ⵜⴰⴷⵓⴽⵍⵉ ⵜⴰⵖⴻⵍⵏⴰⵡⵜ ⴷ ⵜⴰⴳⴻⵊⴷⵉⵜ ⵜⴰⵏⵓⵎⴰⵙⵜ ⵢⴻⵔⵏⵓ ⴷ ⵜⴰⴹⵎⴰⵏⵜ ⵉ ⵓⵃⵔⴰⵣ ⵏ ⵜⴼⴻⵔⴼⴰⵏⵜ ⴷ ⵓⵙⵓⴳⴳⴻⵍ ⵏ ⵜⴻⵔⵙⴰⵍ ⵏ ⵜⵖⴻⵍⵍⵉⵙⵜ, ⴰⵔⴽⴰⴷ ⴷ ⵜⵍⴻⵙⵍⴰⵍⵉⵜ-ⵏⵏⴻⵙ, ⵖⴻⴼ ⵡⴰⴽⴽⴻⵏ ⴷ-ⵜⴻⵣⵣⵉⵔⴻⴳ ⵜⴻⵙⵖⵓⵏⵜ ⵏ ⴻⵍ-ⴷⵊⴻⵉⵛⵀ ⴷⴻⴳ ⵡⵓⵟⵟⵓⵏ-ⵏⵏⴻⵙ ⵏ ⵡⴰⵢⵢⵓⵔ ⵏ ⵡⴰⵎⴱⴻⵔ.
ⴷⴻⴳ ⵜⴳⴻⵊⴷⵉⵜ-ⵏⵏⴻⵙ ⵙ ⵓⵣⵡⴻⵍ ⵏ “ⵜⴰⴷⵓⴽⵍⵉ-ⵏⵏⴻⵖ ⴷ ⴰⵖⴱⴰⵍⵓ ⵏ ⵜⴷⵓⵙⵉ-ⵏⵏⴻⵖ », ⵜⴻⵙⵎⴻⴽⵜⴰⵢ-ⴷ ⵜⴻⵙⵖⵓⵏⵜ ⵏ ⴻⵍ-ⴷⵊⴻⵉⵛⵀ ⴷⴰⴽⴽⴻⵏ « ⴰⵎⴻⵣⵔⵓⵢ ⵏ ⵜⵎⵓⵔⵜ-ⵏⵏⴻⵖ ⴷ ⴰⵏⴻⵙⴱⴰⵖⵓⵔ ⵙ ⵢⵉⵙⴻⴷⴷⴰⴳⴻⵏ ⵉⴼⵍⴰⵍⴰⵢⴻⵏ ⴷ ⵢⵉⵏⴳⵓⵣⴻⵏ ⵉⵎⴻⴽⵜⴰⵢⴻⵏ ⵉ ⴷ-ⵢⴻⵙⵍⵓⵍⴻⵏ ⵜⴰⵎⴰⵏⴻⴳⵜ ⴷ ⵓⴼⵔⴰⵛ ⵏ ⴷⵣⴰⵢⴻⵔ ⵢⴻⵔⵏⵓ ⵏⴻⵊⵕⴻⵏ-ⴷ ⵉⵣⵉⵔⵉⴳⴻⵏ ⵏ ⵢⵉⵎⴰⵍ-ⵏⵏⴻⵙ ».
ⵜⴻⴱⴷⴻⵔ-ⴷ ⵜⴻⵙⵖⵓⵏⵜ, ⴷⴻⴳ ⵜⴻⵎⵙⴰⵍⵜ-ⴰ, ⵢⵉⵡⴻⵏ ⵙⴻⴳ ⵢⵉⵢⴳⴰⵜⴻⵏ ⵉⵎⴻⴽⵜⴰⵢⴻⵏ ⴷⴻⴳ ⵓⵎⴻⵣⵔⵓⵢ ⵢⴻⵔⵏⵓ ⵡⴰ ⴷ ⴰⵏⴽⴰⵔ ⵏ ⵜⴻⴳⵔⴰⵡⵍⴰ ⵜⴰⵎⴰⵏⴳⴰⵏⵜ ⵏ ⵓⵙⵍⴻⵍⵍⵉ ⴰⵙⵙ ⵏ ⵓⵎⴻⵏⵣⵓ ⵏ ⵡⴰⵎⴱⴻⵔ 1954, ⵉ ⵏⴻⵙⴼⵓⴳⴻⵍ ⴷⴻⴳ ⵓⵎⵓⵍⵍⵉ-ⵏⵏⴻⵙ ⵡⵉⵙ 71 ⵢⴻⵔⵏⵓ ⴷ ⵜⴰⴷⵢⴰⵏⵜ ⵎⵓⵎⵉ ⵜⵙⴻⵎⵎⴰ ⵜⴻⵙⵖⵓⵏⵜ « ⵜⴰⴼⵓⴼⵢⴰ ⵜⴰⵎⴻⵖⵍⴰⵍⵜ, ⵉⵖⴼⴰⵡⴻⵏ-ⵏⵏⴻⵙ ⵜⵜⵡⴰⵔⵓⵏ ⵙ ⵢⵉⵙⴻⴽⴽⵉⵍⴻⵏ ⵏ ⵡⵓⵔⴻⵖ ⵙⵖⵓⵔ ⵓⵖⵔⴻⴼ ⴰⴷⵣⴰⵢⵔⵉ ⴰⵎⵏⴻⵖ ⵢⴻⵔⵏⵓ ⴷ ⵜⵉⵏ ⴰⵔⴰ ⵢⴻⵇⵇⵉⵎⴻⵏ ⵜⴻⵏⵇⴻⵛ ⴷⴻⴳ ⵓⵎⴻⵣⵔⵓⵢ ⵏ ⵜⴰⵍⵙⴰ ⵙ ⵢⵉⵙⴻⵎ-ⵏⵏⴻⵙ ⴷ ⵢⵉⵡⴻⵜ ⵙⴻⴳ ⵜⴻⴳⵔⴰⵡⵍⵉⵡⵉⵏ ⵜⵉⵎⴻⵙⵍⴻⵍⵍⵉⵢⵉⵏ ⵉ ⵢⴻⴼⴽⴰⵏ ⵜⵉⵇⵍⵉⵜ ⵖⴻⵔ ⵡⴰⴽⴽ ⵜⵉⵎⵏⴰⴹⵉⵏ ⵏ ⵓⵎⴰⴹⴰⵍ ».
