ⵜⴰⵎⵙⵉⵣⴻⵍⵜ ⵜⴰⵍⴻⵣⵣⴰⵢⵔⵉⵜ, ⵙⵉⵍⵢⴰ ⵡⵉⴿⴰⵏ, ⵜⴻⵡⵡⵉ-ⴷ ⵜⴰⵙⵎⵖⵓⵔⵜ ⵏ ⵡⵓⵔⴰⵖ ⴷⴻⴳ ⵓⴽⴰⵔⴰⵜⵉ-ⴷⵓ ⴷⴻⴳ ⵓⵔⴰⵔⴻⵏ ⵏ ⵢⵉⵍⵍ ⴰⵎⴻⵍⵍⴰⵢ ⴰⵏⴰⵎⵎⴰⵙ ⵜⴰⵔⴰⵏⵜⵓ-2026. ⵜⴻⵅⴷⴻⵎ ⴰⵢⴰⴳⵉ ⴷⴻⴳ ⵓⵣⴷⵓⵣ ⵏ ⴷⴷⵓ 50 ⴿⵉⵍⵓ, ⵎⵉ ⵜⴻⵔⵔⴻⴷ ⵜⴰⵢⵟⴰⵍⵢⴰⵏⵉⵜ ⵉⵔⵎⵉⵏⵢⴰ ⴱⴻⵔⴼⵉⵜⵓ ⵙ 9 ⵎⵇⴰⴱⴻⵍ 3 ⴷⴻⴳ ⵜⴰⴳⴰⵔⴰ ⵏ ⵡⴰⵙⵙ-ⴰ ⵏ ⵓⵜⵍⴰⵜⴰ.
ⵜⴰⵙⵎⵖⵓⵔⵜ ⵏ ⵍⴱⵔⵓⵏⵣ ⴷⴻⴳ ⵓⵣⴷⵓⵣ-ⴰⴳⵉ ⵜⴻⵡⵡⵉ-ⵜ-ⵉⴷ ⵜⴰⴽⵔⵓⵡⴰⵜⵉⵜ ⵉⵎⴰ ⵙⴳⴰⵔ ⴷⴻⵍⵍⵉ, ⵉ ⵢⴻⵔⵔⴻⴷ ⵜⴰⵢⵓⵏⴰⵏⵉⵜ ⴿⵔⵉⵙⵜⵉⵏⴰ ⵜⵔⵉⴰⴷⴰ ⵙ 8 ⵎⵇⴰⴱⴻⵍ 0 ⵉⵡⴰⴽⴽⴻⵏ ⴰⴷ ⵜⴻⴷⴷⴻⵎ ⴰⵎⴽⴰⵏ ⵡⵉⵙ ⴽⵍⴰⵜⴰ.
ⵍⴻⵣⵣⴰⵢⴻⵔ ⵜⴻⵜⵜⴻⴽⴽⴰ ⴷⴻⴳ ⵜⵉⵎⵙⵉⵣⵍⴻⵏⵜ ⵏ ⵓⴽⵓⵎⵉⵜⵉ ⴷⵉ ⵜⴰⵔⴰⵏⵜⵓ ⵙ 10 ⵏ ⵢⵉⵎⴻⵏⵏⵓⵖⴻⵏ: 5 ⵏ ⵢⵉⵔⴳⴰⵣⴻⵏ ⴷ 5 ⵏ ⵜⵉⵍⴰⵡⵉⵏ. ⵉⵖⴰⵍⵍⴻⵏ ⵉⵖⴻⵍⵏⴰⵡⴻⵏ ⴱⵖⴰⵏ ⴰⴷ ⴷ-ⴰⵡⵉⵏ ⴰⵔⵔⴻⵣⵡⵉⵢⴻⵏ ⵢⴻⵍⵔⴰⵏ ⵓⵇⴱⴻⵍ ⵜⴰⴱⵓⵍⵜ ⵏ ⵜⴼⵔⵉⵇⵜ ⵏ ⵓⴽⴰⵔⴰⵜⵉ ⴰⵔⴰ ⵢⵉⵍⵉⵏ ⴷⵉ ⵍⴻⵣⵣⴰⵢⴻⵔ ⵙⴻⴳ 9 ⵛⵜⴰⵎⴱⴻⵔ ⵉ ⴷ-ⵉⵜⴻⴷⴷⵓⵏ.
ⵜⴰⵙⵎⵖⵓⵔⵜ-ⴰⴳⵉ ⵏ ⵡⵓⵔⴰⵖ ⴷ ⵜⵉⵙ ⵙⴹⵉⵙ (6) ⵉ ⵜⵎⵓⵔⵜ ⵏ ⵍⴻⵣⵣⴰⵢⴻⵔ ⴷⴻⴳ ⵓⵔⴰⵔⴻⵏ-ⴰⴳⵉ, ⵙⴻⴳ ⵡⴰⵢⵢⵓ ⵏ ⴿⴰⵢⵍⵉⴰ ⵏⴻⵎⵓⵔ (ⵍⴶⵉⵎⵏⴰⵙⵜⵉⴿ), ⵄⴰⴱⴷⴻⵍⴿⵔⵉⵎ ⴼⴻⵔⴶⴰⵜ (ⵍⵎⵓⵚⴰⵔⴰⵄⴰ), ⴷⵔⵉⵙ ⵎⴻⵙⵄⵓⴷ (ⵍⴶⵓⴷⵓ), ⴶⴰⵎⴰⵍ ⵙⴻⴶⴰⵜⵉ , ⴰⴽⴽⴻⴷ ⵜⴰⵔⴱⴰⵄⵜ ⵏ ⴷⴷⴰⴱⴻⵅ ⵏ ⵓⴹⴰⵔ (ⴷⴷⵓ 21 ⵢⵉⵙⴻⴳⴰⵙⴻⵏ).
ⴰⵔⵏⵓ ⵖⴻⵔ
