ⵢⴻⵜⵜⴻⴽⴽⵉ ⵓⵎⴰⵙⵡⴰⵢ ⵏ ⴷⴷⵓⵍⴰ ⵣⴷⴰⵜ ⵏ ⵓⵏⴻⵖⵍⴰⴼ ⵏ ⵜⴰⵎⵙⴰⵍⵉⵢⵉⵏ ⵏ ⴱⴻⵔⵔⴰ, ⵢⴻⵇⵇⵏⴻⵏ ⵖⴻⵔ ⵜⴻⵞⵎⵄⴰⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵔⵔⴰ, ⵎⴰⵙⵙ ⵙⵓⴼⵉⴰⵏⴻ ⵛⵀⴰⵉⴱ, ⵡⴰⵙⵙ-ⴰ ⵏ ⵜⵜⵍⴰⵜⴰ ⵙ ⵓⴱⵔⵉⴷ ⵏ ⵓⴷⵉⵡⴻⵏ ⵏ ⵍⴱⴻⵄⵉⴷ (ⵠⵉⵙⵉⵓⵛⵓⵏⴼéⵔⴻⵏⵛⴻ), ⴷⴻⴳ ⵢⵉⵎⴻⵀⵍⴰⵏ ⵏ ⵜⴻⵞⵎⵓⵢⴰ ⵜⵉⵙ ⵎⵔⴰⵡ ⴷ ⵙⵏⴰⵜ (12) ⵏ ⵜⵙⴻⵇⵇⵓⵎⵜ ⵏ ⵓⵏⵢⵓⴷⴷⵓ ⵏ ⵜⵉⵏⵇⵉⴹⵉⵏ ⵏ ⵓⵇⵇⴻⵏ (ⴼⵓⵛⴰⵍ ⵃⵓⵉⵏⵜⵙ) ⵜⵉⵖⴻⵍⵏⴰⵡⵉⵏ ⵏ ⵜⴰⵔⵔⴰⵢⵜ ⵏ ⵜⴻⴼⵔⵉⵇⵜ ⵉ ⵓⵙⴻⴽⴼⴻⵍ ⴳⴰⵔ ⵢⵉⵎⵓⵍⴰⵙ (ⴰⵃⵔⵎ), ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵜⵏⴻⵖⵍⴰⴼⵜ.
ⵉⵙⴻⴳⵣⵉ-ⴷ ⵓⴷⵢⴰⵏ-ⵏⵏⵉ ⴱⴻⵍⵍⵉ ⵜⵉⵎⵍⵉⵍⵉ-ⴰⴳⵉ ⵏ ⵓⵙⴻⴳⴳⴰⵙ ⵜⵓⵙⴰ-ⴷ ⵉⵡⴰⴽⴽⴻⵏ ⴰⴷ "ⴹⴼⵔⴻⵏ ⴰⵙⴻⵍⵍⴻⴽ ⵏ ⵔⵔⴰⵢⴻⵏ ⵉ ⴷ-ⵢⴻⴼⴼⵔⴻⵏ ⴷⴻⴳ ⵜⴻⵞⵎⵓⵢⴰ ⵜⵉⵙ 35 ⵏ ⵓⵙⵇⴰⵎⵓ ⵏ ⵢⵉⵙⴻⵍⵡⴰⵢⴻⵏ ⵏ ⵜⵎⵓⵔⴰ ⴷ ⵓⵏⴰⴱⴰⵖ ⵏ ⵜⴰⵔⵔⴰⵢⵜ-ⴰⴳⵉ".
ⵉⵎⴻⵀⵍⴰⵏ ⵏ ⵜⴻⵞⵎⵓⵢⴰ-ⴰⴳⵉ, ⵉ ⴷ-ⵢⴻⵍⵍⴰⵏ ⵙ ⴷⴷⴰⵡ ⵏ ⵜⵙⴻⵍⵡⵉⵜ ⵏ ⵜⴻⴳⴷⵓⴷⴰ ⵏ ⵓⴳⴰⵏⴷⴰ, ⵍⵎⴻⵏⵜ "ⴰⵙⴻⴽⴼⴻⵍ ⵏ ⵓⵙⴻⵍⵍⴻⴽ ⵏ ⵢⵉⵏⴻⵔⵡⴰⵢⴻⵏ ⵏ ⵜⴻⵞⵎⵓⵢⴰ ⵉⵄⴻⴷⴷⴰ ⵉ ⵜⴻⵙⵙⴻⵍⵡⵉ ⵍⴻⵣⵣⴰⵢⴻⵔ, ⴷ ⵓⵙⴻⴽⴼⴻⵍ ⵏ ⵓⵙⵡⵉⵔ ⵏ ⵜⵉⴷⴷⵉ ⴷⴻⴳ ⵓⵙⴻⵍⵍⴻⴽ ⵏ ⵡⴰⵀⵉⵍ ⵏ ⵓⵅⴻⴷⴷⵉⵎ ⵏ ⵜⴰⵔⵔⴰⵢⵜ", ⵙ ⵜⵎⴻⵔⵏⵉⵡⵜ ⵏ "ⵓⵙⵇⴻⵔⴷⴻⵛ ⵏ ⵜⴰⵎⵙⴰⵍⵉⵢⵉⵏ ⵏ ⵓⵙⴻⴷⴷⴻⵙ ⵉ ⵓⵞⵀⴻⴷ ⵏ ⵏⴼⴰⵄ ⵏ ⵜⴰⵔⵔⴰⵢⵜ-ⴰⴳⵉ ⴷⴻⴳ ⵓⴱⴻⵇⵇⴻⵙ ⵏ ⵜⵉⵖⴻⴹⴻⵎⵜ ⵢⴻⵍⵀⴰⵏ ⴷⴻⴳ ⵜⴻⴱⵜⵉⵛⵜ ⵏ ⵜⴻⴼⵔⵉⵇⵜ".