ⵜⴰ ⴷ ⵜⴰⴳⵔⴰⵡⵍⴰ ⵉ ⵢⴻⵍⵡⵉ ⵓⵖⵔⴻⴼ ⴰⴷⵣⴰⵢⵔⵉ ⵙ “ⵜⴻⴱⵖⴻⵙⵜ, ⵜⴰⵙⵎⴻⴷⵏⴰ, ⴰⴼⵍⴰⵙ ⵙ ⵜⵉⵖⵖⵓⴷⵎⴰ ⵏ ⵜⴻⵎⵙⴰⵍⵜ-ⵏⵏⴻⵙ, ⴰⴳⵓⵛⵛⴻⵍ ⴷ ⵓⵎⵎⵉⴷ ⴰⴽⴽⴻⵏ ⴰⴷ ⵢⴻⴼⴽ ⴰⴽⴽ ⵜⵉⵖⴻⵔⵙⴰⵡⵉⵏ ⵉ ⵓⵙⵓⵖⴰⵍ ⵏ ⵜⵏⴰⵢⴰ-ⵏⵏⴻⵙ ⵜⴰⵖⴻⵍⵏⴰⵡⵜ ⵢⴻⵔⵏⵓ ⴰⴷ ⴷ-ⵢⴻⵙⵜⴻⴼ ⵜⵉⵍⴻⵍⵍⵉ ⴷ ⵓⵣⴰⵔⵓⴳ-ⵏⵏⴻⵙ ⴷ ⵏⵉⵜⵏⵉ ⵉ ⴷ ⴰⵎⵔⵉⴳ ⴰⵇⴻⵔⴹⴰⵍ ⵉ ⵓⵎⴻⵏⵏⵓⵖ ⴰⵔⵎⴰ ⴷ ⵜⴰⴳⴰⵔⴰ ».
« ⵢⴻⴼⴽⴰ-ⴷ ⵢⵓⵛ ⵉ ⵜⵎⵓⵔⵜ-ⵏⵏⴻⵖ ⵉⵔⴳⴰⵣⴻⵏ, ⵉⵎⴻⵥⵔⴻⵖⵍⴰⵏⴻⵏ ⵉⴼⴰⵏⴰⵢⴻⵏ, ⵉ ⵢⴻⴼⴽⴰⵏ ⴰⵢⴻⵏ ɛⵣⵉⵣⴻⵏ ⴰⴽⴽ ⴼⴻⵍⵍ-ⴰⵙ ⵉⵍⵎⴻⵏⴷ ⵏ ⵜⴼⴻⵔⴼⴰⵏⵜ, ⵢⴻⵔⵏⵓ ⵡⵉ ⴷ ⵉⵔⴳⴰⵣⴻⵏ ⴷ-ⵢⴻⵇⵇⵉⵎⴻⵏ ⴷⴻⴳ ⵜⴽⴰⵜⵓⵜ ⵏ ⵜⵙⵓⵜⵡⵜⵉⵏ ⴷ-ⵢⴻⵜⵜⴻⵎⵙⴻⴹⴼⴰⵔⴻⵏ ⵙ ⵢⵉⵏⴼⵓⵙⴻⵏ ⴷ-ⴳⴰⵏ ⵙ ⵢⵉⵎⵔⵉⴳⴻⵏ-ⵏⵙⴻⵏ ».
