ⵢⴻⵜⵜⴻⴽⴽⵉ ⵓⵏⴻⵖⵍⴰⴼ ⵏ ⵓⵙⴻⴳⵎⵉ ⴰⵖⴻⵍⵏⴰⵡ, ⵎⴰⵙⵙ ⵎⵓⵀⴰⵎⴻⴷ ⵙⴻⵖⵉⵔ ⵙⴰⵄⴷⴰⵓⵓⵉ, ⵉⴹⴻⵍⵍⵉ ⵏ ⵙⵙⴻⴱⵜ, ⴷⴻⴳ ⵉⵎⴰⵀⵉⵍⴻⵏ ⵏ ⵓⵙⴼⴻⴳⴳⴻⵔ ⵓⵏⵚⵉⴱ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵢⵉⵎⴰⵙⴼⴰⴷⴻⵏ ⵢⵉⵏⴻⵙⵍⵎⴻⵏ ⵍⴻⵣⵣⴰⵢⵔⵉⵢⴻⵏ (ⴽⴰⵛⵀⴰⴼⴰ), ⵉ ⴷ-ⵉⵜⵜⵓⵙⵓⴷⴷⵙⴻⵏ ⴷⴻⴳ ⵓⵙⴻⴳⴳⴰⵙ-ⴰⴳⵉ ⵙ ⵓⵣⴻⵏⵣⵉⵖ: "ⴰⵎⴻⵣⵔⵓⵢ ⵢⴻⵜⵜⵏⴰⴳⵉ... ⴷ ⵓⵡⵡⵉ ⵉ ⴷ-ⵢⴻⵜⵜⵓⵖⴰⵍⴻⵏ", ⴷⴻⴳ ⵡⴰⵎⵎⴰⵙ ⴰⴷⴻⵍⵙⴰⵏ ⵏ ⵍⴶⴰⵎⴻⵄ ⵏ ⵍⴻⵣⵣⴰⵢⴻⵔ, ⵙ ⵓⵙⵉⵡⴻⵍ ⵏ ⵓⵎⵖⴰⵔ ⴰⵎⴰⵜⵓ ⵏ ⵢⵉⵎⴰⵙⴼⴰⴷⴻⵏ, ⵎⴰⵙⵙ ⴰⴱⴷⴻⵍⵔⴰⵀⵎⴰⵏⴻ ⵃⴰⵎⵣⴰⵓⵓⵉ.
ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⵏ ⵓⵙⴻⴳⵎⵉ ⴰⵖⴻⵍⵏⴰⵡ ⴰⵙⵙ-ⴰ ⵏ ⵍⵀⴻⴷ, ⴰⵙⴼⴻⴳⴳⴻⵔ-ⴰⴳⵉ ⵢⴻⵍⵍⴰ-ⴷ ⵙ ⵜⵉⵍⵉⵜ ⵏ ⵢⵉⵎⴰⵙⵍⴰⴷⴻⵏ ⵏ ⵓⵏⴰⴱⴰⴹ, ⵓⵎⵖⴰⵔ ⵏ ⵍⴶⴰⵎⴻⵄ ⵏ ⵍⴻⵣⵣⴰⵢⴻⵔ, ⴷ ⵢⵉⵇⴻⵔⵔⴰⵢ ⵏ ⵡⴰⵟⴰⵙ ⵏ ⵜⵓⴷⴷⵙⵉⵡⵉⵏ ⵏ ⵜⵎⴻⵏⴹⴰⵡⵜ ⴷ ⵜⵎⵓⵀⴰⵡⵜ, ⵔⵏⵉ-ⴷ ⴼⴻⵍⵍ-ⴰⵙⴻⵏ ⵓⴷⵎⴰⵡⴻⵏ ⵏ ⵢⵉⵎⴰⵙⴼⴰⴷⴻⵏ ⵏ ⵜⵎⵓⵔⴰ ⵏ ⵡⴰⵄⵔⴰⴱⴻⵏ ⴷ ⵓⵎⴰⴹⴰⵍ. ⵜⵉⵎⵍⵉⵍⵉⵜ-ⴰⴳⵉ ⵜⵓⵙⴰ-ⴷ ⵉⵡⴰⴽⴽⴻⵏ ⴰⴷ ⴷ-ⵜⴻⵙⵎⴻⴽⵜⵉ ⴰⴱⵔⵉⴷ ⵏ ⵓⵎⴻⵣⵔⵓⵢ ⵏ ⵢⵉⵎⴰⵙⴼⴰⴷⴻⵏ ⵢⵉⵏⴻⵙⵍⵎⴻⵏ ⵍⴻⵣⵣⴰⵢⵔⵉⵢⴻⵏ ⴷ ⵓⵎⴰⵀⵉⵍ-ⵏⵙⴻⵏ ⴷⴻⴳ ⵓⵙⴻⴳⵔⴻⵣ ⵏ ⵡⴰⵣⴰⵍⴻⵏ ⵏ ⵜⵎⴰⴳⵉⵜ ⴷ ⵜⴰⵏⵉⵜ ⵏ ⵓⵖⵔⵉⵎ ⴷ ⵓⵙⴻⴶⵀⴻⴷ ⵏ ⵔⵔⵓⵃ ⵏ ⵜⵓⵛⵛⵉⵜ ⴷ ⵓⵏⴹⵉⴱⴰⵜ ⴷ ⵓⵎⴰⵀⵉⵍ ⵉ ⵏⴼⴰⵄ ⵏ ⵜⵎⵓⵔⵜ ⴳⴰⵔ ⵢⵉⵙⵉⴳⴳⵉⵔⴻⵏ ⴷ ⵢⵉⵍⴻⵎⵣⵢⴻⵏ.