ⴷⴻⴳ ⵡⴰⵡⴰⵍ-ⵉⵙ, ⵎⴰⵙⵙ ⵛⴰⵢⴱ, ⴷ ⵏⴻⵜⵜⴰ ⵉ ⴷ ⵜⴰⵏⵇⵉⴹⵜ ⵏ ⵓⵇⵇⴻⵏ ⵜⴰⵖⴻⵍⵏⴰⵡⵜ ⵏ ⴰⵃⵔⵎ, ⵢⴻⵙⵙⴻⵏⵜⴻⵎ "ⵜⵉⵔⴰⵜ ⵏ ⵍⴻⵣⵣⴰⵢⴻⵔ ⵉ ⵓⴷⴰⵢⴻⵎ ⵏ ⵜⴰⵍⵍⴻⵍⵜ ⵏ ⵓⴱⵔⵉⴷ ⵏ ⵓⵙⵉⵣⴷⴻⴳ ⵏ ⵜⴰⵔⵔⴰⵢⵜ-ⴰⴳⵉ ⴷ ⵓⵞⵀⴻⴷ ⵏ ⵓⵎⴽⴰⵏ-ⵉⵙ ⴷ ⵍⵍⵙⴰⵙ ⵏ ⵓⵏⴰⴳⵔⴰⵡ ⵏ ⵜⵉⵖⴻⴹⴻⵎⵜ ⵏ ⵜⴻⴼⵔⵉⵇⵜ, ⵉ ⵓⵙⴻⴷⴷⴻⵙ ⵏ ⵢⵉⵎⴻⵏⵣⴰⵢⴻⵏ ⵏ ⵜⵉⵖⴻⴹⴻⵎⵜ ⵢⴻⵍⵀⴰⵏ ⴷ ⵜⴰⵍⵍⴻⵍⵜ ⵏ ⵜⵏⴻⴼⵍⵉ ⵢⴻⵜⵜⵉⴷⵉⵔⴻⵏ ⴷ ⵓⵃⵔⴰⵣ ⵏ ⵢⵉⵙⵉⴳ ⵏ ⵡⴰⵀⵉⵍ ⵏ ⵜⴻⴼⵔⵉⵇⵜ 2063".
ⵢⴻⴱⴷⴻⵔ-ⴷ ⴷⴰⵖⴻⵏ "ⴰⵎⴻⵀⵍⴰⵏ ⴰⵎⴻⵇⵇⵔⴰⵏ ⵉ ⵜⵅⴷⴻⵎ ⵍⴻⵣⵣⴰⵢⴻⵔ ⴷⴻⴳ ⵜⴰⵍⵍⵉⵜ ⵏ ⵜⵙⴻⵍⵡⵉⵜ-ⵉⵙ ⵏ ⵓⵙⵇⴰⵎⵓ ⵏ ⵢⵉⵙⴻⵍⵡⴰⵢⴻⵏ ⵏ ⴰⵃⵔⵎ (2024-2026), ⴷⴻⴳ ⵓⵙⴻⵏⴽⴻⵔ ⵏ ⵓⵙⴻⵏⴼⴰⵔ ⵏ ⵓⴹⵔⵉⵙ ⵏ ⵓⵥⴰⵢⴰⵔ (ⵉⵏⴷⴻⵅ) ⵏ ⵜⵉⵖⴻⴹⴻⵎⵜ ⵏ ⵜⴻⴼⵔⵉⵇⵜ".
ⵜⴰⴳⴳⴰⵔⴰ, ⵎⴰⵙⵙ ⵛⴰⵢⴱ ⵢⴻⵙⵙⴻⵏⵜⴻⵎ "ⵜⵉⵔⴰⵜ ⵏ ⵍⴻⵣⵣⴰⵢⴻⵔ ⵉ ⵓⴽⴻⵎⵎⴻⵍ ⵏ ⵜⵜⴻⴽⴽⵉ ⴰⵎⵓⴼⴼⵉⵔ ⴷⴻⴳ ⵓⵞⵀⴻⴷ ⵏ ⵓⵏⵢⵓⴷⴷⵓ ⵏ ⵜⴻⴼⵔⵉⵇⵜ ⴷ ⵓⵎⵢⴻⵣⵣⵡⴻⵔ ⵏ ⵜⵎⵓⵙⵏⵉⵡⵉⵏ, ⵉⵡⴰⴽⴽⴻⵏ ⴰⴷ ⴷ-ⵜⵉⵍⵉ ⵜⵎⵓⵖⵍⵉ ⵏ +ⵜⴻⴼⵔⵉⵇⵜ ⵉ ⵏⴻⴱⵖⴰ+ ⵉ ⴷ-ⵢⴻⵍⵍⴰⵏ ⴷⴻⴳ ⵡⴰⵀⵉⵍ ⵏ ⵜⴰⴷⵓⴽⵍⵉ ⵏ ⵜⴻⴼⵔⵉⵇⵜ 2063".
ⴰⵔⵏⵓ ⵖⴻⵔ