ⴷⵉⵎⴰ ⴷⴻⴳ ⵜⴻⵎⵙⴰⵍⵜ-ⴰ, ⵜⵡⴻⴽⴻⴽⴷ-ⴷ ⵜⴻⵙⵖⵓⵏⵜ-ⴰ ⴷⴰⴽⴽⴻⵏ “ⵢⴻⵍⵍⴰ ⵉⴱⴰⵏ ⴷⴰⴽⴽⴻⵏ ⴰⵔⵔⴰⵡ ⵏ ⵡⴰⵎⴱⴻⵔ ⴰⴷ ⴷ-ⵙⵙⵓⴷⴷⵔⴻⵏ ⵜⴰⵊⴰⵊⵉⵃⵜ ⵏ ⵜⵍⴻⵍⵍⵉ ⵉ ⵡⴻⵔǧⵉⵏ ⵜⴻⵏⵙⵉ ⵙⴻⴳ ⵜⴰⵍⵍⵉⵜ ⵏ ⵍⴰⵎⵉⵔ ɛⴻⴱⴷⴻⵍⵇⴰⴷⴻⵔ ⴰⵔⵎⵉ ⴷ ⴰⵏⴽⴰⵔ ⵏ ⵜⴻⴳⵔⴰⵡⵍⴰ ⵜⵉⵎⴻⵙⵍⴻⵍⵍⵉⵜ, ⵡⴰⵔ ⵎⴰ ⵏⴻⵜⵜⵓ ⵜⵉⵏⴻⴽⵔⵉⵡⵉⵏ, ⴰⵣⴱⵓ ⴰⵖⴻⵔⴼⴰⵏ ⴷ ⵓⵎⴻⵏⵏⵓⵖ ⴰⵙⴻⵔⵜⴰⵏ ⴷ-ⵢⴻⵍⵍⴰⵏ ⴷⴷⴰⵡ ⵓⵎⵓⵙⵙⵓ ⴰⵖⴻⵍⵏⴰⵡ. »
« ⴰⵟⴰⵙ ⵏ ⵜⵙⵓⵜⵡⵉⵏ ⵉ ⵉⴷⴻⵔⵡⴻⵏ ⴷⴻⴳ ⵜⵉⵔⴰ ⵏ ⵓⵎⴻⵣⵔⵓⵢ ⵙ ⵢⵉⴼⴰⵙⵙⴻⵏ-ⵏⵙⴻⵏⵜ, ⵢⴻⵔⵏⵓ ⵎⴻⵙⵍⴻⵏⵜ-ⵜ-ⵉⴷ ⵖⴻⴼ ⵍⴻⵃⵙⴰⴱ ⵏ ⵜⵉⵖⴻⵙⵜ ⴷ ⵜⵎⴻⵖⵙⵉⵡⵜ-ⵏⵙⴻⵏⵜ, ⵢⴻⵔⵏⵓ ⴷ ⴰⵢⴰ ⵉ ⵉⵔⴻⵥⵎⴻⵏ ⴰⴱⵔⵉⴷ ⵉ ⵢⵉⵎⴰⵍ ⴷ ⵉⵎⴼⴻǧǧⴻǧ ⴰⵎⴰ ⵉ ⵏⵉⵜⴻⵏⵜⵉ, ⴰⵎⴰ ⵉ ⵡⴰⴽⴽ ⵉⵖⴻⵔⴼⴰⵏ ⵢⴻⴷⴷⵔⴻⵏ ⴷⴷⴰⵡ ⵓⵡⴷⴰⴳ, ⴰⴷⴰⴳⴰⵣ, ⴰⴷⴻⵍⵇⴻⵎ, ⴰⵎⵎⴰⴷ ⴷ ⵜⴷⴰⵍⵍⵓⵜ », ⵖⴻⴼ ⵡⴰⴽⴽⴻⵏ ⴷ-ⵢⴻⵏⵏⴰ ⵓⵖⴱⴰⵍⵓ-ⴰ.
ⵜⴻⵙⵎⴻⴽⵜⴰⵢ-ⴷ ⴷⴰⴽⴽⴻⵏ ⴰⵖⵔⴻⴼ ⴰⴷⵣⴰⵢⵔⵉ ⵜⴻⵔⵔⴰ-ⵜ ⵜⵎⴰⵔⴰ « ⴰⴷ ⵢⴻⵛⵔⵉⵇⵇⵔⴻⵡ ⵜⵓⵣⵣⵓⴳⵜ ⴷ ⵜⴷⴰⵏⴽⵉⵜ ⵏ ⵓⵏⴻⵡⴷⴰⴳ ⴰⵡⴰⴳⴰⵏ ⵉ ⵢⴻⵙⵇⴻⴷⵛⴻⵏ ⴰⴽⴽ ⵜⴰⵔⵔⴰⵢⵉⵏ ⵜⵓⵛⵎⵉⵜⵉⵏ ⴰⴽⴽⴻⵏ ⴰⴷ ⵢⴻⵙⵙⴻⴽⵏⵓ ⴰⵖⵔⴻⴼ-ⴰ ⴷⴷⴰⵡ ⵓⵣⴰⴳⵍⵓ-ⵏⵏⴻⵙ ⵏ ⵜⴷⴰⵍⵍⵓⵜ, ⴰⵍⴽⵓⵎ ⴷ ⵓⴷⴰⴳⴰⵣ ⵙ ⵓⵙⵏⵓⵍⵍⴻⴼ, ⵜⵉⵎⴻⵏⵖⵉⵡⵉⵏ, ⵉⵅⴹⴰⴼⴻⵏ ⴷ ⵓⵙⴻɛⵔⴻⵇ ⵏ ⵢⵉⵎⴷⴰⵏⴻⵏ… ⵢⴻⵔⵏⵓ ⴷ ⴰⵢⴰ ⵉ ⵢⴻⵙⵙⴰⵡⴹⴻⵏ ⴰⵏⴻⵡⴷⴰⴳ ⴰⴷ ⵢⴻⴳ ⵜⵉⵊⵔⵉⵎⵉⵏ ⵏ ⵓⵎⴳⴰⵔⵓ ⴷ ⵜⴻⵊⵔⵉⵎⵉⵏ ⵎⴳⴰⵍ ⵜⴰⵍⵙⴰ ⵓⵔ ⵢⴻⵣⵎⵉⵔⴻⵏ ⴰⴷ ⵜⵜⵡⴰⵙⵙⵓⵔⴼⴻⵏⵜ ⵢⴻⵔⵏⵓ ⵓⵔ ⵣⵎⵉⵔⴻⵏⵜ ⴰⴷ ⵜⵜⵡⴰⵙⴻⴼⴹⴻⵏⵜ ⵙⴻⴳ ⵓⵎⴻⵣⵔⵓⵢ ».
