ⵢⴻⵙⵙⴻⵍⵡⵉ ⵓⵏⴻⵖⵍⴰⴼ ⵏ ⴷⴰⵅⴻⵍ, ⵜⵉⵎⵏⴰⴹⵉⵏ ⵏ ⵜⵎⵓⵔⵜ ⴷ ⵓⵙⴰⵍⵍⴰⵍ, ⵎⴰⵙⵙ ⵙⴰⵄⵉⴷ ⵙⴰⵄⵢⵓⴷ, ⵡⴰⵙⵙ-ⴰ ⵏ ⵜⵜⵍⴰⵜⴰ, ⴰⴳⵔⴰⵡ ⴰⴽⴽⴻⴷ ⵍⵡⴰⵍⵉⵢⴻⵏ ⵏ ⵜⴻⴳⴷⵓⴷⴰ, ⵉ ⵓⴹⴼⴰⵔ ⵏ ⵓⵎⴻⵀⵍⴰⵏ ⵏ ⵓⵔⴻⵇⵇⴻⵄ (ⵛⵓⵎⵃⴻⵏⵙⴰⵜⵉⵓⵏ) ⵏ ⵡⵉⴷ ⵉⵀⵓⵡⵡⵣⴻⵏ ⵙⴻⴳ ⵜⵎⴻⵙ ⵏ ⵜⵥⴻⴳⵡⴰ. ⵢⵉⵣⴻⵎⵣⴻⵏ ⵏ ⵓⵎⴻⵀⵍⴰⵏ-ⴰⴳⵉ ⵜⵜⵡⴰⵇⵇⵔⴻⵏ ⴰⵔ ⵜⴰⴳⴳⴰⵔⴰ ⵏ ⵡⴰⴳⴳⵓⵔ ⵏ ⵖⵓⵛⵜ ⵉ ⴷ-ⵉⵜⴻⴷⴷⵓⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵜⵏⴻⵖⵍⴰⴼⵜ.
ⵉⵙⴻⴳⵣⵉ-ⴷ ⵡⵓⵏⴰⴱⴰⵖ-ⴰⴳⵉ ⴱⴻⵍⵍⵉ ⵜⵉⵎⵍⵉⵍⵉ-ⴰⴳⵉ ⵏ ⵓⵏⵢⵓⴷⴷⵓ ⵉ ⴷ-ⵢⴻⵍⵍⴰⵏ ⵙ ⵓⴱⵔⵉⴷ ⵏ ⵓⴷⵉⵡⴻⵏ ⵏ ⵍⴱⴻⵄⵉⴷ (ⵠⵉⵙⵉⵓⵛⵓⵏⴼéⵔⴻⵏⵛⴻ), ⵜⵙⴻⴳⵔⴻⵡ-ⴷ ⵍⵡⴰⵍⵉⵢⴻⵏ ⵏ ⵜⵡⵉⵍⴰⵢⵉⵏ ⵏ: ⵊⵉⵊⴻⵍ, ⵙⴽⵉⴽⴷⴰ, ⵇⵙⴻⵏⵟⵉⵏⴰ, ⵄⴻⵏⵏⴰⴱⴰ, ⵍⵟⴰⵔⴻⴼ, ⵙⵟⵉⴼ, ⵙⵉⴷⵉ ⴱⴻⵍⵄⴻⴱⴱⴰⵙ, ⵜⵍⴻⵎⵙⴰⵏ, ⴱⴳⴰⵢⴻⵜ, ⵜⵉⵣⵉ ⵡⴻⵣⵣⵓ, ⴱⵓⵔⵞ ⴱⵓⵓ ⴰⵔⵔⴻⵔⵉⴷⵊ, ⵜⵓⴱⵉⵔⴻⵜ, ⵙⵓⵇ ⴰⵀⵔⴰⵙ, ⵍⴻⵎⵄⴻⵙⴽⴻⵔ, ⵙⴰⵄⵉⴷⴰ, ⵎⵉⵍⴰ ⴷ ⴳⴰⵍⵎⴰ, ⵙ ⵜⵜⴻⴽⴽⵉ ⵏ ⵓⵏⴻⴱⴷⴰⴷ ⴰⵎⴰⵜⵓ ⵏ ⵜⴻⵃⵔⴰⵣⵜ ⵜⴰⵎⴰⴷⴰⵏⵜ, ⵍⵄⴻⵇⵇⵉⴷ ⴱⵓⵓⴰⵍⴻⵎ ⴱⵓⵓⵖⵍⴰⴼ.
