ⵉⵙⴻⵍⵍⴻⵎ ⵓⵏⴻⵖⵍⴰⴼ ⵏ ⵜⴻⵎⴳⵓⵔⵉ ⵜⴰⵙⴰⴼⴰⵔⴰⵏⵜ, ⵎⴰⵙⵙ ⵡⴰⵙⵙⵉⵎ ⴽⵓⵓⵉⴷⵔⵉ, ⵉ ⵓⵏⴻⵖⵍⴰⴼ ⵏ ⵜⴰⵣⵣⵉⵜ ⵏ ⵏⵏⵉⴶⴻⵔ, ⵎⴰⵙⵙ ⴳⴰⵔⴱⴰ ⵀⴰⴽⵉⵎⵉ, ⵉⵡⴰⴽⴽⴻⵏ ⴰⴷ ⵇⴻⵔⴷⵛⴻⵏ ⵉⵙⵏⵉⵢⴰⵍⴻⵏ ⵏ ⵓⵎⵢⴻⵛⵛⴻⵔ ⴷ ⵜⴷⵓⴽⵍⵉ ⴳⴰⵔ ⵙⵏⴰⵜ ⵏ ⵜⵎⵓⵔⴰ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⵜⵉⵎⵍⵉⵍⵉⵜ-ⴰⴳⵉ, ⵉ ⴷ-ⵢⵉⵍⵍⴰⵏ ⵉⴹⴻⵍⵍⵉ ⵏ ⵜⵜⵍⴰⵜⴰ ⴷⴻⴳ ⵓⴱⵉⵕⵓ ⵏ ⵜⵏⴻⵀⵍⴰⴼⵜ, ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵓⵙⴻⴶⵀⴻⴷ ⵏ ⵡⴰⵙⵙⴰⵖⴻⵏ ⵏ ⵓⵎⵢⴻⵛⵛⴻⵔ ⵏ ⵙⵉⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⵜⵉⵙⵏⵉⵡⵉⵏ ⴷⴻⴳ ⵓⵏⵏⴰⵔ ⵏ ⵜⴻⵎⴳⵓⵔⵉ ⵜⴰⵙⴰⴼⴰⵔⴰⵏⵜ, ⵙ ⵓⵇⴰⴷⴻⵔ ⵏ ⵜⵓⵔⴰⴹ ⵏ ⵢⵉⵎⴹⴻⴱⴱⵔⴻⵏ ⵏ ⵍⴻⵣⵣⴰⵢⴻⵔ ⴷ ⵏⵏⵉⴶⴻⵔ ⵉ ⵢⴻⴱⵖⴰⵏ ⴰⴷ ⵙⵙⴻⵎⵖⴻⵔⴻⵏ ⵉⵙⵏⵉⵢⴰⵍⴻⵏ ⵏ ⵜⴷⵓⴽⵍⵉ ⴷ ⵓⵙⵉⴷⵔⴻⵡ , ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵙⵉⵡⴹ.
ⴷⴻⴳ ⵜⴻⴳⵏⵉⵜ-ⴰⴳⵉ, ⵙⵏⴻⴽⴷⴻⵏ-ⴷ ⵍⴻⴱⵖⵉ ⴰⵎⴻⵣⴷⴰⵢ ⵏ ⵙⵏⴰⵜ ⵏ ⵜⵎⵓⵔⴰ ⵉ ⵓⵙⴰⵍⵉ ⵏ ⵓⵙⵡⵉⵔ ⵏ ⵓⵎⵢⴻⵛⵛⴻⵔ ⴷⴻⴳ ⵓⵏⵏⴰⵔ ⵏ ⵜⴻⵎⴳⵓⵔⵉ ⵏ ⵢⵉⵙⴰⴼⴰⵔⴻⵏ ⵉⵡⴰⴽⴽⴻⵏ ⴰⴷ ⴷ-ⵢⴰⵡⴻⴹ ⵉ ⵢⵉⵙⴰⵔⴰⵎⴻⵏ ⵏ ⵢⵉⴳⵓⵔⴻⴼ ⵏⴼⴰⵄⴻⵏ ⵓ ⴰⴷ ⵉⵄⴰⵡⴻⵏ ⴷⴻⴳ ⵓⵙⴻⴶⵀⴻⴷ ⵏ ⵜⵎⴰⵏⴻⴳⵜ ⵜⴰⵙⴰⴼⴰⵔⴰⵏⵜ ⴷⴻⴳ ⵜⴻⵎⵏⴰⵟ.