« ⴷⴻⴳ ⵡⴰⴽⵓⴷ ⵎⴰⵏⵉ ⵏⴻⵙⴼⵓⴳⵓⵍ ⵜⴰⵍⴻⵎⵎⵉⵥⵜ-ⴰ ⵜⴰɛⵣⵉⵣⵜ ⵖⴻⴼ ⵡⵓⵍⴰⵡⴻⵏ-ⵏⵏⴻⵖ, ⴰⵢⴰ ⵢⴻⵍⵍⴰ-ⴰⵏⴻⵖ-ⴷ ⴷⴰⵖ ⴷ ⵜⴰⵍⴻⵎⵎⵉⵥⵜ ⴰⴽⴽⴻⵏ ⴰⴷ ⴷ-ⵏⴻⵎⵎⴻⴽⵜⵉ ⴰⵣⴰⵍⴻⵏ ⴷ ⵢⵉⵎⴻⵏⵣⴰⵢⴻⵏ ⵏ ⵢⵉⵎⵉⵔⵡⴻⵏ-ⵏⵏⴻⵖ ⵉⵎⴰⵏⴳⴰⵏⴻⵏ, ⵉⵎⴻⵔⴽⵉⴷⴻⵏ-ⵏⵙⴻⵏ ⵉⵎⴻⵇⵇⵔⴰⵏⴻⵏ ⴷ ⵓⴼⵔⴰⵛ-ⵏⵏⴻⵖ ⵙ ⵡⴰⵢⴻⵏ ⴷ-ⴳⴰⵏ, ⴰⵎ ⵡⴰⴽⴽⴻⵏ ⵉ ⵢⴻⵙⵙⴻⴼⴽ ⴰⴷ ⵏⴻⵃⵔⴻⵣ ⵜⵓⴽⴽⴻⵙⵜ-ⵏⵙⴻⵏ ⵢⴻⵔⵏⵓ ⴰⴷ ⵏⴽⴻⵎⵎⴻⵍ ⴰⴷ ⵏⴻⴷⴷⵓ ⴷⴻⴳ ⵓⴱⵔⵉⴷ-ⵏⵙⴻⵏ ⵢⴻⵔⵏⵓ ⵏⴻⴽⴽⵏⵉ ⵏⵓⴽⵉ ⴷⴰⴽⴽⴻⵏ ⵓⵍⴽⴻⵏ ⵢⴻⵔⵏⵓ ⵡⵡⴹⴻⵏ ⵖⴻⵔ ⵓⵙⴰⵖⴻⴷ-ⵏⵙⴻⵏ ⵙ ⵓⵙⵓⴳⴳⴻⵍ ⵏ ⵜⴷⵓⴽⵍⵉ, ⵜⴰⵎⵢⴰⵎⴰⵥⵜ ⴷ ⵜⴻⵎⵙⴻⵜⵍⴻⵍⵜ-ⵏⵙⴻⵏ ⵉⵍⵎⴻⵏⴷ ⵏ ⵢⵉⵡⴻⵏ ⴽⴰⵏ ⵏ ⵢⵉⵙⵡⵉ: ⴰⵙⵓⵖⴰⵍ ⵏ ⵜⵏⴰⵢⴰ ⵜⴰⵖⴻⵍⵏⴰⵡⵜ », ⵖⴻⴼ ⵡⴰⴽⴽⴻⵏ ⴷ-ⵜⴻⴱⴷⴻⵔ ⵜⴻⵙⵖⵓⵏⵜ-ⴰ.
« ⴷ ⴰⵣⴰⵍⴻⵏ-ⴰ ⵉ ⵃⴻⵔⵣⴻⵏ ⴰⴽⴽ ⵉⴷⵣⴰⵢⵔⵉⵢⴻⵏ ⴰⵙⵙ-ⴰ ⵢⴻⵔⵏⵓ ⵎⴻⵣⵣⵖⴻⵏ-ⵜⴻⵏ”, ⵖⴻⴼ ⵡⴰⴽⴽⴻⵏ ⴷ-ⵜⴻⵏⵏⴰ ⵜⴳⴻⵊⴷⵉⵜ-ⴰ ⴷ-ⵢⴻⴼⴽⴰⵏ ⴰⵏⵣⴰ ⵏ “ⵓⵏⵏⴻⴱⴳⴰⵙ ⴷ ⵓⴷⵔⴰⵡ-ⵏⵙⴻⵏ ⴰⵎⴻⵇⵇⵔⴰⵏ ⴷⴻⴳ ⵜⵙⴻⵍⴼⴰⵡⵜ ⵏ ⵓⵍⵙⴻⴽⵍⵓ ⵉ ⴷ-ⵉⵃⵓⵣⴰⵏ ⴰⴽⴽ ⵜⵉⵎⵏⴰⴹⵉⵏ ⵏ ⵓⴳⴻⵍⵍⵓⵢ ⴰⵖⴻⵍⵏⴰⵡ ⴰⵙⵙ ⵏ 25 ⵜⵓⴱⴻⵕ ⵢⴻⵣⵔⵉⵏ », ⵖⴻⴼ ⵡⴰⴽⴽⴻⵏ ⴷ-ⵜⴻⵏⵏⴰ ⵜⴳⴻⵊⴷⵉⵜ ⵏ ⵜⴻⵙⵖⵓⵏⵜ ⵏ ⴻⵍ-ⴷⵊⴻⵉⵛⵀ.
