ⵅⴻⴷⴷⵎⴻⵏ ⵢⵉⵎⴰⵙⵍⴰⴷⴻⵏ ⵏ ⵜⵀⵓⴷⴷⵓⵡⵜ ⵏ ⵓⵖⵔⵉⵎ, ⴷⴻⴳ ⵓⵣⴻⵏⵣⵉⵖ ⵏ ⵜⵎⴰⵣⴰⵏⵜ ⵜⴰⵣⵣⴰⵢⵔⵉⵜ ⵏ ⵍⵃⴻⴶⵊ, ⵉ ⵏⴼⴰⵄ ⵏ ⵢⵉⵃⵓⴶⴶⴰⴶ ⵍⴻⵣⵣⴰⵢⵔⵉⵢⴻⵏ ⵙ ⵓⵙⴻⵏⴽⴻⴷ ⵏ ⵢⵉⵎⴻⵥⵍⴰ ⵏ ⵓⵙⴻⵏⵄⴻⵜ, ⴰⵡⴻⵍⵍⴻⵀ ⴷ ⵜⵉⴳⴳⴰⵡⵜ ⵏ ⵓⵃⵔⴰⵣ, ⵉⵡⴰⴽⴽⴻⵏ ⴰⴷ ⵅⴻⴷⵎⴻⵏ ⵜⵉⴳⴳⴰⵜⵉⵏ-ⵏⵙⴻⵏ ⵏ ⴷⴷⵉⵏ ⴷⴻⴳ ⵜⴻⴳⵏⴰⵜⵉⵏ ⵉⴼⴰⵣⴻⵏ.
ⴷⴻⴳ ⵓⵏⵏⴰⵔ-ⴰⴳⵉ, ⴰⵎⴹⴻⴱⴱⴻⵔ ⵏ ⵓⵃⵔⵉⵛ ⵏ ⵓⵃⵔⴰⵣ ⴷ ⵓⵙⴻⵏⵄⴻⵜ ⴷⴻⴳ ⵜⵎⴰⵣⴰⵏⵜ ⵜⴰⵣⵣⴰⵢⵔⵉⵜ, ⵍⵄⴻⵇⵉⴷ (Colonel) ⴼⵓⵓⴰⴷ ⵍⴰⴰⵍⴰⵓⵓⵉ, ⵉⵙⵙⴻⴼⵀⴻⵎ-ⴷ ⴰⵙⵙ-ⴰ ⵏ ⵜⵜⵍⴰⵜⴰ ⴱⴻⵍⵍⵉ ⵜⴰⵔⴱⴰⵄⵜ ⵏ ⵜⵃⵓⴷⴷⵓⵡⵜ ⵏ ⵓⵖⵔⵉⵎ ⵉ ⴷⴻⴳ ⵍⵍⴰⵏ 205 ⵏ ⵢⵉⵎⴰⵙⵍⴰⴷⴻⵏ, ⵢⴻⴱⴹⴰⵏ ⵖⴻⴼ ⵡⴰⵎⵎⴰⵙⴻⵏ ⵏ ⵎⴰⴽⴽⴰ ⵜⴰⴱⴰⵕⴰⴽⵜ, ⵜⴰⵎⴷⵉⵏⵜ ⵜⴰⴱⴰⵕⴰⴽⵜ ⴷ ⵓⵙⴰⴳⴻⵏ ⵏ ⵊⵉⴷⴷⴰ, ⵜⴻⵜⵜⴽⴻⵎⵎⵉⵍ ⵍⵎⴻⴶⵀⵓⴷⴰⵜ-ⵉⵙ ⴷⴻⴳ ⵓⵎⴻⵥⵍⵓ ⵏ ⵢⵉⵎⴱⵔⵓⴽⴻⵏ ⵏ ⵕⴻⴱⴱⵉ ⵙ ⵓⵎⵙⴰⵙⴻⵢ ⴷ ⵢⵉⵎⴰⵙⵍⴰⴷⴻⵏ ⵏ ⵜⵎⴰⵣⴰⵏⵜ ⵎⴻⵕⵕⴰ.
ⴰⵎⴰⵀⵉⵍ ⵉⵕⴻⵙⵙⴰⵏ ⵏ ⵢⵉⵎⴰⵙⵍⴰⴷⴻⵏ ⵏ ⵜⵃⵓⴷⴷⵓⵡⵜ ⵏ ⵓⵖⵔⵉⵎ ⴷ ⴰⵃⵔⴰⵣ ⵏ ⵢⵉⵃⵓⴶⴶⴰⴶ ⴷ ⵓⵙⴼⵓⵍⴻⵍ-ⵏⵙⴻⵏ ⴷⴻⴳ ⵡⴰⵏⵏⴰⵔ, ⵍⴰⴷⵖⴰ ⵙ ⵓⵙⵏⴻⵔⵏⵉ ⵏ ⵓⵎⴹⴰⵏ ⵏ ⵡⵉⴷ ⵉ ⴷ-ⵢⴻⵜⵜⴰⵡⴹⴻⵏ ⵖⴻⵔ ⵎⴰⴽⴽⴰ ⵙⴻⴳ ⵊⵉⴷⴷⴰ ⴷ ⵜⴻⵎⴷⵉⵏⵜ ⵜⴰⴱⴰⵕⴰⴽⵜ.
