ⵜⴻⵙⵙⴻⴼⴳⴻⵔ ⵜⵃⵓⴷⴷⵓⵡⵜ ⵏ ⵓⵖⵔⵉⵎ, ⴰⵙⵙ-ⴰ ⵏ ⵜⵜⵍⴰⵜⴰ, ⵉⵎⴰⵀⵉⵍⴻⵏ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵜⵎⴰⵏⴻⴳⵜ ⴷ ⵜⴰⵣⵣⵉⵜ ⴷⴻⴳ ⵓⵎⴰⵀⵉⵍ. ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵓⴱⵔⵉⴷ ⵏ ⵓⵜⴻⴽⴽⵉ-ⵉⵏⴻⵙ ⵉ ⵓⵙⴻⴶⵀⴻⴷ ⵏ ⵓⵃⵔⴰⵣ ⵙⴻⴳ ⵢⵉⵎⵉⵀⵉⵢⴻⵏ ⵉⵎⴻⵣⵣⵓⵍⴰⵏⴻⵏ ⴷ ⵓⵣⴻⴶⴶⴻⴷ ⵏ ⵍⵍⵙⴰⵙⴻⵏ ⵏ ⵜⵎⴰⵏⴻⴳⵜ ⴷⴻⴳ ⵜⴰⵡⵏⵏⴰⴹⵜ ⵏ ⵓⵎⴰⵀⵉⵍ.
ⴷⴻⴳ ⵜⴰⴳⵏⵉⵜ-ⴰⴳⵉ, ⵉ ⴷ-ⵢⵉⵍⵍⴰⵏ ⵙ ⵜⴷⵓⴽⵍⵉ ⴷ ⵜⵙⵏⵓⵔⴻⴼⵜ , ⴰⵎⴹⴻⴱⴱⴻⵔ ⵏ ⵓⵙⵉⴹⴻⵏ ⴷ ⵓⵙⴰⵍⴰⵏ ⴷⴻⴳ ⵜⵏⴻⵀⵎⴰⵍⵜ ⵜⴰⵎⴰⵜⵓⵜ ⵏ ⵜⵃⵓⴷⴷⵓⵡⵜ ⵏ ⵓⵖⵔⵉⵎ, ⴰⵍⵉⵣⵎⴰ ⴰⵎⴻⵏⵣⵡⵓ ⵏⴰⵙⵙⵉⵎ ⵉⵙⵍⴰⵎ ⴱⴻⵔⵏⴰⵓⵓⵉ, ⵉⵡⴰⵍⴰ ⴱⴻⵍⵍⵉ ⴰⵙⴼⴻⴳⴳⴻⵔ ⵏ ⵡⴰⵙⵙ-ⴰⴳⵉ ⴷ "ⵜⴰⵍⵍⵉⵜ ⵉⵕⴻⵙⵙⴰⵏ ⵉ ⵓⵣⴻⴶⴶⴻⴷ ⵏ ⵜⵓⵛⵛⵉⵜ ⵏ ⵜⴻⴳⵔⵓⵎⵎⴰ ⵉ ⵓⵕⵓⵚⵓ ⵏ ⵜⵎⴰⴳⵉⵜ ⵏ ⵓⵃⵔⴰⵣ ⴷⴻⴳ ⵜⴰⵡⵏⵏⴰⴹⵜ ⵏ ⵓⵎⴰⵀⵉⵍ, ⵉⵎⵉ ⴷ ⵍⵍⵙⴰⵙ ⵉ ⵓⵃⵔⴰⵣ ⵏ ⵓⴳⴻⵔⵔⵓⵊ ⵏ ⵜⴰⵍⵙⴰ ⴷ ⵢⵉⵍⴰ (property) ⵓ ⵉ ⵓⵟⵎⴰⵏ ⵏ ⵓⴽⴻⵎⵎⴻⵍ ⵏ ⵓⵎⴰⵀⵉⵍ ⴷⴻⴳ ⵜⴻⴳⵏⴰⵜⵉⵏ ⵉⵃⴻⵔⵣⴻⵏ ⵓ ⵉⵜⴻⴷⴷⵓⵏ".