ⵜⴻⵔⵏⴰ-ⴷ ⴷⴰⴽⴽⴻⵏ ⵜⵉⵙⴻⵏⵜⴰⵢⵉⵏ-ⴰ ⵜⵜⴳⴻⵏⵙⵉⵙⴻⵏⵜ-ⴷ ⵉⵣⴻⵏ « ⴰⵅⴰⵜⴰⵔ ⵙ ⵜⴻⴼⵔⴰⵔⴰ » ⵉ ⵓⵎⴰⴹⴰⵍ ⴰⴽⴽⴻⵏ ⵎⴰ ⵢⴻⵍⵍⴰ, ⴷ ⵡⵉⵏ ⴷ-ⵢⴻⵏⴰⵏ ⴷⴰⴽⴽⴻⵏ ‘ⵏⴻⴽⴽⵏⵉ ⴷ ⵢⵉⵡⴻⵜ ⵏ ⵜⴼⴻⴽⴽⴰ ⵙ ⵢⵉⵡⴻⵏ ⵏ ⵡⵓⵍ, ⵜⴰⴷⵓⴽⵍⵉ-ⵏⵏⴻⵖ ⴷ ⵏⴻⵜⵜⴰⵜ ⵉ ⴷ ⴰⵙⵉⵎⴰⵏ ⵏ ⵜⴻⵔⵙⴰⵍ-ⵏⵏⴻⵖ ⵢⴻⵔⵏⵓ ⵜⴻⵙⴷⵓⵙ ⴰⴳⵓⵛⵛⴻⵍ-ⵏⵏⴻⵖ ⴰⴽⴽⴻⵏ ⴰⴷ ⵏⴻⴷⴷⵓ ⵖⴻⵔ ⵙⴷⴰⵜ ⵢⴻⵔⵏⵓ ⴰⴷ ⴷ-ⵏⴻⵚⴽ ⴷⵣⴰⵢⴻⵔ ⵜⴰⵎⴰⵢⵏⵓⵜ ⵜⴰⵏⴰⵍⴰⴽⵜ, ⴷ ⵜⴰⴷⵓⵙⴰⵏⵜ, ⴷ ⵜⴰⵏⴽⴻⵍⵡⴰⵢⵜ ⵢⴻⵔⵏⵓ ⴷ ⵜⵓⵖⵍⵉⵙⵜ. ⴰⵢⴰ ⵢⴻⵍⵍⴰ-ⴷ ⵛⵛⵉⵍ ⵏ ⵛⵛⵡⴰⵍ ⵢⴻⵍⵍⴰⵏ ⴷⴻⴳ ⵜⴻⵎⵏⴰⴹⵜ ⴷ ⵓⵎⴰⴹⴰⵍ, ⵉⵏⴳⵣⵓⵍⴻⵏ ⴷ-ⵉⴱⴰⵏⴻⵏ ⴷ ⵡⵓⴼⴼⵉⵔⴻⵏ ⵢⴻⵜⵜⵃⴰⴽⴰⵕⴻⵏ ⵜⴰⵎⵓⵔⵜ-ⵏⵏⴻⵖ ⴷ ⵢⵉⵖⴰⵡⴰⵙⴻⵏ ⵉⵢⴻⵔⴱⵓⴽⴰⵏⴻⵏ ⵉⵍⵎⴻⵏⴷ ⵏ ⵓⵙⵡⴰⵖⵉ ⵏ ⵜⵖⴻⵍⵍⵉⵙⵜ, ⴰⵔⴽⴰⴷ ⵏ ⵜⵎⵓⵔⵜ-ⵏⵏⴻⵖ ⴷ ⵜⴽⵓⵏⵉ ⵏ ⵓⵖⵔⴻⴼ-ⵏⵏⴻⵖ ».
