ⵉⵙⵙⴻⴽⵏⴻⴷ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ, ⵎⴰⵙⵙ ⵙⵉⴼⵉ ⵖⵔⵉⴱ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⴱⴻⵍⵍⵉ ⵜⴰⵍⵍⵉⵜ ⵜⴰⵎⴰⵢⵏⵓⵜ ⵉ ⵓⵡⵢⴻⵏ ⵡⴰⵙⵙⴰⵖⴻⵏ ⵍⴻⵣⵣⴰⵢⵔⵉⵢⴻⵏ-ⴰⵜⵛⴰⴷⵉⵢⴻⵏ ⵜⴻⵕⴻⵙ ⵖⴻⴼ ⵜⴰⵏⴰⴼⴰⵡⵜ, ⵏⴼⴰⵄ ⴷ ⵜⵓⵛⵛⵉⵜ ⵜⴰⵙⴻⵔⵜⵉⵜ ⵜⴰⵎⴻⵣⴷⴰⵢⵜ ⴷⴻⴳ ⵓⵙⵡⵉⵔ ⵉⵄⵍⴰⵢⴻⵏ. ⴰⵢⴰⴳⵉ ⵢⴻⵎⵎⴰⵍ-ⴷ ⵍⴻⴱⵖⵉ ⴰⵙⴻⵔⵜⵉ ⵏ ⵜⵉⴷⴻⵜ ⵉ ⵢⴻⵙⴷⵓⴽⴽⵍⴻⵏ ⵢⵉⵎⴹⴻⴱⴱⵔⴻⵏ ⵏ ⵙⵏⴰⵜ ⵏ ⵜⵎⵓⵔⴰ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵏ ⵜⵛⴰⴷ, ⴰⵎⵖⴰⵔ ⵎⴰⵀⴰⵎⴰⵜ ⵉⴷⵔⵉⵙⵙ ⴷéⴱⵢ ⵉⵜⵏⵓ.
ⴷⴻⴳ ⵢⵉⵡⴻⵜ ⵏ ⵜⵎⴻⵙⵍⴰⵢⵜ ⵙⴻⵍⴷ ⵎⵉ ⵜ-ⵉⵙⴻⵍⵍⴻⵎ ⵓⵙⴻⵍⵡⴰⵢ ⵎⴰⵀⴰⵎⴰⵜ ⵉⴷⵔⵉⵙⵙ ⴷéⴱⵢ ⵉⵜⵏⵓ, ⵎⴰⵙⵙ ⵙⵉⴼⵉ ⵖⵔⵉⴱ ⵢⴻⵏⵏⴰ-ⴷ: "ⵉⵙⵉⵡⴹⴻⵖ-ⴰⵙ ⵉ ⵎⴰⵙⵙ ⴰⵙⴻⵍⵡⴰⵢ ⵙⵙⵍⴰⵎ ⵏ ⴳⵎⴰ-ⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ. ⴷⴰⵖⴻⵏ, ⵙⵙⴻⴽⵏⴻⵖ-ⴰⵙ ⴰⵣⴰⵍ ⴰⵎⴻⵇⵇⵔⴰⵏ ⵉ ⵉⵟⵟⴰⴽ ⵓⵙⴻⵍⵡⴰⵢ-ⵏⵏⴻⵖ ⵉ ⵓⵙⴻⴶⵀⴻⴷ ⵏ ⵡⴰⵙⵙⴰⵖⴻⵏ ⵏ ⵜⴻⴳⵎⴰⵜ ⴷ ⵓⵎⵢⴻⵛⵛⴻⵔ ⵏ ⵙⵉⵏ ⴷ ⵓⵙⴰⵍⵉ ⵏ ⵓⴷⵉⵡⴻⵏⵏⵉ ⴰⵙⴻⵔⵜⵉ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⵜⵉⵙନⵉⵡⵉⵏ".
