ⵢⴻⵜⵜⵡⴰⵅⵜⴰⵔ ⵓⵙⴻⵏⴼⴰⵔ ⵏ ⵜⵃⵉⵛⴻⵜ ⵏ ⵓⵙⵉⵙⵀⴻⵍ ⵏ ⵡⴰⵎⴰⵏ ⵏ ⵢⵉⵍⵍⴻⵍ "Er-Ras El-Abiodh" (ⵉⵅⴼ ⴰⵎⴻⵍⵍⴰⵍ) ⴷⴻⴳ ⵡⴰⵀⵔⴰⵏ, ⵢⴻⵟⵟⴰⴼⴰⵔⴻⵏ ⵜⴰⵎⵓⵙⵏⵉ ⵜⴰⵣⵣⴰⵢⵔⵉⵜ ⵏ ⵓⵙⵉⵙⵀⴻⵍ ⵏ ⵡⴰⵎⴰⵏ (AEC) — ⴰⴼⵓⵔⴽ ⵏ ⵙⵓⵏⴰⵜⵔⴰⵛⵀ — ⴷⴻⴳ ⵡⴻⵎⴽⴰⵏ ⵡⵉⵙ ⵙⵉⵏ ⵏ ⵡⴰⵔⵔⴰⵣⴻⵏ Global Water Awards 2026 ⵢⴻⵄⵏⴰⵏ ⵢⵉⵙⴻⵏⴼⴰⵔⴻⵏ ⵉⴼⴰⵣⴻⵏ ⵏ ⵓⵙⵉⵙⵀⴻⵍ ⵏ ⵡⴰⵎⴰⵏ ⵏ ⵢⵉⵍⵍⴻⵍ ⵏ ⵓⵙⴻⴳⴳⴰⵙ 2026. ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵔⵔⵉⴼ ⵏ ⵜⴻⴳⵔⴰⵡⵜ ⵜⴰⵎⴰⴹⵍⴰⵏⵜ ⵏ ⵡⴰⵎⴰⵏ 2026 ⵉ ⴷ-ⵢⴻⵍⵍⴰⵏ ⴷⴻⴳ ⵎⴰⴷⵔⵉⴷ (ⵙⴱⴻⵏⵢⵓⵍ) ⵙⴻⴳ 18 ⴰⵔⵎⵉ ⴷ 20 ⵎⴰⵢⵓ.
ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵎⵓⵙⵏⵉ ⵜⴰⵣⵣⴰⵢⵔⵉⵜ ⵏ ⵓⵙⵉⵙⵀⴻⵍ ⵏ ⵡⴰⵎⴰⵏ, ⴰⴳⴻⵎⵓ-ⴰⴳⵉ ⴰⴳⵔⴻⵖⵍⴰⵏ ⴰⵎⴰⵢⵏⵓⵜ ⵢⴻⵎⵎⴰⵍ-ⴷ ⴰⵎⴽⴰⵏ ⵉ ⵉⵜⴻⴷⴷⵓⵏ ⵏ ⵍⴻⵣⵣⴰⵢⴻⵔ ⴷⴻⴳ ⵓⵏⵏⴰⵔ ⵏ ⵜⵎⴰⵏⴻⴳⵜ ⵏ ⵡⴰⵎⴰⵏ (securité hydrique) ⴷ ⵜⵉⵜⵉⴽⵏⵓⵍⵓⵊⵉⵢⵉⵏ ⵏ ⵓⵙⵉⵙⵀⴻⵍ ⵏ ⵡⴰⵎⴰⵏ ⵏ ⵢⵉⵍⵍⴻⵍ.
