳⴷⵓⴷⴰⵏⵜ ⴷ ⵓⵃⵔⴰⵣ.
ⵙⵏⴰⵜ ⵏ ⵜⴰⵎⵉⵡⵉⵏ ⵙⵏⴻⴽⴷⴻⵏⵜ ⵍⴻⴱⵖⵉ-ⵏⵙⴻⵏⵜ ⵉ ⵓⵙⴻⵍⴽⴻⵎ ⵏ ⵢⵉⵎⴰⴳⵔⴰⴷⴻⵏ ⵏ ⵓⵎⵜⴰⵡⴰ-ⴰⴳⵉ ⴷⴻⴳ ⵡⴰⵏⵏⴰⵔ ⵙ ⵓⵙⴱⴻⴷⴷⵉ ⵏ ⵡⴰⵀⵉⵍⴻⵏ ⵏ ⵓⵎⴰⵀⵉⵍ ⵉⵎⴻⵣⴷⴰⵢⴻⵏ ⴷ ⵜⵉⴳⴳⴰⵜⵉⵏ ⵏ ⵡⴰⴷⴷⴰⵍ ⴷ ⵓⵙⵉⵍⴻⵖ ⵉ ⵉⵜⴻⴷⴷⵓⵏ, ⵉⵡⴰⴽⴽⴻⵏ ⴰⴷ ⵢⵓⵖⴰⵍ ⵡⴰⴷⴷⴰⵍ ⴷ ⴰⵍⵍⴰⵍ ⵉⵕⴻⵙⵙⴰⵏ ⵉ ⵓⵙⵏⴻⴼⵍⵉ ⵏ ⵜⴰⵍⵙⴰ ⴷ ⵓⴷⵓⴽⴽⴻⵍ ⵏ ⵜⵎⴻⵜⵜⵉ.
ⴰⵔⵏⵓ ⵖⴻⵔ