ⵉⵙⵙⴻⴼⵀⴻⵎ-ⴷ ⴱⴻⵍⵍⵉ ⵜⵉⴳⴳⴰⵡⵜ-ⴰⴳⵉ, ⵉ ⴷ-ⵢⵉⵍⵍⴰⵏ ⴷⴻⴳ ⵓⴱⵉⵕⵓ ⵏ ⵜⵏⴻⵀⵎⴰⵍⵜ ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ, ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ "ⵍⵎⴻⴶⵀⵓⴷⴰⵜ ⵜⴰⵖⴻⵍⵏⴰⵡⵉⵏ ⵉ ⵓⴼⵔⴰⵇ ⵏ ⵜⵎⴰⴳⵉⵜ ⵏ ⵓⵃⵔⴰⵣ ⴷ ⵓⵙⴰⴷⴻⵔ ⵏ ⵢⵉⵙⵓⵢⵎⵉⵙ ⵏ ⵓⵎⴰⵀⵉⵍ, ⵙ ⵓⴷⴻⴳⴳⴻⵔ ⵏ ⵢⵉⵎⴰⵀⵍⴰⵏⴻⵏ ⵏ ⵜⵙⵏⵓⵔⴻⴼⵜ +TotalEnergies+ ⵉⵡⴰⴽⴽⴻⵏ ⴰⴷ ⵙⵏⴻⵔⵏⵉⵏ ⵜⴰⵎⵓⵙⵏⵉ-ⵏⵙⴻⵏ ⴷ ⵜⵣⴻⵎⵎⴰⵔ-ⵏⵙⴻⵏ ⴷⴻⴳ ⵓⵏⵏⴰⵔ ⵏ ⵜⵎⴰⵏⴻⴳⵜ ⴷ ⵜⴰⵣⵣⵉⵜ ⵜⴰⵎⴻⵣⵣⵓⵍⴰⵏⵜ ⴷ ⵜⵉⴳⴳⴰⵡⵜ ⴷⴻⴳ ⵜⴻⴳⵏⴰⵜⵉⵏ ⵏ ⵓⵖⵉⵡⴻⵍ".
ⵙⴻⴳ ⵜⴰⵎⴰ-ⵙ, ⴰⵎⵜⴻⵍ ⵏ , ⵎⴰⵙⵙ ⵔⵢⴰⴷ ⵙⵓⵉⵍⴰⵀ, ⵉⵙⵙⴻⴽⵏⴻⴷ-ⴷ "ⴰⵣⴰⵍ ⴰⵎⴻⵇⵇⵔⴰⵏ ⵉ ⵜⴻⵜⵜⴰⴽ ⵜⵙⵏⵓⵔⴻⴼⵜ ⵉ ⵓⵃⵔⴰⵣ ⵏ ⵜⵎⴰⵏⴻⴳⵜ ⵏ ⵢⵉⵎⴰⵀⵍⴰⵏⴻⵏ", ⵉⵙⵍⴻⵎ-ⴷ ⵙ ⵍⵎⴻⴶⵀⵓⴷⴰⵜ ⵏ ⵜⵃⵓⴷⴷⵓⵡⵜ ⵏ ⵓⵖⵔⵉⵎ ⴷⴻⴳ ⵓⵙⴼⵓⵍⴻⵍ ⵏ ⵓⵙⴻⵍⴽⴻⵎ ⵏ ⵡⴰⵀⵉⵍ ⵏ ⵜⵎⴰⵏⴻⴳⵜ ⵙ ⵓⴱⵔⵉⴷ ⵏ ⵍⵡⴻⵕⵛⴰⵜ ⵏ ⵓⵙⵏⴻⵙ (ⵒⵔⴰⵜⵉⵇⵓⴻ) ⵏ ⵜⴰⵍⵍⴰⵍⵜ ⵜⴰⵎⴻⵏⵣⵓⵜ.
ⴰⵎⴹⴻⴱⴱⴻⵔ ⵏ ⵜⵃⵓⴷⴷⵓⵡⵜ ⵏ ⵓⵖⵔⵉⵎ ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ, ⵎⴰⵙⵙ ⵔⴰⵛⵀⵉⴷ ⵎⴰⴰⵜⴰⵓⵓⵉ, ⵉⵙⵙⵉⵡⴻⵍ ⵉ ⵢⵉⵎⴰⵀⵍⴰⵏⴻⵏ ⵏ ⵜⵙⵏⵓⵔⴻⴼⵜ ⵉⵡⴰⴽⴽⴻⵏ "ⴰⴷ ⴷ-ⴰⴳⴻⵎⴻⵏ ⵙⴻⴳ ⵜⴰⴳⵏⵉⵜ-ⴰⴳⵉ ⵉⵡⴰⴽⴽⴻⵏ ⴰⴷ ⴷ-ⵉⵙⵙⵉⵏⴻⵏ ⵡⴰⵍⵍⴰⵍⴻⵏ ⵏ ⵜⵃⵓⴷⴷⵓⵡⵜ ⵏ ⵓⵖⵔⵉⵎ ⴷⴻⴳ ⵜⴻⴳⵏⴰⵜⵉⵏ ⵏ ⴷⴷⵉⵇ, ⵍⴰⴷⵖⴰ ⴰⵢⴻⵏ ⵢⴻⵄⵏⴰⵏ ⴰⵏⵏⴰⵔ ⴰⴱⵓⵉⵍⵓⴷⵊⵉ ⴷ ⵓⵏⵓⵜⵓⵢⴰ (ⵏⵓⵛⵍéⴰⵉⵔⴻ), ⵉⵡⴰⴽⴽⴻⵏ ⴰⴷ ⵙⵄⵓⵏ ⵢⵉⵡⴻⵜ ⵏ ⵜⵎⵓⵖⵍⵉ ⵉⵃⴻⵔⵔⵛⴻⵏ ⵣⴷⴰⵜ ⵏ ⵢⵉⵎⵉⵀⵉⵢⴻⵏ".