ⵉⵎⴻⵙⵍⴰⵢⴻⵏ ⵡⵡⵉⵏ-ⴷ ⴷⴰⵖⴻⵏ ⵖⴻⴼ ⵜⴰⵔⵔⴰⵢⵉⵏ ⵏ ⵓⵡⴻⵣⵣⵉ ⵉ ⵜⵓⴽⴽⵉⵙⵉⵡⵉⵏ (needs) ⵏ ⵓⴳⴻⴷⴻⵣ ⵏ ⵏⵏⵉⴶⴻⵔ ⵙⴻⴳ ⵢⵉⵙⴰⴼⴰⵔⴻⵏ ⴷ ⵜⵉⴳⵏⴰⵜⵉⵏ (ⵠⴰⵛⵛⵉⵏⵙ) ⵢⴻⵜⵜⵡⴰⵅⴻⴷⵎⴻⵏ ⴷⴻⴳ ⵍⴻⵣⵣⴰⵢⴻⵔ, ⵎⴻⴱⵍⴰ ⵎⴰ ⵏⴻⵜⵜⵓ ⴰⵙⴼⵓⵍⴻⵍ ⵏ ⵡⴰⵜⵎⴰⵜⴻⵏ ⵏ ⵏⵏⵉⴶⴻⵔ ⵉ ⵓⵙⵏⴻⴼⵍⵉ ⵏ ⵜⵣⴻⵎⵎⴰⵔ-ⵏⵙⴻⵏ ⴷⴻⴳ ⵓⵏⵏⴰⵔ-ⴰⴳⵉ ⵙ ⵓⴱⵔⵉⴷ ⵏ ⵓⴷⴻⴳⴳⴻⵔ ⵏ ⵜⴷⵓⴽⵍⵉ ⴷ ⵓⵏⵉⴳ ⵏ ⵜⵎⵓⵙⵏⵉ ⴷ ⵜⵉⵜⵉⴽⵏⵓⵍⵓⴶⵉⵢⵉⵏ ⵜⴰⵜⵉⴽⵏⵉⴽⵉⵏ.
ⴷⴻⴳ ⵜⴰⴳⴳⴰⵔⴰ ⵏ ⵜⴻⵎⵍⵉⵍⵉⵜ, ⵙⵉⵏ ⵏ ⵢⵉⴽⵓⴱⴰⵔ ⵉⵄⴰⵡⴷⴻⵏ ⵙⵏⴻⴽⴷⴻⵏ ⵜⵓⵛⵛⵉⵜ-ⵏⵙⴻⵏ ⵉ ⵓⴽⴻⵎⵎⴻⵍ ⵏ ⵓⵎⵙⴰⵙⴻⵢ ⴷ ⵓⵎⴰⵀⵉⵍ ⴰⵎⴻⵣⴷⴰⵢ ⵉ ⵓⵙⴱⴻⴷⴷⵉ ⵏ ⵢⵉⵙⴻⵏⴼⴰⵔⴻⵏ ⵉ ⴼⴻⵍⵍ-ⴰⵙ ⵎⵜⴰⵡⴰⵏ, ⵉⵡⴰⴽⴽⴻⵏ ⴰⴷ ⵙⴻⴶⵀⴷⴻⵏ ⵡⴰⵙⵙⴰⵖⴻⵏ ⵏ ⵜⴻⴳⵎⴰⵜ ⴷ ⵓⵎⵢⴻⵛⵛⴻⵔ ⴳⴰⵔ ⵍⴻⵣⵣⴰⵢⴻⵔ ⴷ ⵏⵏⵉⴶⴻⵔ ⵓ ⴰⴷ ⵙⴷⴻⴳⴳⴻⵔⴻⵏ ⵜⴰⵎⴰⵏⴻⴳⵜ ⵏ ⵜⴰⵣⵣⵉⵜ ⵏ ⵙⵏⴰⵜ ⵏ ⵜⵎⵓⵔⴰ.
ⴰⵔⵏⵓ ⵖⴻⵔ