ⴰⵙⴼⴻⴳⴳⴻⵔ-ⴰⴳⵉ — ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵙⵉⵡⴹ — ⵢⴻⵣⵡⴰⵔ ⵙ ⵡⴰⵟⴰⵙ ⵏ ⵢⵉⵙⴻⵏⴽⴻⴷⴷⴻⵏ ⵏ ⵜⵥⵓⵔⵉ ⵉ ⴷ-ⵢⴻⵎⵎⴰⵍⴻⵏ ⴰⵣⴰⵍ ⴰⴷⴻⵍⵙⴰⵏ ⴷ ⵡⵉⵏ ⵏ ⵓⵙⴻⴳⵎⵉ ⵏ ⵜⴻⴳⵏⵉⵜ-ⴰⴳⵉ. ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ ⴷ ⵜⴰⴳⵏⵉⵜ ⵉ ⵓⵙⵏⴻⴽⵏⴻⴷ ⵏ ⵓⵎⴰⵀⵉⵍ ⵏ ⵓⵙⴻⴳⵎⵉ ⴷ ⵡⵉⵏ ⴰⵖⴻⵍⵏⴰⵡ ⵏ ⵢⵉⵎⴰⵙⴼⴰⴷⴻⵏ, ⵉⵎⵉ ⵜⵜⵡⴰⵃⴻⵙⴱⴻⵏ ⴷ ⴰⵖⴻⵔⴱⴰⵣ ⵉ ⵓⵔⴻⴱⴱⵉ ⵖⴻⴼ ⵡⴰⵣⴰⵍⴻⵏ ⵓⴼⵔⵉⵏⴻⵏ ⴷ ⵓⵕⵓⵚⵓ ⵏ ⵜⴰⵏⵉⵜ ⵏ ⵓⵖⵔⵉⵎ ⵉⴶⴻⵀⴷⴻⵏ. ⴰⵢⴰⴳⵉ ⵢⴻⵎⵎⴰⵍ-ⴷ ⵓⵎⴰⵀⵉⵍ-ⵏⵙⴻⵏ ⴰⵎ ⵡⴻⵎⴽⴰⵏ ⵏ ⵓⵙⴻⴳⵎⵉ ⵉⵓⴽⴻⵎⵎⵍⴻⵏ ⵉ ⴷ-ⵉⵟⵟⴰⴽⴻⵏ ⴰⴼⵓⴷ ⵉ ⵍⵎⴻⴶⵀⵓⴷⴰⵜ ⵏ ⵓⵏⴻⴳⵎⵓ ⵓⴼⴼⵉⵔ ⵏ ⵓⵖⴻⵔⴱⴰⵣ.
ⵉⵃⵔⵉⵛⴻⵏ ⵏ ⵓⵙⴼⴻⴳⴳⴻⵔ-ⴰⴳⵉ ⵙⵏⴻⴽⴷⴻⵏ-ⴷ ⴰⵣⴰⵍ ⵏ ⵓⵎⵙⴰⵙⴻⵢ ⴰⵎⴻⵣⴷⴰⵢ ⴳⴰⵔ ⵢⵉⵎⴰⵙⴼⴰⴷⴻⵏ ⵢⵉⵏⴻⵙⵍⵎⴻⵏ ⵍⴻⵣⵣⴰⵢⵔⵉⵢⴻⵏ ⴷ ⵜⵏⴻⵖⵍⴰⴼⵜ ⵏ ⵓⵙⴻⴳⵎⵉ ⴰⵖⴻⵍⵏⴰⵡ, ⴷ ⵡⴰⵎⴻⴽ ⵉ ⴷ-ⵢⴻⵜⵜⴰⵙ ⵓⵎⵜⴰⵡⴰ ⵉ ⵜⵜⵓⵙⵜⴻⵏⵢⴰⵏ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵃⵔⴰⵣ ⵏ ⵓⵙⴻⴳⵎⵉ ⵢⴻⴷⴷⵓⴽⴽⵍⴻⵏ ⴳⴰⵔ ⵢⵉⵏⵏⴰⵔⴻⵏ-ⴰⴳⵉ ⵉ ⵙⵉⵏ.
ⴰⵔⵏⵓ ⵖⴻⵔ