ⵜⴰⵡⵉⵍⴰ ⵏ ⵜⴻⵔⴱⴰⵄⵜ-ⴰⴳⵉ ⵜⴱⴰⵏ-ⴷ ⵙ ⵓⴼⵔⴰⵇ ⵏ ⵢⵉⵎⴰⵙⵍⴰⴷⴻⵏ-ⵉⵙ, 24 ⵏ ⵜⵙⴰⵄⵜⵉⵏ ⵖⴻⴼ 24, ⴷⴻⴳ ⵢⴰⴽⴽ ⵉⵎⵓⴽⴰⵏ ⵏ ⵓⴷⴻⴳⴳⴻⵔ ⵏ ⵢⵉⵃⵓⴶⴶⴰⴶ ⴷⴻⴳ ⵢⵉⵙⴻⵏⵙⵓⵢⴻⵏ (hôtels) ⴷ ⵜⴻⵡⵡⵓⵔⴰ ⵏ ⵍⴶⴰⵎⴻⵄ ⵏ ⵍⵃⴰⵔⴰⵎ, ⵉⵡⴰⴽⴽⴻⵏ ⴰⴷ ⴼⵙⵉⵙⴻⵏ ⵜⵉⴷⴷⵉ-ⵏⵙⴻⵏ ⵓ ⴰⴷ ⴷ-ⵉⵍⵍⵉⵏⵜ ⵜⵉⴳⴳⴰⵜⵉⵏ ⵙ ⵜⴰⵣⵣⵍⴰ ⵎⴰ ⵢⴻⵍⵍⴰ-ⴷ ⵡⵓⴳⵓⵔ. ⴷⴰⵖⴻⵏ, ⵉⵟⵟⴰⴽⴻⵏ ⵜⴰⵍⵍⴰⵍⵜ ⵉ ⵡⵉⴷ ⵉⵄⴻⴷⵍⴻⵏ ⴰⴱⵔⵉⴷ ⵏⴻⵖ ⵡⵉⴷ ⵉⵙⵓⵜⵜⵓⵔⴰⵏ ⴰⵡⴻⵍⵍⴻⵀ ⵖⴻⵔ ⵢⵉⵅⵅⴰⵎⵎⴻⵏ ⵏ ⵜⵏⴻⵣⴷⵓⵖⵜ-ⵏⵙⴻⵏ ⵙⴻⵍⴷ ⵜⴰⵥⴰⵍⵍⵉⵜ ⴷⴻⴳ ⵍⵃⴰⵔⴰⵎ ⵉ ⵢⴻⵙⵄⴰⵏ ⵓⴳⴰⵔ ⵏ ⵙⵏⴰⵜ ⵏ ⵜⵎⵉⴹⵉⵢⵉⵏ (200) ⵏ ⵜⴻⵡⵡⵓⵔⴰ.
ⵙⴻⴳ ⵜⴰⵎⴰ ⵏⵏⵉⴹⴻⵏ, ⵉⵎⴰⵙⵍⴰⴷⴻⵏ ⵏ ⵜⵃⵓⴷⴷⵓⵡⵜ ⵏ ⵓⵖⵔⵉⵎ ⵜⵜⴻⴳⴳⴻⵏ ⵉⵡⴰⴽⴽⴻⵏ ⴰⴷ ⵙⵙⴻⵜⴼⵉⵀⵎⴻⵏ ⵢⵉⵃⵓⴶⴶⴰⴶ ⵖⴻⴼ ⵡⴰⵣⴰⵍ ⵏ ⵓⵇⴰⴷⴻⵔ ⵏ ⵜⴰⵔⵔⴰⵢⵉⵏ ⵏ ⵓⵃⵔⴰⵣ ⴷ ⵓⵙⵓⴷⴷⴻⵙ ⵢⴻⵄⵏⴰⵏ ⵢⴰⴽⴽ ⵢⴻⵙⵡⵉⵔⴻⵏ ⵏ ⵍⵃⴻⴶⵊ.
ⴷⴻⴳ ⵓⴱⵔⵉⴷ-ⴰⴳⵉ, ⵉⵃⵓⴶⴶⴰⴶ ⵍⴻⵣⵣⴰⵢⵔⵉⵢⴻⵏ ⵙⵏⴻⴽⴷⴻⵏ ⵍⵎⴻⴶⵀⵓⴷⴰⵜ ⵉⵎⴻⵇⵇⵔⴰⵏⴻⵏ ⵏ ⵜⵃⵓⴷⴷⵓⵡⵜ ⵏ ⵓⵖⵔⵉⵎ, ⵏⵏⴰⵏ-ⴷ ⴱⴻⵍⵍⵉ ⵜⵉⵍⵉⵜ-ⵏⵙⴻⵏ ⴷⴻⴳ ⵡⴰⵏⵏⴰⵔ ⵜⴻⵜⵜⴰⴽ-ⴰⵙⴻⵏ ⵍⵃⵉⵙ ⵏ ⵜⵎⴰⵏⴻⴳⵜ ⴷ ⵍⵉⵙⴻⵔ, ⴷ ⴰⵢⴻⵏ ⵉ ⵜⴻⵏ-ⵉⵟⵟⴻⴶⴶⴰⵏ ⴰⴷ ⵅⴻⴷⵎⴻⵏ ⵜⵉⴳⴳⴰⵜⵉⵏ ⵏ ⵍⵃⴻⴶⵊ ⵙ ⵡⵓⵍ ⵢⴻⵃⵏⴰⵏ.
ⴰⵔⵏⵓ ⵖⴻⵔ
