ⵙ ⵜⵎⴰⵣⴰⵏⵜ ⵙⴻⴳ ⵜⴰⵎⴰ ⵏ ⵎⴰⵙⵙ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵢⴻⵡⵡⴻⴹ-ⴷ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴱⴻⵕⵕⴰ ⴷ ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ ⴷ ⵜⴻⵎⵙⴰⵍ ⵏ ⵜⴻⴼⵔⵉⵇⵜ, ⵎⴰⵙⵙ ⴰⵃⵎⴻⴷ ⴰⵟⵟⴰⴼ, ⴰⵙⵙ-ⴰ ⵏ ⵍⵀⴻⴷ 21 ⵢⵓⵏⵢⵓ 2026 ⵖⴻⵔ ⵄⴰⵎⵎⴰⵏ, ⴷⴻⴳ ⵢⵉⵡⴻⵜ ⵏ ⵜⵉⵔⵣⵉ ⵜⵓⵏⵚⵉⴱⵜ ⵖⴻⵔ ⵜⴰⴳⴻⵍⴷⴰ ⵏ ⵍⵓⵔⴷⵓⵏ ⵜⴰⵛⵉⵎⵉⵜ ⵜⵉⵙⵏⵉⵜ.
ⴷⴻⴳ ⵜⵉⵔⵣⵉ-ⴰⴳⵉ, ⵎⴰⵙⵙ ⴰⵏⴻⵖⵍⴰⴼ ⵏ ⵓⵡⴰⵏⴰⴽ ⴰⴷ ⵉⵅⴷⴻⵎ ⵉⵎⴻⵙⵍⴰⵢⴻⵏ ⴷ ⵓⵏⵉⵍⵖⴰⴼ-ⵉⵙ ⴰⵍⵓⵔⴷⵓⵏⵉ, ⵎⴰⵙⵙ ⴰⵢⵎⴰⵏ ⴰⵍ-ⵚⴰⴼⴰⴷⵉ, ⵉⵡⴰⴽⴽⴻⵏ ⴰⴷ ⵉⵇⴻⵔⴷⴻⵛ ⴰⴷⴷⴰⴷ ⵏ ⵓⵎⵢⴻⵛⵛⴻⵔ ⵏ ⵙⵉⵏ ⴷ ⵜⴰⵔⵔⴰⵢⵉⵏ ⵏ ⵓⵙⴻⴶⵀⴻⴷ ⵏ ⵡⴰⵙⵙⴰⵖⴻⵏ ⵏ ⵜⴻⴳⵎⴰⵜ ⴷ ⵜⴷⵓⴽⵍⵉ ⵉⵕⴻⵙⵙⴰⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⵜⵉⵙⵏⵉⵡⵉⵏ.
ⵙ ⵜⴰⵎⴰ ⵏ ⵡⴰⵏⵏⴻⵛⵜ-ⴰ, ⴰⴷ ⴷ-ⵢⴻⴽⴽⵉ ⵓⵏⴻⵖⵍⴰⴼ ⵏ ⵓⵡⴰⵏⴰⴽ ⴷⴻⴳ ⵢⵉⵎⴰⵀⵉⵍⴻⵏ ⵏ ⵜⴻⵎⵍⵉⵍⵉⵜ ⵏ ⵢⵉⵏⴻⵖⵍⴰⴼⴻⵏ ⵏ ⵡⴰⵄⵔⴰⴱⴻⵏ ⵏ ⵓⵎⵛⴻⵡⵡⴻⵔ ⵖⴻⴼ ⵢⵉⴱⴻⴷⴷⵉⵍⴻⵏ ⵉⵎⴰⵢⵏⵓⵜⴻⵏ ⴷⴻⴳ ⵜⴻⵎⵏⴰⵟ, ⴰⵎ ⴰⴽⴽⴻⵏ ⴰⵔⴰ ⴷ-ⵢⴻⴽⴽⵉ ⴷⴻⴳ ⵡⴰⵍⵍⵓⵙ ⵏ ⵜⵙⴻⵎⵎⵓⵏⵜ ⵜⴰⵎⴰⴳⵏⵓⵜ ⵜⵉⵙ ⵎⵔⴰⵡ ⴷ ⵎⵔⴰⵡ ⴷ ⵅⴻⵎⵙⴰ ⵏ ⵜⵎⴻⵔⵡⵉⵏ (165) ⵏ ⵓⵙⵇⴰⵎⵓ ⵏ ⵜⴷⵓⴽⵍⴰ ⵏ ⵜⵎⵓⵔⴰ ⵏ ⵡⴰⵄⵔⴰⴱⴻⵏ ⴷⴻⴳ ⵓⵙⵡⵉⵔ ⵏ ⵢⵉⵏⴻⵖⵍⴰⴼⴻⵏ, ⴰⵔⴰ ⴷ-ⵢⵉⵍⵉⵏ ⴷⴻⴳ ⵍⵓⵔⴷⵓⵏ ⴰⵙⵙ ⵏ 22 ⵢⵓⵏⵢⵓ 2026.
ⴷⴻⴳ ⵔⵔⵉⴼ ⵏ ⵙⵏⴰⵜ ⵏ ⵜⴻⵎⵍⵉⵍⵉⵢⵉⵏ-ⴰⴳⵉ ⵏ ⵢⵉⵏⴻⵖⵍⴰⴼⴻⵏ, ⵎⴰⵙⵙ ⴰⵏⴻⵖⵍⴰⴼ ⵏ ⵓⵡⴰⵏⴰⴽ ⴰⴷ ⵢⴻⵙⵄⵓ ⴰⵟⴰⵙ ⵏ ⵜⴻⵎⵍⵉⵍⵉⵢⵉⵏ ⵏ ⵙⵉⵏ ⴷ ⵡⴰⵟⴰⵙ ⵏ ⵓⵏⵉⵍⵖⴰⴼⴻⵏ-ⵉⵙ ⵙⴻⴳ ⵜⵎⵓⵔⴰ ⵏ ⵡⴰⵄⵔⴰⴱⴻⵏ.
ⴰⵔⵏⵓ ⵖⴻⵔ