ⴰⵔⵔⴰⵣ-ⴰⴳⵉ ⵢⵓⵙⴰ-ⴷ — ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵙⵉⵡⴹ — ⵙⴻⵍⴷ ⵢⵉⵡⴻⵏ ⵏ ⵓⵎⵣⵉⵣⵡⴻⵔ ⴰⴳⵔⴻⵖⵍⴰⵏ ⵡⴻⵙⵙⵉⵄⴻⵏ ⵉ ⴷⴻⴳ ⴷ-ⵜⴻⴽⴽⵉⵏ ⵡⴰⵟⴰⵙ ⵏ ⵢⵉⵙⴻⵏⴼⴰⵔⴻⵏ ⵏ ⵓⵎⴰⴹⴰⵍ ⵎⴻⵕⵕⴰ. ⵜⵜⵓⵙⵜⴻⵢⵏⴻⵏ ⴽⴰⵏ ⵎⵔⴰⵡ (10) ⵏ ⵢⵉⵙⴻⵏⴼⴰⵔⴻⵏ ⵉ ⵓⵃⵔⵉⵛ ⴰⵏⴻⴳⴳⴰⵔⵓ, ⴳⴰⵔ-ⴰⵙⴻⵏ ⴰⵙⴻⵏⴼⴰⵔ ⵏ "Er-Ras El-Abiodh" ⴷⴻⴳ ⵡⴰⵀⵔⴰⵏ, ⵉ ⵢⴻⵙⵙⴰⵡⴹⴻⵏ ⴰⴷ ⴷ-ⵢⴰⵡⵉ ⴰⵎⴽⴰⵏ ⵡⵉⵙ ⵙⵉⵏ, ⵙⴻⵍⴷ ⴰⵙⴻⵏⴼⴰⵔ ⵏ "Shoaiba 3" ⴷⴻⴳ ⵜⴳⴻⵍⴷⴰ ⵏ ⵜⵄⵔⴰⴱⵜ ⵜⴰⵙⵄⵓⴷⵉⵜ ⵉ ⴷ-ⵢⴻⵡⵡⵉⵏ ⴰⵎⴽⴰⵏ ⴰⵎⴻⵏⵣⵡⵓⵔⵓ. ⴰⵢⴰⴳⵉ ⴷ ⴰⵙⴻⵙⵜⵔⴻⴼ ⴰⴳⵔⴻⵖⵍⴰⵏ ⴰⵎⴰⵢⵏⵓⵜ ⵙ ⵡⴰⵣⴰⵍ ⵏ ⵍⴻⵣⵣⴰⵢⴻⵔ ⴷⴻⴳ ⵓⵙⵏⴻⴼⵍⵉ ⵏ ⵜⵉⵙⴻⴽⵉⵡⵉⵏ ⵏ ⵍⵍⵙⴰⵙ ⵏ ⵡⴰⵎⴰⵏ ⵉⵙⵔⴰⵜⵉⴷⵊⵉⵢⴻⵏ.
ⴰⵙⴻⵙⵜⵔⴻⴼ-ⴰⴳⵉ ⴷ ⴰⴳⴻⵎⵓ ⵏ ⵓⴱⵔⵉⴷ ⵉ ⵉⵜⴻⴷⴷⵓⵏ ⵏ ⵜⵎⵓⵙⵏⵉ ⵜⴰⵣⵣايⵔⵉⵜ ⵏ ⵓⵙⵉⵙⵀⴻⵍ ⵏ ⵡⴰⵎⴰⵏ (ⴰⴼⵓⵔⴽ ⵏ ⵙⵓⵏⴰⵜⵔⴰⵛⵀ), ⵙ ⵓⵎⵙⴰⵙⴻⵢ ⴷ ⵢⵉⵎⵛⴻⴷⴷⵉⵡⴻⵏ-ⵉⵙ ⵏ ⴷⴰⵅⴻⵍ ⴷ ⵡⵉⴷ ⵏ ⵜⵉⵜⵉⴽⵏⵓⵍⵓⵊⵉⵢⵉⵏ, ⵉⵡⴰⴽⴽⴻⵏ ⴰⴷ ⴷ-ⵙⴱⴻⴷⴷⴻⵏ ⵉⵙⴻⵏⴼⴰⵔⴻⵏ ⵉⵎⴻⵇⵇⵔⴰⵏⴻⵏ ⵏ ⵓⵙⵉⵙⵀⴻⵍ ⵏ ⵡⴰⵎⴰⵏ ⵙ ⴷⴷⴰⵡ ⵏ ⵢⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ ⵉⵎⴰⵢⵏⵓⵜⴻⵏ. ⴰⵢⴰⴳⵉ ⵉⵄⴰⵡⴻⵏ ⴷⴻⴳ ⵓⵙⴻⴶⵀⴻⴷ ⵏ ⵜⵎⴰⵏⴻⴳⵜ ⵏ ⵡⴰⵎⴰⵏ ⵜⴰⵖⴻⵍⵏⴰⵡⵜ ⵓ ⵢⴻⵙⵙⴻⵔⵔⴰⵙ ⴰⵎⴽⴰⵏ ⵏ ⵍⴻⵣⵣⴰⵢⴻⵔ ⴳⴰⵔ ⵢⵉⵎⵉⴳⴰⵡⴻⵏ ⵉⴳⵔⴰⵖⵍⴰⵏⴻⵏ ⵉⵕⴻⵙⵙⴰⵏⴻⵏ ⴷⴻⴳ ⵜⴻⵎⴳⵓⵔⵉ ⵏ ⵡⴰⵎⴰⵏ.
