ⵙⵙⴰⵡⴹⴻⵏ ⵢⵉⵎⴰⵙⵍⴰⴷⴻⵏ ⵏ ⵜⵙⴻⴷⴷⴰⵔⵜ ⵏ ⵜⵎⴰⵏⴻⴳⵜ ⵏ ⵜⵏⴻⴼⵔⵓⵜ ⴷⴻⴳ ⵜⵎⴻⵏⵏⴰⵟ ⵜⵓⴷⴱⴻⵍⵜ ⵏ ⵡⴻⴹⴹⴰⵔ ⴰⵎⴻⵍⵍⴰⵍ (ⴹⴰⵔ ⴻⵍ ⴱⴻïⴹⴰ) ⵏ ⵜⵎⴰⵏⴻⴳⵜ ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ, ⴷⴻⴳ ⵜⴰⴳⴳⴰⵔⴰ ⵏ ⴷⴷⵓⵕⵜ ⵉⵄⴻⴷⴷⴰⵏ, ⴰⴷ ⵙⵃⴻⴱⴱⵙⴻⵏ ⵓⵎⴰⵀⵉⵍ ⵏ ⵙⴹⵉⵙ (06) ⵏ ⵢⵉⵎⴷⴰⵏⴻⵏ ⵉ ⵢⴻⵟⵟⴰⴼⴰⵔⴻⵏ ⵢⵉⵡⴻⵏ ⵏ ⵓⵣⴻⵟⵟⴰ ⵏ ⵜⴽⴻⵔⵔⵉⵛⵜ ⵜⵓⵙⵙⵓⴷⴻⵙⵜ, ⵉⵕⴻⵙⵙⴰⵏ ⴷⴻⴳ ⵜⵓⴽⴻⵔⴹⴰ ⵏ ⵜⵎⴻⴽⵍⵉⵡⵉⵏ. ⴰⵢⴰⴳⵉ ⵢⴻⵙⵙⴰⵡⴻⴹ ⵖⴻⵔ ⵓⵕⴰⴷ ⵏ ⵎⵔⴰⵡ ⴷ ⵢⵉⵡⴻⵜ (11) ⵏ ⵜⵎⴻⴽⵍⵉⵡⵉⵏ ⵢⴻⵜⵜⵡⴰⴽⵔⴻⵏ.
ⵜⴰⵍⵓⴼⵜ-ⴰⴳⵉ ⵜⴱⴻⴷⴷⴰ-ⴷ ⵙⴻⵍⴷ ⵎⵉ ⴷ-ⵢⴻⵡⵡⴻⴹ ⵢⵉⵡⴻⵏ ⵏ ⵓⵞⴻⵜⴽⴰⵢ ⵙⴻⴳ ⵢⵉⵡⴻⵏ ⵏ ⵓⵖⵔⵉⵎ ⵢⴻⵄⵏⴰⵏ ⵜⵓⴽⴻⵔⴹⴰ ⵏ ⵜⵎⴻⴽⵍⴰ-ⵙ. ⵉⵎⵓⵀⴻⵍⵍⴻⵏ ⵏ ⵜⵙⴻⴷⴷⴰⵔⵜ ⵍⴷⵉⵏ ⵜⵉⵎⵓⵖⵍⵉⵡⵉⵏ ⵏ ⵓⵏⴰⴷⵉ ⴷⴻⴳ ⵡⴰⵏⵏⴰⵔ, ⴰⵏⵉⴷⴰ ⵓⵏⴰⴷⵉ-ⴰⴳⵉ ⵢⴻⵙⵙⴰⵡⴻⴹ ⵖⴻⵔ ⵓⵙⴱⴰⴷⵓ ⵏ ⵜⵎⴰⴳⵉⵜ ⵏ ⵢⵉⵎⴰⵙⵍⴰⴷⴻⵏ ⵏ ⵓⵣⴻⵟⵟⴰ ⵏ ⵜⴽⴻⵔⵔⵉⵛⵜ ⵉ ⵉⵡⴻⵣⵏⴻⵏ ⵙⴹⵉⵙ ⵏ ⵢⵉⵎⴷⴰⵏⴻⵏ, ⴳⴰⵔ-ⴰⵙⴻⵏ ⵙⵉⵏ ⵉ ⴼⴻⵍⵍ-ⴰⵙⴻⵏ ⵢⵓⵔⴰ ⵓⵕⴻⵞⵞⵉⵢ ⵏ ⵓⴽⵎⴰⵣ.
ⵙ ⵓⵎⵙⴰⵙⴻⵢ ⵉ ⵉⵜⴻⴷⴷⵓⵏ ⴷ ⵜⵏⴻⴼⵔⵓⵜ ⵜⵓⴼⵔⵉⵏⵜ ⴷⴻⴳ ⵜⵎⴻⵏⵏⴰⵟ ⴷ ⵓⵙⴻⵍⴽⴻⵎ ⵏ ⵜⵏⴰⴹⵉⵏ ⵏ ⵓⵏⴰⴷⵉ ⵏ ⵢⵉⵅⵅⴰⵎⵎⴻⵏ ⵏ ⵢⵉⵎⵛⴻⴽⴽⴰⵢⴻⵏ, ⵜⵉⴳⴳⴰⵡⵜ-ⴰⴳⵉ ⵜⴻⵙⵙⴰⵡⴻⴹ ⴰⴷ ⴷ-ⵜⴰⴳⵎⴻⵔ ⵎⵔⴰⵡ ⴷ ⵢⵉⵡⴻⵜ (11) ⵏ ⵜⵎⴻⴽⵍⵉⵡⵉⵏ, 145 ⵏ ⵡⴰⴳⵉⵎⴰⵏ ⵏ ⴷⵉⵏⴰⵔ, 850 ⵏ ⵢⵉⵔⵓ (Euro), 09 ⵏ ⵜⴽⴰⵔⴹⵉⵡⵉⵏ ⵏ ⵓⵊⴻⵔⵔⴻⴷ ⵓⵔ ⵏⴻⵍⵍⵉ ⴷ ⵜⵉⴷⴻⵜ, ⴷ ⵢⵉⵎⵜⴰⵡⴰⵏ ⵏ ⵓⴽⵉⵔⵉ ⵏ ⵜⴽⴰⵔⵔⵓⵚⵉⵡⵉⵏ ⵢⴻⵄⵏⴰⵏ ⵓⵏⴰⴷⵉ.
ⵙⴻⵍⴷ ⴰⵙⵎⴻⴷ ⵏ ⵢⴰⴽⴽ ⵜⵉⴳⴳⴰⵜⵉⵏ ⵏ ⵓⵣⴻⵔⴼ ⵉⵕⴻⵙⵙⴰⵏⴻⵏ, ⵜⵜⵓⵏⴻⵎⵍⴻⵏ ⵢⵉⵎⵛⴻⴽⴽⴰⵢⴻⵏ ⵣⴷⴰⵜ ⵏ ⵓⵎⴻⵍⵍⴰⵍ ⵏ ⵜⴻⴳⴷⵓⴷⴰ ⴷⴻⴳ ⵜⵏⴻⴼⵔⵓⵜ ⵏ ⵡⴻⴹⴹⴰⵔ ⴰⵎⴻⵍⵍⴰⵍ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ.
ⴰⵔⵏⵓ ⵖⴻⵔ