ⴷⴻⴳ ⵜⴰⵍⵍⵉⵜ-ⴰⴳⵉ, ⵎⵎⴻⵙⵍⴰⵢⴻⵏ ⵖⴻⴼ ⵓⵙⴻⵏⴼⴰⵔ ⵏ ⵓⵙⴱⴻⴷⴷⵉ ⵏ ⵜⵃⵉⵛⴻⵜ ⵏ ⵓⴼⴰⵔⵉⵙ ⵏ ⵜⵔⵉⵙⵉⵜⵉ ⵏ 40 ⵎⵉⵢⴰⵡⴰⵟ, ⵉ ⵢⴻⵇⴱⴻⵍ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ ⵉ ⵏⴼⴰⵄ ⵏ ⵜⵛⴰⴷ, ⵉ ⴷⴻⴳ ⵢⴻⵙⵙⴻⵍⵡⴰⵢ ⵎⴰⵙⵙ ⵙⵉⴼⵉ ⵖⵔⵉⴱ ⴷ ⵓⵏⵉⵍⵖⴰⴼ-ⵉⵙ ⵏ ⵜⵛⴰⴷ, ⵎⴰⵙⵙ ⴰⵍⵍⴰⵎⴰⵢⴻ ⵀⴰⵍⵉⵏⴰ, ⴰⵙⵔⴰⵙ ⵏ ⵓⴱⵍⴰⴹ ⵏ ⵍⵍⵙⴰⵙ-ⵉⵏⴻⵙ ⵣⵉⴽ-ⴰⴳⵉ ⵏ ⵡⴰⵙⵙ.
ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵉⵡⴰⵍⴰ ⴱⴻⵍⵍⵉ ⴰⵙⴻⵏⴼⴰⵔ-ⴰⴳⵉ ⴷ "ⴰⴳⴻⵎⵓ ⴰⵎⴻⵣⵡⴰⵔⵓ ⵏ ⵜⴰⵍⵍⵉⵜ ⵜⴰⵎⴰⵢⵏⵓⵜ ⵏ ⵡⴰⵙⵙⴰⵖⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵜⵛⴰⴷ, ⵉⵕⴻⵙⵙⴰⵏ ⵖⴻⴼ ⵏⴼⴰⵄ ⴷ ⵜⵓⵛⵛⵉⵜ ⵜⴰⵙⴻⵔⵜⵉⵜ ⵉⵄⵍⴰⵢⴻⵏ". ⴰⵢⴰⴳⵉ ⵉⵜⴻⴷⴷⵓ ⵙ ⵓⵇⴰⴷⴻⵔ ⵏ ⵢⵉⵡⴻⵜ ⵏ "ⵜⴰⴱⴰⵍⵉⵣⵜ ⵏ ⵓⴱⵔⵉⴷ" (roadmap) ⵢⴻⴱⴰⵏⴻⵏ ⵉ ⴷ-ⵙⵔⴻⵡⵙⴻⵏ ⵢⵉⵎⴹⴻⴱⴱⵔⴻⵏ ⴷⴻⴳ ⵢⵉⵎⴻⵙⵍⴰⵢⴻⵏ-ⵏⵙⴻⵏ ⴷⴻⴳ ⵡⴰⴳⴳⵓⵔ ⵏ ⵢⴻⴱⵔⵉⵔ ⵉⵄⴻⴷⴷⴰⵏ, ⵍⴰⴷⵖⴰ ⵙ ⵜⵙⴻⵎⵎⵓⵏⵜ ⵜⵉⵙ ⴽⵓⵣ ⵏ ⵜⴻⵙⵇⴰⵎⵓⵜ ⵜⴰⵎⴻⵣⴷⴰⵢⵜ ⵜⴰⵣⵣⴰⵢⵔⵉⵜ-ⴰⵜⵛⴰⴷⵉⵜ.
