ⵉⵙⵙⴻⴽⵏⴻⴷ ⵓⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴷⴷⵉⵏ ⴷ ⵍⵡⴻⵇⴼ, ⵎⴰⵙⵙ ⵢⵓⵓⵛⴻⴼ ⴱⴻⵍⵎⴻⵀⴷⵉ, ⵉ ⵢⴻⵍⵍⴰⵏ ⴷ ⵓⵇⴻⵔⵔⵓ ⵏ ⵓⴱⵉⵕⵓ ⵏ ⵜⴻⵎⵙⴰⵍ ⵏ ⵢⵉⵀ ⵓⴶⴶⴰⴶ ⵏ ⵍⴻⵣⵣⴰⵢⴻⵔ, ⴰⵙⵙ-ⴰ ⵏ ⵍⴰⵔⴻⴱⴻⵄ, ⴱⴻⵍⵍⵉ ⵜⴰⵍⵍⵉⵜ ⵜⴰⵎⴻⵏⵣⵓⵜ ⵏ ⵜⴰⵍⵍⵉⵜ ⵏ ⵍⵃⴻⴶ ⵏ ⵓⵙⴻⴳⴳⴰⵙ-ⴰⴳⵉ ⴷⴻⴳ ⵜⴻⵎⴷⵉⵏⵜ ⵜⴰⴱⴰⵕⴰⴽⵜ ⵜⵄⴻⴷⴷⴰ ⴷⴻⴳ ⵜⴻⴳⵏⴰⵜⵉⵏ ⵏ ⵓⵙⵓⴷⴷⴻⵙ ⵉⵕⴻⵙⵙⴰⵏ, ⴰⵢⴰⴳⵉ ⵙ ⵙⴻⴱⴱⴰ ⵏ ⵜⵓⵛⵛⵉⵜ ⵉ ⵉⵜⴻⴷⴷⵓⵏ ⵏ ⵢⵉⵎⴰⵙⵍⴰⴷⴻⵏ ⵏ ⵜⵎⴰⵣⴰⵏⵜ (mission) ⵜⴰⵣⵣⴰⵢⵔⵉⵜ ⵏ ⵍⵃⴻⴶ. ⵉⵙⵍⴻⵎ-ⴷ ⵙ ⵜⵣⴻⵎⵎⴰⵔ ⵉ ⵉⵙⴻⵀⵔⴻⵏ ⵉ ⵓⵟⵎⴰⵏ ⵏ ⵍⵉⵙⴻⵔ ⵏ ⵢⵉⵀ ⵓⴶⴶⴰⴶ ⴷ ⵓⴼⵔⵓⵔⴻⵢ ⵏ ⵓⵖⴻⴱⴱⴻⵍ-ⵏⵙⴻⵏ ⴷⴻⴳ ⵡⴰⴽⵓⴷ ⴰⵎⵉⵣⵢⴰⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⴰⵙⵙ ⵏ ⵜⵜⵍⴰⵜⴰ.
ⵉⵙⵙⴻⴼⵀⴻⵎ-ⴷ ⵓⵏⴻⵖⵍⴰⴼ, ⵙⴻⵍⴷ ⵜⵉⵔⵣⵉ ⵏ ⵓⵣⴻⵟⵟⴻⴹ ⵉ ⵢⴻⵅⴷⴻⵎ ⵖⴻⵔ ⵢⵉⴼⵓⵔⴽⴰⵏ ⵏ ⵡⴰⵎⵎⴰⵙ ⵏ ⵜⴻⵎⴷⵉⵏⵜ ⵜⴰⴱⴰⵕⴰⴽⵜ, ⴱⴻⵍⵍⵉ "ⵜⵉⵔⵣⵉ-ⴰⴳⵉ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵓⵙⴼⵓⵍⴻⵍ ⵏ ⵡⴰⵏⵏⴰⵔ ⵏ ⵢⴰⵍ ⴰⵙⵙ ⵉ ⵜⵉⴷⴷⵉ ⵏ ⵓⵎⴰⵀⵉⵍ, ⴷ ⵓⵇⴰⴷⴻⵔ ⵏ ⵓⵀⴻⴳⴳⵉ ⵏ ⵜⴻⵙⵇⴰⵎⵓⵜⵉⵏ ⵉ ⴷ-ⵢⴻⵡⵡⵉⵏ ⵜⴰⵎⴰⵙⵉⵜ ⵏ ⵓⵎⴻⵥⵍⵓ ⵏ ⵢⵉⵀ ⵓⴶⴶⴰⴶ, ⴰⵎⴰ ⴷⴻⴳ ⵜⵏⴻⵣⴷⵓⵖⵜ, ⴰⵙⵓⴼⴼⴻⵖ ⵏⴻⵖ ⴰⵙⴱⴻⴷⴷⵉ ⵏ ⵜⴽⴰⵔⴹⵉⵜ ⵏ 'ⵏⵓⵙⴽ' ⴷ ⵓⵙⵓⴷⴷⴻⵙ ⵏ ⵜⵉⵔⵣⵉⵡⵉⵏ ⵓⴼⵔⵉⵏⴻⵏ".