ⵉⵎⴰⵀⵉⵍⴻⵏ-ⴰⴳⵉ ⵙⵏⴻⴽⴷⴻⵏ-ⴷ ⵉⵙⴻⵏⴽⴻⴷⴷⴻⵏ ⵏ ⵜⵎⵓⵖⵍⵉ ⵖⴻⴼ "ⵍⵍⵙⴰⵙⴻⵏ ⵏ ⵓⵃⵔⴰⵣ ⵙⴻⴳ ⵢⵉⵎⵉⵀⵉⵢⴻⵏ ⵉⵎⴻⵣⵣⵓⵍⴰⵏⴻⵏ ⴷ ⵜⴻⵙⵍⴻⵟ ⵏ ⵢⵉⵎⵉⵀⵉⵢⴻⵏ ⴷⴻⴳ ⵜⴰⵡⵏⵏⴰⴹⵜ ⵏ ⵓⵎⴰⵀⵉⵍ", ⵙ ⵜⴰⵎⴰ ⵏ ⵓⵙⵓⴷⴷⴻⵙ ⵏ ⵍⵡⴻⵕⵛⴰⵜ ⵏ ⵓⵙⵏⴻⵙ ⴷⴻⴳ "ⵓⵏⵏⴰⵔ ⵏ ⵜⴰⵍⵍⴰⵍⵜ ⵜⴰⵎⴻⵏⵣⵓⵜ ⵉ ⴷⴻⴳ ⵍⵍⴰⵏ ⵓⵊⵊⴻⵢ ⵏ ⵢⵉⵎⴻⵊⵔⴰⵃ ⴷ ⵜⵉⴳⴳⴰⵡⵜ ⴷⴻⴳ ⵜⴻⴳⵏⴰⵜⵉⵏ ⵏ ⴷⴷⵉⵇ ⵓⵇⴱⴻⵍ ⴰⴷ ⴷ-ⴰⵡⴹⴻⵏⵜ ⵜⵙⴻⴷⴷⴰⵔⵉⵏ ⵏ ⵓⵏⴻⴷⵊⵉ ".
ⴷⴰⵖⴻⵏ, ⵍⵍⴰⵏ-ⴷ ⵢⵉⴽⴰⵢⴰⴷⴻⵏ ⵏ ⵡⴰⵏⵏⴰⵔ ⵖⴻⴼ "ⵓⵃⵔⴰⵣ ⴷ ⵓⵎⴻⵏⵏⵓⵖ ⵎⴳⴰⵍ ⵍⵃⴰⵔⵉⵇⴰⵜ", ⵙ ⵍⵃⴻⵔⵙ ⵖⴻⴼ ⵍⵃⴰⵔⵉⵇⴰⵜ ⵏ ⵍⵒⴻⵜⵔⵓⵍ ⴷ ⵍⴳⴰⵣ. ⴰⵀⵉⵍ-ⴰⴳⵉ ⵢⴻⵡⵡⵉ-ⴷ ⴷⴰⵖⴻⵏ ⵜⵉⵜⵉⴽⵏⵉⴽⵉⵏ ⵏ ⵓⵙⵓⴼⴼⴻⵖ ⵉⵃⴻⵔⵣⴻⵏ , ⴷ ⵓⵙⵙⴻⵜⴼⴻⵀⵎ ⵖⴻⴼ ⵢⵉⵎⵉⵀⵉⵢⴻⵏ ⵏ ⵜⵣⴻⵣⵍⴰⵜⵉⵏ ⵏ ⵍⵇⴰⵄⴰ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵟⵎⴰⵏ ⵏ ⵜⵉⴳⴳⴰⵡⵜ ⵢⴻⵍⵀⴰⵏ ⵓⵇⴱⴻⵍ, ⴷⴻⴳ ⵜⴰⵍⵍⵉⵜ ⴷ ⵙⴻⵍⴷ ⵎⵉ ⴷ-ⵜⴻⴹⵔⴰ ⵜⵣⴻⵣⵍⴻⵍⵜ.
ⴰⵔⵏⵓ ⵖⴻⵔ
