ⴷⴻⴳ ⵓⵣⴻⵏⵣⵉⵖ ⵏ ⵜⵉⵔⵣⵉ ⵏ ⵓⵎⴰⵀⵉⵍ ⵉ ⵢⴻⵅⴷⴻⵎ ⵖⴻⵔ ⵜⴻⴳⴷⵓⴷⴰ ⵏ ⵜⴻⴼⵔⵉⵇⵜ ⵏ ⵓⵏⵥⵓⵍ, ⵢⴻⵏⵏⵓⵎⴻⵍ ⴰⵙⵙ-ⴰ ⵓⵎⵙⴻⴳⵍⴰⵡⴰⵢ ⵏ ⵓⵡⴰⵏⴰⴽ ⵏ ⵓⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴱⴻⵕⵕⴰ, ⵢⴻⵄⵏⴰⵏ ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ, ⵎⴰⵙⵙ ⵙⵓⴼⵢⴰⵏⴻ ⵛⵀⴰⵉⴱ, ⴷⴻⴳ ⵜⴻⵎⴷⵉⵏⵜ ⵏ ⵒⵔⴻⵜⵓⵔⵉⴰ, ⴷ ⵢⵉⵎⴰⵙⵍⴰⴷⴻⵏ ⵏ ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ ⵉⵕⴻⵙⵙⴰⵏ ⴷⴻⴳ ⵜⵎⵓⵔⵜ-ⴰⴳⵉ ⵜⵉⵙⵏⵉⵜ, ⵙ ⵜⵉⵍⵉⵜ ⵏ ⵓⵎⴰⵙⵓⵏ ⵏ ⵍⴻⵣⵣⴰⵢⴻⵔ, ⵎⴰⵙⵙ ⵄⴰⵍⵉ ⵄⴻⵛⵡⵉ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⵏ ⵜⴻⵎⵙⴰⵍ ⵏ ⴱⴻⵕⵕⴰ.
ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ ⴷ ⵜⴰⴳⵏⵉⵜ ⵜⴰⵎⴰⵢⵏⵓⵜ ⵉ ⵓⵙⴻⴶⵀⴻⴷ ⵏ ⵜⴻⵢⵡⴰⵍⵜ ⴷ ⵢⵉⵎⴰⵙⵍⴰⴷⴻⵏ ⵏ ⵜⵓⴽⴽⵉⵙⵜ-ⵏⵏⴻⵖ, ⵉ ⵓⵣⴻⵟⵟⴻⴹ ⵏ ⵢⵉⵔⵎⵉⵜⴻⵏ-ⵏⵙⴻⵏ ⴷ ⵓⴱⵔⵉⴷ-ⵏⵙⴻⵏ ⴰⵎⴻⵣⵣⵓⵍⴰⵏ ⴷ ⵓⵎⴰⵙⵙⴰⵏ, ⵎⴻⴱⵍⴰ ⵎⴰ ⵏⴻⵜⵜⵓ ⴰⵎⵓⴱⴱⴰⴷⴷⴻⵍ ⵏ ⵜⵎⵓⵖⵍⵉⵡⵉⵏ ⵖⴻⴼ ⵜⴰⵔⵔⴰⵢⵉⵏ ⵏ ⵓⵙⴻⵍⴽⴻⵎ ⵏ ⵓⵜⴻⴽⴽⵉ-ⵏⵙⴻⵏ ⴷⴻⴳ ⵓⵕⵓⵚⵓ ⵏ ⵜⵉⵍⵉⵢⵉⵏ (ponts) ⵏ ⵓⵎⵢⴻⵛⵛⴻⵔ ⴳⴰⵔ ⵍⴻⵣⵣⴰⵢⴻⵔ ⴷ ⵜⴻⴼⵔⵉⵇⵜ ⵏ ⵓⵏⵥⵓⵍ, ⵉⵎⵉ ⵙⵏⴰⵜ ⵏ ⵜⵎⵓⵔⴰ-ⴰⴳⵉ ⵙⵄⴰⵏⵜ ⵡⴰⵙⵙⴰⵖⴻⵏ ⵓⴼⵔⵉⵏⴻⵏ ⴷ ⵓⵎⴻⵣⵔⵓⵢ ⵏ ⵓⵏⵏⴰⵖ ⴰⵎⴻⵣⴷⴰⵢ.