ⵉⵙⵙⴻⴽⵜⵉ-ⴷ ⴱⴻⵍⵍⵉ ⵉⵎⴰⵙⵍⴰⴷⴻⵏ ⵏ ⵜⵎⴰⵣⴰⵏⵜ "ⵙⵏⴻⴽⴷⴻⵏ-ⴷ ⵢⵉⵡⴻⵏ ⵏ ⵓⵎⴰⵀⵉⵍ ⴰⵎⴻⵣⵣⵓⵍⴰⵏ ⵉⴶⴻⵀⴷⴻⵏ, ⵙ ⵓⵃⵔⴰⵣ ⵏ ⵓⵊⵊⴻⵢ ⵙ ⵜⴰⵣⵣⵍⴰ ⵏ ⵢⵉⵀ ⵓⴶⴶⴰⴶ, ⵙ ⵓⵚⴻⴳⴳⴻⵎ ⵏ ⴽⵔⴰ ⵏ ⵡⵓⴳⵓⵔⴻⵏ ⵏ ⵜⴻⴳⵏⵉⵜ ⴷⴻⴳ ⵡⴰⴽⵓⴷ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴽⴻⵎⵎⴻⵍ ⵢⴻⵍⵀⴰⵏ ⵏ ⵡⴰⵀⵉⵍ ⵢⴻⵜⵜⵡⴰⵙⴻⵔⵙⴻⵏ".
ⴷⴻⴳ ⵓⵏⵏⴰⵔ-ⴰⴳⵉ ⴷⴰⵖⴻⵏ, ⴰⵏⴻⵖⵍⴰⴼ ⵉⵙⵔⴻⵙ ⵜⴰⵎⴰⵡⵜ ⵖⴻⴼ "ⵡⴰⵣⴰⵍ ⵏ ⵓⵃⵔⵉⵛ ⵏ ⵜⴰⵣⵣⵉⵜ ⴷⴻⴳ ⵓⵣⴻⵏⵣⵉⵖ ⵏ ⵓⵃⵔⴰⵣ ⵏ ⵢⵉⵀ ⵓⴶⴶⴰⴶ ⵏ ⵍⴻⵣⵣⴰⵢⴻⵔ, ⵍⴰⴷⵖⴰ ⴷⴻⴳ ⵢⵉⵎⴻⵥⵍⴰ ⵏ ⵜⵚⴰⵢⴷⴻⵍⵜ ⴷ ⵓⵟⵎⴰⵏ ⵏ ⵢⵉⵙⴰⴼⴰⵔⴻⵏ. ⵉⵙⵙⴻⴽⵏⴻⴷ ⴱⴻⵍⵍⵉ ⵓⵡⴰⵏⴰⴽ ⴰⵣⵣⴰⵢⵔⵉ ⵉⵃⵔⴻⵣ ⵉⵡⴰⴽⴽⴻⵏ ⴰⴷ ⴷ-ⵢⴰⵣⵣⴻⵏ ⵢⴰⴽⴽ ⵉⵙⴰⴼⴰⵔⴻⵏ ⵓⵇⴱⴻⵍ ⴰⴷ ⴷ-ⵜⴻⴱⴷⵓ ⵜⴰⵍⵍⵉⵜ ⵏ ⵍⵃⴻⴶ, ⵓ ⴰⴷ ⵜⵜⵓⴱⴹⵓⵏ ⵖⴻⴼ ⵡⴰⵎⵎⴰⵙⴻⵏ ⵏ ⵎⴰⴽⴽⴰ ⴷ ⵜⴻⵎⴷⵉⵏⵜ ⵜⴰⴱⴰⵕⴰⴽⵜ".