ⴷⴻⴳ ⵓⵏⵏⴰⵔ ⵏⵏⵉⴹⴻⵏ, ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ ⴷ ⵜⴰⴳⵏⵉⵜ ⵉ ⵓⵙⴰⵜⵉⴳ ⵏ ⵢⵉⵏⵏⴰⵔⴻⵏ ⵏ ⵓⵎⵢⴻⵛⵛⴻⵔ ⴳⴰⵔ ⵙⵏⴰⵜ ⵏ ⵜⵎⵓⵔⴰ, ⵍⴰⴷⵖⴰ ⴷⴻⴳ ⵜⵎⴻⵔⵔⵉ, ⵢⵉⵎⴻⵔⵢⴰⵏ, ⵜⵉⵙⴻⴽⵉⵡⵉⵏ ⵏ ⵍⵍⵙⴰⵙ, ⴰⵙⵉⵍⴻⵖ, ⴰⵙⴻⵍⵎⴻⴷ ⵓⵏⵉⴳ ⴷ ⵓⵣⵓⵏⴻⵢ. ⵙⴻⵃⵔⴻⵙⴻⵏ ⵖⴻⴼ ⵡⴰⵣⴰⵍ ⵏ ⵓⴽⴻⵎⵎⴻⵍ ⵏ ⵓⵎⴰⵀⵉⵍ ⴰⵎⴻⵣⴷⴰⵢ ⵉ ⵓⵟⵎⴰⵏ ⵏ ⵓⵙⴼⵓⵍⴻⵍ ⵉ ⵉⵜⴻⴷⴷⵓⵏ ⵉ ⵡⴰⵀⵉⵍⴻⵏ ⵏ ⵓⵎⵢⴻⵛⵛⴻⵔ ⴷ ⵢⵉⵙⴻⵏⴼⴰⵔⴻⵏ ⵢⴻⵍⵍⴰⵏ.
ⵎⴰⵙⵙ ⵙⵉⴼⵉ ⵖⵔⵉⴱ ⵢⴻⵔⵏⴰ-ⴷ ⴱⴻⵍⵍⵉ ⴰⵙⴻⵍⵡⴰⵢ ⵏ ⵜⵛⴰⴷ ⵉⵙⵙⴻⴽⵏⴻⴷ ⵍⴼⴻⵕⵃ-ⵉⵙ ⴷ ⵓⵇⴰⴷⴻⵔ-ⵉⵙ ⵉ ⵓⵙⴻⵍⵡⴰⵢ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ ⵖⴻⴼ ⵓⵃⵔⴰⵣ-ⵉⵙ ⵏ ⵓⵙⴻⵏⴼⴰⵔ ⵏ ⵜⵃⵉⵛⴻⵜ ⵏ ⵜⵔⵉⵙⵉⵜⵉ, ⵉⵡⴰⵍⴰ ⴷⴻⴳ-ⵙ ⴰⵙⵓⵔⵉⴼ ⵓⴼⵔⵉⵏ ⵉ ⵍⵎⴻⴶⵀⵓⴷⴰⵜ ⵏ ⵓⵙⵏⴻⴼⵍⵉ ⵏ ⵜⵛⴰⴷ.
ⴷⴻⴳ ⵜⴰⴳⴳⴰⵔⴰ, ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵢⴻⵏⵏⴰ-ⴷ ⴱⴻⵍⵍⵉ ⵜⵉⵎⵍⵉⵍⵉⵜ ⵜⴻⵡⵡⵉ-ⴷ ⴷⴰⵖⴻⵏ ⵖⴻⴼ ⵡⴰⴷⴷⴰⴷ ⵏ ⵓⴳⴻⴷⴻⵣ (ⵙⵙⵓⵇ) ⴷ ⵜⴷⴰⵎⵙⴰ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⴷ ⵜⵉⴷⴷⵢ ⵏ ⵢⵉⵙⴻⵏⴼⴰⵔⴻⵏ ⵉⵕⴻⵙⵙⴰⵏⴻⵏ ⴷⴻⴳ ⵜⵎⴻⵏⵏⴰⵟ, ⵎⴻⴱⵍⴰ ⵎⴰ ⵏⴻⵜⵜⵓ ⴰⵇⴻⵔⴷⴻⵛ ⵏ ⵢⵉⴽⴰⵢⴰⴷⴻⵏ (défis) ⵏ ⵜⵎⴰⵏⴻⴳⵜ ⵉ ⵉⵀⴻⵚⵔⴻⵏ ⵜⴰⵎⴻⵏⵏⴰⵟ, ⵉ ⵉⵙⵙⵓⵜⵜⵓⵔⴻⵏ ⵓⴳⴰⵔ ⵏ ⵓⵎⵙⴰⵙⴻⵢ ⴷ ⵓⴷⵉⵡⴻⵏⵏⵉ ⵉ ⵓⵟⵎⴰⵏ ⵏ ⵍⴻⵀⵏⴰ ⴷ ⵓⵙⵏⴻⴼⵍⵉ.
ⴰⵔⵏⵓ ⵖⴻⵔ