ⴷⴻⴳ ⵓⵏⵏⴰⵔ-ⴰⴳⵉ, ⴰⵎⵙⴻⴳⵍⴰⵡⴰⵢ ⵏ ⵓⵡⴰⵏⴰⴽ ⵉⵙⵏⴻⴽⵏⴻⴷ ⴰⵎⴽⴰⵏ ⵓⴼⵔⵉⵏ ⵉ ⵜⴻⵟⵟⴻⴼ ⵜⵓⴽⴽⵉⵙⵜ ⵜⴰⵣⵣⴰⵢⵔⵉⵜ ⴷⴻⴳ ⵜⴻⴼⵔⵉⵇⵜ ⵏ ⵓⵏⵥⵓⵍ, ⵉ ⴷⴻⴳ ⵍⵍⴰⵏⵜ ⵜⵣⴻⵎⵎⴰⵔ ⵏⴼⵉⵜ (élites) ⴷ ⵢⵉⵎⵓⵣⵣⴰⴳⴻⵏ ⵉⵅⴻⴷⴷⵎⴻⵏ ⴷⴻⴳ ⵓⵏⴰⴷⵉ ⴰⵎⴰⵙⵙⴰⵏ, ⴰⵙⴻⵍⵎⴻⴷ ⵏ ⵜⴻⵙⴷⴰⵡⵉⵜ, ⴷ ⵓⵏⵏⴰⵔ ⴰⴷⴰⵎⵙⴰⵏ. ⵉⵙⵙⴻⴽⵏⴻⴷ ⴱⴻⵍⵍⵉ ⵏⵓⵜⵏⵉ ⴷ ⴰⵎⴻⴷⵢⴰ ⵏ ⵜⵓⴽⴽⵉⵙⵜ ⵉ ⴷ-ⵉⵙⴽⴰⵏ ⵜⴰⵣⵎⴻⵔⵜ ⵏ ⵍⴻⵣⵣⴰⵢⴻⵔ ⵓ ⴷ ⵏⵓⵜⵏⵉ ⵉ ⴷ ⵜⵉⵍⵉⵍⵜ ⵜⴰⴳⴰⵎⴰⵏⵜ ⵉ ⵓⴷⵉⵡⴻⵏⵏⵉ ⴳⴰⵔ ⵓⵖⵔⴻⴼ ⴰⵣⵣⴰⵢⵔⵉ ⴷ ⵡⵉⵏ ⵏ ⵜⴻⴼⵔⵉⵇⵜ ⵏ ⵓⵏⵥⵓⵍ.
ⴷⴰⵖⴻⵏ, ⵜⵉⵎⵍⵉⵍⵉⵜ ⵜⴻⵍⵍⴰ ⴷ ⵜⴰⴳⵏⵉⵜ ⵉ ⵓⵙⵏⴻⴽⵏⴻⴷ ⵏ ⵜⴰⵔⵔⴰⵢⵉⵏ ⵉ ⴷ-ⵜⴻⵡⵡⵉ ⴷⴷⵡⵍⴰ ⵜⴰⵣⵣⴰⵢⵔⵉⵜ ⵉ ⵏⴼⴰⵄ ⵏ ⵢⵉⴳⵔⴰⵡⴻⵏ-ⵉⵙ ⴷⴻⴳ ⴱⴻⵕⵕⴰ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵄⵏⴰⵏ ⴰⵙⵎⴰⵢⵏⵓⵜ ⵏ ⵢⵉⵎⴻⵥⵍⴰ ⵏ ⵜⵇⵓⵏⵙⵓⵍⵜ, ⴰⵙⵏⴻⴼⵍⵉ ⵏ ⵜⴰⵔⵇⵎⵉⵜ (numérisation), ⴷ ⵓⴼⵙⵉⵙ ⵏ ⵜⵉⴳⴳⴰⵜⵉⵏ ⵜⵓⴷⴱⴻⵍⵉⵏ ⵉⵡⴰⴽⴽⴻⵏ ⴰⴷ ⵜⵏⴻⵔⵏⵉ ⵜⵖⴰⵔⴰ ⵏ ⵓⵎⴻⵥⵍⵓ ⴰⴳⴷⵓⴷⴰⵏ ⵓ ⴰⴷ ⴷ-ⵜⴻⵇⵇⵔⴻⴱ ⵜⴰⴷⴷⴰⴱⴻⵍⴰ ⵖⴻⵔ ⵓⵖⵔⵉⵎ ⴰⵏⵉⴷⴰ ⵎⴰ ⵢⴻⵍⵍⴰ. ⴷⴻⴳ ⵓⵣⴻⵏⵣⵉⵖ-ⴰⴳⵉ, ⵉⵙⵍⴻⵎ-ⴷ ⵙ ⵡⴰⵣⴰⵍ ⵏ ⵓⵄⴰⵡⴻⴷ ⵏ ⵓⵍⴷⴰⵢ ⵏ ⵢⵉⴱⵔⵉⴷⴻⵏ ⵏ ⵓⵙⴰⴼⴰⴳ ⵓⵙⵔⵉⴷⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵊⵓⵀⴰⵏⵏⴻⵙⴱⵓⵔⴳ ⴷⴻⴳ ⵜⴰⵣⵡⴰⵔⴰ ⵏ ⵓⵙⴻⴳⴳⴰⵙ-ⴰⴳⵉ, ⵉⵡⴰⵍⴰ ⴱⴻⵍⵍⵉ ⴰⵙⵓⵔⵉⴼ-ⴰⴳⵉ ⴷ ⴰⴳⴻⵔⵔⵓⵊ ⴰⵎⴻⵇⵇⵔⴰⵏ ⴰⵔⴰ ⴷ-ⵢⴻⴼⴽⴰⵏ ⴰⴼⵓⴷ ⵉ ⵡⴰⵙⵙⴰⵖⴻⵏ ⵏ ⵙⵉⵏ ⵓ ⴰⴷ ⵉⵙⴼⴻⵙⵙⴻⵙ ⵜⵉⴷⴷⵢ ⵏ ⵢⵉⵎⴷⴰⵏⴻⵏ ⴷ ⵢⵉⵎⵉⴳⴰⵡⴻⵏ ⵉⴷⴰⵎⵙⴰⵏⴻⵏ.
