ⵜⴻⵙⵙⴰⵡⴻⴹ ⵜⵎⴰⵏⴻⴳⵜ ⵜⴰⵖⴻⵍⵏⴰⵡⵜ (ⴷⴳⵙⵏ), ⴷⴻⴳ ⵓⵙⴻⴳⴳⴰⵙ ⵏ 2025, ⴰⴷ ⴷ-ⵜⴰⴳⵎⴻⵔ (ⵃⵙⴰⵔ) ⴰⵣⴰⵍ ⵏ 7 ⵏ ⵢⵉⵟⵓⵏⵏⵓⵏⴻⵏ ⵏ ⵍⵇⴻⵏⵏⴻⴱ ⵏ ⵍⵀⴻⵏⴷ , ⵓⴳⴰⵔ ⵏ 665 ⴽⴳ ⵏ ⵓⴽⵓⴽⴰⵢⵉⵏ ⴷ ⵓⴳⴰⵔ ⵏ 20 ⵏ ⵢⵉⵎⴻⵍⵢⴰⵢⴻⵏ ⵏ ⵜⵉⴳⵏⴰⵜⵉⵏ ⵏ ⵓⵙⴷⴻⵔⵡⵉⵃ , ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵣⴰⵎⵓⵍ ⵉ ⴷ-ⵜⴻⵙⵙⵓⴼⴼⴻⵖ ⵜⵏⴻⵀⵎⴰⵍⵜ ⵜⴰⵎⴰⵜⵓⵜ ⵏ ⵜⵎⴰⵏⴻⴳⵜ ⵜⴰⵖⴻⵍⵏⴰⵡⵜ ⴰⵙⵙ-ⴰ ⵏ ⵜⵜⵍⴰⵜⴰ.
ⴰⵣⴰⵎⵓⵍ ⵢⴻⵄⵏⴰⵏ ⵉⵎⴰⵀⵉⵍⴻⵏ ⵏ ⵡⴰⵏⵏⴰⵔ ⵏ ⵜⵎⴰⵏⴻⴳⵜ ⵏ ⵓⵙⴻⴳⴳⴰⵙ ⵢⴻⵣⵔⵉⵏ, ⵉ ⴷ-ⵢⴻⵜⵜⵡⴰⵙⴻⵏⴽⴷⴻⵏ ⴷⴻⴳ ⵢⵉⵡⴻⵜ ⵏ ⵜⵏⴻⵖⵎⴰⵙⵜ , ⵉⵙⵙⴻⴽⵏⴻⴷ-ⴷ ⴱⴻⵍⵍⵉ "ⵜⵜⵡⴰⵃⵙⴰⵔⴻⵏ 7 ⵏ ⵢⵉⵟⵓⵏⵏⵓⵏⴻⵏ, 99 ⴽⴳ ⴷ 348 ⴳ ⵏ ⵍⵇⴻⵏⵏⴻⴱ ⵏ ⵍⵀⴻⵏⴷ, ⵓⴳⴰⵔ ⵏ 665 ⴽⴳ ⵏ ⵓⴽⵓⴽⴰⵢⵉⵏ, ⵔⵏⵉ-ⴷ ⴼⴻⵍⵍ-ⴰⵙⴻⵏ 2 ⴽⴳ ⴷ 710 ⴳ ⵏ ⵍⵀⵉⵔⵓⵢⵉⵏ, ⴷ ⵓⴳⴰⵔ ⵏ 20 ⵏ ⵢⵉⵎⴻⵍⵢⴰⵢⴻⵏ ⵏ ⵜⵉⴳⵏⴰⵜⵉⵏ ⵏ ⵓⵙⴷⴻⵔⵡⵉⵃ".
ⴷⴻⴳ ⵓⵏⵏⴰⵔ-ⴰⴳⵉ, ⴼⵔⴰⵏⵜ "ⴰⵣⴰⵍ ⵏ 175.920 ⵏ ⵜⴻⵎⵙⴰⵍ (affaires) ⵢⴻⵄⵏⴰⵏ ⵜⵉⴱⴱⴻⵉⵛⴻⵔⵜ ⵏ ⵓⵅⵓⵚⵚⵓ ⵏ ⵓⵙⴰⴷⵓⴼ ⵏ ⵙⵙⴻⵎ (drogues), ⵉ ⴷⴻⴳ ⵜⵜⴻⴽⴽⴻⵏ 192.252 ⵏ ⵢⵉⵎⵛⴻⴽⴽⴰⵢⴻⵏ (suspects)".
ⵜⴰⵏⴻⵀⵎⴰⵍⵜ ⵜⴰⵎⴰⵜⵓⵜ ⵏ ⵜⵎⴰⵏⴻⴳⵜ ⵜⴰⵖⴻⵍⵏⴰⵡⵜ ⵜⴻⵙⵙⴻⴼⵀⴻⵎ-ⴷ ⴱⴻⵍⵍⵉ ⴰⵙⴰⵍⵉ ⵏ ⵍⵇⴻⴷⴷ ⵏ ⵙⵙⴻⵎ ⵉ ⵢⴻⵜⵜⵡⴰⵃⵙⴰⵔⴻⵏ ⵢⵓⵙⴰ-ⴷ ⵙⴻⴳ "ⵓⵙⴻⴶⵀⴻⴷ ⵏ ⵜⵣⴻⵎⵎⴰⵔ ⵏ ⵡⴰⵏⵏⴰⵔ ⴷⴻⴳ ⵡⴰⵏⵏⴰⵔ, ⵍⴰⴷⵖⴰ ⵙⴻⵍⴷ ⴰⵙⴱⴻⴷⴷⵉ ⵏ ⵜⵙⴻⴷⴷⴰⵔⵉⵏ ⵓⴼⵔⵉⵏⴻⵏ ⵉ ⵓⵎⴻⵏⵏⵓⵖ ⵎⴳⴰⵍ ⵜⵓⵎⵏⴰⵏⵜ-ⴰⴳⵉ ⵉ ⵉⵃⴻⵚⵔⴻⵏ ⵍⴰⴷⵖⴰ ⵢⵉⵍⴻⵎⵣⵢⴻⵏ".