ⵉⵍⵎⴻⵏⴷ ⵏ ⵡⴰⵢⴰ, ⵢⴻⵣⵣⵉⵔⴻⴳ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ, ⴰⵏⴻⵎⵖⵓⵔ ⴰⵏⴰⴼⴻⵍⵍⴰ ⵏ ⵢⵉⵖⴰⵍⵍⴻⵏ ⵓⵎⵔⵉⴳⴻⵏ, ⴰⵏⴻⵖⵍⴰⴼ ⵏ ⵓⵎⵣⴰⵖ ⴰⵖⴻⵍⵏⴰⵡ, ⴷⴰⴽⴽⴻⵏ « ⴷⴻⴳ ⵓⵎⵓⵍⵍⵉ-ⴰ ⵡⵉⵙ 71 ⵏ ⵓⵏⴽⴰⵔ ⵏ ⵜⴻⴳⵔⴰⵡⵍⴰ ⵜⴰⵎⴰⵏⴳⴰⵏⵜ ⵜⴰⵎⴻⵙⵍⴻⵍⵍⵉⵜ, ⴷⴻⴳ ⵡⴰⴽⵓⴷ ⵎⴰⵏⵉ ⵏⴻⵙⴼⵓⴳⵓⵍ ⴰⴼⵔⴰⵛ ⵏ ⵢⵉⵎⵓⵔⵙⴻⵏ ⵉⵎⴰⵏⴳⴰⵏⴻⵏ ⵏ ⵜⵙⵓⵜⵡⵉⵏ ⵢⴻⵏⵏⵓⵖⴻⵏ ⵡⴰⵔ ⴰⴱⴷⴰⴷ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⴷⵣⴰⵢⴻⵔ, ⵏⴻⵔⵔⴰ ⵜⴰⴽⴷⵉⵜ ⵉ ⵜⵖⴻⵔⵙⴰⵡⵉⵏ-ⵏⵙⴻⵏ ⴷ ⴰⵖⴱⴰⵍⵓ ⵓⴳⴳⵉⵍ ⵏ ⵓⴳⵓⵛⵛⴻⵍ ⵢⴻⵔⵏⵓ ⴷ ⵜⴰⵍⴰ ⵉⵙⴻⴳ ⴷ-ⵏⴻⵜⵜⴰⴳⴻⵎ ⵜⴰⴼⵔⵉⵜ ⵜⴰⵎⴻⵣⴷⴰⵢⵜ ⵢⴻⵇⵇⵏⴻⵏ ⵖⴻⵔ ⵓⵎⴻⵣⵔⵓⵢ-ⵏⵏⴻⵖ ⴰⵎⴰⵏⴳⴰⵏ – ⴷ ⵜⴰⵙⴰⵙⵏⵉⵍⵜ ⵉ ⴰⵖⴻⵏ-ⵢⴻⵙⵙⴻⵎⵏⴰⵔⴻⵏ », ⵖⴻⴼ ⵡⴰⴽⴽⴻⵏ ⴷ-ⵜⴻⵙⵎⴻⴽⵜⵉ ⵜⴳⴻⵊⴷⵉⵜ-ⴰ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴻⵜⵜⵡⴻⴽⴽⵉⴷ-ⴷ ⵜⴻⵙⵏⵓⴳⴷⴰ-ⴰ ⵖⴻⴼ “ⵜⵔⴻⵏⵏⴰⵡⵉⵏ ⵜⵉⵎⵙⵉⵇⵍⵉⵢⵉⵏ ⵉ ⴷ-ⵜⴻⵙⵙⴻⴹⵔⴰ ⵜⵎⵓⵔⵜ-ⵏⵏⴻⵖ ⵙ ⵜⴻⵖⵣⴻⴼ ⵏ ⵜⵉⴷⴷⵉⵜ-ⵏⵏⴻⵙ ⵜⴰⵏⴰⵍⴰⴽⵜ ⵢⴻⵍⵍⴰⵏ ⴷ ⴰⴳⵓⵎⵎⵓ ⵏ ⵓⴳⵓⵛⵛⴻⵍ ⵓⵖⵜⵉⵙ ⵏ ⵓⵖⵔⴻⴼ-ⵏⵏⴻⵙ ⴰⴱⵖⴰⵙ, ⵜⴰⵔⴻⴷⵙⴰ-ⵏⵏⴻⵙ ⵜⴰⵎⵀⵓⵍⵜ, ⵓⵙⵙⵉⵙ ⵉⵎⴻⵣⴳⵉ ⵉ ⵓⵃⵔⴰⵣ ⵏ ⵜⴻⵎⵢⴰⵎⴰⵥⵜ ⵏ ⵡⴰⴷⵓⵔⴻⵏ ⴷ ⵓⵏⵥⴰ ⴰⵍⵇⴰⵢⴰⵏ ⴷⴰⴽⴽⴻⵏ ⵜⴰⴷⵓⴽⵍⵉ ⵜⴰⵖⴻⵍⵏⴰⵡⵜ ⴷ ⵜⴰⴳⴻⵊⴷⵉⵜ ⵜⴰⵏⵓⵎⴰⵙⵜ ⵢⴻⵔⵏⵓ ⴷ ⵜⴰⴹⵎⴰⵏⵜ ⵉ ⵓⵃⵔⴰⵣ ⵏ ⵜⴼⴻⵔⴼⴰⵏⵜ ⴷ ⵓⵙⵓⴳⴳⴻⵍ ⵏ ⵜⴻⵔⵙⴰⵍ ⵏ ⵜⵖⴻⵍⵍⵉⵙⵜ, ⴰⵔⴽⴰⴷ ⴷ ⵜⵍⴻⵙⵍⴰⵍⵉⵜ-ⵏⵏⴻⵙ ».