ⵜⵉⵎⵍⵉⵍⵉⵜ-ⴰⴳⵉ ⵜⴻⵊⵊⴰ ⴰⴷ ⴷ-ⵢⵉⵍⵉ ⵓⴷⵉⵡⴻⵏⵏⵉ ⴰⵎⴻⵔⴽⴰⵏⵜⵉ ⴷ ⵢⵉⵎⴰⵙⵍⴰⴷⴻⵏ ⵏ ⵜⵓⴽⴽⵉⵙⵜ-ⵏⵏⴻⵖ, ⴰⵏⵉⴷⴰ ⵎⵎⴻⵙⵍⴰⵢⴻⵏ ⵖⴻⴼ ⵡⴰⵟⴰⵙ ⵏ ⵓⵖⴻⴱⴱⴻⵍ ⴷ ⵢⵉⵙⴻⵏⵜⴰⵍ ⵉⵛⵓⴷⴷⴻⵏ ⵖⴻⵔ ⵡⴰⴷⴷⴰⴷ-ⵏⵙⴻⵏ ⴷ ⵢⵉⵙⴰⵔⴰⵎⴻⵏ-ⵏⵙⴻⵏ, ⴷ ⵜⵣⴻⵎⵎⴰⵔ ⵢⴻⵍⴷⵉⵏ ⵣⴷⴰⵜ ⵏ ⵜⵣⴻⵎⵎⴰⵔ ⵜⴰⵣⵣⴰⵢⵔⵉⵢⵉⵏ ⴷⴻⴳ ⵜⴻⴼⵔⵉⵇⵜ ⵏ ⵓⵏⵥⵓⵍ ⵉⵡⴰⴽⴽⴻⵏ ⴰⴷ ⵜⵜⴻⴽⴽⵉⵢⴻⵏⵜ ⴷⴻⴳ ⵓⴱⵔⵉⴷ ⵏ ⵓⵙⵏⴻⴼⵍⵉ ⴰⵖⴻⵍⵏⴰⵡ.
ⴷⴻⴳ ⵜⴰⴳⴳⴰⵔⴰ ⵏ ⵜⴻⵎⵍⵉⵍⵉⵜ, ⴰⵎⵙⴻⴳⵍⴰⵡⴰⵢ ⵏ ⵓⵡⴰⵏⴰⴽ ⵉⵄⴰⵡⴻⴷ ⵉⵙⵔⴻⵚ ⵜⴰⵊⵎⵉⵍⵜ-ⵉⵙ ⵉ ⵢⵉⵎⴰⵙⵍⴰⴷⴻⵏ ⵏ ⵜⵓⴽⴽⵉⵙⵜ ⴷⴻⴳ ⵜⴻⴼⵔⵉⵇⵜ ⵏ ⵓⵏⵥⵓⵍ ⵖⴻⴼ ⵜⵓⵛⵛⵉⵜ-ⵏⵙⴻⵏ ⴷ ⵍⵃⵉⵙ-ⵏⵙⴻⵏ ⴰⵖⴻⵍⵏⴰⵡ ⵉⵄⵍⴰⵢⴻⵏ, ⵉⵙⵙⴻⴽⵏⴻⴷ ⴱⴻⵍⵍⵉ ⵔⵔⴻⴱⴻⵃ-ⵏⵙⴻⵏ ⵢⵉⵡⴻⵏ ⵢⵉⵡⴻⵏ ⴷ ⴰⴳⴻⵔⵔⵓⵊ ⵉ ⵍⴻⵣⵣⴰⵢⴻⵔ, ⵓ ⴷ ⵢⵉⵡⴻⵏ ⵏ ⵓⴼⴻⵔⴷⵉⵙ ⵏⵏⵉⴹⴻⵏ ⵉ ⵓⵙⴻⴶⵀⴻⴷ ⵏ ⵜⵉⵍⵉⵜ-ⵉⵙ ⴷⴻⴳ ⵜⵎⴻⵏⵏⴰⵟ ⵏ ⵜⴻⴼⵔⵉⵇⵜ ⴷ ⵓⵕⵓⵚⵓ ⵏ ⵡⴰⵙⵙⴰⵖⴻⵏ ⵏ ⵜⴷⵓⴽⵍⵉ ⴷ ⵓⵎⵢⴻⵛⵛⴻⵔ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⵜⵉⵙନⵉⵡⵉⵏ.
ⴰⵔⵏⵓ ⵖⴻⵔ