ⴷⴻⴳ ⵓⵏⵏⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵜⵉⴱⴱⴻⵉⵛⴻⵔⵜ ⵜⵓⵙⵙⵓⴷⴻⵙⵜ , ⵜⵉⵙⴻⴷⴷⴰⵔⵉⵏ ⵏ ⵜⵎⴰⵏⴻⴳⵜ ⵊⵔⴻⴷⴷⴻⵏ 448.343 ⵏ ⵜⴻⵎⵙⴰⵍ, ⴼⵔⴰⵏⵜ ⴷⴻⴳ-ⵙⴻⵏⵜ 378.223, ⴰⵏⵉⴷⴰ ⵜⵜⴻⴽⴽⴻⵏ 448.246 ⵏ ⵎⴻⴷⴷⴻⵏ ⴷⴻⴳ ⵢⴰⴽⴽ ⵢⴰⵏⴰⵡ ⵏ ⵜⴽⴻⵔⵔⵉⵛⵜ.
ⵎⴰ ⴷ ⴰⵎⴻⵏⵏⵓⵖ ⵎⴳⴰⵍ ⵜⴻⵖⵍⴰⵎ ⵏ ⵜⵎⴰⵢⵔⵉⵏ ⴷⴻⴳ ⵢⵉⵎⵓⴽⴰⵏ ⵏ ⵜⴻⵎⴷⵉⵏⵜ, ⵊⵔⴻⴷⴷⴻⵏ 146 ⵏ ⵜⴻⵎⵙⴰⵍ ⵉ ⴷ-ⵢⴻⵡⵡⵉⵏ 1168 ⵏ ⵎⴻⴷⴷⴻⵏ ⵣⴷⴰⵜ ⵏ ⵜⵏⴻⴼⵔⵓⵜ (justice).
ⴷⴻⴳ ⵜⴰⵎⴰ ⵏⵏⵉⴹⴻⵏ, ⴼⵔⴰⵏⵜ 3925 ⵏ ⵜⴻⵎⵙⴰⵍ ⵏ ⵓⵣⵓⵏⴻⵢ ⵏ ⵢⵉⵎⵏⵉⴳⵓⵏ , ⵉ ⴷⴻⴳ ⵜⵜⴻⴽⴽⴻⵏ 8978 ⵏ ⵎⴻⴷⴷⴻⵏ, ⴳⴰⵔ-ⴰⵙⴻⵏ ⵡⵉⴷ ⵢⴻⵙⵙⴻⵍⵡⴰⵢⴻⵏ ⵜⵎⵓⵀⴰⵍ ⴷ ⵡⵉⴷ ⵉⵕⴻⵙⵙⴰⵏ ⵉ ⵢⵉⵏⵉⴳ ⵓⴼⴼⵉⵔ. ⵉⵙⵙⴻⵎⵖⴻⵔ ⵓⵖⴱⴰⵍⵓ-ⵏⵏⵉ ⵙ "ⵓⵎⵙⴰⵙⴻⵢ ⵉⵕⴻⵙⵙⴰⵏ ⴳⴰⵔ ⵢⵉⵢⴻⵙⴽⵉⵔⴻⵏ ⵉⵡⴰⴽⴽⴻⵏ ⴰⴷ ⵙⴼⴻⵥⴻⵏ ⵉⵣⴻⵜⵜⴰ-ⴰⴳⵉ".
ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⴰⵎⴻⵏⵏⵓⵖ ⵎⴳⴰⵍ ⵜⵉⴱⴱⴻⵉⵛⴻⵔⵜ ⵜⴰⵇⵎⵉⵜ , ⵉⵎⴻⵥⵍⴰ-ⴰⴳⵉ ⵓⴼⴰⵏ ⴷⴻⴳ ⵓⵙⴻⴳⴳⴰⵙ ⵢⴻⵣ 13.204 ⵏ ⵜⴻⵎⵙⴰⵍ, ⴰⵏⵉⴷⴰ ⵜⵜⴻⴽⴽⴻⵏ 7815 ⵏ ⵎⴻⴷⴷⴻⵏ ⴷⴻⴳ ⵜⴽⴻⵔⵔⵉⵛⵉⵏ ⵏ ⵓⵙⵙⴻⵛⵔⴻⴽ , ⴰⵏⵡⴰⵍ ⵏ ⵢⵉⵣⴻⵔⴼⴰⵏ ⵏ ⵢⵉⴳⴻⵔⴷⴰⵏ ⴷ ⵓⵣⴻⵏⵣⵉ ⵏ ⵙⵙⴻⵍⵄⴰ ⵢⴻⵜⵜⵡⴰⵇⴻⴷⵄⴻⵏ ⵙ ⵓⴱⵔⵉⴷ ⵏ ⵉⵏⵜⴻⵔⵏⴻⵜ.
ⴰⵔⵏⵓ ⵖⴻⵔ