ⴷⴰⵖⴻⵏ, ⴰⴳⴻⵎⵓ-ⴰⴳⵉ ⵢⴻⵎⵎⴰⵍ-ⴷ ⵜⵉⴷⴷⵢ ⵉ ⵜⵣⴻⵔ ⵍⴻⵣⵣⴰⵢⴻⵔ ⴷⴻⴳ ⵓⵙⵏⴻⴼⵍⵉ ⵏ ⵜⵉⵙⴻⴽⵉⵡⵉⵏ ⵏ ⵍⵍⵙⴰⵙ ⵏ ⵡⴰⵎⴰⵏ ⵓⵔ ⵏⴻⵍⵍⵉ ⴷ ⵜⵉⵎⴻⵏⵙⴰⵢⵉⵏ (non-traditionnelles), ⴷ ⵔⵔⴻⴱⴻⵃ ⵉ ⴷ-ⵢⵉⵍⵍⴰⵏ ⴷⴻⴳ ⵓⵙⴻⵍⴽⴻⵎ ⵏ ⵢⵉⵙⴻⵏⴼⴰⵔⴻⵏ ⵉⵙⵔⴰⵜⵉⴷⵊⵉⵢⴻⵏ ⵉ ⵉⵣⴻⵎⵔⴻⵏ ⴰⴷ ⵎⵎⴰⴳⵔⴻⵏ ⵢⴰⴽⴽ ⵢⵉⴽⴰⵢⴰⴷⴻⵏ ⵏ ⵜⵉⴳⵏⴻⵡⵜ ⵓ ⴰⴷ ⵔⴳⵓⵏ ⵉ ⵡⴰⵢⴻⵏ ⵉⵙⵓⵜⵜⵓⵔ ⵓⵖⵔⴻⴼ ⴷⴻⴳ ⵡⴰⵎⴰⵏ.
ⵉⵍⴰⵇ ⴰⴷ ⵏⵣⴻⵔ ⴱⴻⵍⵍⵉ ⵜⴰⴳⵔⴰⵡⵜ ⵜⴰⵎⴰⴹⵍⴰⵏⵜ ⵏ ⵡⴰⵎⴰⵏ 2026 ⴷⴻⴳ ⵎⴰⴷⵔⵉⴷ ⵜⴻⵜⵜⵡⴰⵃⵙⴻⴱ ⴷ ⵜⵉⴳⵏⵉⵜ ⵜⴰⴳⵔⴰⵖⵍⴰⵏⵜ ⵜⴰⵎⴻⵇⵇⵔⴰⵏⵜ ⵉ ⵢⴻⵄⵏⴰⵏ ⵜⵉⵜⵉⴽⵏⵓⵍⵓⵊⵉⵢⵉⵏ ⴷ ⵜⴻⵎⴳⵓⵔⵉ ⵏ ⵡⴰⵎⴰⵏ ⴷⴻⴳ ⵓⵎⴰⴹⴰⵍ, ⵙ ⵓⵜⴻⴽⴽⵉ ⵏ ⵓⴳⴰⵔ ⵏ 80 ⵏ ⵜⵎⵓⵔⴰ ⴷ 1200 ⵏ ⵢⵉⵎⴹⴻⴱⴱⵔⴻⵏ ⵉⵎⴰⵜⴰⵏⴻⵏ ⵉ ⴷ-ⵉⵎⴻⵜⵜⵍⴻⵏ ⵜⵉⵎⵓⵙⵏⵉⵡⵉⵏ ⴷ ⵜⵓⴷⴷⵙⵉⵡⵉⵏ ⵜⵉⴳⵔⴰⵖⵍⴰⵏⵉⵏ ⵉⵎⴻⵇⵇⵔⴰⵏⴻⵏ ⴷⴻⴳ ⵓⵏⵏⴰⵔ ⵏ ⵡⴰⵎⴰⵏ ⴷ ⵜⵉⵜⵉⴽⵏⵓⵍⵓⵊⵉⵢⵉⵏ ⵏ ⵜⴰⵡⵏⵏⴰⴹⵜ.
ⴰⵔⵏⵓ ⵖⴻⵔ
