ⵢⵓⵏⴰⴳ ⵖⴻⵔ ⵔⵔⴻⵃⵎⴰ ⵏ ⵕⴻⴱⴱⵉ, ⵡⴰⵙⵙ-ⴰ ⵏ ⵍⵃⴻⴷ, ⵓⵎⵢⴰⵔⵓ ⴷ ⵓⵏⴰⴷⵉ ⴷⴻⴳ ⵓⴳⴻⵔⵔⵓⵞ ⵏ ⵜⵎⴰⵣⵉⵖⵜ, ⵎⵓⵃⴰⵎⴻⴷ ⵚⴰⵍⴰⵃ ⵓⵏⵉⵙⵉ, ⴷⴻⴳ ⵡⴻⵅⵅⴰⵎ-ⵉⵙ ⴷⴻⴳ ⵜⴰⵅⴻⵏⵛⴻⵍⵜ, ⴷⴻⴳ ⵍⴻⵄⵎⴻⵔ-ⵉⵙ 77 ⵏ ⵉⵙⴻⴳⴳⴰⵙⴻⵏ, ⴰⴽⴽⴻⵏ ⵉ ⴷ-ⵏⵏⴰⵏ ⵢⵉⵎⴰⵡⵍⴰⵏ-ⵉⵙ.
ⵍⵎⴻⵔⵃⵓⵎ ⵎⵓⵃⴰⵎⴻⴷ ⵚⴰⵍⴰⵃ ⵓⵏⵉⵙⵉ ⴷ ⵢⵉⵡⴻⵏ ⵙⴻⴳ ⵢⵉⵎⴻⵣⵡⴰⵓⵔⴰ ⵏ ⵓⵏⴰⴷⵉ ⴷⴻⴳ ⵓⴳⴻⵔⵔⵓⵞ ⵏ ⵜⵎⴰⵣⵉⵖⵜ; ⵢⵓⵔⴰ ⴰⵣⴰⵍ ⵏ 15 ⵏ ⵢⴻⴷⵍⵉⵙⴻⵏ ⴷ ⵉⵎⴰⵡⴰⵍⴻⵏ ⵙ ⵜⵎⴰⵣⵉⵖⵜ, ⵜⴰⵄⵔⴰⴱⵜ ⴷ ⵜⴻⴼⵔⴰⵏⵙⵉⵙⵜ. ⵢⴻⵍⵍⴰ ⴷⴰⵖⴻⵏ ⴷ ⴰⵎⴻⵙⵙⵉⴷ (ⴰⵏⵉⵎⴰⵜⴻⵓⵔ) ⵏ ⵡⴰⵟⴰⵙ ⵏ ⵜⵜⴻⴷⵡⵉⵍⵜ ⴷⴻⴳ ⵔⵔⴰⴷⵢⵓ ⵉ ⴷ-ⵢⴻⵜⵜⵎⴻⵙⵍⴰⵢⴻⵏ ⵖⴻⴼ ⵢⵉⵍⵓⴳⴰⵏ ⵏ ⵜⵎⴰⵣⵉⵖⵜ ⵙ ⵜⴰⵏⵜⴰⵍⴰ ⵜⴰⵛⴰⵡⵉⵜ ⵉⵡⴰⴽⴽⴻⵏ ⴰⴷ ⴷ-ⵉⵙⴻⴳⵎⵉ ⵜⴰⵙⵓⵜⴰ ⵉ ⴷ-ⵉⵜⴻⴷⴷⵓⵏ.
ⵜⴻⵙⵄⴰ ⵜⵎⴻⴷⴷⵓⵔⵜ-ⵉⵙ ⵏ ⵓⵅⴻⴷⴷⵉⵎ ⴰⵟⴰⵙ ⵏ ⵢⴻⴷⵍⵉⵙⴻⵏ, ⵉⵎⴰⵡⴰⵍⴻⵏ ⴷ ⵢⵉⵙⴻⴼⵔⴰ, ⴳⴰⵔ-ⴰⵙⴻⵏ: "ⵄⵉⵙⴰ ⵍⵞⴻⵔⵎⵓⵏⵉ, ⴰⵎⴻⵏⵣⵓ ⵏ ⵜⴻⵣⵍⵉⵜ ⵜⴰⵛⴰⵡⵉⵜ", "ⵉⵥⵓⵔⴰⵏ ⵏ ⵓⵥⴰⵡⴰⵏ ⵏ ⵡⴰⵡⵔⴰⵙ", "ⴰⵓⵔⴰⵙ: ⵜⴰⴷⴻⵍⵙⴰ ⴷ ⵓⵎⴻⵣⵔⵓⵢ", "ⴰⴽⵙⴻⵍ ⴷ ⴷⴻⵀⵢⴰ", "ⵜⴰⵎⴻⵜⴰⵏⵜ ⵏ ⵓⵎⴻⵏⵣⵓ", ⴰⴽⴽⴻⴷ ⵢⵉⵏⵣⵉⵢⴻⵏ ⴷ ⵜⵎⵓⵙⵏⵉ ⵏ ⵡⴻⴳⴷⵓⴷ ⵏ ⵡⴰⵡⵔⴰⵙ.
ⴷⴻⴳ ⵓⵙⴻⴳⴳⴰⵙ ⵏ 2018, ⵢⴻⵜⵜⵡⴰⵏⴻⴱⴱⴻⵍ ⵙ ⵓⴼⵓⵙ ⵏ ⵜⴻⵙⵎⵉⵍⵜ ⵜⵓⵏⵏⵉⴳⵜ ⵏ ⵜⴰⵎⴰⵣⵉⵖⵜ (ⵀⵛⴰ), ⵎⴰ ⴷⴻⴳ 2025 ⵢⴻⵜⵜⵡⴰⵏⴻⴱⴱⴻⵍ ⵙ ⵓⴼⵓⵙ ⵏ ⵍⵎⴻⴳⵔⴰⵏ ⴰⵖⴻⵍⵏⴰⵡ ⵏ ⵓⵥⴰⵡⴰⵏ ⴷ ⵜⴻⵣⵍⵉⵜ ⵜⴰⵛⴰⵡⵉⵜ.
ⴰⵔⵏⵓ ⵖⴻⵔ