ⴷⴻⴳ ⵜⴰⵣⵡⴰⵔⴰ, ⴰⵏⴻⵖⵍⴰⴼ ⵢⴻⵙⵙⵓⵜⴻⵔ ⵔⵔⴻⵃⵎⴰ ⵉ ⵢⵉⵎⴻⵖⵔⴰⵙⴻⵏ ⵏ ⵜⵎⴻⵙ, ⵢⴻⵔⵏⴰ ⵢⴻⵙⵙⴻⵏⵎⵎⴻⵔ ⵍⵯⴻⵀⴷ ⴰⵎⴻⵇⵇⵔⴰⵏ ⵏ ⴰⴽⴽ ⵢⵉⵎⴻⵥⵍⴰ ⵉ ⴷ-ⵉⵎⴰⴳⴳⵔⴻⵏ ⵜⵉⵎⴻⵙ. ⵢⴻⵙⵙⴰⵡⴻⴷ-ⴷ ⴷⴰⵖⴻⵏ "ⴰⵙⴻⵏⵎⵎⴻⵔ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⵉ ⵍⵡⴰⵍⵉⵢⴻⵏ ⴷ ⵜⵙⵓⴷⴰ ⵉ ⴷ-ⵉⵙⴱⴻⴳⴳⵏⴻⵏ ⵎⴰⵙⵉⵜ ⴷ ⵓⵇⴰⴷⴻⵔ".
ⵎⴰ ⵖⴻⴼ ⵓⵎⴻⵀⵍⴰⵏ ⵏ ⵓⵔⴻⵇⵇⴻⵄ, ⵎⴰⵙⵙ ⵙⴰⵄⵢⵓⴷ ⵢⴻⵙⴱⴻⴷⴷ ⴰⵡⴰⵍ ⵖⴻⴼ "ⵓⵔⵓⵔⴻⴷ ⵏ ⵓⴽⴰⵢⴰⴷ ⵏ ⵢⵉⴼⴰⵢⵍⵢⴻⵏ ⴷ ⵓⴽⵎⴻⵍ ⵏ ⵓⵎⴻⵀⵍⴰⵏ ⴷⴻⴳ ⵍⵡⴻⵇⵜ ⵉ ⴷ-ⵢⵓⵔⴰ", ⵙ ⵓⵟⵎⴰⵏ ⵏ "ⵜⵉⴼⴰⴼⴼⴻⵜ, ⵏⵏⵉⵢⴰ ⴷ ⵜⴻⵡⵣⵉⵏⵜ".
ⵙⴻⴳ ⵜⴰⵎⴰ ⵏⵏⵉⴹⴻⵏ, ⵎⴰⵙⵙ ⵙⴰⵄⵢⵓⴷ ⵢⴻⵡⵡⵉ-ⴷ ⴰⵡⴰⵍ ⵖⴻⴼ ⵜⴻⵣⴷⴻⴳ ⵏ ⵜⵡⴻⵏⵏⴰⴹⵜ, ⵢⴻⵏⵏⴰ-ⴷ ⴱⴻⵍⵍⵉ ⵍⵡⴰⵍⵉⵢⴻⵏ ⴷ ⵜⵙⵓⴷⴰ ⵏ ⵜⵎⵏⴰⴹⵉⵏ ⵉⵍⴰⵇ ⴰⴷ ⵙⵏⴻⵔⵏⵉⵏ ⴰⵙⵡⵉⵔ ⵏ ⵜⴻⵣⴷⴻⴳ ⵏ ⵜⵎⴷⵉⵏⵉⵏ, ⴰⵛⴽⵓ ⴷ ⵜⴰⵎⵙⴰⵍⵜ ⵉ ⵢⴻⵇⵇⵏⴻⵏ ⵙ ⵓⴱⵔⵉⴷ ⵎⵔⴰⵡ ⵖⴻⵔ ⵜⵎⴻⴷⴷⵓⵔⵜ ⵏ ⵓⵎⴻⵔⵣⵉ.
ⴰⵔⵏⵓ ⵖⴻⵔ