ⵉⵙⵏⴻⴽⵏⴰⴷ-ⴷ ⴷⴰⵖⴻⵏ ⴱⴻⵍⵍⵉ ⵜⵉⵏⵉⴳ ⵜⴰⵎⴰⵢⵏⵓⵜ ⵏ ⵢⵉⵀ ⵓⴶⴶⴰⴶ ⵜⴻⵡⵡⴻⴹ-ⴷ ⵉⴹⴻⵍⵍⵉ ⵖⴻⵔ ⵜⴻⵎⴷⵉⵏⵜ ⵜⴰⴱⴰⵕⴰⴽⵜ, ⵓ ⴷ ⵜⵉⵏ ⵉ ⴷ-ⵢⴻⵄⵍⴻⵏ "ⵜⴰⴳⵔⴰⵢⵜ ⵏ ⵜⴰⵍⵍⵉⵜ ⵜⴰⵎⴻⵏⵣⵓⵜ ⵏ ⵜⴰⵍⵍⵉⵜ ⵏ ⵍⵃⴻⴶ ⴷⴻⴳ ⵡⴻⵎⴽⴰⵏ-ⴰⴳⵉ ⵓⴼⵔⵉⵏ, ⴷⴻⴳ ⵍⵡⴻⵇⵜ ⵉ ⴷⴻⴳ ⵜⵜⴻⴷⴷⵓ ⵜⵉⴷⴷⵢ ⵏ ⵢⵉⵀ ⵓⴶⴶⴰⴶ ⵖⴻⵔ ⵎⴰⴽⴽⴰ ⵜⴰⴱⴰⵕⴰⴽⵜ, ⴰⵏⵉⴷⴰ ⵎⴰⵣⴰⵍ ⴰⵣⴰⵍ ⵏ ⵅⴻⵎⵙⴰ ⵏ ⵡⴰⴳⵉⵎⴰⵏ (5000) ⵏ ⵢⵉⵀ ⵓⴶⴶⴰⴶ ⴷⴻⴳ ⵜⴻⵎⴷⵉⵏⵜ ⵜⴰⴱⴰⵕⴰⴽⵜ".
ⴰⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴷⴷⵉⵏ, ⵎⴰⵙⵙ ⵢⵓⵓⵛⴻⴼ ⴱⴻⵍⵎⴻⵀⴷⵉ, ⵉⵙⵙⴻⴳⵔⴰ-ⴷ ⵜⵎⴻⵙⵍⴰⵢⵜ-ⵉⵙ ⵙ "ⵓⵙⴻⴽⵏⴻⴷ ⵏ ⵍⴼⴻⵕⵃ-ⵉⵙ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵔⵔⴻⴱⴻⵃ ⴷⴻⴳ ⵜⴰⵍⵍⵉⵜ ⵉ ⴷ-ⵉⵜⵜⴻⴷⴷⵓⵏ, ⵍⴰⴷⵖⴰ ⴷⴻⴳ ⵢⵉⵎⵓⴽⴰⵏ ⵓⴼⵔⵉⵏⴻⵏ, ⵉⵙⵙⵉⵡⴻⵍ ⵉ ⵢⵉⵎⴰⵙⵍⴰⴷⴻⵏ ⵏ ⵜⵎⴰⵣⴰⵏⵜ ⵉⵡⴰⴽⴽⴻⵏ ⴰⴷ ⴽⴻⵎⵎⵍⴻⵏ ⴷⴻⴳ ⵜⵓⵛⵛⵉⵜ-ⵏⵙⴻⵏ. ⵉⵙⵍⴻⵎ-ⴷ ⴷⴰⵖⴻⵏ ⵙ ⵜⵉⴽⵍⵉ ⵏ ⵜⵖⴻⵔⵎⴰ ⵏ ⵢⵉⵀ ⵓⴶⴶⴰⴶ ⵍⴻⵣⵣⴰⵢⵔⵉⵢⴻⵏ ⴷⴻⴳ ⵢⵉⵎⵓⴽⴰⵏ ⵏ ⴷⴷⵉⵏ ⵉ ⵢⴻⵔⵣⴰⵏ, ⵉⵙⵙⴻⴽⵏⴻⴷ ⴱⴻⵍⵍⵉ ⵎⵎⴰⵍⴻⵏ-ⴷ ⵙⵙⵢⵉⴼⴰ ⵏ ⵍⴻⵣⵣⴰⵢⴻⵔ ⵢⴻⵔⵏⴰ ⵙⵙⴰⵍⴰⵢⴻⵏ ⴰⵏⵏⴰⵢ-ⵉⵙ ⴷⴻⴳ ⵜⵎⵓⵔⴰ ⵓⴼⵔⵉⵏⴻⵏ".
ⴰⵔⵏⵓ ⵖⴻⵔ
