ⴰⵎⴻⵣⵍⵓ ⵏ ⵜⵎⵓⵔⴰ ⵢⴻⴷⴷⵓⴽⴽⵍⴻⵏ ⵉ ⵜⴰⵍⵍⴰⵍⵜ ⴷ ⵓⵙⴻⵍⵎⴻⴷ ⵏ ⵢⵉⵏⵉⴳⴰⵢⴻⵏ ⵏ ⴼⵉⵍⵉⵙⵟⵉⵏ (ⵓⵏⵔⵡⴰ) ⵜⴻⵙⵙⴰⵡⴻⴹ-ⴷ ⴱⴻⵍⵍⵉ ⵓⴳⴰⵔ ⵏ 12 ⵏ ⵢⵉⴳⵉⵎⴰⵏ ⵏ ⵡⴰⵔⵔⴰⵛ ⵎⴰⵣⴰⵍ-ⵉⵜⴻⵏ ⴷ ⵉⵏⵉⴳⴰⵢⴻⵏ ⵙ ⵍⵃⴻⵔⵙ ⴷⴻⴳ ⵜⴰⵎⴰ ⵏ ⵓⵎⴰⵍⵓ ⵏ ⵜⵎⵓⵔⵜ ⵏ ⴼⵉⵍⵉⵙⵟⵉⵏ ⵉ ⵉⵜⵜⴻⵃⴻⵔⵙⴻⵏ.
ⴰⵎⴻⵣⵍⵓ-ⴰⴳⵉ ⵢⴻⵏⵏⴰ-ⴷ ⴷⴻⴳ ⵢⵉⵡⴻⵏ ⵏ ⵓⴹⵔⵉⵙ ⵉ ⴷ-ⵢⴻⵙⵙⵓⴼⴻⵖ ⴷⴻⴳ ⵜⵜⴰⵡⵉⵍⴰⵜ ⵏ ⵜⵓⵎⵏⴰⵢⵜ ⴰⵙⵙ ⵏ ⵙⵙⴻⴱⵜ ⵉⵄⴻⴷⴷⴰⵏ, ⴱⴻⵍⵍⵉ ⵓⴳⴰⵔ ⵏ 12 ⵏ ⵢⵉⴳⵉⵎⴰⵏ ⵏ ⵡⴰⵔⵔⴰⵛ-ⴰⴳⵉ ⵓⵔ ⴷ-ⵇⵇⵉⵎⴻⵏ ⴰⵔⴰ ⴷⴻⴳ ⵢⵉⵅⵅⴰⵎⴻⵏ-ⵏⵙⴻⵏ ⵙⴻⴳ ⴷⴻⴼⴼⵉⵔ ⵏ ⵜⵉⴳⴳⴰⵡⵉⵏ ⵜⴰⵙⴻⵔⴷⴰⵙⵜ ⵉ ⵅⴻⴷⴷⵎⴻⵏ ⵢⵉⵙⴻⵔⴷⴰⵙⴻⵏ ⵏ ⵏⵏⵉⴹⴰⵎ ⵏ ⵚⵚⴰⵀⵢⵓⵏⵢⴰ ⴷⵉⵏⵏⴰ.
ⴷⴻⴳ ⵓⵃⵔⵉⵛ-ⴰⴳⵉ, ⵓⵏⵔⵡⴰ ⵜⴻⵏⵏⴰ-ⴷ ⴱⴻⵍⵍⵉ ⵙⴻⴳ ⵡⴰⵙⵎⵉ ⵉ ⴷ-ⵢⴻⴱⴷⴰ ⵛⵛⵡⴰⵍ-ⴰⴳⵉ, ⵜⴻⵙⵙⵓⴼⴻⵖ-ⴷ ⵢⵉⵡⴻⵏ ⵏ ⵡⴰⵀⵉⵍ ⵏ ⵓⵙⴻⴳⵎⵉ ⵏ ⵍⵃⴻⵔⵙ ⵉ ⵡⴰⵔⵔⴰⵛ ⵉⵏⵉⴳⴰⵢⴻⵏ ⴷⴻⴳ ⵡⴰⴳⴳⵓⵔ ⵏ ⴼⵓⵔⴰⵔ 2025. ⴰⵢⴰⴳⵉ ⵢⴻǧǧⴰ 48 ⵏ ⵢⵉⴳⵉⵎⴰⵏ ⵏ ⵡⴰⵔⵔⴰⵛ ⴰⴷ ⴽⴻⵛⵎⴻⵏ ⵖⴻⵔ ⵢⴻⵖⵔⴱⴰⵣⴻⵏ ⵏ ⵓⵎⴻⵣⵍⵓ-ⴰⴳⵉ, ⵉⵡⴰⴽⴽⴻⵏ ⴰⴷ ⵙⵙⵉⵖⵣⴻⵏ ⵍⵇⵔⴰⵢⴰ-ⵏⵙⴻⵏ, ⴰⵎⴰ ⴷⴻⴳ ⵢⵉⵎⴻⴽⴰⵏ ⵏ ⵓⵙⴻⵍⵎⴻⴷ ⵏ ⵍⵡⴻⵇⵜ, ⵏⴻⵖ ⵙ ⵓⵙⴻⵇⴷⴰⵛ ⵏ ⵍⴰⵏⵜⵉⵔⵏⵉⵜ, ⵔⵏⵓ ⵖⴻⵔ ⵡⴰⵢⴰ ⵜⴰⵍⵍⴰⵍⵜ ⵜⴰⵏⵉⵎⴰⵏⵉⵜ ⴷ ⵜⵎⴻⵜⵜⵉⵜ.
ⴰⵔⵏⵓ ⵖⴻⵔ