ⵜⴰⴷⵓⴽⵍⵉ-ⴰ “ⴰⴷ ⴷ-ⵜⴻⵇⵇⵉⵎ ⵜⴻⵏⵇⴻⵛ ⴷⴻⴳ ⵓⵔⵅⴰⵎ ⴰⵎ ⵡⴰⴽⴽⴻⵏ ⴷ-ⵜⴻⵜⵜⴳⴻⵏⵙⵉⵙ, ⴰⵙⵙ-ⴰ, ⴰⴽⴰⵜⴰⵔ ⴰⵖⴻⵍⵏⴰⵡ ⴷ ⴰⵎⵖⴻⵡⵥⴰⵏ ⵎⴰⵏⵉ ⵢⴻⴼⵙⵉ ⵓⵖⵔⴻⴼ ⴰⴷⵣⴰⵢⵔⵉ ⴷ ⵜⵔⴻⴷⵙⴰ-ⵏⵏⴻⵙ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ ⵢⴻⵍⵍⴰⵏ ⴷ ⵜⴰⵎⴻⴽⴽⴰⵙⵓⵜ ⵜⴰⵎⴻⴽⵍⴰⵍⵜ ⵏ ⵜⵔⴻⴷⵙⴰ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ, ⴷ ⵜⵉⵏ ⵉ ⵉⵃⴻⵔⵣⴻⵏ ⵜⵓⴽⴽⴻⵙⵜ, ⵢⴻⵔⵏⵓ ⴷⴰⵖ ⴷ ⵜⵉⵏ ⵉ ⵢⴻⵇⵇⵉⵎⴻⵏ ⴷ ⵜⴰⵎⴻⴽⴷⵉⵜ ⵉ ⵜⴳⴰⵍⵍⵉⵜ ⵢⴻⵔⵏⵓ ⴷ ⵜⴰⵇⴻⴷⴷⴰⵛⵜ ⵉ ⵜⴼⴻⵔⴼⴰⵏⵜ ⴷ ⵓⵖⵔⴻⴼ ⴰⴷⵣⴰⵢⵔⵉ ⴰⴱⵖⴰⵙ », ⵖⴻⴼ ⵡⴰⴽⴽⴻⵏ ⴷ-ⵉⴽⴻⵎⵎⴻⵍ ⵓⵖⴱⴰⵍⵓ-ⴰ, ⴰⵎ ⵡⴰⴽⴽⴻⵏ ⴷ-ⵢⴻⵣⵣⵉⵔⴻⴳ ⴷⴰⴽⴽⴻⵏ « ⵙ ⵓⵙⴻⵖⵡⴻⵏ-ⵏⵏⴻⵙ ⴰⵎⴰⴷⵓⵙ ⴷ ⵜⴻⵎⵢⴰⵎⴰⵥⵜ ⴷ ⵜⵔⴻⴷⵙⴰ-ⵏⵏⴻⵙ, ⴰⵖⵔⴻⴼ ⵢⴻⵙⵙⴻⴽⵙⴰⵎ-ⴷ ⵜⴰⵎⵓⴷⴻⵎⵜ ⴷ ⵜⴰⵢⵉⵡⵏⴰⵏⵜ ⵏ ⵜⴷⵓⴽⵍⵉ, ⵜⴰⴳⵎⴰⵜ ⴷ ⵜⴻⴽⵙⵉⵎⴰⵏⵜ ⵢⴻⵔⵏⵓ ⴷ ⴰⵢⴰ ⵉ ⵉⵔⴻⵥⵎⴻⵏ ⴰⴱⵔⵉⴷ ⵉ ⵜⵎⵓⵔⵜ-ⵏⵏⴻⵖ ⴰⴽⴽⴻⵏ ⴰⴷ ⵜⵇⴰⴱⴻⵍ ⴰⴽⴽ ⵉⵛⵇⵉⵔⵔⵡⴻⵏ ⴷ ⵜⵓⴳⴳⵣⵉⵡⵉⵏ, ⴰⴽⴽⴻⵏ ⵖⵙⴻⵏⵜ ⵉⵍⵉⵏⵜ ».
ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵉⵡⴻⴽⴽⴻⴷ-ⴷ ⵓⵊⵉⵏⵉⵕⴰⵍ ⵏ ⵜⵔⴻⴷⵙⴰ ⵙⴰⵉⴷ ⵛⵀⴰⵏⴻⴳⵔⵉⵀⴰ, ⴰⵏⴻⵖⵍⴰⴼ ⴰⵏⴻⵙⵎⵉⴳⴰⵍ ⵖⴻⵔ ⵓⵏⴻⵖⵍⴰⴼ ⵏ ⵓⵎⵣⴰⵖ ⴰⵖⴻⵍⵏⴰⵡ, ⴰⵏⴻⵎⵖⵓⵔ ⵏ ⵓⵎⴰⴷⴷⴰⴷ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ, ⴷⴰⴽⴽⴻⵏ « ⴰⴽⴽⴻⵏ ⴰⴷ ⵏⴻⵙⵙⵓⴳⴳⴻⵍ ⵉⴷⵉⵙ ⴰⵖⴻⵔⴼⴰⵏ ⵏ ⵜⵔⴻⴷⵙⴰ-ⵏⵏⴻⵖ, ⵏⴻⵙⵙⴻⵃⴱⴰⴱⴻⵔ, ⴷⴻⴳ ⵜⵔⴻⴷⵙⴰ, ⵢⴻⵔⵏⵓ ⵏⵙⵓⵍ ⵏⴻⵙⵙⴻⵃⴱⵉⴱⵉⵔ ⴰⴽⴽⴻⵏ ⴰⴷ ⵏⴻⵙⴷⵓⵙ ⴷⵉⵎⴰ ⵜⴰⴼⵍⴻⵙⵜ ⴳⴰⵔ ⵓⵖⵔⴻⴼ ⴷ ⵜⵔⴻⴷⵙⴰ-ⵏⵏⴻⵙ ⵉⵎⵉ ⴷ ⴰⵢⴰ ⴽⴰⵏ ⵉ ⵉⵣⴻⵎⵔⴻⵏ ⴰⴷ ⵢⴻǧǧ ⴷⵣⴰⵢⴻⵔ ⴰⴷ ⵜⵍⵉ ⵜⴰⴼⴼⴰⵍⵜ ⴷ ⵓⴷⴰⴱⵓ ⴰⵔⴰ ⵜⵜ-ⵢⴻⵎⵎⴻⵙⵜⵏⴻⵏ ⵙⴻⴳ ⵡⴰⴽⴽ ⵉⵎⵉⵀⵉⵜⴻⵏ ⴷ ⵜⵓⴳⴳⵣⵉⵡⵉⵏ, ⵢⴻⵔⵏⵓ ⴰⴷ ⵜⴻⵔⵏⵓ ⵉⵏⴳⵓⵣⴻⵏ ⴷ ⵜⵎⵓⴷⴷⴰ ⵓⵔⵅⵉⵙⴻⵏ ⴷ ⵡⵓⵛⵃⵉⵏⴻⵏ ⴷ ⵢⵉⵛⴻⵏⴳⴰ-ⵏⵏⴻⵙ ».
ⴷⴻⴳ ⵜⴳⴰⵔⴰ, ⵜⴻⵙⵎⴻⴽⵜⴰⵢ-ⴷ ⵜⴻⵙⵖⵓⵏⵜ ⵏ ⴻⵍ ⴷⵊⴻⵉⵛⵀ ⴷⴰⴽⴽⴻⵏ “ⴷⵣⴰⵢⴻⵔ ⴰⴷ ⵜⴻⵇⵇⵉⵎ ⵜⴻⴼⵔⴻⵛ, ⴷ ⵜⴰⴷⵓⵙⴰⵏⵜ ⵢⴻⵔⵏⵓ ⴷ ⵜⵓⵖⵍⵉⵙⵜ ⵙⴽⵓⴷ ⵜⵍⴰ ⴷ ⵉⵎⴻⵥⵔⴻⵖⵍⴰⵏⴻⵏ ⴷⴻⴳ ⵜⵔⴻⴷⵙⴰ ⵜⴰⵖⴻⵍⴰⵏⵡⵜ ⵜⴰⵖⴻⵔⴼⴰⵏⵜ ⵢⴻⵜⵜⵎⴰⵀⴰⵍⴻⵏ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵓⴳⴻⵍⵍⵓⵢ ⴰⵖⴻⵍⴰⵏⵡ ⴷ ⵜⵍⵉⵙⴰ ⵜⵉⵣⴻⴳⵔⴰⵔⵉⵏ ⵏ ⵜⵎⵓⵔⵜ-ⵏⵏⴻⵖ, ⵡⵉⴷ ⵉ ⵉⵜⵜⴳⴻⵏ ⵜⵓⵖⴷⴰⴹⵉⵏ-ⵏⵙⴻⵏ ⴰⴽⴽⴻⵏ ⵢⴻⵙⵙⴻⴼⴽ, ⴷⵉⵎⴰ ⵜⵜⴽⴻⵎⵎⵉⵍⴻⵏ ⵜⵜⵎⴰⵀⴰⵍⴻⵏ ⵙ ⵜⴻⴼⵍⴻⵙⵜ ⵉ ⵓⵙⵏⴻⴳⵎⵓ ⵏ ⵢⵉⴽⴻⵜⵜⵓⵔⴻⵏ ⵏ ⵢⵉⵖⴰⵍⵍⴻⵏ-ⵏⵏⴻⵖ ⵓⵎⵔⵉⴳⴻⵏ ⵢⴻⵍⵍⴰⵏ ⴷ ⵉⴷⵓⵙⴰⵏⴻⵏ ⵙ ⵜⴻⵍⵇⴰⵢⵜ ⵜⴰⵖⴻⵔⴼⴰⵏⵜ ⵜⴰⵎⵖⴻⵡⵥⴰⵏⵜ ⵢⴻⵔⵏⵓ ⴷ ⵡⵉⴷ ⵢⴻⵜⵜⵎⴰⵀⴰⵍⴻⵏ ⴰⵍⴰ ⵉ ⵓⵃⵔⴰⵣ ⵏ ⵜⵓⴽⴽⴻⵙⵜ ⵏ ⵢⵉⵎⴻⵖⵔⵓⵙⴻⵏ-ⵏⵏⴻⵖ ⵉⵎⴰⵏⴳⴰⵏⴻⵏ, ⵉⵎⴻⵖⵔⵓⵙⴻⵏ-ⴰ ⴷ-ⵢⴻǧǧⴰⵏ ⵜⴰⵏⴻⴼⴼⵓⵜ ⴳⴰⵔ-ⴰⵏⴻⵖ ⴰⴽⴽⴻⵏ ⴰⴷ ⵏⴽⴻⵎⵎⴻⵍ ⴷⴻⴳ ⵓⴱⵔⵉⴷ ⵏ ⵜⴻⴽⴷⵉⵜ ⵉ ⵜⴳⴰⵍⵍⵉⵜ-ⵏⵙⴻⵏ ⴷ ⵓⵙⴻⴽⵎⴻⵎ ⵏ ⵓⵎⵉⵔⴻⵡ-ⵏⵏⴻⵖ ».
ⴰⵔⵏⵓ ⵖⴻⵔ
